‘ട്രൈബൽ ഡാൻസ്’ കാണുവാനായി ആദിവാസി ഊരിലേക്ക് ഒരു രാത്രിയാത്ര..!!

Total
0
Shares

ആനക്കട്ടിയിലെ എസ്.ആർ. ജംഗിൾ റിസോർട്ടിലെ താമസത്തിനിടെ ഒരു ദിവസം വൈകീട്ട് സുഹൃത്തായ സലീഷേട്ടനാണ് ആദിവാസികളുടെ നൃത്തത്തെക്കുറിച്ച് ഞങ്ങളോട് പറയുന്നത്. എന്നാൽപ്പിന്നെ പൊയ്ക്കളയാമെന്നു ഞാനും ശ്വേതയും തീരുമാനിച്ചു. ഒരു പക്കാ ലോക്കൽ ട്രിപ്പ് ആയിരുന്നതിനാൽ ഞങ്ങൾ ഷർട്ടും ലുങ്കിയുമൊക്കെയായിരുന്നു ധരിച്ചിരുന്നത്. നേരം ഇരുട്ടിയതോടെ ഞങ്ങൾ റിസോർട്ടിൽ നിന്നും യാത്രയായി.

സലീഷേട്ടന്റെ ഥാർ ജീപ്പിലായിരുന്നു ഞങ്ങളുടെ യാത്ര. ഞങ്ങൾ പൊയ്ക്കൊണ്ടിരുന്ന വഴിയുടെ കാര്യമാണെങ്കിൽ പറയുകയേ വേണ്ട. നല്ല കിടിലൻ ഓഫ് റോഡ് ആയിരുന്നു അത്. ഒരു ഘോര വനത്തിനുള്ളിലൂടെ പോകുന്ന പ്രതീതിയായിരുന്നു ഞങ്ങൾക്ക് അപ്പോൾ അനുഭവപ്പെട്ടത്. ഈ വഴിയിലൊക്കെ രാത്രിയായാൽ വന്യമൃഗങ്ങളൊക്കെ ഇറങ്ങുമെന്ന് സലീഷേട്ടൻ പറഞ്ഞു.

അങ്ങനെ കുറച്ചു സമയത്തെ സാഹസികത നിറഞ്ഞ ഓഫ്‌റോഡ് യാത്രയ്ക്കു ശേഷം അകലെയായി ചെറിയ വെളിച്ചം കണ്ടുതുടങ്ങി. വടക്കല്ലൂർ എന്ന ആദിവാസി ഊരായിരുന്നു അത്. അവിടേക്ക് കടന്നപ്പോൾ സലീഷേട്ടന്റെ ഒന്നുരണ്ടു പരിചയക്കാർ അടുത്തു വന്നു വിശേഷങ്ങൾ അന്വേഷിച്ചു. അവരോട് കുശലാന്വേഷണം നടത്തിയശേഷം ഞങ്ങൾ ഊരിലൂടെ യാത്ര തുടർന്നു. ഞങ്ങൾക്ക് പോകേണ്ടിയിരുന്നത് സീങ്കുളി എന്ന ഊരിലേക്ക് ആയിരുന്നു. കുറച്ചു സമയത്തെ യാത്രയ്ക്കു ശേഷം ഞങ്ങൾ സീങ്കുളി ഊരിൽ എത്തിച്ചേർന്നു.

ഈ ഊര് തമിഴ്നാട്ടിലാണ് സ്ഥിതി ചെയ്യുന്നതെങ്കിലും തൊട്ടപ്പുറത്ത് കേരളമാണ്. ഒരു ചെറിയ പുഴയാണ് ഇവിടെ കേരള – തമിഴ്‌നാട് അതിർത്തി. ഞങ്ങൾ ഊരിൽ ഇറങ്ങിയപ്പോൾ അവിടത്തെ മൂപ്പനായ കാളിമുത്തുവും കൂട്ടരും അടുത്തേക്ക് വന്നു. മൂപ്പൻ എന്നൊക്കെ കേട്ടപ്പോൾ ഞങ്ങൾ ആദ്യം കരുതിയത് സിനിമകളിൽ കണ്ടിരുന്നതുപോലത്തെ വേഷഭൂഷാധികളോടെയുള്ള ഒരു മനുഷ്യനെയായിരുന്നു. എന്നാൽ ഞങ്ങളുടെ സങ്കൽപ്പത്തെ ആകെ മാറ്റിമറിച്ചുകൊണ്ട് ടീഷർട്ടും ലുങ്കിയുമുടുത്തുകൊണ്ടായിരുന്നു മൂപ്പൻ വന്നിരുന്നത്.

ഞങ്ങളെ അതിഥികളായി കണ്ട അവർ ആരതിയുഴിഞ്ഞും കുറി തൊടീച്ചും പൂമാല അണിയിച്ചും സ്വീകരിക്കുകയുണ്ടായി. അവരുടെ ട്രഡീഷണൽ ആയിട്ടുള്ള വാദ്യങ്ങളും ഡാൻസും പാട്ടുമൊക്കെ കാണുവാനാണ് പിന്നീട് ഞങ്ങൾ പോയത്. റിസോർട്ടിൽ വരുന്ന അതിഥികളെ ഇവിടേക്ക് കൊണ്ടുവരാറുണ്ട്. അല്ലാത്തപ്പോൾ വിശേഷ ദിവസങ്ങളിൽ മാത്രമാണ് ഇവർ ഈ വാദ്യങ്ങളും ഡാൻസും പാട്ടുമൊക്കെ അവതരിപ്പിക്കാറുള്ളത്.

പരിപാടി നടക്കുന്നയിടത്ത് കനത്തിൽ തീ കൂട്ടി അതിനടുത്തായി വാദ്യോപകരണങ്ങൾ ചൂടാക്കി തയ്യാറെടുക്കുകയായിരുന്നു അവർ. ഞങ്ങൾ അവിടേക്ക് ചെന്നപ്പോൾ വെൽക്കം ഡ്രിങ്ക് ആയി പച്ചമരുന്നുകൾ ഇട്ട് തയ്യാറാക്കിയ ‘മൂലികാ രസം’ തരികയുണ്ടായി. രസവും അരിഷ്ടവും റമ്മും ഒക്കെ ചേർന്നുള്ള ഒരു രുചിപോലെയാണ് എനിക്ക് അനുഭവപ്പെട്ടത്. ശരിക്കും റം ഒന്നും അതിൽ ഇല്ല കേട്ടോ.എന്തായാലും ശ്വേതയ്ക്കും സംഭവം ഇഷ്ടമായി.

കുറച്ചു സമയം കഴിഞ്ഞപ്പോൾ വാദ്യമേളങ്ങൾ ഉയരുവാൻ തുടങ്ങി. അതിനനുസരിച്ച് ഊരുവാസികൾ ആർപ്പുവിളിക്കുകയും കയ്യടിക്കുകയുമൊക്കെ ചെയ്യുന്നുണ്ടായിരുന്നു. പതിയെ ചിലർ തീക്കൂനയ്ക്ക് ചുറ്റും നൃത്തച്ചുവടുകൾ വെക്കുവാൻ ആരംഭിച്ചു. പിന്നീട് വാദ്യമേളങ്ങൾ അൽപ്പം ഉച്ചത്തിലായി. ആ സമയത്ത് സ്ത്രീകളും കുട്ടികളും അടക്കമുള്ളവർ അവരുടെ തനതു നൃത്തച്ചുവടുകൾ ഒരേപോലെ കളിക്കുവാനും ആരംഭിച്ചു.

നമുക്ക് മനസ്സിലാകാത്ത രീതിയിലുള്ള എന്തൊക്കെയോ പാട്ടുകളും അവരെല്ലാം പാടുന്നുണ്ടായിരുന്നു. ഇതിനിടെ മൂപ്പനും സലീഷേട്ടനും അവരോടൊപ്പം ചേർന്നു. സ്ഥിരമായി ഇതെല്ലാം കാണുന്നത് കൊണ്ടായിരിക്കണം സലീഷേട്ടന് അവരുടെ നൃത്തച്ചുവടുകൾ ഒക്കെ അറിയാമായിരുന്നു. പതിയെ സലീഷേട്ടനും അവരിലൊരാളായി മാറുന്ന കാഴ്ചയായിരുന്നു പിന്നീട് ഞങ്ങൾ കണ്ടത്.

കുറച്ചു കഴിഞ്ഞപ്പോൾ സലീഷേട്ടനും മറ്റുള്ളവരും ഞങ്ങളെ നൃത്തം ചെയ്യുവാനായി ക്ഷണിച്ചു. ക്യാമറ ശ്വേതയെ ഏൽപ്പിച്ച ശേഷം ഞാനും അവരുടെ കൂടെ നൃത്തം ചവിട്ടുവാൻ തുടങ്ങി. ഏതോ വല്ലാത്തൊരു പോസിറ്റിവ് എനർജിയായിരുന്നു ആ സമയത്ത് എനിക്ക് അനുഭവപ്പെട്ടിരുന്നത്. പുറംലോകത്തെയെല്ലാം മറന്നുകൊണ്ട് അവരുടെ കൂടെ അവരിലൊരാളായി മാറി മറ്റൊരു ലോകത്തിലെന്നപോലെയായിരുന്നു ഞങ്ങൾ.

പരിപാടി കഴിഞ്ഞപ്പോൾ ഞങ്ങൾ എല്ലാവരെയും പരിചയപ്പെടുകയും അവരോടൊത്ത് വിശേഷങ്ങൾ പങ്കുവെയ്ക്കുകയുണ്ടായി. അവരുടെ സ്നേഹം നേരിട്ടനുഭവിക്കാനും ഞങ്ങൾക്ക് സാധിച്ചു. അതെല്ലാം എഴുതി പിടിപ്പിക്കുവാൻ എത്ര പരിശ്രമിച്ചിട്ടും പറ്റുന്നില്ല. അവയെല്ലാം നിങ്ങൾ ഇതോടൊപ്പമുള്ള വീഡിയോയിൽ കണ്ടു മനസ്സിലാക്കുക. ഒരേയൊരു കാര്യം കൂടി പറഞ്ഞുകൊണ്ട് ഞാൻ നിർത്തട്ടെ. – “ഈ ഊരിൽ ഇവരൊക്കെ ജീവിക്കുന്നതാണ് യഥാർത്ഥ ജീവിതം, യാതൊരു ടെൻഷനും അസൂയയും ഇല്ലാതെ, നഗരത്തിന്റെ ഒച്ചപ്പാടും ബഹളവും തിരക്കുകളും ഇല്ലാതെ, ശുദ്ധവായു ശ്വസിച്ചുകൊണ്ട് പ്രകൃതിയുടെ പുത്രന്മാരായി ഒരു ജീവിതം..”

ആനക്കട്ടിയിലുള്ള SR ജംഗിൾ റിസോർട്ടിൽ വന്നു താമസിക്കുകയാണെങ്കിൽ നിങ്ങൾക്ക് ഈ കാഴ്ചകളൊക്കെ നേരിട്ടു കാണുവാൻ സാധിക്കും. റിസോർട്ടിനെക്കുറിച്ചുള്ള വിവരങ്ങൾ അറിയാൻ വിളിക്കുക: 8973950555.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post