ചൈനയിലെ ഷാഞ്ചിയാജി നാഷണൽ പാർക്കിലെ ‘അവതാർ’ മലനിരകളിലേക്ക്

Total
0
Shares

ചൈനയിലെ ഷാഞ്ചിയാജി പട്ടണത്തിലെ ഞങ്ങളുടെ ആദ്യത്തെ പകൽ പുലർന്നു. ഞങ്ങൾ വേഗം റെഡിയായി ഹോട്ടലിനു വെളിയിലെത്തി. അവതാർ എന്ന ഹോളിവുഡ് സിനിമയിലൂടെ പ്രശസ്തമായ, അവതാർ മൗണ്ടൻസ് എന്നറിയപ്പെടുന്ന കൂർത്ത മുനകൾ പോലുള്ള മലനിരകൾ കാണുക എന്നതായിരുന്നു ഞങ്ങളുടെ പ്ലാൻ. ഹോട്ടലിനു വെളിയിലിറങ്ങിയപ്പോൾ ദൂരെയായി അവതാർ മലനിരകൾ ഞങ്ങൾക്ക് കാണുവാൻ സാധിച്ചു.

വൈകാതെ ഒരു ടാക്സി വിളിച്ച് ഞങ്ങൾ അവതാർ മോണ്ടൻസിലേക്ക് യാത്രയായി. അവിടെയടുത്തുള്ള ഒരു റെസ്റ്റോറന്റിൽ നിന്നും ബ്രേക്ക്ഫാസ്റ്റും കഴിച്ചു ഞങ്ങൾ ടിക്കറ്റ് കൗണ്ടറിലേക്ക് നടന്നു. പരമ്പരാഗത ചൈനീസ് മാതൃകയിലുള്ള കെട്ടിടങ്ങളായിരുന്നു അവിടെയെല്ലാം. നല്ല ഫോട്ടോജെനിക് ഏരിയ തന്നെയായിരുന്നു അത്. ഞങ്ങൾ കൗണ്ടറിൽ ചെന്നിട്ട് മൂന്നു ടിക്കറ്റുകൾ എടുത്തു. 225 യുവാൻ ആയിരുന്നു അവിടേക്കുള്ള ടിക്കറ്റ് ചാർജ്ജ്. ഏകദേശം 2300 ഇന്ത്യൻ രൂപയോളം വരുമത്.

ടിക്കറ്റ് എടുത്തശേഷം ഞങ്ങൾ അകത്തേക്ക് കയറി. ധാരാളം ബസ്സുകൾ കിടന്നിരുന്ന അവിടം ഒരു ബസ് സ്റ്റാൻഡ് പോലെയായിരുന്നു തോന്നിച്ചത്. അവിടെ നിന്നും ഇനി ബസ്സിൽ കയറി വേണം അവതാർ മലനിരകളിലേക്ക് എത്തിച്ചേരുവാൻ. അങ്ങനെ മറ്റു സഞ്ചാരികളോടൊപ്പം ഞങ്ങളും ബസ്സിൽക്കയറി യാത്രയായി.

ഭാഗ്യമെന്നു പറയട്ടെ, ഞങ്ങൾക്ക് ബസ്സിന്റെ മുൻഭാഗത്ത് തന്നെ സീറ്റ് ലഭിച്ചു. ഷാഞ്ചിയാജി നാഷണൽ പാർക്കിലേക്ക് ആയിരുന്നു ഞങ്ങളുടെ യാത്ര. ലോകത്തിലെ ഏറ്റവും വലിയ ഔട്ട്ഡോർ ലിഫ്റ്റ് ആയ ചൈനയിലെ ബൈലോങ് എലിവേറ്റർ അവിടെയാണ് സ്ഥിതി ചെയ്യുന്നത്. ബസ്സിൽക്കയറി പോകുന്ന വഴിക്കു ധാരാളം മനോഹരമായ കാഴ്ചകൾ ഞങ്ങൾക്ക് കാണുവാൻ സാധിച്ചു. പോകപ്പോകെ അവതാർ മലനിരകൾ അടുത്തടുത്തായി കാണുവാൻ തുടങ്ങി.

അങ്ങനെ ഒടുവിൽ ഞങ്ങൾ സ്ഥലത്ത് എത്തിച്ചേർന്നു. ഇനി അവിടുന്ന് നേരത്തെ പറഞ്ഞ ബൈലോങ് എലിവേറ്റർ വഴി മലമുകളിൽ എത്താം. ചൈനക്കാർ ഉൾപ്പെടെ ധാരാളം സഞ്ചാരികൾ അവിടെ ഉണ്ടായിരുന്നു. ടൂറിസ്റ്റുകളുടെ വക നല്ല ഒച്ചപ്പാട് ആയിരുന്നു അവിടെ മുഴുവനും. മിക്കവരും ഫോട്ടോകളും സെൽഫികളും എടുക്കുന്ന തിരക്കിലാണ്.

അങ്ങനെ ഞങ്ങൾ ചുറ്റിനും ചില്ലിട്ട ലിഫ്റ്റിൽ കയറി മുകളിലേക്ക് യാത്രയായി. വളരെ മനോഹരമായ ദൃശ്യങ്ങളായിരുന്നു ലിഫ്റ്റിൽ നിന്നുകൊണ്ട് ഞങ്ങൾക്ക് കാണുവാൻ സാധിച്ചത്. കാണുക മാത്രമല്ല, നല്ലൊരു അനുഭവം കൂടിയായിരുന്നു അത്. ലിഫ്റ്റ് മുകളിലേക്ക് പോകുമ്പോൾ നമ്മൾ പറന്നുയരുന്നതു പോലുള്ള ഒരു ഫീൽ ആയിരുന്നു. അങ്ങനെ ഞങ്ങൾ കയറിയ എലവേറ്റർ മുകൾ ഭാഗത്തെത്തിച്ചേർന്നു.

മുകളിൽ നിന്നും അവതാർ മലനിരകളുടെ മനോഹരമായ ദൃശ്യം മികച്ച രീതിയിൽത്തന്നെ കാണുവാൻ സാധിച്ചു. ചൈനയിൽ വരുന്നവർ ഒരിക്കലും മിസ് ചെയ്യാൻ പാടില്ലാത്ത ഒരു കാഴ്ചയാണ് അവതാർ മലനിരകൾ എന്ന് കണ്ണടച്ചു പറയാം. കുറേസമയം ഞങ്ങൾ അവിടത്തെ കാഴ്ചകൾ ആസ്വദിച്ചു നിന്നു. പിന്നീട് വന്നപോലെ തന്നെ ലിഫ്റ്റിൽ കയറി താഴേക്ക്. അടുത്ത സ്ഥലത്തേക്ക് പോകുവാനായി അവിടെയുണ്ടായിരുന്ന ബസ്സിൽക്കയറി ഞങ്ങൾ യാത്രയായി. To contact Saheer Bhai in China : https://www.instagram.com/saheerchn/, Whatsapp: 008615669591916.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിൽ ടൂറിസം ഉണരുന്നു; തുറന്ന ടൂറിസം സെന്ററുകൾ ഇവയാണ്

കോവിഡ് മഹാമാരിയെ തുടര്‍ന്ന് അടച്ചിട്ടിരുന്ന വനംവകുപ്പിന് കീഴിലുള്ള ഇക്കോ ടൂറിസം സെന്ററുകള്‍ കഴിഞ്ഞ ദിവസം മുതല്‍ സഞ്ചാരികള്‍ക്കായി തുറന്നു നല്‍കി. പരിഷ്‌കരിച്ച കോവിഡ് മാനദണ്ഡങ്ങള്‍ കര്‍ശനമായി പാലിച്ചുകൊണ്ടായിരിക്കും സെന്ററുകള്‍ പ്രവര്‍ത്തിക്കുക. ഇത്തരത്തിൽ തുറന്നിരിക്കുന്ന ടൂറിസം സെന്ററുകളുടെ വിവരങ്ങൾ ജില്ല തിരിച്ച് താഴെ…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post