ബൈക്കുമായി ലങ്കാവിയിൽ ഒരു കിടിലൻ നൈറ്റ് ട്രിപ്പ്..!!

Total
0
Shares

കേബിൾ കാറും സ്‌കൈ ബ്രിഡ്ജും കണ്ട് വന്ന് റൂമിൽ വിശ്രമിക്കുമ്പോൾ ആണ് ശ്വേത പറയുന്നത് ടൗണിലേക്ക് ഒരു നൈറ്റ് റൈഡ് പോകാമെന്ന്. എന്നാൽപ്പിന്നെ വൈകിക്കണ്ട, ഇപ്പൊത്തന്നെ പൊയ്ക്കളയാം എന്നു ഞാനും പറഞ്ഞു. ഞങ്ങളുടെ ഹോട്ടലിലെ രാത്രിക്കാഴ്ച വളരെ മനോഹരമായിരുന്നു. ടൗണിൽ നിന്നും അൽപ്പം മാറിയാണെങ്കിലും നല്ലൊരു അടിപൊളി റിസോർട്ട് ആയിരുന്നു ഞങ്ങൾ താമസിച്ചിരുന്ന ഓഷ്യൻ റെസിഡൻസി. ലങ്കാവിയിൽ വരുന്നവർക്ക് ധൈര്യമായി താമസിക്കുവാൻ തിരഞ്ഞെടുക്കാൻ കഴിയുന്ന ഒരു റിസോർട്ടും കൂടിയാണിത്.

അങ്ങനെ ഞങ്ങൾ നേരത്തെ വാടകയ്ക്ക് എടുത്തിട്ടുള്ള ബൈക്കും എടുത്തുകൊണ്ട് രാത്രി ബൈക്ക് യാത്ര ആരംഭിച്ചു. ഇവിടെ വന്നു കഴിഞ്ഞാൽ ഞങ്ങൾ എടുത്തിട്ടുള്ള ചെറിയ ബൈക്ക് മുതൽ സൂപ്പർ ബൈക്കുകൾ വരെ വാടകയ്ക്ക് ലഭിക്കും. അവയ്‌ക്കൊക്കെ നല്ല റേറ്റ് ആയിരിക്കും. നിങ്ങളുടെ കയ്യിൽ എത്ര പൈസയുണ്ടോ അതുപോലെയിരിക്കും. അങ്ങനെ ഞങ്ങൾ ലങ്കാവിയിലെ തെരുവിലൂടെ രാത്രിക്കാഴ്ചകൾ ആസ്വദിച്ചുകൊണ്ട് യാത്ര തുടർന്നു.

റോഡ് ഒക്കെ വളരെ നല്ലതായിരുന്നു അവിടെ. കൂടാതെ നമ്മുടെ നാട്ടിലെപ്പോലെ റോഡുകളിൽ അത്രയ്ക്ക് തിരക്കുകൾ ഒന്നുമില്ല. എല്ലാവരും റോഡ് നിയമങ്ങൾ കൃത്യമായി പാലിക്കുന്നതും ഇവിടത്തെ ഒരു പ്ലസ് പോയിന്റാണ്. ധാരാളം സഞ്ചാരികൾ സൂപ്പർ ബൈക്കുകൾ വാടകയ്ക്ക് എടുത്തുകൊണ്ട് കറങ്ങിനടക്കുന്നത് ഞങ്ങൾക്ക് കാണുവാൻ സാധിച്ചു. കാഴ്ചകൾ കണ്ടു പോകുന്നതിനിടയിൽ ഞങ്ങൾക്ക് വിശപ്പിന്റെ വിളി വന്നുതുടങ്ങി. ശ്വേതയ്ക്ക് ആണെങ്കിൽ ഇന്ത്യൻ ഫുഡ് കഴിക്കുവാൻ ഒരു ആഗ്രഹവും. അങ്ങനെ ഞങ്ങൾ ഗൂഗിൾ മാപ്പിൽ തപ്പിപ്പിടിച്ചുകൊണ്ട് അവസാനം ഒരു ഇന്ത്യൻ റെസ്റ്റോറന്റ് കണ്ടുപിടിച്ച് അവിടേക്ക് എത്തിച്ചേർന്നു.

ആപ്ത്താസ് എന്ന പേരുള്ള ഒരു ഇന്ത്യൻ ഹോട്ടലായിരുന്നു അത്. അവിടെ എന്തൊക്കെ കഴിക്കാൻ കിട്ടുമെന്ന് ഞങ്ങൾക്ക് ഒരൂഹവും ഉണ്ടായിരുന്നില്ല. ഞങ്ങൾ ടൂറും കറക്കവുമൊക്കെയായി വീട്ടിൽ നിന്നും മാറി നിൽക്കാൻ തുടങ്ങിയിട്ട് അഞ്ചാറ് ദിവസങ്ങൾ ആയിരുന്നു. എനിക്കാണെങ്കിൽ നല്ല മസാലദോശയും വടയുമൊക്കെ കഴിക്കാൻ ഒരു പൂതി. എന്തായാലും ഒന്ന് കയറിക്കളയാം എന്നുവിചാരിച്ച് ഞങ്ങൾ ബൈക്ക് പാർക്ക് ചെയ്തിട്ട് ഹോട്ടലിലേക്ക് കയറി.

ഗൂഗിൾ മാപ്പ് കാണിച്ചു തന്നെ ആ റെസ്റ്റോറന്റ് ഒട്ടും മോശമായിരുന്നില്ല. എൻ്റെ ആഗ്രഹംപോലെ തന്നെ അവിടെ മസാല ദോശ ഉണ്ടായിരുന്നു. ഞങ്ങൾ താമസിക്കുന്ന റിസോർട്ടിലെ ഫുഡ് നല്ലതായിരുന്നു. പക്ഷെ ഒരു വ്യത്യസ്തത പരീക്ഷിക്കുവാനായാണ് ഞങ്ങൾ പുറത്തേക്ക് വന്നത്. ഞങ്ങൾ മസാലദോശയും ചായയും വെജ്. ഊണും ഒക്കെ ഓർഡർ ചെയ്തു. ഞാൻ മസാലദോശയും ശ്വേത ഊണും ആയിരുന്നു കഴിച്ചത്. തമിഴ് വംശജരായ ആളുകൾ നടത്തിയിരുന്ന ഒരു റെസ്റ്റോറന്റ് ആയിരുന്നു അത്. ഭക്ഷണമൊക്കെ നല്ല രുചികരമായിരുന്നു. ഞങ്ങൾ വയറുനിറച്ചു ഭക്ഷണം കഴിച്ച ശേഷം അവിടെ നിന്നും വീണ്ടും യാത്ര തുടർന്നു.

ടൗൺ ഏരിയയിലൊക്കെ ഇനിയും ഒന്നു ചുറ്റിക്കാണണം. റോഡിനിരുവശത്തും ധാരാളം റസ്റ്റോറന്റുകൾ കാണാമായിരുന്നു. ലോക്കൽ ഫുഡ് മുതൽ പക്കാ ഇന്റർനാഷണൽ ഐറ്റംസ് വരെ ഇവിടെ ലഭ്യമാണ്. അങ്ങനെ ഞങ്ങൾ ലങ്കാവി ഫെയർ മാൾ എന്നൊരു മാളിലേക്ക് കയറി. അപ്പോൾ സമയം രാത്രി ഒന്പതര കഴിഞ്ഞിരുന്നു. മാളിനുള്ളിൽ ഒത്ത നടുക്കളത്തിലായി അവിടെ അപ്പോൾ ഒരു ബോക്സിംഗ് മത്സരം നടക്കുകയായിരുന്നു. ഫ്രീ ആയിട്ട് ഇതൊക്കെ ആളുകൾക്ക് കാണാം. ഞങ്ങൾ ജീവിതത്തിൽ ആദ്യമായിട്ടായിരുന്നു ഒരു ബോക്സിംഗ് മത്സരം കാണുന്നത്. നമ്മൾ സിനിമകളിൽ കാണുന്നതുപോലെ ശത്രുതാ മനോഭാവം വെച്ചുള്ള ഇടിയായിരുന്നില്ല അവിടെ കണ്ടത്. മത്സരാർത്ഥികൾ ഓരോ ലാപ് കഴിയുമ്പോഴും പരസ്പരം കെട്ടിപ്പിടിച്ചും വർത്തമാനം പറഞ്ഞുമൊക്കെ നിൽക്കുന്നു. ചുമ്മാ മാളിൽ കയറിയ ഞങ്ങൾക്ക് അങ്ങനെ നല്ലൊരു ബോക്സിംഗ് മത്സരം കാണുവാനും സാധിച്ചു.

രാത്രി പത്തുമണി ആയപ്പോഴേക്കും ഞങ്ങൾ മാളിൽ നിന്നും പുറത്തേക്ക് ഇറങ്ങി. അല്ലെങ്കിൽ അവർ ഞങ്ങളെ ഇറക്കിവിടുമായിരുന്നു (ചുമ്മാ..). കാരണം മാൾ രാത്രി പത്തു മണിയോടെ അടയ്ക്കും. ഞങ്ങൾ വീണ്ടും തെരുവീഥിയിലൂടെ ബൈക്ക് പായിച്ചു. പത്തുമണി ആയെങ്കിലും ലങ്കാവി ടൗൺ ഒക്കെ സജീവമായിരുന്നു. അങ്ങനെ ടൗൺ ഒക്കെ വീണ്ടും ഒന്നു കറങ്ങിയശേഷം ഞങ്ങൾ തിരികെ ഞങ്ങളുടെ റിസോർട്ടിൽ എത്തിച്ചേർന്നു. ചുമ്മാ ഒന്നു കറങ്ങുവാനായി പുറത്തിറങ്ങിയ ഞങ്ങൾക്ക് ലഭിച്ചത് കിടിലൻ രാത്രി അനുഭവങ്ങളും കാഴ്ചകളും. അടിപൊളി.. ഇനി സുഖമായി ഉറങ്ങാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

ഊട്ടി – നീലഗിരി ട്രെയിൻ യാത്ര; നിങ്ങൾ അറിയേണ്ട കാര്യങ്ങളെല്ലാം…

ദിൽസേ സിനിമയിലെ “ഛയ്യ ഛയ്യാ..” എന്ന പാട്ടു കണ്ടതു മുതൽ എൻ്റെ മനസ്സിൽ കയറിക്കൂടിയതാണ് ഊട്ടി ട്രെയിൻ എന്നു നമ്മൾ വിളിക്കുന്ന നീലഗിരി മൗണ്ടൻ റെയിൽവേ. എന്നാൽ ഇതുവരെയ്ക്കും എനിക്ക് ആ ട്രെയിനിൽ ഒന്ന് സഞ്ചരിക്കുവാൻ സാധിച്ചിരുന്നില്ല. കഴിഞ്ഞ ദിവസം ആനക്കട്ടിയിലെ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post