ട്രെയിൻ യാത്രകൾ സുരക്ഷിതമാക്കുവാനായി ശ്രദ്ധിക്കേണ്ട കാര്യങ്ങൾ..

Total
0
Shares

ഏറ്റവും ചെലവുകുറഞ്ഞതും എന്നാൽ അത്യാവശ്യം വേഗതയുള്ളതുമായ ഗതാഗത മാർഗ്ഗമാണ് ഇന്ത്യൻ റെയിൽവേ. എന്നാൽ ദീർഘദൂര ബസ് യാത്രകളേക്കാൾ സുരക്ഷിതമല്ല ട്രെയിൻ യാത്രകൾ എന്നാരെങ്കിലും ചിന്തിച്ചിട്ടുണ്ടോ? ട്രെയിൻ യാത്രകൾ സുരക്ഷിതമാക്കുവാനായി ശ്രദ്ധിക്കേണ്ട കാര്യങ്ങൾ വിവരിച്ചു തരാം.

നിങ്ങൾ ട്രെയിനിൽ യാത്ര ചെയ്യുവാനെടുക്കുന്ന ദൂരവും സമയവും അനുസരിച്ച് നിങ്ങൾക്ക് അനുയോജ്യമായ കോച്ച് വേണം തിരഞ്ഞെടുക്കുവാൻ. ഉദാഹരണത്തിന് തിരുവനന്തപുരത്തു നിന്നും എറണാകുളത്തേക്ക് പോകുവാൻ സാധാരണ ജനറൽ കോച്ചിൽ ആയാലും വലിയ കുഴപ്പമൊന്നുമില്ല. ഒറ്റപ്പെട്ട ചില സംഭവങ്ങൾ ഒഴിച്ചാൽ പൊതുവെ കേരളത്തിലെ ട്രെയിൻ യാത്രകൾ സുരക്ഷിതമാണു താനും.

എന്നാൽ കേരളത്തിനു വെളിയിലേക്കാണ് നിങ്ങളുടെ യാത്രയെങ്കിൽ കുറഞ്ഞത് സ്ലീപ്പർ കോച്ചെങ്കിലും യാത്രയ്ക്കായി തിരഞ്ഞെടുക്കണം. നോർത്ത് ഇന്ത്യയിലേക്കാണ് നിങ്ങളുടെ യാത്രയെങ്കിൽ സ്ലീപ്പർ കോച്ച് പോലും ജനറൽ കോച്ചിനു സമാനമാക്കും അവിടത്തെ യാത്രക്കാർ.

ട്രെയിൻ യാത്രകൾക്കിടയിൽ പരമാവധി ലഗേജുകൾ കുറയ്ക്കുവാൻ ശ്രമിക്കുക. വിലപിടിപ്പുള്ള സാധനങ്ങൾ ഭദ്രമായി ലോക്ക് ചെയ്തു വെക്കുകയും വേണം. പണം സൂക്ഷിക്കുവാനായി പോക്കറ്റിലെ പഴ്‌സിനേക്കാൾ നല്ലത് ബെൽറ്റ് പോലെ അരയ്ക്ക് ചുറ്റും ധരിക്കുന്ന മണി പൗച്ച് ആണ്.ട്രെയിൻ യാത്രകൾക്കിടയിൽ ചിലപ്പോൾ കള്ളന്മാരുടെ കണ്ണുകൾ നിങ്ങളുടെ മേലാകാം. അതിനാൽ പരിസരം മറന്നു ഉറങ്ങാതിരിക്കുക. ലഗേജുകളിലും ഒരു ശ്രദ്ധ വേണം. പ്രത്യേകിച്ച് നിങ്ങളുടെ യാത്ര ഒറ്റയ്ക്കാണെങ്കിൽ.

ദീർഘദൂര യാത്രകളിൽ ബോറടി മാറ്റുവാൻ പരിചയമില്ലാത്ത സഹയാത്രികരോട് സംസാരിക്കുന്നതൊക്കെ കൊള്ളാം. പക്ഷെ ഒരിക്കലും ആരെയും വിശ്വസിക്കുവാൻ പാടില്ല. ഭക്ഷണ സാധനങ്ങളോ വെള്ളമോ ആരിൽ നിന്നും സ്വീകരിക്കുവാൻ പാടില്ല. നിങ്ങൾക്ക് ആവശ്യമായ ലഘു ഭക്ഷണങ്ങളും വെള്ളവുമൊക്കെ കൂടെ കരുതുക. അല്ലെങ്കിൽ ട്രെയിനുകളിൽ വിൽക്കാൻ വരുന്നവരിൽ നിന്നും വാങ്ങുക. ഇങ്ങനെ വാങ്ങുന്ന വെള്ളത്തിന് പ്രത്യേകിച്ച് ഗ്യാരണ്ടി ഒന്നുമില്ല കേട്ടോ. പിന്നെ ദാഹമടക്കാൻ വേറെ മാർഗ്ഗമില്ലാതാകുമ്പോൾ ചെളിവെള്ളമായാലും നമ്മൾ കുടിച്ചുപോകും.

അതുപോലെ തന്നെ മറ്റൊരു കാര്യം കൂടി ശ്രദ്ധിക്കേണ്ടതാണ്. എന്തെന്നാൽ സഹയാത്രികർ നിങ്ങളുടെ കയ്യിൽ നിന്നും വെള്ളം കുടിക്കാനായി വാങ്ങുകയാണെങ്കിൽ അവർ അത് വാങ്ങി തിരികെ തരുന്നതുവരെ ശ്രദ്ധയോടെ വീക്ഷിക്കുക. വെള്ളം കുടിക്കാൻ കൊടുത്തിട്ട് നമ്മുടെ ശ്രദ്ധ തെറ്റിയാൽ ചിലപ്പോൾ ആ വെള്ളത്തിൽ മയക്കുമരുന്ന് ചേർക്കുവാനുള്ള സാധ്യതകളുണ്ട്. ടീമായി കയറുന്ന കള്ളന്മാരിൽ ഒരാൾ വെള്ളം വാങ്ങുമ്പോൾ കൂടെയുള്ളയാൾ നമ്മുടെ ശ്രദ്ധ തിരിക്കുവാൻ ശ്രമിക്കും. ആരും ഒട്ടും പ്രതീക്ഷിക്കാത്ത ഒരു കാര്യമാണിത്. എന്നുവെച്ച് ദാഹിക്കുന്നവർക്ക് വെള്ളം കൊടുക്കേണ്ട എന്നല്ല. കൊടുക്കുകയാണെങ്കിൽ ഈ കാര്യം ഒന്നു ശ്രദ്ധിക്കുക.

മദ്യപിക്കുന്ന ശീലമുള്ളവർ ഒരിക്കലും ട്രെയിൻ യാത്രയ്ക്കിടയിൽ ആ സാധനം ഉപയോഗിക്കുവാനേ പാടില്ല. പണി പല വഴിയിൽക്കൂടി വരും. അതുപോലെ തന്നെ സഹയാത്രികർ കമ്പനി കൂടാൻ വിളിച്ചാലും സ്നേഹപൂർവ്വം നിരസിക്കുക. എന്തിനാണ് വെറുതെ ഇല്ലാത്ത വയ്യാവേലി എടുത്ത് തലയിൽ വെക്കുന്നത്.

കൂടുതൽ സുരക്ഷിതമാണെന്നു വിചാരിച്ച് സ്ത്രീകൾ വനിതാ കമ്പാർട്ട്മെന്റ് തിരഞ്ഞെടുക്കുന്നതിൽ വലിയ കാര്യമൊന്നുമില്ല. വനിതാ കമ്പാർട്ട്മെന്റിനെക്കാളും കൂടുതൽ സുരക്ഷിതമായത് സാധാരണ കോച്ചുകൾ തന്നെയാണ്. ഇതൊക്കെ കേട്ടിട്ട് ട്രെയിനിൽ യാത്ര ചെയ്യുവാൻ പേടിയൊന്നും വിചാരിക്കേണ്ട. നിങ്ങൾ കുറച്ചുകൂടി ജാഗ്രത പുലർത്തുവാനാണ് ഈ കാര്യങ്ങളെല്ലാം പറഞ്ഞുതന്നത്.

ട്രെയിൻ യാത്രകൾ തുടങ്ങുന്നതിനു മുൻപേ അത്യാവശ്യ ഘട്ടങ്ങളിൽ ബന്ധപ്പെടാവുന്ന റെയിൽവേ ഫോൺ നമ്പറുകൾ, എമർജൻസി നമ്പറുകൾ എന്നിവ കുറിച്ചു വെക്കുക. യാത്രയ്ക്കിടയിൽ സംശയാസ്പദമായി എന്തെങ്കിലും കാണുകയോ അനുഭവിക്കുകയോ ചെയ്‌താൽ ഉടനെ റെയിൽവേ പോലീസിനെ ബന്ധപ്പെടാവുന്നതാണ്. ഇന്ത്യയിലെവിടെയും നിങ്ങൾക്ക് 182 എന്ന ടോൾഫ്രീ നമ്പറിൽ റെയിൽവേ പോലീസിനെ വിളിക്കാം.

ട്രെയിൻ യാത്രകൾ സുരക്ഷിതമാക്കാൻ ഒരു ഓർമ്മപ്പെടുത്തൽ: കേരള റെയിൽവേ പൊലീസിന് വേണ്ടി സോഷ്യൽ മീഡിയ സെൽ തയ്യാറാക്കിയ ഹ്രസ്വചിത്രമാണ് മുകളിൽ കൊടുത്തിരിക്കുന്നത്. എല്ലാവരും ജാഗ്രതയോടെ യാത്ര ചെയ്യുക.. ഹാപ്പി ജേർണി..

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post