പ്രമുഖ വ്‌ളോഗർ രതീഷ് ആർ. മേനോനോടൊപ്പം ഒരു സായാഹ്‌നയാത്ര

Total
9
Shares

നാട്ടിലും വിദേശത്തുമായി കുറെയധികം വീഡിയോകൾ ഇതിനകം ടെക് ട്രാവൽ ഈറ്റിൽ വന്നിട്ടുണ്ട്. അങ്ങനെയിരിക്കെയാണ് വ്യത്യസ്തമായി കുറച്ചു വീഡിയോകൾ ചെയ്യണം എന്ന ഒരാഗ്രഹം മനസ്സിൽ ഉടലെടുക്കുന്നത്. എന്നെപ്പോലെ ധാരാളം വ്‌ളോഗർമാർ നമ്മുടെ സോഷ്യൽ മീഡിയയിൽ ഉണ്ടല്ലോ. അതിൽ നിന്നും തിരഞ്ഞെടുത്ത പ്രമുഖരായ ചിലരോടൊപ്പം ഓരോ എപ്പിസോഡ് വീതം ചെയ്യുവാൻ തീരുമാനിക്കുന്നത് അങ്ങനെയാണ്.

‘ട്രാവൽ വിത്ത് എ വ്ലോഗ്ഗർ’ എന്നയീ വ്ലോഗ് സീരീസിൽ ആദ്യമായി ഞാൻ പോകുവാൻ തിരഞ്ഞെടുത്തത് പ്രമുഖ വ്‌ളോഗറായ, ഞങ്ങൾ രതീഷേട്ടൻ എന്ന് വിളിക്കുന്ന, രതീഷ് ആർ മേനോനെ ആയിരുന്നു. അതിനായി ഞാൻ മാളയിലുള്ള ഹാരിസ് ഇക്കയുടെ വീട്ടിലെത്തുകയും ഹാരിസ് ഇക്കയോടൊപ്പം എറണാകുളം ജില്ലയിലെ വടക്കൻ പറവൂരിലുള്ള രതീഷേട്ടന്റെ വീട്ടിലേക്ക് പോകുകയും ചെയ്തു.

രതീഷ് ആർ. മേനോനെ നിങ്ങൾക്കെല്ലാവർക്കും പരിചയം കാണും. കാരണം നമ്മളൊക്കെ അദ്ദേഹത്തിൻ്റെ ചാനൽ കണ്ടിട്ടാണ് ഈ മേഖലയിലേക്ക് കടന്നു വന്നതു തന്നെ. വർഷങ്ങൾക്ക് മുൻപേ തന്നെ രതീഷേട്ടൻ ഓൺലൈൻ, സോഷ്യൽ മീഡിയ രംഗത്തു സജീവമാകുകയായിരുന്നു. പിന്നീട് അദ്ദേഹത്തിനു തിരിഞ്ഞു നോക്കേണ്ടി വന്നിട്ടില്ല. ഇന്നത്തെപ്പോലെ വ്ലോഗിങ് നമ്മുടെ നാട്ടിൽ സജീവമാകുന്നതിനു മുന്നേ തന്നെ രതീഷേട്ടൻ മികച്ച ഒരു വ്‌ളോഗറായി പേരെടുത്തു കഴിഞ്ഞിരുന്നു. ഇന്ന് അദ്ദേഹത്തിന് ഫേസ്‌ബുക്ക്, യൂട്യൂബ് എന്നീ മീഡിയകളിലായി 18 ലക്ഷത്തിലധികം ഫോളോവേഴ്സ് ഉണ്ട്.

2017 ഫെബ്രുവരി മാസത്തിലാണ് ഞാൻ ആദ്യമായി രതീഷേട്ടന്റെ വീട്ടിൽ പോകുന്നത്. അന്ന് ടെക് ട്രാവൽ ഈറ്റിനു 50,000 സബ്സ്ക്രൈബേഴ്‌സ് മാത്രമേയുണ്ടായിരുന്നുള്ളൂ. ഞാൻ രതീഷേട്ടന്റെ നമ്പർ സംഘടിപ്പിച്ച് അദ്ദേഹത്തെ വിളിക്കുകയും ഒന്നിച്ചൊരു വീഡിയോ ചെയ്യുന്നതിനെക്കുറിച്ച് പറയുകയുമുണ്ടായി.

അന്ന് രതീഷേട്ടന് അഞ്ചു ലക്ഷത്തോളം ഫോളോവേഴ്സ് ഉണ്ടായിരുന്നു. എൻ്റെ റിക്വസ്റ്റ് അദ്ദേഹം സന്തോഷത്തോടെ സ്വീകരിക്കുകയും എന്നെ വീട്ടിലേക്ക് ക്ഷണിക്കുകയുമുണ്ടായി. അങ്ങനെ ഞങ്ങൾ ഒന്നിച്ചൊരു വീഡിയോ ചെയ്യുകയും, പ്രസ്തുത വീഡിയോ ‘ടെക് ട്രാവൽ ഈറ്റ്’ ചാനലിന്റെ വളർച്ചയിൽ പ്രധാനപ്പെട്ട ഒരു ഘടകമായിത്തീരുകയും ചെയ്തത് ചരിത്രം.

അങ്ങനെ ഏകദേശം രണ്ടേ മുക്കാൽ വർഷങ്ങൾക്കു ശേഷം ഇപ്പോൾ വീണ്ടും രതീഷേട്ടന്റെ വീട്ടിലേക്ക് പോകുകയാണ്. ഞങ്ങൾ ചെന്നപാടെ രതീഷേട്ടൻ എന്ന കുടുംബനാഥനെയാണ് അവിടെ കാണുവാൻ സാധിച്ചത്. അദ്ദേഹവും വീട്ടുകാരും ഞങ്ങളെ നന്നായി സ്വീകരിച്ചു.

രതീഷേട്ടന്റെ വീട്ടിലെ ഒരു മുറി നിറയെ മൊബൈൽഫോൺ മുതലുള്ള പലതരത്തിലുള്ള ഡിവൈസുകൾ ഞങ്ങൾക്ക് കാണുവാൻ സാധിച്ചു. ഒപ്പം തന്നെ രതീഷേട്ടന്റെ സ്റ്റുഡിയോയും ഞങ്ങൾ സന്ദർശിച്ചു. ഫുൾ സെറ്റപ്പിൽ ആയിരുന്നു അദ്ദേഹത്തിൻ്റെ സ്റ്റുഡിയോ. കൂടാതെ മനോഹരമായ ഒരു എഡിറ്റിങ് ടേബിളും. രണ്ടേ മുക്കാൽ വർഷങ്ങൾ കൊണ്ട് അദ്ദേഹത്തിൻ്റെ സ്റ്റുഡിയോയ്ക്ക് വന്ന മാറ്റങ്ങൾ കാലാനുസൃതമാണ്.

രതീഷേട്ടന്റെ വീട്ടിലെ വിശേഷങ്ങളെല്ലാം അനുഭവിച്ചറിഞ്ഞതിനു ശേഷം ഞങ്ങൾ അവിടെ നിന്നും കുറച്ചു ദൂരത്തായി സ്ഥിതി ചെയ്യുന്ന ചെറായി ബീച്ചിലേക്ക് യാത്രയായി. ഞങ്ങളെന്നു പറഞ്ഞാൽ ഞാനും രതീഷേട്ടനും പിന്നെ ഹാരിസ് ഇക്കയും. ധാരാളം കേട്ടിട്ടുണ്ടെങ്കിലും ഞാൻ ആദ്യമായിട്ടായിരുന്നു ചെറായി ബീച്ച് സന്ദർശിക്കുന്നത്.

സായാഹ്നക്കാറ്റേറ്റ് ഞങ്ങൾ കടൽത്തീരത്തു കൂടി നടന്നു. അങ്ങനെയാണ് അവിടത്തെ വാട്ടർ സ്പോർട്സ് ആക്ടിവിറ്റികൾ ശ്രദ്ധയിൽപ്പെടുന്നത്. അങ്ങനെ ഞങ്ങൾ ഒരു ബോട്ട് റൈഡിനു പോകുവാൻ തീരുമാനിച്ചു. കടലിലെ തിരമാലകൾക്കനുസരിച്ചു പൊങ്ങിച്ചാടി ഒരു യാത്ര.

കാര്യം ‘ട്രാവൽ വിത്ത് രതീഷ് ആർ മേനോൻ’ എന്നാണെങ്കിലും രതീഷേട്ടൻ മടി കാരണം ബോട്ട് യാത്രയിൽ നിന്നും പതിയെ പിന്മാറി. ഞങ്ങളെ ഏറെ നിർബന്ധിച്ചിട്ടും രതീഷേട്ടൻ വന്നില്ല. ഒടുവിൽ ഞങ്ങളുടെ കൈവശമുണ്ടായിരുന്ന സാധനങ്ങളെല്ലാം രതീഷേട്ടനെ ഏല്പിച്ചുകൊണ്ട് ഞാനും ഹാരിസ് ഇക്കയും ലൈഫ് ജാക്കറ്റുകളൊക്കെ ധരിച്ചുകൊണ്ട് ബോട്ടിൽ കയറി കടലിലൂടെ യാത്രയായി. വളരെ രസകരമായിരുന്നു ആ യാത്ര. ചെറായി ബീച്ചിൽ വരുന്നവർ തീർച്ചയായും ട്രൈ ചെയ്തിരിക്കേണ്ട ഒരു ഐറ്റം.

ഒടുവിൽ ബോട്ട് യാത്രയ്ക്കു ശേഷം നനഞ്ഞുകുളിച്ചു ഞങ്ങൾ തിരികെ ബീച്ചിൽ എത്തി. കാറിൽ വേറെ ഡ്രസ്സ് കരുതിയിരുന്നതിനാൽ ഞങ്ങൾ പെട്ടെന്ന് നനഞ്ഞ വസ്ത്രങ്ങൾ മാറ്റി. അപ്പോഴാണ് അവിടെ ഒരു ബജ്ജി, പലഹാരക്കട കണ്ടത്. ഞങ്ങൾ നേരെ അവിടേക്ക് ചെന്ന് പഴംപൊരിയും, ബജ്ജിയുമൊക്കെ വാങ്ങി അകത്താക്കി. സത്യം പറയാമല്ലോ വലിയ രുചിയൊന്നും എനിക്ക് തോന്നിയില്ല. ചിലപ്പോൾ ഞങ്ങൾ പോയ ദിവസത്തെ മാത്രമായിരിക്കും.

അങ്ങനെ ഞങ്ങൾ രതീഷേട്ടന്റെ കൂടെയുള്ള അടിപൊളി എപ്പിസോഡ് പൂർത്തിയാക്കി. ഒടുവിൽ അവിടെ വെച്ച് ഞങ്ങൾ രതീഷേട്ടനുമായി യാത്ര പറഞ്ഞു പിരിഞ്ഞു. ഇനി അടുത്ത എപ്പിസോഡ് ഹാരിസ് ഇക്കയുമായാണ്. ആ വിശേഷങ്ങളും വീഡിയോയും അടുത്ത ദിവസം കാണാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post