നമ്മുടെ കണ്ണൂരിലും ഉണ്ട് ഒരു ഫ്ലോട്ടിംഗ് മാർക്കറ്റ്, കണ്ണൂരിന്റെ സ്വന്തം വയലപ്ര ഫ്‌ളോട്ടിങ് പാർക്ക് !!

Total
1
Shares

വെള്ളത്തിനു മുകളിൽ ഒരു മാർക്കറ്റ് !! തായ്‌ലൻഡിലെ പട്ടായയിൽ പോയപ്പോഴാണ് ഇതുപോലുള്ള ഒരു തകർപ്പൻ ഫ്‌ളോട്ടിങ് മാർക്കറ്റ് സന്ദർശിച്ചത്. നമ്മുടെ നാട്ടിൽ ഇത്തരത്തിലുള്ള മാർക്കറ്റുകൾ സെറ്റ് ചെയ്യുവാൻ പറ്റിയ സ്ഥലങ്ങളാണ് ആലപ്പുഴയും കൊച്ചിയും ഒക്കെ. ഇത് ഞാൻ പലപ്പോഴായി നിങ്ങളുമായി പങ്കുവെച്ച ഒരു കാര്യമാണ്. എന്നാൽ അധികമാരും അറിയപ്പെടാതെ ഇത്തരത്തിൽ ഒരു മാർക്കറ്റ് നമ്മുടെ കേരളത്തിൽ ഉണ്ട്. അത് സ്ഥിതി ചെയ്യുന്നതോ ഞാൻ ഒരിക്കലും പ്രതീക്ഷിക്കാത്ത കണ്ണൂരിലും.

കഴിഞ്ഞ തവണത്തെ കണ്ണൂർ യാത്രയ്ക്കിടയിലാണ് ഇത്തരത്തിലുള്ള ഒരു സ്ഥലം സന്ദർശിക്കുവാൻ എനിക്ക് അവസരമുണ്ടായത്. കണ്ണൂർ CSI ചർച്ചിലെ പുരോഹിതനും സുഹൃത്തുമായ ഫാ.രാജു ചീരനാണ് ഞങ്ങൾക്ക് ഇത്തരമൊരു സ്ഥലത്തെക്കുറിച്ചുള്ള അറിവ് നൽകിയത്. സംഭവം കേട്ടപ്പോൾ എനിക്കൊന്ന് അവിടം സന്ദർശിക്കണമെന്നായി. ഉടനെ കാര്യം അച്ചനോട് അവതരിപ്പിച്ചു. അടുത്ത ദിവസം ഞങ്ങളെ അവിടെ കൊണ്ടുപോകാമെന്ന് അച്ചൻ ഉറപ്പു തരികയും ചെയ്തു.

Photo – V-Pra Park.

കണ്ണൂരിലെ മാടായിയ്ക്ക് സമീപത്തായി വയലപ്ര എന്ന സ്ഥലത്താണ് ഫ്‌ളോട്ടിങ് മാർക്കറ്റ് അടങ്ങിയ ഈ ടൂറിസം പാർക്ക് സ്ഥിതി ചെയ്യുന്നത്. 2015 ലാണ് ഈ പാർക്ക് പ്രവർത്തനമാരംഭിച്ചത്. വയലപ്ര കായലിനു തൊട്ടരികിലായാണ് പാർക്ക്. പാർക്കിനു ഒരു വശത്തായി ധാരാളം കണ്ടൽക്കാടുകൾ കാണാവുന്നതാണ്. എന്നിരുന്നാലും കായലിനു മീതെ നിർമ്മിച്ചിരിക്കുന്ന ഫ്‌ളോട്ടിങ് മാർക്കറ്റ് തന്നെയാണ് ഇവിടത്തെ പ്രധാന ആകർഷണം. മാർക്കറ്റ് എന്നൊക്കെ പറയുമ്പോൾ വിദേശ രാജ്യങ്ങളിലുള്ളതിന്റെ അത്ര വരില്ലെങ്കിലും സംഭവം കൊള്ളാം.

ഫ്‌ളോട്ടിങ് മാർക്കറ്റിനുള്ളിലൂടെ വീണ്ടും മുന്നോട്ടു നടന്നാൽ ബോട്ടിംഗ് നടത്തുന്ന സ്ഥലത്തെത്തിച്ചേരും. പെഡൽ ബോട്ടിംഗ്, ഗ്രൂപ്പ് ബോട്ടിംഗ്, ഫാമിലി ബോട്ടിംഗ്, കയാക്കിംഗ് തുടങ്ങി വിവിധ തരത്തിലുള്ള ബോട്ടിംഗ് പാക്കേജുകൾ അവിടെ ലഭ്യമാണ്. ബോട്ടിംഗ് നടത്തുന്ന സമയത്തിനനുസരിച്ചാണ് നിരക്കുകൾ. കൂടുതൽ സമയം ബോട്ടിംഗ് നടത്തുവാൻ കൂടുതൽ റേറ്റുള്ള പാക്കേജ് എടുക്കണം.

ഞങ്ങൾ പത്തേമാരി എന്നു പേരുള്ള ഒരു ബോട്ട് ആയിരുന്നു ബോട്ടിംഗിനായി തിരഞ്ഞെടുത്തത്. അങ്ങനെ ഞങ്ങൾ ബോട്ട് കിടക്കുന്നയിടത്തേക്ക് നടന്നു. ബോട്ടിംഗിനു വേറെ സഞ്ചാരികൾ ആരും തന്നെ ഉണ്ടായിരുന്നില്ല. വിവിധ തരത്തിലുള്ള ബോട്ടുകൾ അവിടെ അടുപ്പിച്ചിട്ടുണ്ടായിരുന്നു. വീക്കെൻഡ് ദിവസങ്ങളിലായിരിക്കും ഇവിടെ കൂടുതൽ ആളുകൾ വരുന്നതെന്ന് തോന്നുന്നു. ബോട്ടിംഗിനു മുൻപായി ഞങ്ങളെല്ലാവരും ലൈഫ് ജാക്കറ്റുകൾ ധരിച്ചു. അത് നിർബന്ധമാണ്.

അങ്ങനെ ഞങ്ങൾ പത്തേമാരി എന്ന ബോട്ടിൽക്കയറി യാത്രയാരംഭിച്ചു. പേരുപോലെതന്നെ പഴയ മോഡലിൽ രൂപം കൊടുത്തിട്ടുള്ള ഒരു ബോട്ട് ആയിരുന്നു അത്. പണ്ടുകാലത്ത് നമ്മുടെ നാട്ടിൽ നിന്നും ഗൾഫ് രാജ്യങ്ങളിലേക്ക് ആളുകൾ പോയിരുന്നത് പത്തേമാരി എന്നറിയപ്പെടുന്ന ബോട്ടുകളിലായിരുന്നു. മമ്മൂട്ടിയുടെ പത്തേമാരി എന്ന സിനിമയിൽ ഇത് വിശദമായി കാണിക്കുന്നുണ്ട്. പത്തേമാരിയെക്കുറിച്ചുള്ള കഥകൾ ബോട്ട് യാത്രയ്ക്കിടെ രാജു അച്ചൻ ഞങ്ങൾക്ക് പറഞ്ഞുതന്നു. ഏകദേശം 20 മിനിറ്റോളം ഞങ്ങൾ പത്തേമാരിയിൽ ആ കായലിലൂടെ ചുറ്റിക്കണ്ടു. വൈകുന്നേര സമയത്ത് ബോട്ടിംഗ് നടത്തുന്നതായിരിക്കും കൂടുതൽ നല്ലത്.

ബോട്ടിംഗിന്‌ ശേഷം ഞങ്ങൾ വീണ്ടും ഫ്‌ളോട്ടിങ് മാർക്കറ്റിനുള്ളിലൂടെ കടന്ന് കരയിലെത്തി. ആ സമയത്ത് അവിടെ ഏതോ സ്‌കൂളിൽ നിന്നുള്ള യാത്രാ സംഘം എത്തിയിട്ടുണ്ടായിരുന്നു. കുട്ടികൾക്ക് ആസ്വദിക്കുവാനായി വലിയ മാളുകളിലൊക്കെ കണ്ടിട്ടുള്ള ഗെയിം സ്റ്റേഷനുകൾ, സുരക്ഷിതമായ ചിൽഡ്രൻസ് സ്പെഷ്യൽ ബോട്ടിംഗ്, കിഡ്‌സ് പാർക്ക് തുടങ്ങിയ കുറെ ആക്ടിവിറ്റികൾ ഒക്കെ അവിടെയുണ്ട്. ഇവിടെ വന്നു കണ്ടു നടന്നു ക്ഷീണിച്ചാൽ ആ ക്ഷീണം മാറ്റുവാനായി കൂൾ ഡ്രിങ്ക്സ് ഷോപ്പുകളും ലഘുഭക്ഷണ ശാലകളും അതിനകത്തുണ്ട്.

പാർക്കിൽ കയറുവാനായി ഒരാൾക്ക് 20 രൂപയും അഞ്ചു വയസ്സിനു മേലുള്ള കുട്ടികൾക്ക് 10 രൂപയുമാണ് ചാർജ്ജ്. കൂടാതെ ക്യാമറ കയ്യിലുണ്ടെങ്കിൽ അതിനു സ്പെഷ്യൽ ചാർജ്ജും കൊടുക്കണം. സ്റ്റിൽ ക്യാമറയ്ക്ക് 60 രൂപയും വീഡിയോ ക്യാമറയ്ക്ക് 150 രൂപയുമാണ് നിരക്കുകൾ. രാവിലെ 10 മണി മുതൽ രാത്രി 8 മണിവരെ ഈ പാർക്ക് തുറന്നു പ്രവർത്തിക്കുന്നതായിരിക്കും. കണ്ണൂരിലും പരിസരപ്രദേശങ്ങളിലുമുള്ളവർക്ക് വീക്കെൻഡുകളിൽ കുടുംബവുമായി ചെലവഴിക്കുവാൻ പറ്റിയ ഒരു ബെസ്റ്റ് സ്ഥലമാണ് വയലപ്ര ഫ്‌ളോട്ടിങ് പാർക്ക്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

കേരളത്തിൽ ടൂറിസം ഉണരുന്നു; തുറന്ന ടൂറിസം സെന്ററുകൾ ഇവയാണ്

കോവിഡ് മഹാമാരിയെ തുടര്‍ന്ന് അടച്ചിട്ടിരുന്ന വനംവകുപ്പിന് കീഴിലുള്ള ഇക്കോ ടൂറിസം സെന്ററുകള്‍ കഴിഞ്ഞ ദിവസം മുതല്‍ സഞ്ചാരികള്‍ക്കായി തുറന്നു നല്‍കി. പരിഷ്‌കരിച്ച കോവിഡ് മാനദണ്ഡങ്ങള്‍ കര്‍ശനമായി പാലിച്ചുകൊണ്ടായിരിക്കും സെന്ററുകള്‍ പ്രവര്‍ത്തിക്കുക. ഇത്തരത്തിൽ തുറന്നിരിക്കുന്ന ടൂറിസം സെന്ററുകളുടെ വിവരങ്ങൾ ജില്ല തിരിച്ച് താഴെ…
View Post