കഴിഞ്ഞ വർഷത്തെ വയനാടൻ യാത്രയുടെ ഓർമ്മകളിൽ ഇന്ന് ഒരു വിങ്ങലായി ‘പുത്തുമല’

Total
0
Shares

ഇപ്പോൾ കേരളത്തിന്റെ മൊത്തം വിങ്ങലായി മാറിയിരിക്കുകയാണ് ഉരുൾപൊട്ടൽ ദുരന്തം സംഭവിച്ച മലപ്പുറം ജില്ലയിലെ കവളപ്പാറയും വയനാട്ടിലെ പുത്തുമലയും. ഇതിൽ വയനാട്ടിലെ പുത്തുമലയിൽ ഞാൻ കഴിഞ്ഞ വർഷം സന്ദർശിച്ചിട്ടുള്ളതാണ്. പുത്തുമലയിൽ ദുരന്തമുണ്ടായി എന്ന വാർത്ത ശരിക്കും എനിക്ക് ഷോക്ക് തന്നെയായിരുന്നു. കാരണം ഞാൻ അവിടത്തെ പ്രകൃതിഭംഗി നേരിട്ടാസ്വദിച്ചിട്ടുള്ള വ്യക്തിയാണ്.

2018 വർഷാരംഭത്തിലായിരുന്നു വയനാട്ടിലേക്ക് സുഹൃത്തായ ഹൈനാസ്‌ ഇക്കയുടെ ക്ഷണം ലഭിക്കുന്നത്. അങ്ങനെയാണ് മൂന്നാലു ദിവസത്തെ വയനാടൻ കറക്കത്തിനായി ഞാനും സുഹൃത്തായ പ്രശാന്തും അവിടേക്ക് യാത്രയാകുന്നത്. അവിടെ ചെന്നു ആദ്യ ദിവസങ്ങളിൽ കൽപ്പറ്റയും പരിസര പ്രദേശങ്ങളുമൊക്കെയായിരുന്നു കറങ്ങിയത്. അടുത്ത ദിവസങ്ങളിലാണ് ഹൈനാസ്‌ ഇക്ക ഞങ്ങളെ തൊള്ളായിരം കണ്ടി, അട്ടമല, മുണ്ടക്കൈ എന്നിവിടങ്ങളിലൊക്കെ കൊണ്ടുപോയത്. ആ യാത്രയ്ക്കിടയിലാണ് ആദ്യമായി പുത്തുമല സന്ദർശിക്കുവാൻ അവസരമുണ്ടായത്.

ഒറ്റനോട്ടത്തിൽ ഊട്ടിയോ മൂന്നാറോ പോലെ തോന്നിപ്പിക്കുന്ന തേയിലത്തോട്ടങ്ങൾ നിറഞ്ഞ, പച്ചപ്പാർന്ന മനോഹരഗ്രാമമായിരുന്നു പുത്തുമല. തേയിലത്തോട്ടങ്ങൾക്കിടയിൽ തൊഴിലാളികൾ താമസിക്കുന്ന ചെറിയ ചെറിയ പാടികൾ, മുകളിൽ അമ്പലവും പള്ളിയും, ചെറിയ ഒരു സ്‌കൂൾ, പിന്നെ ബ്രിട്ടീഷ് മേൽക്കോയ്മയുടെ പ്രതീകങ്ങളായ മനോഹരമായ എസ്റ്റേറ്റും ബംഗ്ളാവും ഇതായിരുന്നു പുത്തുമലയിൽ എത്തുന്നവരെയെല്ലാം ആകർഷിച്ചിരുന്ന കാഴ്ചകൾ.

പൂത്തുനിൽക്കുന്ന മലനിരകൾ എന്ന അർത്ഥത്തിൽ ‘പൂത്തമല’യാണ് പിന്നീട് പുത്തുമലയായത്. ഹൈനാസ്‌ ഇക്കയുടെ ഒരു സഹോദരി പുത്തുമലയിൽ താമസിക്കുന്നുണ്ടായിരുന്നു. അന്നത്തെ യാത്രയ്ക്കിടയിൽ ഞങ്ങൾ പുത്തുമലയിൽ വണ്ടിയൊതുക്കിയിട്ട് തേയിലത്തോട്ടങ്ങൾക്കിടയിലൂടെയും മറ്റും കാഴ്ചകൾ ആസ്വദിച്ചുകൊണ്ട് ധാരാളം നടക്കുകയുണ്ടായി. ഒപ്പം അവിടെവെച്ചു കണ്ടുമുട്ടിയ നാട്ടുകാരിൽ ചിലരോട് കുശലാന്വേഷണവും നടത്തിയിരുന്നു. സാധാരണക്കാരിൽ സാധാരണക്കാരായ പാവങ്ങളായിരുന്നു ആ ഗ്രാമത്തിൽ ജീവിച്ചിരുന്നത്. പുറമെ നിന്നും വന്ന ഞങ്ങളോട് അവരുടെ പെരുമാറ്റവും വളരെ സൗഹാർദ്ദപരമായിരുന്നു.

അന്നത്തെ യാത്രയ്ക്കു ശേഷം പിന്നീട് എൻ്റെ വിവാഹശേഷവും ഞാനും ഭാര്യ ശ്വേതയുമൊന്നിച്ച് പുത്തുമല ഭാഗത്തൊക്കെ പോയിരുന്നു. തേയിലത്തോട്ടങ്ങൾ പണ്ടേ എനിക്കൊരു വീക്ക്നെസ് ആയതിനാൽ വയനാട്ടിൽ ഏറ്റവും കൂടുതൽ എന്നെ ആകർഷിച്ച ഒരു സ്ഥലമായി പുത്തുമല മാറിയിരുന്നു. പുത്തുമലയെക്കുറിച്ചുള്ള ചരിത്രങ്ങളും വിശേഷങ്ങളുമെല്ലാം ഹൈനാസ്‌ ഇക്ക വഴി എനിക്ക് മനസ്സിലാക്കുവാനും സാധിച്ചിരുന്നു.

ഇനി അടുത്ത തവണ വയനാട്ടിൽ പോകുമ്പോൾ പുത്തുമല, അട്ടമല, മുണ്ടക്കൈ ഭാഗത്തൊക്കെ പോകണം എന്നൊക്കെ വിചാരിച്ചിരിക്കുന്നതിനിടെയാണ് ആഗസ്റ്റ് എട്ടാം തീയതി എല്ലാവരെയും നടുക്കിക്കൊണ്ട് ആ വാർത്ത പുറത്തു വന്നത്. പുത്തുമലയിൽ ഉരുൾപൊട്ടി, ധാരാളം വീടുകളും വാഹനങ്ങളും മനുഷ്യജീവനുകളുമെല്ലാം മണ്ണിനടിയിൽ… വൈകുന്നേരം ഏതാണ്ട് മൂന്നരയോടെയായിരുന്നു സംഭവം നടന്നത് എന്നാണ് അറിയുവാൻ കഴിഞ്ഞത്.

ഈ വാർത്ത കേട്ടപ്പോൾ എൻ്റെ മനസ്സിൽ ആദ്യം ഓടിയെത്തിയത് ഞാൻ കണ്ട പുത്തുമലയെന്ന മനോഹര ഗ്രാമവും, അവിടത്തെ തേയിലത്തോട്ടങ്ങളുടെ പച്ചപ്പും, അമ്പലവും, പള്ളിയും, സ്‌കൂളും, ആളുകൾ താമസിക്കുന്ന പാടികളും ഒക്കെയായിരുന്നു. അവയിൽ പലതും ഇന്ന് നശിച്ചിരിക്കുന്നു. അന്ന് ഞങ്ങൾ കണ്ട മനുഷ്യർ ഇന്ന് ജീവനോടെയുണ്ടോയെന്നു പോലും പറയുവാൻ കഴിയാത്ത അവസ്ഥ. അന്ന് പോയപ്പോൾ അവിടെ കളിക്കുകയായിരുന്ന കൊച്ചുകുട്ടികളുടെ മുഖം ഓർത്തെടുക്കുവാനാകുന്നില്ലെങ്കിലും മനസ്സിൽ ഒരു വിങ്ങലായി ആ ദൃശ്യങ്ങൾ അവശേഷിക്കുന്നു.

പുറംലോകം അധികമൊന്നും അറിയപ്പെടാതിരുന്ന ഒരു സ്ഥലമായിരുന്നു പുത്തുമല. എന്നാൽ ഇന്ന് പുത്തുമല എന്നു പറഞ്ഞാൽ കേരളം മുഴുവനും അറിയും. പക്ഷേ അതൊരു ദുരന്തവാർത്ത മൂലമുണ്ടായ പ്രശസ്തിയാണ് എന്നതാണ് വിഷമകരമായ ഒരു കാര്യം. പുത്തുമലയിൽ ജീവൻ നഷ്ടപ്പെട്ടവരെ വേദനയോടെ ഒരു നിമിഷം മനസ്സിലോർക്കാം, അവർക്കു വേണ്ടി പ്രാർത്ഥിക്കാം, വീടും സ്വത്തും നഷ്ടപ്പെട്ട് ജീവൻ മാത്രം ബാക്കിയായവരെ നമുക്ക് പുതിയ ജീവിതത്തിലേക്ക് കൈപിടിച്ചുയർത്താം. അതിജീവിക്കും… പുത്തുമലയും കവളപ്പാറയും എല്ലാം…

ദുരന്തത്തിനു മുൻപുള്ള പുത്തുമലയുടെ ദൃശ്യമാണ് ഈ ലേഖനത്തോടൊപ്പമുള്ള ചിത്രത്തിൽ കാണുന്നത്. അതിൽ ഒരു ചിത്രം പകർത്തിയത് നമ്മുടെ ഒരു സുഹൃത്തും വില്ലേജ് ഓഫീസറുമായ സലാം അറയ്ക്കൽ ആണ്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മലപ്പുറത്തു നിന്നും വൺ ഡേ ട്രിപ്പ് പോകാൻ പറ്റിയ സ്ഥലങ്ങൾ…

സ്വാതന്ത്ര്യ സമരത്തിന്റെ വീരകഥകൾ ഉറങ്ങുന്ന നാടാണ് മലപ്പുറം. അതുകൊണ്ട് അവരുടെ പിന്മുറക്കാരിലും ആ വീര്യം ഇന്നും നമുക്ക് കാണാം. പുതു തലമുറയിൽ ആ വീര്യം സഞ്ചാരത്തിലും യാത്രകളിലുമാണ് കൂടുതലായി കാണപ്പെടുന്നത്. മുസ്ലിം ഭൂരിപക്ഷ ജില്ലയായ മലപ്പുറം അറേബ്യന്‍, കേരള രുചികള്‍ സമന്വയിപ്പിച്ചുള്ള…
View Post

24 മണിക്കൂറിൽ കൂടുതലുള്ള ട്രെയിൻ യാത്രകൾ പോകുമ്പോൾ ശ്രദ്ധിക്കേണ്ട പ്രധാനപ്പെട്ട ചില കാര്യങ്ങൾ…

ട്രെയിനുകളിൽ യാത്ര ചെയ്യാത്തവർ കുറവായിരിക്കും. കൂടുതലും ദീർഘദൂര യാത്രകൾക്കാണ് ഭൂരിഭാഗമാളുകളും ട്രെയിനുകൾ തിരഞ്ഞെടുക്കാറുള്ളത്. ബസ്സുകളെ അപേക്ഷിച്ച് ട്രെയിൻ ചാർജ്ജ് വളരെ കുറവാണെന്നതു തന്നെയാണ് പ്രധാന കാരണം. പിന്നെ ആവശ്യമെങ്കിൽ ഒന്ന് നിവർന്നു നിൽക്കുവാനും നടക്കുവാനുമൊക്കെ സാധിക്കുമല്ലോ. പക്ഷേ ട്രെയിൻ യാത്രകൾ പോകുന്നതിനു…
View Post

ലണ്ടനിൽ നിന്നും ഇന്ത്യയിലെ കൽക്കട്ടയിലേക്ക് ഒരു ബസ് സർവ്വീസ്

ലോകത്തിലെ ഏറ്റവും നീളമുള്ള ബസ് റൂട്ട് ഏതായിരിക്കും? ഇപ്പോൾ സർവ്വീസ് നടത്തുന്നില്ലെങ്കിലും, ഇംഗ്ലണ്ടിലെ ലണ്ടനിൽ നിന്നും നമ്മുടെ ഇന്ത്യയിലെ കൽക്കട്ടയിലേക്ക് ഉണ്ടായിരുന്ന ബസ് സർവ്വീസ് ആണ് ലോകത്തിലെ ഏറ്റവും ദൈർഘ്യമേറിയ ബസ് റൂട്ടായി കണക്കാക്കപ്പെടുന്നത്. 1957 ലാണ് ലണ്ടൻ – കൽക്കട്ട…
View Post

1072 കി.മീ. ദൂരം, 35 മണിക്കൂർ, 1500 രൂപ ടിക്കറ്റ്; ഈ ബസ് യാത്രയ്ക്ക് നിങ്ങൾ തയ്യാറാണോ?

കാറിലും ടൂവീലറിലുമെല്ലാം ട്രിപ്പ് പോകുന്നതു പോലെത്തന്നെ ബസ് മാർഗ്ഗം യാത്ര ചെയ്യുവാൻ താല്പര്യമുള്ളവരും നമ്മുടെ കൂട്ടത്തിലുണ്ട്. അവർക്കായി ഇതാ ഒരു സന്തോഷ വാർത്ത.!! ഇന്ത്യയിൽത്തന്നെ ഏറ്റവും ദുർഘടമായതും മനോഹരമായതുമായ റൂട്ടിലൂടെ ഒരു ബസ് യാത്രയ്ക്ക് നിങ്ങൾ തയ്യാറാണോ? ഡൽഹിയിൽ നിന്നും ജമ്മു…
View Post

കേരളത്തിനു പുറത്തേക്ക് കാറുമായി യാത്ര പോകുമ്പോൾ പണി കിട്ടാതിരിക്കാൻ..

ഇന്ന് ധാരാളം ആളുകൾ കേരളത്തിനു പുറത്തേക്ക്, അതായത് തമിഴ്‌നാടും കർണാടകയും ഒക്കെ കഴിഞ്ഞു വടക്കേ ഇന്ത്യയിലേക്ക് സ്വന്തം കാറുമായി യാത്ര പോകുന്നുണ്ട്. ഇത്തരത്തിൽ യാത്രകൾ പോകുമ്പോൾ ശ്രദ്ധിക്കേണ്ട പ്രധാന കാര്യങ്ങൾ എല്ലാവർക്കും പല ശ്രോതസ്സുകളിൽ നിന്നുമായി ഇന്ന് മനസ്സിലാക്കുവാൻ കഴിയും. എന്നാൽ…
View Post

18 രാജ്യങ്ങൾ, 70 ദിവസം… ഡൽഹി – ലണ്ടൻ റൂട്ടിൽ ബസ് ട്രിപ്പ് വരുന്നു….

വർഷങ്ങൾക്ക് മുൻപ് ലണ്ടനിൽ നിന്നും ഇന്ത്യയിലെ കൽക്കട്ടയിലേക്ക് ഒരു ബസ് സർവ്വീസ് ഉണ്ടായിരുന്നുവെന്ന വാർത്ത വൈറലായത് മാസങ്ങൾക്ക് മുൻപാണ്. അന്ന് ധാരാളമാളുകൾ ഇങ്ങനെയൊരു ബസ് യാത്ര ഇപ്പോൾ ഉണ്ടായിരുന്നെങ്കിൽ എന്ന് ആഗ്രഹിച്ചതുമാണ്. ഈയടുത്തൊന്നും സാധ്യമാകില്ല എന്നു കരുതിയ ആ യാത്ര ഇപ്പോഴിതാ…
View Post

ബന്ദിപ്പൂര്‍ വനത്തിനുള്ളില്‍ 1600 രൂപയ്ക്ക് രണ്ടുപേർക്ക് താമസിക്കാം…

കർണാടകയിലെ ചാമരാജ് നഗർ ജില്ലയിൽ സ്ഥിതി ചെയ്യുന്ന ദേശീയോദ്യാനമാണ് ബന്ദിപ്പൂർ. ഒരു കടുവാ സംരക്ഷണകേന്ദ്രം കൂടിയായ ഇതിന്റെ വിസ്തൃതി 880 ചതുരശ്ര കിലോമീറ്ററാണ്. വയനാട് വന്യജീവി സം‌രക്ഷണകേന്ദ്രം,മുതുമല വന്യജീവി സം‌രക്ഷണകേന്ദ്രം, നാഗർഹോളെ വന്യജീവി സം‌രക്ഷണകേന്ദ്രം എന്നിവ ഇതിനു സമീപത്താണ് സ്ഥിതിചെയ്യുന്നത്. കടുവ,…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post