പൊതി ബീഫ് പൊറോട്ടയും ബുള്ളറ്റും പിന്നെ ആനവണ്ടിയും..

Total
0
Shares

ദേവാലയിലെ താമസത്തിനു ശേഷം ഞങ്ങൾ വയനാട്ടിലേക്ക് ആയിരുന്നു പോയത്. വയനാട്ടിലെ റിപ്പൺ ബംഗ്ളാവിലെ വർഗ്ഗീസേട്ടനെ കണ്ടതിനു ശേഷം ഞങ്ങൾ ബത്തേരിയിലേക്ക് വന്നു. ബത്തേരിയിലുള്ള പ്രശസ്തമായ ജൂബിലി റെസ്റ്റോറന്റിലെ വ്യത്യസ്തങ്ങളായിട്ടുള്ള ഫുഡ് ഐറ്റങ്ങൾ പരീക്ഷിക്കുക എന്നതായിരുന്നു ഞങ്ങളുടെ പ്ലാൻ.

അങ്ങനെ ഞങ്ങൾ ജൂബിലി ഹോട്ടലിൽ എത്തിച്ചേർന്നു. വൈകുന്നേരം അഞ്ചു മണി കഴിഞ്ഞതേയുള്ളൂ, ഹോട്ടലിലെ തിരക്ക് കണ്ടിട്ട് ഞങ്ങളുടെ കണ്ണ് തള്ളിപ്പോയി. അൽപ്പം തിരക്ക് ഒഴിഞ്ഞിട്ടാണ് ഞങ്ങൾ ഹോട്ടലിലേക്ക് കയറിയത്. തിരക്ക് കൂടുതൽ എസി റെസ്റ്റോറന്റിൽ ആയതിനാൽ ഞങ്ങൾ ഹോട്ടലിലെ നോൺ എസി റെസ്റ്റോറന്റിലേക്ക് ഞങ്ങൾ കയറി.

ഈ ഹോട്ടൽ ആരംഭിച്ചിട്ട് 23 വർഷത്തോളമായി എന്നു കാണിക്കുന്ന പോസ്റ്ററുകൾ ഹോട്ടലിനുള്ളിൽ ഞങ്ങൾ കണ്ടു. മെനു കണ്ടപ്പോൾ എന്ത് ഓർഡർ ചെയ്യണം എന്ന കൺഫ്യൂഷനിലായി ഞങ്ങൾ. അപ്പോഴാണ് അവിടെ ‘പൊതിപൊറോട്ട’ എന്ന ഒരു ഐറ്റത്തിനെക്കുറിച്ചുള്ള ഒരു പോസ്റ്റർ ഞങ്ങളുടെ കണ്ണിൽപ്പെട്ടത്. അതിനെക്കുറിച്ച് ഞങ്ങൾ ഹോട്ടലുകാരോട് അന്വേഷിച്ചു.

ബീഫ്, പൊറോട്ടയിൽ സ്റ്റഫ് ചെയ്തു തരുന്ന ഒരു കിടിലൻ ഐറ്റമാണ് പൊതി പൊറോട്ട. ബീഫിന് പകരം ചിക്കനും ഇത്തരത്തിൽ സ്റ്റഫ് ആയി കിട്ടും. എന്നാൽപ്പിന്നെ ബീഫ് പൊതിപൊറോട്ട ആയിക്കോട്ടെ എന്ന് ഞാനും. ശ്വേത ബീഫ് കഴിക്കാത്തതിനാൽ വെജിറ്റേറിയൻ പൊതിപൊറോട്ട തയ്യാറാക്കി തരാമെന്നു ഹോട്ടലുകാർ പറഞ്ഞു.

അങ്ങനെ അൽപ്പസമയത്തിനകം രണ്ടും ഞങ്ങളുടെ ടേബിളിൽ എത്തി. സാധാരണ ഇലയിൽ പൊതിച്ചോറ് പൊതിയുന്ന പോലെ നല്ല വൃത്തിയായിട്ടായിരുന്നു പൊതിപൊറോട്ട ഞങ്ങൾക്ക് മുന്നിലെത്തിയത്. രണ്ടു വലിയ പൊറോട്ടകളായിരുന്നു ഇത്തരത്തിൽ പൊതിയിൽ സ്റ്റഫ് ചെയ്ത് വച്ചിട്ടുള്ളത്. 90 രൂപയാണ് ഈ വ്യത്യസ്ത ഐറ്റത്തിന്റെ വില. എന്തായാലും സംഭവം കിടുക്കി.

ഞങ്ങൾ ഇന്ന് ബത്തേരിയിൽ നിന്നും ഒരു പരിപാടിയിൽ പങ്കെടുക്കുവാനായി കെഎസ്ആർടിസി സ്‌കാനിയ ബസ്സിൽ (ബെംഗളൂരു – തിരുവനന്തപുരം) യാത്ര പോകുകയാണ്. ടിക്കറ്റ് നേരത്തെ ബുക്ക് ചെയ്തിരുന്നതിനാൽ വേറെ ടെൻഷനുകൾ ഒന്നുംതന്നെ ഉണ്ടായിരുന്നില്ല. അതിലെ കണ്ടക്ടർ ഞങ്ങളെ വിളിച്ച് രാത്രി ഏഴു മണിയോടെ ബസ് ബത്തേരിയിൽ എത്തുമെന്നും ഞങ്ങളോട് ഡിന്നർ കഴിച്ചിട്ട് നിൽക്കുവാനും പറഞ്ഞു. ചെയ്യുന്ന ജോലിയോട് ആത്മാർഥത പുലർത്തുന്ന ഇതുപോലുള്ള ജീവനക്കാരെയാണ് കെഎസ്ആർടിസിയ്ക്ക് ആവശ്യം.

ഒരു കാര്യം പറയാൻ മറന്നു. ഞങ്ങൾ കയറിയ ജൂബിലി ഹോട്ടലിന്റെ 23 മത് വാർഷികത്തോടനുബന്ധിച്ച് കസ്റ്റമേഴ്‌സിനായി ധാരാളം സമ്മാനങ്ങൾ ഒരുക്കിയിരുന്നു. വേറൊന്നുമല്ല, ഹോട്ടലിൽ നിന്നും 300 രൂപയ്ക്കോ അതിനു മുകളിലോ തുകയ്ക്ക് ഭക്ഷണം കഴിച്ചാൽ ഒരു കൂപ്പൺ ലഭിക്കും. പിന്നീട് നടക്കുന്ന നറുക്കെടുപ്പിൽ ഭാഗ്യമുണ്ടെങ്കിൽ നമുക്ക് ലഭിക്കുവാൻ പോകുന്നത് ഒരു റോയൽ എൻഫീൽഡ് ബുള്ളറ്റാണ്. അങ്ങനെ ഞങ്ങളും ബുള്ളറ്റിനായി ബിൽ തുക 305 ആക്കി.

അധികം വൈകാതെ ഞങ്ങൾ ഹോട്ടൽ പരിസരത്തു നിന്നും ഒരു ഓട്ടോ പിടിച്ച് ബത്തേരി കെഎസ്ആർടിസി ബസ് സ്റ്റാൻഡിലേക്ക് പോയി. ബസ് അൽപ്പം വൈകി 7.30 നേ വരുകയുള്ളൂ എന്ന് കണ്ടക്ടർ ഞങ്ങളെ വിളിച്ചറിയിച്ചിരുന്നു. അങ്ങനെ ഞങ്ങൾ ബത്തേരി കെഎസ്ആർടിസി ബസ് സ്റ്റാൻഡിൽ ഞങ്ങളുടെ സ്‌കാനിയ ബസ്സിനായി കാത്തിരിപ്പ് തുടങ്ങി.

അങ്ങനെ ഏഴരയോടെ ഞങ്ങൾക്ക് പോകേണ്ട ബസ് ബത്തേരി സ്റ്റാൻഡിൽ എത്തിച്ചേർന്നു. സീറ്റ് നമ്പർ 11, 12 ആയിരുന്നു ഞങ്ങൾ ബുക്ക് ചെയ്തിരുന്നത്. കയറിയപാടെ കണ്ടക്ടർ ചേട്ടൻ ഞങ്ങളെ പുഞ്ചിരിയോടെ എതിരേറ്റു. ചെറിയ രീതിയിൽ ഞങ്ങളോട് വിശേഷങ്ങൾ തിരക്കുകയും ചെയ്തു. അങ്ങനെ ആളുകളെല്ലാം കയറിക്കഴിഞ്ഞപ്പോൾ ബസ് ബത്തേരിയിൽ നിന്നും യാത്രയാരംഭിച്ചു. കുറച്ചു കഴിഞ്ഞപ്പോൾ ക്ഷീണം കാരണം ഞങ്ങൾ പതിയെ ഉറക്കത്തിലേക്ക് നീങ്ങി.

ഒരു മണിക്കൂർ വൈകി ബത്തേരിയിൽ വന്ന കെഎസ്ആർടിസി സ്‌കാനിയ ബസ് 15 മിനിറ്റ് നേരത്തെ തിരുവനന്തപുരത്ത് എത്തിച്ചേർന്നു. ഇറങ്ങുന്നതിനു മുൻപ് ഡ്രൈവറെയും കണ്ടക്ടറെയും ഞങ്ങൾ അഭിനന്ദിക്കാനും മറന്നില്ല. യാത്രക്കാരുടെ ഭാഗത്തു നിന്നും ഇത്തരത്തിലുള്ള കുശലാന്വേഷണങ്ങളും നന്ദി വാക്കുകളും ബസ് ജീവനക്കാർക്ക് വളരെ വിലപ്പെട്ടതാണ്.

വെളുപ്പിന് സമയം ആയതിനാൽ പ്രത്യേകിച്ച് ഒന്നും ചെയ്യുവാനില്ലായിരുന്നു ഞങ്ങൾക്ക്. അതുകൊണ്ട് കുറച്ചു വിശ്രമിക്കുകയും ഫ്രഷ് ആകുകയുമൊക്കെ ചെയ്യാമെന്നു വിചാരിച്ച് ബസ് ടെർമിനലിന് അടുത്തായുള്ള ഒരു ഹോട്ടലിൽ കയറി റൂം എടുത്തു. ബാക്കി തിരുവനന്തപുരം വിശേഷങ്ങൾ ഇനി അടുത്ത എപ്പിസോഫിൽ കാണാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തിരുവനന്തപുരത്ത് വ്യത്യസ്ത വിഭവങ്ങൾ ലഭിക്കുന്ന മികച്ച 251 രുചിയിടങ്ങൾ

തയ്യാറാക്കിയത് – വിഷ്ണു എ എസ്, പ്രഗതി. തിരുവനന്തപുരം. അനന്തശായിയായ ഞങ്ങടെ ശ്രീ.പത്മനാഭന്റെയും ആറ്റുകാൽ അമ്മച്ചിയുടേയും വാലും തലയും നോക്കാത്ത ഒരുപിടി മനുഷ്യരുടെയും നാട്. അതിലുപരി കുറച്ചേറെ മനുഷ്യസ്നേഹികളുടെയും ശാപ്പാട്ടുരാമന്മാരുടെയും നാട്. പൊതുവേ തിരുവനന്തപുരത്തെക്കുറിച്ചുള്ള പരാതിയാണ് നല്ല ഭക്ഷണശാലകൾ കുറവെന്നത്. ചുമ്മാതാണ്.…
View Post