സ്വന്തം കുടുംബത്തെ നോക്കാനായി വ്‌ളോഗറായി മാറിയ അവിനാശ്

Total
263
Shares

‘ട്രാവൽ വിത്ത് വ്ലോഗേഴ്‌സ്’ എന്ന സീരീസിന്റെ നാലാമത്തെ എപ്പിസോഡ് പ്രശസ്തമായ Avi Vlogz ൻ്റെ കൂടെയായിരുന്നു. അവിനാശ് എന്ന ചെട്ടികുളങ്ങര സ്വദേശിയാണ് Avi Vlogz എന്ന ചാനൽ നടത്തുന്നത്. ഹോണ്ട ഡിയോ സ്‌കൂട്ടറുമായി ഇന്ത്യ മുഴുവൻ കറങ്ങിയതോടെയാണ് അവിനാശ് പ്രശസ്തനാകുന്നത്. ഏകദേശം അഞ്ചു മാസത്തോളം എടുത്താണ് അവിനാശ് തൻ്റെ സ്‌കൂട്ടറുമായി ഇന്ത്യ ചുറ്റിത്തിരിഞ്ഞു തിരിച്ചെത്തിയത്.

വളരെ താഴ്ന്ന ഒരു ചുറ്റുപാടിൽ നിന്നും വളർന്നു വന്ന ചരിത്രമാണ് അവിനാഷിന്റെത്. മരപ്പലക കൊണ്ട് നിർമ്മിച്ച വീട്ടിലാണ് ഇന്നും അവിനാശ് താമസിക്കുന്നത്. അച്ഛനും അമ്മയും അനിയനും അടങ്ങുന്നതാണ് അവിനാശിന്റെ കുടുംബം. കഷ്ടപ്പാട് നിറഞ്ഞ ജീവിതം കരയ്ക്കു കയറ്റുവാൻ, സ്വന്തം കുടുംബത്തെ നോക്കാനായി യൂട്യൂബ് കരിയർ ആയി തെരഞ്ഞെടുത്തയാളാണ് അവിനാശ്.

നല്ലൊരു വീട് ഇല്ലാത്തവർക്കായി സർക്കാർ ഭവന പദ്ധതികൾ നിലവിലുണ്ടെങ്കിലും, അവിനാശിന് നല്ലൊരു ഒരു വീട് എന്നത് ആരും യാഥാർഥ്യമാക്കി കൊടുത്തില്ല എന്നതാണ് സത്യം. അർഹതപ്പെട്ട സഹായങ്ങൾ ലഭിക്കാൻ ബുദ്ധിമുട്ടാണ് എന്ന് നിരാശയോടെ മനസ്സിലാക്കിയപ്പോൾ സ്വപ്രയത്നത്താൽ വീട് വെക്കണം എന്ന ആഗ്രഹവുമായാണ് അവിനാശ് വ്ലോഗിങ് രംഗത്തേക്ക് കടന്നു വന്നത്.

അവിനാശിന്റെ വീട്ടിൽ കുടുംബാംഗങ്ങളെ കൂടാതെ പൂച്ചയും പട്ടിയുമൊക്കെ ഉണ്ട്. വളർത്തു മൃഗങ്ങളോട് അവിനാശിന് വല്ലാത്തൊരു ആത്മബന്ധമാണ് ഉള്ളത്. അവിനാശിന്റെ ഓമനയായ പേർഷ്യൻ ക്യാറ്റിനെ കണ്ടാൽ ആരും ഒന്നമ്പരന്നു പോകും. കൂടാതെ ചെറിയ രീതിയിലുള്ള മീൻ വളർത്തലും ഉണ്ട്.

ഐടിഐ പഠനത്തിനു ശേഷം അവിനാശ് ഒരു ഷോപ്പിൽ ജോലിയ്ക്ക് നിൽക്കുകയായിരുന്നു. അതിനിടെയാണ് യൂട്യൂബ് വീഡിയോകൾ ചെയ്യുവാൻ ആരംഭിച്ചത്. പൂച്ചയേയും, ഗപ്പി മീനുകളെയും വളർത്തുന്നതിനെക്കുറിച്ചും, അവയെ എങ്ങനെ പരിപാലിക്കാം എന്നുമൊക്കെ ആയിരുന്നു അവിനാശ് ആദ്യകാലങ്ങളിൽ ചെയ്ത വീഡിയോകൾ. ഈ വീഡിയോകൾ പെട്ടെന്ന് വൈറലാകുകയും, Avi Vlogz ചാനലിന് ഫോളോവേഴ്സ് എളുപ്പത്തിൽ വർദ്ധിക്കുകയും ചെയ്തു.

അതിനു ശേഷം നേപ്പാളിലേക്ക് ഹിച്ച് ഹൈക്കിംഗ് നടത്തി അവിനാശ് തൻ്റെ യാത്രാസ്വപ്നങ്ങൾക്ക് തിരികൊളുത്തി. അങ്ങനെയാണ് അവിനാശ് തൻ്റെ ഹോണ്ട ഡിയോ സ്‌കൂട്ടറുമായി ഇന്ത്യ മുഴുവനും കറങ്ങുവാനായി പോകുന്നത്. ഈ യാത്രയോടെയാണ് അവിനാശും Avi Vlogz ചാനലും കൂടുതൽ ജനപ്രിയമായി ഹിറ്റ് ആകുന്നത്.

ഇന്ത്യ മുഴുവനും ചുറ്റിയെങ്കിലും, കേരളത്തിൽ ഇനിയും ധാരാളം സ്ഥലങ്ങൾ കാണുവാനുണ്ടെന്നു അവിനാശ് പറയുന്നു. കുറച്ചു നാളുകൾക്കു ശേഷം കേരളത്തിൽ നിന്നും സിംഗപ്പൂരിലേക്ക് സൈക്കിളിലോ, സ്‌കൂട്ടറിലോ പോകണം എന്നാണു അവിനാഷിന്റെ ആഗ്രഹം. ഇതൊന്നുമല്ല, ഒരു നല്ല വീട് വെക്കുക എന്നതാണ് അവിനാശിന്റെ പ്രധാനപ്പെട്ട ലക്‌ഷ്യം. ആ സ്വപ്നം അധികം വൈകാതെ സാക്ഷാത്കരിക്കണം എന്നാണ് തൻ്റെ ആഗ്രഹമെന്ന് അവിനാശ് പറയുമ്പോൾ കണ്ണിൽ പ്രതീക്ഷയുടെ നാളങ്ങൾ ദൃശ്യമായിരുന്നു.

അവിനാശിന് ഒരു വീട് വെക്കുവാൻ നമ്മൾ എല്ലാവരും കൂടി വിചാരിച്ചാൽ നടക്കാവുന്നതേയുള്ളു. അതിനായി നിങ്ങളുടെ വിലയേറിയ
അഭിപ്രായങ്ങൾ ഷെയർ ചെയ്യൂ. അവിയെ നേരിട്ട് ബന്ധപ്പെടുവാൻ: 6282859319.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post

തിരുവനന്തപുരത്തു നിന്നും ഒരു മണിക്കൂര്‍ കൊണ്ട് കാണാം ഈ വെള്ളച്ചാട്ടങ്ങള്‍…

മനസ്സു കുളിര്‍പ്പിക്കാന്‍ ഏതെങ്കിലും സ്ഥലങ്ങളിലേക്ക് യാത്ര പോകുവാന്‍ പ്ലാന്‍ ചെയ്യുന്നവരാണ് പലരും. അങ്ങനെയെങ്കില്‍ അധികമാരും അറിയാത്ത… തിരുവനന്തപുരത്തു നിന്നും ഒരു മണിക്കൂര്‍ മാത്രം യാത്രയുള്ള ഈ വെള്ളച്ചാട്ടങ്ങള്‍ ഒന്ന് സന്ദര്‍ശിച്ചാലോ? തൃപ്പരപ്പ് വെള്ളച്ചാട്ടം : തിരുവനന്തപുരത്തു നിന്നും 55 കിലോമീറ്റര്‍ മാത്രം…
View Post