നമ്മുടെ ഒരു കട്ട ഫോളോവറായ ബിജുവിൻ്റെ വീട്ടിലേക്ക് ഒരു സർപ്രൈസ് വിസിറ്റ്

Total
0
Shares

ടെക് ട്രാവൽ ഈറ്റ് വീഡിയോകൾ ശ്രദ്ധിക്കപ്പെടാൻ തുടങ്ങിയതോടെ ധാരാളമാളുകൾ എന്നെ സ്ഥിരമായി വിളിച്ചു വിശേഷങ്ങൾ തിരക്കുകയും അഭിപ്രായങ്ങൾ അറിയിക്കുകയും ചെയ്യുന്നുണ്ട്. അല്ലാത്തവർ വാട്സ് ആപ്പിലും മറ്റും മെസ്സേജുകൾ അയയ്ക്കാറുമുണ്ട്. വൈകിയാണെങ്കിലും പരമാവധി എല്ലാവർക്കും ഞാൻ മറുപടി നൽകുവാൻ ശ്രദ്ധിക്കാറുണ്ട്. ഇത്തരത്തിൽ എന്നെ സ്ഥിരമായി വിളിക്കുന്ന ഒരാളായിരുന്നു പാലക്കാട് സ്വദേശി ബിജുവും.

ആദ്യമൊക്കെ സാധാരണ ഫോളോവേഴ്‌സിനെപ്പോലെ തന്നെ വിളിച്ചു സംസാരിച്ചിരുന്നെങ്കിലും പിന്നീടാണ് ഞാൻ അറിയുന്നത് ബിജു പോളിയോ ബാധിച്ച് തളർന്ന അവസ്ഥയിൽ ആണെന്ന്. കുറെ നാളുകളായി ബിജുവിനെ ഒന്ന് നേരിൽ കാണണമെന്ന് ആഗ്രഹിക്കുന്നു. പാലക്കാട് പോകുമ്പോൾ ബിജുവിനെയും കാണണം എന്ന് മനസ്സിൽ പ്ലാനിട്ടു നടക്കുന്നതിനിടെയാണ് കഴിഞ്ഞയിടയ്ക്ക് ഒരു പാലക്കാട് ട്രിപ്പ് തരപ്പെട്ടത്.

രാമശ്ശേരി ഇഡ്ഡലിയൊക്കെ രുചിച്ചു തിരികെ വീട്ടിലേക്ക് മടങ്ങുന്നതിനു മുൻപായി ഞാൻ ബിജുവിനെ വിളിക്കുകയും ലൊക്കേഷൻ അയച്ചു തരാൻ ആവശ്യപ്പെടുകയുമുണ്ടായി. കാര്യം അറിഞ്ഞപ്പോൾ ഞങ്ങളുടെ ഒപ്പമുണ്ടായിരുന്ന ഫിറോസ് ചുട്ടിപ്പാറയ്ക്കും (ഫിറോസ് ഇക്ക) ബിജുവിനെ കാണണം എന്നു പറഞ്ഞു. അങ്ങനെ ഞങ്ങൾ രണ്ടു കാറുകളിലായി ബിജുവിന്റെ വീട്ടിലേക്ക് യാത്രയായി.

ലൊക്കേഷൻ അയച്ചു തന്നതു പ്രകാരം പാലക്കാട് – തമിഴ്‌നാട് അതിർത്തിയോട് ചേർന്നുള്ള വണ്ടിത്താവളം എന്ന സ്ഥലത്തിനടുത്തായിരുന്നു ബിജുവിന്റെ വീട്. അങ്ങനെ കുറച്ചു സമയത്തെ യാത്രയ്ക്കു ശേഷം ഞങ്ങൾ ബിജുവിന്റെ വീടിനടുത്തെത്തി. വണ്ടികൾ ഒരിടത്ത് പാർക്ക് ചെയ്തിട്ട് ഞങ്ങളെല്ലാം നടന്നു. വീടിനു മുന്നിലെത്തിയപ്പോൾ വരാന്തയിൽ ഞങ്ങളെ കാത്ത് പുഞ്ചിരിയോടെ ബിജു ഉണ്ടായിരുന്നു. ഞങ്ങൾ വീട്ടിലേക്ക് കയറി ബിജുവിനൊപ്പം വരാന്തയിൽ ഇരുന്നു. ഞങ്ങളെയെല്ലാം ഒന്നിച്ചു കണ്ടപ്പോൾ സത്യത്തിൽ ബിജു അത്ഭുതപ്പെട്ടു പോയിരുന്നു.

അതിനിടെ ബിജുവിന്റെ അമ്മ ഞങ്ങളെ സ്വീകരിക്കുകയും, കുടിക്കുവാൻ വെള്ളവും കഴിക്കുവാൻ പലഹാരങ്ങളുമൊക്കെ നൽകുകയുണ്ടായി. അതിനിടെയാണ് ബിജുവിന്റെ കാര്യങ്ങൾ ആ അമ്മ ഞങ്ങളോട് പറയുന്നത്. ചെറുപ്പത്തിൽ പോളിയോ ബാധിച്ചതു മൂലമായിരുന്നു ബിജുവിന് ഇന്ന് ഈ അവസ്ഥ വന്നതെന്ന് ആ അമ്മ കണ്ണീരോടെ പറഞ്ഞപ്പോൾ കേട്ടുനിന്ന ഞങ്ങളുടെ കണ്ണുകളും ഈറനണിഞ്ഞു. പണ്ടുകാലത്ത് പോളിയോ വാക്സിനുകൾ എടുക്കുന്നത് ആളുകൾ അത്ര പ്രാധാന്യം കൊടുക്കാതിരുന്നതിൻ്റെ ഉദാഹരണങ്ങളിൽ ഒന്നാണ് ബിജുവും.

ഇന്ന് ബിജുവിന് 35 വയസ്സുണ്ട്. പരസഹായമില്ലാതെ ഒന്നങ്ങോട്ടോ ഇങ്ങോട്ടോ ചലിക്കുവാൻ ബിജുവിന് സാധ്യമല്ല. ആകെ ചലനശേഷിയുള്ളത് ഒരു കൈക്കാണ്. ആ കൈ ഉപയോഗിച്ചാണ് ബിജു ഫോൺ വിളിക്കുന്നതും, യൂട്യൂബിൽ വീഡിയോകൾ കാണുന്നതുമെല്ലാം. ബിജുവിന് എല്ലാ കാര്യങ്ങളിലും സഹായത്തിനായി കൂടെയുള്ളത് അമ്മയാണ്. കൂടാതെ കൂട്ടുകാർ ബിജുവിനെ പുറത്തേക്ക് യാത്രകൾ കൊണ്ടുപോകാറുമുണ്ട്. നെന്മാറ വേലയ്ക്ക് കൂട്ടുകാരോടൊപ്പം പോയ കാര്യം ബിജു തന്നെയാണ് ഞങ്ങളോട് പറഞ്ഞതും. ആ അമ്മയ്ക്കും, കൂട്ടുകാർക്കുമെല്ലാം ഈശ്വരൻ ആയുരാരോഗ്യ സൗഖ്യങ്ങൾ നൽകട്ടെ എന്ന് പ്രാർത്ഥിക്കാം.

കുറേസമയം ഞങ്ങൾ അവിടെ ചെലവഴിക്കുകയും ബിജുവിനോട് വിശേഷങ്ങൾ പങ്കുവെക്കുകയുമൊക്കെയുണ്ടായി. ഒരു ദിവസം ആനക്കട്ടിയിലുള്ള SR ജംഗിൾ റിസോർട്ടിൽ ബിജുവിനെ കൊണ്ടുപോകാം എന്ന് സലീഷേട്ടൻ വാക്കു കൊടുക്കുകയും ചെയ്തു. അങ്ങനെ ഇനിയൊരിക്കൽ വരാമെന്നു ഉറപ്പുനൽകിക്കൊണ്ട് ഞങ്ങൾ ബിജുവിനോടും വീട്ടുകാരോടും യാത്ര പറഞ്ഞുകൊണ്ട് അവിടെ നിന്നും ഇറങ്ങി.

ബിജുവിന്റെ ഈയൊരു അവസ്ഥയിൽ നമുക്കെല്ലാം വിഷമമുണ്ടെങ്കിലും, നമുക്കൊക്കെ ഒരു പോസിറ്റീവ് എനർജ്ജി തന്നെയാണ് ബിജു. കാരണം ഞങ്ങൾ അവിടെയുണ്ടായിരുന്ന സമയത്ത് ഒരിക്കൽപ്പോലും ബിജുവിന്റെ മുഖത്തെ ആ ചിരി മാഞ്ഞിരുന്നില്ല. തനിക്ക് സംഭവിച്ച ഈ അവസ്ഥയെ ഓർത്ത് സങ്കടപ്പെടാൻ ബിജുവിന് മനസ്സില്ല. സന്തോഷത്തോടെ, എല്ലാവരോടും ഒപ്പം ജീവിക്കണം എന്നാണു ബിജുവിന്റെ ആഗ്രഹവും.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post