ആനവണ്ടി ഭ്രാന്തൻമാരോടൊപ്പം കുമളിയിൽ ഒരു ദിവസം..

Total
0
Shares

സിനിമാ നടന്മാര്‍ക്കും ക്രിക്കറ്റ് താരങ്ങള്‍ക്കുമൊക്കെ ഉള്ളതുപോലെ നമ്മുടെ സ്വന്തം കെഎസ്ആര്‍ടിസിയ്ക്കും ഉണ്ട് ആരാധകര്‍. ആനവണ്ടിപ്രേമികള്‍ എന്നറിയപ്പെടുന്ന നമ്മുടെ സ്വന്തം ടീം. ആനവണ്ടി അഥവാ കെഎസ്ആര്‍ടിസി ബ്ലോഗ്‌ ആരംഭിച്ചിട്ട് ഇത് പത്താമത്തെ കൊല്ലമാണ്. അങ്ങനെയിരിക്കെയാണ് ആനവണ്ടി ഗ്രൂപ്പ് അഡ്മിനുകള്‍ എല്ലാവര്ക്കും കൂടി ഒത്തുചേരണം എന്ന ഒരു പ്ലാനില്‍ എത്തിയത്. പ്ലാന്‍ ഇട്ടതോടെ ഒന്നും ആലോചിച്ചില്ല സ്ഥലവും പെട്ടെന്നങ്ങ് തീരുമാനിച്ചു.. കുമളി. ഇടുക്കി ജില്ലയിലെ, കേരള അതിര്‍ത്തിയായ കുമളി…

മാര്‍ച്ച് നാലാം തീയതിയായിരുന്നു ആനവണ്ടി മീറ്റ്‌ വെച്ചിരുന്നത്. കുമളി കെഎസ്ആര്‍ടിസി ഡിപ്പോയില്‍ മുന്‍കൂട്ടി പറഞ്ഞ് അനുമതിയൊക്കെ വാങ്ങിയിരുന്നു പിള്ളേര്‍. അങ്ങനെ രാവിലെ ഏകദേശം പത്തു പത്തരയോടെ എല്ലാവരും കുമളി ഡിപ്പോയില്‍ എത്തിച്ചേര്‍ന്നു. കോട്ടയത്ത് നിന്നും നാല്‍പ്പതോളം ആനവണ്ടി പ്രേമികള്‍ ഫ്ലക്സ് ഒക്കെ കെട്ടി ഒരു ബസ് പിടിച്ചു വന്നിറങ്ങിയത് എല്ലാവരിലും കൌതുകമുണര്‍ത്തി. ബെംഗളൂരുവില്‍ നിന്നും വൈശാഖും ടീമും കാറിലായിരുന്നു എത്തിച്ചേര്‍ന്നത്.

എണ്‍പത്തി അഞ്ചോളം ആളുകളായിരുന്നു പരിപാടിയില്‍ പങ്കെടുക്കുവാനായി എത്തിയത്. വിജനമായി കിടന്നിരുന്ന കുമളി ഡിപ്പോ പെട്ടെന്ന് ഉത്സവപ്പറമ്പ് പോലെയായി. പലനിറങ്ങളില്‍ കുമളിയിലെത്തിയവര്‍ പൊടുന്നനെ ടീം ബനിയനിട്ട് കരിംമ്പുലികളായി. അധികൃതരുമായി സംസാരിച്ചപ്പോള്‍ ഞങ്ങള്‍ക്കായി കമ്പം റൂട്ടില്‍ സര്‍വ്വീസ് നടത്തുന്ന ഒരു ബസ് വിട്ടുതരാമെന്നു അവര്‍ സമ്മതിച്ചു. 11.45 നു ബസ് പുറപ്പെടണം. ഉടനെ എല്ലാവരും ഭക്ഷണം കഴിക്കുവാനും മറ്റുമായി പല ഗ്രൂപ്പായി തിരിഞ്ഞു പോയി. ഏകദേശം 11.30 യോടെ എല്ലാവരും തിരികെയെത്തി. അപ്പോഴേക്കും ഞങ്ങള്‍ക്ക് പോകാനുള്ള ബസ് റെഡിയായി കിടപ്പുണ്ടായിരുന്നു. പിന്നെ എല്ലാവരും ഭയങ്കര ഫോട്ടോഷൂട്ട്‌ ആയിരുന്നു. ഫേസ്ബുക്കില്‍ ലൈവ് പോകല്‍ തുടങ്ങിയ കലാപരിപാടികളും ഇതിനിടെ അരങ്ങേറി.

ആനവണ്ടിപ്രേമികള്‍ക്കൊപ്പം തന്നെ ജീവനക്കാരായ ചിലരും മീറ്റില്‍ പങ്കെടുക്കുവാന്‍ എത്തിയിരുന്നു. തിരുവല്ല ഡിപ്പോയിലെ ഡ്രൈവര്‍ സന്തോഷ്‌ കുട്ടന്‍, എടത്വ കണ്ടക്ടര്‍ ഷെഫീക് ഇബ്രാഹിം, പത്തനംതിട്ട ഡിപ്പോയിലെ റോയ് ഇവരൊക്കെയായിരുന്നു പ്രധാനപ്പെട്ട ജീവനക്കാര്‍. കണ്ണൂര്‍ ഭാഗത്തു നിന്ന് പോലും ആളുകള്‍ പങ്കെടുത്തു എന്നത് ഇക്കൊല്ലത്തെ മീറ്റിന്‍റെ വന്‍ വിജയങ്ങളില്‍ ഒരു കാരണമായി. ഇതിനിടെ മനോരമയുടെ ഒരു റിപ്പോര്‍ട്ടര്‍ പരിപാടി കവര്‍ ചെയ്യുവാനായി വന്നിരുന്നു.

അങ്ങനെ 11.50 ഓടെ ഇത്രയും ആളുകളെയുംകൊണ്ട് ഞങ്ങളുടെ ബസ് കമ്പം ലക്ഷ്യമാക്കി യാത്ര തിരിച്ചു. വണ്ടി നേരെ അതിര്‍ത്തി കടന്ന് തമിഴ്നാട്ടിലേക്ക്.. ബോര്‍ഡറില്‍ മധുര, തേനി എന്നിവിടങ്ങളിലേക്കുള്ള തമിഴ്നാട് സര്‍ക്കാരിന്‍റെ ബസ്സുകള്‍ കിടപ്പുണ്ട്.  ആട്ടവും പാട്ടും ഒക്കെയായി മൊത്തത്തില്‍ ഒരു ഉത്സവത്തിന്‍റെ പ്രതീതിയായിരുന്നു ബസ്സിനുള്ളില്‍. വളരെ വീതി കുറഞ്ഞ റോഡിലൂടെ നമ്മുടെ ഇരട്ടക്കണ്ണന്‍ ഓര്‍ഡിനറി കുതിച്ചു. ഓരോ ബസ്സിനെ ഓവര്‍ടേക് ചെയ്യുമ്പോഴും അകത്തിരുന്ന പ്രാന്തന്മാരുടെ ആവേശം ഒന്നുകാണേണ്ടതായിരുന്നു. ഒന്നുരണ്ട് വ്യൂ പോയിന്‍റുകളില്‍ നിര്‍ത്തി കാഴ്ചകള്‍ കണ്ടും അത് പകര്‍ത്തിയും ഞങ്ങള്‍ യാത്ര തുടര്‍ന്നു. ഇത്തവണത്തെ മീറ്റില്‍ എല്ലാവരുടെയും ശ്രദ്ധാകേന്ദ്രമായത് ‘സഹ്യന്‍’ എന്നു പേരുള്ള ആറുമാസം പ്രായമുള്ള ഒരു കുഞ്ഞു ആനവണ്ടിപ്രേമിയായിരുന്നു. റിപ്പോര്‍ട്ടറായ അച്ഛനും അമ്മയ്ക്കും ഒപ്പം മീറ്റില്‍ പങ്കെടുക്കാന്‍ വന്നതാണ് കുഞ്ഞു സഹ്യന്‍.

കാഴ്ചകള്‍ കാണുന്നതിനും ഫോട്ടോ എടുക്കുന്നതിനുമായി പോകുന്നവഴി ചുരത്തില്‍ ഒരിടത്ത് ബസ് നിര്‍ത്തിത്തരികയുണ്ടായി. ബസ് ജീവനക്കാരും ആനവണ്ടിപ്രേമികളുടെ ഈ കൂട്ടത്തില്‍ അങ്ങുചേര്‍ന്നു. ചുരം ഇറങ്ങിയശേഷം കമ്പം എത്തുന്നതിനു മുന്‍പായി ‘കൂടല്ലൂര്‍’ എന്ന സ്ഥലത്ത് ഞങ്ങളുടെ ബസ് നിര്‍ത്തി. തൊട്ടടുത്ത് മുന്തിരിത്തോട്ടവും മറ്റു കൃഷിത്തോട്ടങ്ങളും ഉണ്ട്. വഴിയരികിലെ തണ്ണിമത്തന്‍ വില്‍പ്പനക്കാരന് ഞങ്ങള്‍ കാരണം അന്ന് നല്ല കച്ചവടം ലഭിച്ചു.

വെള്ളവും തണ്ണിമത്തനുമൊക്കെ കഴിച്ചതോടെ എല്ലാവരും ഒന്നുകൂടി ഉഷാറായി. പിന്നീടങ്ങോട്ട് ക്യാമറയുടെ ഷട്ടര്‍ സൗണ്ടായിരുന്നു അവിടെ മുഴുവന്‍. ബസ് ഏതാണ്ട് ജോസ് പ്രകാശിന്‍റെ കയ്യില്‍ കിട്ടിയ ഉണ്ണിമേരിയുടെ അവസ്ഥ! ഇരുന്നും കിടന്നും ചാഞ്ഞും ചെരിഞ്ഞും പോസിംഗും പടംപിടുത്തവും തകൃതിയായ് നടന്നു. ഏകദേശം അരമണിക്കൂറില്‍ ഞങ്ങള്‍ തിരിച്ചു ചുരംകയറി.. ബസ് മുഴുവന്‍ ടീമംഗങ്ങള്‍ മാത്രം. തിരിച്ച് കുമളിയിലെത്തി എല്ലാവരും ഫ്രണ്ട് ഡോര്‍ വഴി തങ്ങളെക്കുറിച്ച് ഒരു ചെറിയ ഇന്‍ട്രോ ക്യാമറമാന്‍ പ്രശാന്തിന് കൊടുത്ത് ഇറങ്ങി.

ആനവണ്ടി ബ്ലോഗിന്റെ ചരിത്രത്തില്‍ ഇത്രയധികം ആളുകള്‍ പങ്കെടുത്ത ഒരു പരിപാടി വേറെയുണ്ടായിട്ടില്ല. അടുത്ത മീറ്റിനു കാണാം എന്ന ഉറപ്പോടെ എല്ലാ കൂട്ടുകാരും ഓരോരോ സ്ഥലങ്ങളിലേക്ക് വിടപറഞ്ഞു യാത്രയായി.

ആനവണ്ടി പേജ്: https://www.facebook.com/ksrtcblog/ , ആനവണ്ടി ഗ്രൂപ്പ്: https://www.facebook.com/groups/ksrtc… , Website: https://www.aanavandi.com/ .

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post