നിങ്ങൾ കണ്ടിരിക്കേണ്ട തമിഴ്‌നാട്ടിലെ പ്രശസ്തമായ വെള്ളച്ചാട്ടങ്ങൾ അറിഞ്ഞിരിക്കാം..

Total
1
Shares
Image – Shaan.

വെള്ളച്ചാട്ടം എന്നു കേൾക്കുമ്പോൾ നമ്മളിൽ ഭൂരിഭാഗമാളുകളുടെ മനസ്സിലും ഓടിയെത്തുന്നത് അതിരപ്പിള്ളി വെള്ളച്ചാട്ടമായിരിക്കും. ഇന്ത്യയിൽത്തന്നെ ഏറ്റവും മനോഹരമായ വെള്ളച്ചാട്ടങ്ങളിൽ ഒന്നായതു കൊണ്ടായിരിക്കണം ധാരാളം സിനിമകൾക്കും അതിരപ്പിള്ളി ലൊക്കേഷനായി മാറുന്നതും. കേരളത്തിൽ അതിരപ്പിള്ളയെക്കൂടാതെ ധാരാളം വെള്ളച്ചാട്ടങ്ങൾ നിലവിലുണ്ട്. അതൊക്കെ നമുക്ക് ഓരോന്നായി ആസ്വദിക്കാമെന്നേ. എന്നാൽ ഇപ്പോൾ ഇവിടെ നിങ്ങൾക്ക് പരിചയപ്പെടുത്തി തരാൻ പോകുന്നത് നമ്മുടെ തൊട്ടയൽവക്കത്തുള്ള തമിഴ്‌നാട്ടിലെ പ്രധാനപ്പെട്ട വെള്ളച്ചാട്ടങ്ങളെയാണ്. ഇനി കേരളം വിട്ടൊരു യാത്ര പോകുമ്പോൾ ഈ വെള്ളച്ചാട്ടങ്ങൾ കൂടി നിങ്ങൾക്ക് ഉൾപ്പെടുത്താം.

1. ഹൊഗെനക്കൽ വെള്ളച്ചാട്ടം : ദക്ഷിണേന്ത്യയിലെ പ്രശസ്തമായ വെള്ളച്ചാട്ടങ്ങളിലൊന്നാണ് തമിഴ്നാട്ടിലെ ധർമ്മപുരി ജില്ലയിൽ സ്ഥിതി ചെയ്യുന്ന ഹൊഗെനക്കൽ വെള്ളച്ചാട്ടം. തമിഴ്നാട്-കർണാടക സംസ്ഥാനങ്ങളുടെ അതിർത്തിയിൽ കാവേരി നദിയിലാണ് ഈ വെളളച്ചാട്ടം. കുട്ടവഞ്ചിയിലൂടെയുള്ള ഇവിടത്തെ ജലയാത്രയാണ് ഏറ്റവും കൌതുകകരം.ഭാരം കുറഞ്ഞ ഈ മുളം തോണി വട്ടം കറക്കിയാലും കൂട്ടിയിടിച്ചാലും പ്രശ്നമില്ല എന്നതും ഈ യാത്രയ്ക്ക് സഞ്ചാരികളെ പ്രിയങ്കരമാക്കുന്നു. ‘റോജ’ സിനിമയിലെ “ചിന്ന ചിന്ന ആശൈ..” എന്ന ഗാനരംഗത്തിലെ ചില ഭാഗങ്ങളും, നരൻ സിനിമയിൽ മോഹൻലാൽ ഒഴുക്കേറിയ വെള്ളത്തിലിറങ്ങുന്ന ഭാഗങ്ങളുമെല്ലാം ഇവിടെയാണ് ചിത്രീകരിച്ചത്. വേനൽക്കാലത്ത് പോകുകയാണെങ്കിൽ ഇവിടെ വെള്ളം കുറവായിരിക്കും.

2. കുറ്റാലം വെള്ളച്ചാട്ടം : തമിഴ്നാട്ടിലെ തിരുനെൽവേലി ജില്ലയിൽ തെങ്കാശിക്കും ചെങ്കോട്ടയ്ക്കും ഇടക്കായി സ്ഥിതി ചെയ്യുന്ന ഒരു സ്ഥലമാണ് കുറ്റാലം. സമുദ്ര നിരപ്പിൽ നിന്നും 520 അടിയോളമുയരത്തിലാണീ സ്ഥലം. പശ്ചിമഘട്ടത്തിലെ പൊതിഗൈ മലനിരകളിൽ നിന്നുത്ഭവിക്കുന്ന പേരരുവി, ചിറ്റരുവി, ചമ്പാദേവി, തേനരുവി, പഴയ കുറ്റാലം അരുവി, ഐന്തരുവി എന്നിങ്ങനെ മനോഹരങ്ങളായ വെള്ളച്ചാട്ടങ്ങളാണിവിടത്തെ പ്രധാന ആകർഷണം. കേരളത്തിൽ വർഷകാലം പൊടിപൊടിക്കുമ്പോൾ കുറ്റാലത്ത് ചെറിയ ചാറ്റൽ മഴ മാത്രമേ ഉണ്ടാകുകയുള്ളൂ. ഈ ചെറുമഴ നനയുവാൻ ഇവിടെ സഞ്ചാരികൾ ധാരാളമായി എത്താറുമുണ്ട്. തെക്കിന്റെ ആരോഗ്യ സ്നാനഗൄഹം എന്നും കുറ്റാലം പരാമർശിക്കപ്പെടാറുണ്ട്.

3. ശിരുവാണി വെള്ളച്ചാട്ടം (കോവൈ കുറ്റാലം) : തമിഴ്‌നാട്ടിലെ കോയമ്പത്തൂരിൽ നിന്നും ഏകദേശം 40 കിലോമീറ്ററുകൾ അകലെയായും, പാലക്കാട് നഗരത്തിൽ നിന്നും 50 കിലോമീറ്റർ അകലെയായും സ്ഥിതിചെയ്യുന്ന ഒരു വെള്ളച്ചാട്ടമാണ് ശിരുവാണി വെള്ളച്ചാട്ടം. പാലക്കാട് ജില്ലയുടെ അതിർത്തി പ്രദേശമായ അട്ടപ്പാടി, ആനക്കട്ടി എന്നീ സ്ഥലങ്ങൾക്ക് അടുത്താണ് ശിരുവാണി. ശിരുവാണി എന്ന സ്ഥലം പാലക്കാട് ജില്ലയിലാണ് സ്ഥിതി ചെയ്യുന്നതെങ്കിലും ഈ പേരിലുള്ള വെള്ളച്ചാട്ടം തൊട്ടപ്പുറത്തായി തമിഴ്‌നാട് സംസ്ഥാനത്തിലാണ്. കോവൈ കുറ്റാലം എന്ന പേരിലും ഈ വെള്ളച്ചാട്ടം അറിയപ്പെടുന്നു. ഏകദേശം 3 – 4 കിലോമീറ്ററുകളോളം കാട്ടിലൂടെ ട്രെക്ക് ചെയ്താലാണ് ഈ വെള്ളച്ചാട്ടത്തിനു സമീപം എത്തുവാൻ സാധിക്കുകയുള്ളൂ. വൈകുന്നേരം 5 മണിയ്ക്ക് ശേഷം ഇവിടേക്ക് ആരെയും പ്രവേശിപ്പിക്കില്ല.

4. തൃപ്പരപ്പ് വെള്ളച്ചാട്ടം : തമിഴ്നാട്ടിലെ കന്യാകുമാരി ജില്ലയിലാണ് തൃപ്പരപ്പ് വെള്ളച്ചാട്ടം സ്ഥിതി ചെയ്യുന്നത്. കേരളത്തിന്റെ തലസ്ഥാനമായ തിരുവനന്തപുരത്തു നിന്നും ഏകദേശം 55 കിലോമീറ്റർ ദൂരമേയുള്ളൂ ഈ വെള്ളച്ചാട്ടത്തിലേക്ക്. 50 അടിയോളം ഉയരമുണ്ട് ഈ വെള്ളച്ചാട്ടത്തിന്. വെള്ളച്ചാട്ടത്തിനു സമീപം വരെ വാഹനസൗകര്യങ്ങൾ ഉള്ളതിനാൽ ഫാമിലിയായും കുട്ടികളെയും വരുന്നവർക്ക് വളരെ ഉപകാരപ്രദമാണ്. കന്യാകുമാരിയിലേക്ക് യാത്ര പോകുന്നവർക്ക് സന്ദർശിക്കുവാൻ പറ്റുന്ന ഒരു വെള്ളച്ചാട്ടമാണിത്. വർഷത്തിൽ ഏഴു മാസത്തോളമാണ് ഇവിടെ നന്നായി വെള്ളം ഉണ്ടാകുന്നത്.

5. ബിയർഷോല വെള്ളച്ചാട്ടം : കൊടൈക്കനാലിൽ സ്ഥിതി ചെയ്യുന്ന ഒരു വെള്ളച്ചാട്ടമാണിത്. ഇവിടേക്ക് കൊടൈക്കനാൽ ബസ് സ്റ്റാൻഡിൽ നിന്നും ഏകദേശം 5 കിലോമീറ്റർ ദൂരം മാത്രമേയുള്ളൂ. റിസർവ്വ് വനത്തിലാണ് ഈ വെള്ളച്ചാട്ടം സ്ഥിതി ചെയ്യുന്നത്. കാട്ടിൽ നിന്നും കരടികൾ വെള്ളം കുടിക്കുവാൻ ഇവിടെയെത്താറുണ്ട് എന്നതിനാലാണ് ഇതിനു ‘ Bear Shola’ എന്ന പേര് ലഭിച്ചത്. റോഡിൽ നിന്നും ഏകദേശം പത്തു മിനിറ്റോളം കാട്ടിലൂടെ നടക്കണം ഈ വെള്ളച്ചാട്ടത്തിനടുത്തേക്ക് എത്തുവാൻ. വെള്ളച്ചാട്ടത്തിൽ കുളിക്കുവാനുള്ള സൗകര്യവും ഉണ്ട്. രാവിലെ 7 മണി മുതൽ വൈകുന്നേരം 6 മണി വരെയാണ് ഇവിടേക്ക് സന്ദർശകർക്ക് പ്രവേശനം അനുവദിച്ചിരിക്കുന്നത്. മഴക്കാലത്തിനു ശേഷമുള്ള സെപ്റ്റംബർ, ഒക്ടോബർ മാസങ്ങളാണ് ഇവിടം സന്ദർശിക്കുവാൻ ഏറ്റവും അനുയോജ്യം.

6. മങ്കി വെള്ളച്ചാട്ടം (മങ്കി ഫാൾസ്) : പൊള്ളാച്ചിയ്ക്കും വാൽപ്പാറയ്ക്കും ഇടയിലായി ആളിയാർ ഡാമിന് സമീപത്തായാണ് പ്രശസ്തമായ മങ്കി ഫാൾസ് സ്ഥിതി ചെയ്യുന്നത്. ഏതാണ്ട് 60 അടിയോളം ഉയരമുണ്ട് ഈ വെള്ളച്ചാട്ടത്തിന്. ഒക്ടോബർ മുതൽ മാർച്ച് വരെയുള്ള കാലയളവാണ് ഇവിടം സന്ദർശിക്കുവാൻ ഏറ്റവും അനുയോജ്യം. കേരളത്തിൽ നിന്നും വാൽപ്പാറയ്ക്ക് ട്രിപ്പ് പോകുന്നവർക്ക് സന്ദർശിക്കാവുന്ന ഒരു സ്ഥലമാണിത്. പൊള്ളാച്ചി – വാൽപ്പാറ റൂട്ടിൽ സർവ്വീസ് നടത്തുന്ന ബസ്സുകൾ ഈ വെള്ളച്ചാട്ടത്തിനു സമീപത്തായി നിർത്തും.

മേൽപ്പറഞ്ഞവ കൂടാതെ പൈക്കര വെള്ളച്ചാട്ടം (ഊട്ടി), സിൽവർ കാസ്കേഡ് (കൊടൈക്കനാൽ), കല്ലട്ടി വെള്ളച്ചാട്ടം, മണിമുത്താർ വെള്ളച്ചാട്ടം, പാപനാശം, കുമ്പക്കരൈ വെള്ളച്ചാട്ടം (മധുരയ്ക്ക് സമീപം), സുരുളി വെള്ളച്ചാട്ടം (മധുരയ്ക്ക് സമീപം), ആകായ ഗംഗൈ (കൊല്ലിമല) എന്നിവയും തമിഴ്‌നാട്ടിലെ പേരുകേട്ട വെള്ളച്ചാട്ടങ്ങളാണ്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post