ക്രൂയിസ് ഷിപ്പിലെ കൊതിയൂറും ഭക്ഷണങ്ങളും രാത്രിക്കാഴ്ചകളും

Total
1
Shares

റോയൽ കരീബിയൻ എന്ന കമ്പനിയുടെ Quantam of the Seas എന്ന അത്യാഡംബര പടുകൂറ്റൻ കപ്പലിൽ സിംഗപ്പൂരിൽ നിന്നും മലേഷ്യ വഴി തായ്‌ലന്റിലെ ഫുക്കറ്റിലേക്കുള്ള യാത്രയിലാണ് ഞങ്ങൾ. വൈകീട്ട് സിംഗപ്പൂരിൽ നിന്നും കപ്പൽ യാത്രയാരംഭിച്ചതാണ്. കുറച്ചു നേരം കഴിഞ്ഞപ്പോൾ ഞങ്ങളുടെ റൂമിന്റെ ബാൽക്കണിയിലേക്ക് ഞാൻ ചെന്നു. ആ സമയത്ത് അൽപ്പം മൂടിക്കെട്ടിയ രീതിയിലായിരുന്നു അന്തരീക്ഷം. കപ്പൽ അപ്പോൾ മലേഷ്യയിലെ പോർട്ട് ക്ലാംഗ് എന്ന സ്ഥലത്തേക്കുള്ള യാത്രയിൽ ആയിരുന്നു.

കടൽ പൊതുവെ ശാന്തമായിട്ടായിരുന്നു കാണപ്പെട്ടത്. കടലിൽ അങ്ങിങ്ങായി ചെറുതും വലുതുമായ ധാരാളം കപ്പലുകൾ ഉണ്ടായിരുന്നു. ചരക്കുകപ്പലുകൾ ഉൾപ്പെടെയുള്ളവയെ ഞങ്ങളുടെ കപ്പൽ അനായാസേന ഓവർടേക്ക് ചെയ്തുകൊണ്ടായിരുന്നു മുന്നോട്ടു കുതിച്ചിരുന്നത്. ഞങ്ങളുടെ കപ്പലിന്റെ വശങ്ങളിലായി മഞ്ഞ നിറത്തിലുള്ള ലൈഫ് ബോട്ടുകൾ ഘടിപ്പിച്ചിട്ടുണ്ടായിരുന്നു. അതു കണ്ടപ്പോൾ ടൈറ്റാനിക് സിനിമയൊക്കെ മനസ്സിൽ വന്നെങ്കിലും നെഗറ്റീവ് ചിന്തകളെ പാടെ തള്ളി ഞങ്ങളുടെ യാത്ര ആസ്വദിക്കുവാനായിരുന്നു ഞാൻ ശ്രമിച്ചത്.

നേരം ഇരുട്ടിയതോടെ എല്ലാവരും ഡിന്നർ കഴിക്കുവാനുള്ള തിരക്കിലായി. കപ്പലിൽ യാത്ര ചെയ്യുന്നവർക്ക് അൺലിമിറ്റഡ് ഭക്ഷണമാണ് ലഭിക്കുന്നത്. ഇഷ്ടമുള്ള റെസ്റ്റോറന്റിൽ പോയി ആവശ്യമുള്ളതൊക്കെ വേണ്ടുവോളം എടുത്ത് കഴിക്കാം. കപ്പലിൽ ധാരാളം റസ്റ്റോറന്റുകൾ ഉണ്ടായിരുന്നതിനാൽ ഞങ്ങൾ തിരഞ്ഞെടുത്തത് പതിനാലാമത്തെ നിലയിൽ സ്വിമ്മിംഗ് പൂളിനു സമീപത്തായുള്ള Wind Jammer എന്ന റെസ്റ്റോറന്റ് ആയിരുന്നു.

റെസ്റ്റോറന്റിൽ വൈകുന്നേരം 5 മണി മുതൽ രാത്രി 9 മണി വരെയായിരുന്നു ഡിന്നർ സമയം. വമ്പനൊരു ബുഫെ തന്നെയായിരിക്കുന്നു അവിടത്തെ ഡിന്നർ. പലരാജ്യങ്ങളിലും നിന്നുള്ള യാത്രക്കാർ അവരവർക്കിഷ്ടപ്പെട്ട വിഭവങ്ങൾ ബുഫേയിൽ നിന്നും തിരഞ്ഞെടുത്തു കഴിക്കുന്ന ആ കാഴ്ച കൗതുകകരം തന്നെയായിരുന്നു. റെസ്റ്റോറന്റ് ജീവനക്കാരെല്ലാം യാത്രക്കാരുമായി നല്ല സൗഹാർദ്ദപരമായ ഇടപെടലുകളായിരുന്നു.

റെസ്റ്റോറന്റിലെ വിഭവങ്ങൾ നടന്നു കണ്ടു തന്നെ പാതി വിശപ്പടങ്ങി എന്നു വേണമെങ്കിൽ പറയാം. ചില വിഭവങ്ങളൊക്കെ ലൈവ് ആയിട്ടായിരുന്നു പാകം ചെയ്തിരുന്നത്. അങ്ങനെ ഞങ്ങൾ ഡിന്നറിനു ശേഷം ഷിപ്പിന്റെ ഏറ്റവും മുകളിലെ നിലയിലേക്ക് നടന്നു. പോകുന്ന വഴി ആളുകൾക്ക് കളിക്കുവാനുള്ള ഏരിയായൊക്കെ കാണുവാൻ സാധിച്ചു. കുട്ടികൾക്കും മുതിർന്നവർക്കുമൊക്കെ ഒരേപോലെ കളിക്കാൻ പറ്റിയ ഐറ്റങ്ങൾ അവിടെയുണ്ടായിരുന്നു. അതോടൊപ്പം ചൂതാട്ടത്തിൽ താല്പര്യമുള്ളവർക്ക് അതിനായി ഒരു കാസിനോയും (ചൂതാട്ടകേന്ദ്രം) കപ്പലിൽ ഉണ്ട്. യാത്രക്കാരിൽ നിന്നും കപ്പലിന് ഏറ്റവും കൂടുതൽ വരുമാനം ലഭിക്കുന്നത് ചൂതാട്ടം വഴിയാണത്രേ. എന്താല്ലേ?

അങ്ങനെ നടന്നു നടന്നു ഞങ്ങൾ കപ്പലിന്റെ ഏറ്റവും മുകളിലെ നിലയിലെത്തി. കടൽ കാണുന്നേയില്ല, ചുറ്റിനും കൂരാക്കൂരിരുട്ട്. ഇത്രയും വേഗത്തിൽ കപ്പൽ പോകുന്നത് നമുക്ക് അതിൽ നിന്നാൽ മനസ്സിലാകുകയേയില്ല. ആ സമയത്തും മുകൾത്തട്ടിലെ പൂളിൽ ചിലരൊക്കെ കുളിക്കുന്നുണ്ടായിരുന്നു. മഴ പെയ്തിരുന്നതിനാൽ കപ്പലിന്റെ മുകൾത്തട്ടെല്ലാം നനഞ്ഞു കിടക്കുകയായിരുന്നു. കടൽക്കാഴ്ചകൾ കാണുവാൻ സാധ്യമല്ലാതിരുന്നതിനാൽ ഞങ്ങൾ അതെല്ലാം അടുത്ത ദിവസം പകൽവെളിച്ചത്തിൽ കാണാമെന്നുറപ്പിച്ച് നേരെ റൂമിലേക്ക് പോയി. കപ്പൽ അപ്പോഴും കടലോളങ്ങളെ കീറിമുറിച്ചുകൊണ്ട് മലേഷ്യ ലക്ഷ്യമാക്കി കുതിക്കുകയായിരുന്നു. To contact Bonvo: +91 85940 22166, +91 75940 22166.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post