ഫാതുലാ പാസിൽ നിന്നും ലേയിലേക്ക് അത്യധികം സാഹസികത നിറഞ്ഞ യാത്ര

Total
1
Shares

ഫാതുലാ പാസിൽ നിന്നും ലേയിലേക്കുള്ള യാത്രയിലായിരുന്നു ഞങ്ങൾ. ഇന്ന് രാത്രി ലേയിൽ താമസിച്ച ശേഷം പിന്നീട് ലഡാക്കിലേക്ക് പോകുക എന്നതായിരുന്നു ഞങ്ങളുടെ ലക്‌ഷ്യം. ലേയിലേക്കുള്ള യാത്രയ്ക്കിടെ ഇടയ്ക്ക് ഞങ്ങൾക്ക് കിടിലൻ മഞ്ഞുവീഴ്ച ആസ്വദിക്കുവാൻ സാധിച്ചു എന്നത് ഒരു ഭാഗ്യമായി കരുതുന്നു.

മഞ്ഞുവീഴ്ചയും കഴിഞ്ഞു ഞങ്ങൾ കുറച്ചു കൂടി മുന്നോട്ടു പോയപ്പോൾ വീണ്ടും നല്ല തെളിഞ്ഞ കാലാവസ്ഥയായി മാറി. പിന്നീട് ഞാൻ ആയിരുന്നു വണ്ടിയോടിച്ചിരുന്നത്. അങ്ങനെ പോയിപ്പോയി ഞങ്ങൾ ഫാതുലാ ടോപ്പിൽ എത്തിച്ചേർന്നു. ശ്രീനഗർ – ലേ ഹൈവേയിലെ ഏറ്റവും ഉയരം കൂടിയ ഒരു സ്ഥലമായിരുന്നു അത്. 13479 അടി ഉയരത്തിലായിരുന്നു ആ സ്ഥലം. അവിടെ ഇന്ത്യൻ എയര്ഫോഴ്സിൻ്റെ ഒരു സിഗ്നൽ കേന്ദ്രം സ്ഥിതി ചെയ്യുന്നുണ്ട്. കൊല്ലം സ്വദേശിയായ ഒരു സൈനിക ഉദ്യോഗസ്ഥനെ ഞങ്ങൾ അവിടെ വെച്ച് പരിചയപ്പെടുകയുണ്ടായി. അദ്ദേഹം ആ സ്ഥലത്തെക്കുറിച്ചുള്ള വിവരങ്ങൾ ഞങ്ങൾക്കു വിശദമായി പറഞ്ഞു തന്നു.

ഫാതുലാ ടോപ്പിൽ നിൽക്കുമ്പോൾ അവിടെയും മഞ്ഞുവീഴ്ച്ച ആരംഭിച്ചു. അതോടെ ഞങ്ങൾ വീണ്ടും അവിടെ നിന്നും യാത്ര തിരിച്ചു. പിന്നീട് അങ്ങോട്ടു മലയിറക്കമായിരുന്നു. വഴികളൊക്കെ ചിലയിടങ്ങളിൽ മോശം അവസ്ഥയിൽ ആയിരുന്നു. പക്ഷെ കാലാവസ്ഥയിൽ വന്ന മാറ്റമായിരുന്നു ഞങ്ങളെ അമ്പരപ്പിച്ചത്. മുകളിൽ നല്ല മഞ്ഞുവീഴ്ചയും താഴ്വാരത്തിലേക്കുള്ള പാതയിൽ നല്ല ഉണങ്ങി വരണ്ട അവസ്ഥയും.

നല്ല ഉയരത്തിലൂടെയുള്ള യാത്ര ആയിരുന്നതിനാൽ ഞങ്ങളെല്ലാം നല്ലവണ്ണം വെള്ളം കുടിച്ചുകൊണ്ടായിരുന്നു യാത്ര ചെയ്തിരുന്നത്. അല്ലെങ്കിൽ മൗണ്ടൻ സിക്ക്നസ്സ് വരാൻ സാധ്യതയുണ്ട്. പലയിടങ്ങളിലും ഞങ്ങൾക്ക് നല്ല കിതപ്പും ചെറിയ രീതിയിലുള്ള ശ്വാസതടസ്സങ്ങളും നേരിടേണ്ടി വന്നിരുന്നു. എങ്കിലും ഭയക്കാനുള്ള അവസ്ഥയിൽ ഒന്നും സംഭവിച്ചിരുന്നില്ല.

മലയിടുക്കുകളിലൂടെയുള്ള ഞങ്ങളുടെ യാത്ര വളരെ ശാന്തപൂർണ്ണമായിരുന്നു. വഴിയുടെ കണ്ടീഷൻ കുറച്ചു ദൂരത്തേക്ക് നല്ലതായിരുന്നു. പക്ഷേ വഴിയിൽ മറ്റു വാഹനങ്ങൾ വളരെ അപൂർവ്വമായിരുന്നു. കുറെ മുന്നോട്ടു പോയപ്പോൾ വഴിയിൽ ഒരു പാലം പണി നടക്കുന്നതിനാൽ ചെറിയൊരു ബ്ലോക്ക് അനുഭവപ്പെട്ടു. അവിടെ അടുത്തുണ്ടായിരുന്ന ചായക്കടയിൽ കയറി ഞങ്ങൾ ചായയൊക്കെ കുടിച്ചുകൊണ്ടിരുന്നു.

ബ്ലോക്ക് മാറിയപ്പോൾ വണ്ടികളെല്ലാം കടന്നുപോകുവാൻ തിരക്കു കൂട്ടി. ഞങ്ങൾ തിരക്കൊഴിയുവാൻ കാത്തിരുന്നു. ഇരുവശവും ബ്ലോക്ക് ക്ലിയർ ആയപ്പോൾ ഞങ്ങളും പതിയെ അവിടെ നിന്നും നീങ്ങി. വീണ്ടും റോഡ് വിജനമായിത്തുടങ്ങി. വഴിയുടെ അവസ്ഥ നല്ലതായിരുന്നതുകൊണ്ട് ഞങ്ങൾക്ക് വളരെ വേഗത്തിൽ കടന്നു പോകുവാൻ സാധിച്ചു. പോകുന്ന വഴിയിൽ ആർമി ക്യാമ്പുകൾ ഞങ്ങൾ കണ്ടു. ആർമിയിലുള്ള മലയാളികൾ ഞങ്ങളുടെ കേരള രജിസ്ട്രേഷനിലുള്ള വണ്ടി കാണുമ്പോൾ അടുത്തു വന്നു സംസാരിക്കുമായിരുന്നു. ആ സമയത്ത് അവരുടെ മുഖത്തെ ആ ഒരു സന്തോഷം ഞങ്ങൾ നേരിട്ട് അനുഭവിച്ചതായിരുന്നു.

കുറേദൂരം പോയപ്പോൾ മലയിടുക്കുകളിലൂടെയുള്ള യാത്ര മാറി ഏതോ ഒരു മലമുകളിലൂടെയായി യാത്ര. കിലോമീറ്ററുകളോളം നീണ്ടു നിവർന്നു നേരെ കിടക്കുന്ന അടിപൊളി റോഡ്, എയർപോർട്ടിലെ റൺവേകളെ അനുസ്മരിപ്പിക്കുന്ന തരത്തിലുള്ളതായിരുന്നു. അടിയന്തിര സാഹചര്യത്തിൽ ചിലപ്പോൾ ഇവിടെ എയർഫോഴ്‌സിന്റെ വിമാനങ്ങളൊക്കെ ഇറക്കുമായിരിക്കും എന്നു ഹാരിസ് ഇക്ക പറഞ്ഞു.

പിന്നെയും മുന്നോട്ടു പോയപ്പോൾ അവിടെ കാന്തിക ആകർഷണ സ്വഭാവമുള്ള ഒരു സ്ഥലം ഉണ്ടെന്നു ഞങ്ങൾക്ക് ഗൂഗിൾ മാപ്പ് വഴി അറിയുവാൻ സാധിച്ചു. ഞങ്ങൾ ലൊക്കേഷൻ നോക്കി ആ ഏരിയയിൽ എത്തിച്ചേർന്നു. അവിടെ വേറെയും ചില വാഹനങ്ങൾ കാന്തിക ആകർഷണം പരീക്ഷിക്കുവാനായി അവിടെ നിൽക്കുന്നതായി കണ്ടു. സംഭവം മറ്റൊന്നുമല്ല, ചരിഞ്ഞ വഴിയിൽ നിർത്തിയാൽ വാഹനം തനിയെ കയറിപ്പോകും എന്നായിരുന്നു ഞങ്ങൾക്ക് കിട്ടിയ വിവരം. പക്ഷെ ഞങ്ങൾക്ക് അവിടെ അത്ര വലിയ ആകർഷണമൊന്നും അനുഭവപ്പെട്ടിരുന്നില്ല. എങ്കിലും എന്തൊക്കെയോ ഒരു ആകർഷണം ഇല്ലാതില്ലാ.

അങ്ങനെ ഞങ്ങൾ അവസാനം ലേ ടൗണിൽ എത്തിച്ചേർന്നു. അപ്പോഴേക്കും നേരം ഇരുട്ടിയിരുന്നു. ലേയിൽ എത്തിയയുടനെ ഞങ്ങൾ ആദ്യം ചെയ്തത് കാർ വാഷിംഗിനു കൊടുക്കുക എന്നതായിരുന്നു. കാർ പെട്ടെന്ന് വാഷ് ചെയ്തു കിട്ടി. ലേയിൽ സക്കീർ ഹുസ്സൈൻ എന്നു പേരുള്ള ഒരു ട്രാവൽ ഗൈഡ് ആയിരുന്നു ഞങ്ങൾക്ക് വേണ്ട സഹായങ്ങളെല്ലാം ചെയ്തിരുന്നത്. ‘കാക്കാ’ (സഹോദരൻ) എന്ന് എല്ലാവരും സ്നേഹത്തോടെ വിളിക്കുന്ന അദ്ദേഹം ബൈക്ക് റൈഡർമാർക്കും സഞ്ചാരികൾക്കുമൊക്കെ സുപരിചിതനാണ്.

കാക്കായുടെ വീട്ടിൽത്തന്നെയുള്ള ഗസ്റ്റ് ഹൗസിൽ ആയിരുന്നു ഞങ്ങളുടെ താമസം. ഞങ്ങൾക്കായുള്ള എല്ലാ പെർമിറ്റുകളും കാക്കാ റെഡിയാക്കിയിരുന്നു എന്ന ഹാപ്പി ന്യൂസ് ആയിരുന്നു അവിടെയെത്തിയപ്പോൾ ഞങ്ങൾക്ക് സന്തോഷവും പകർന്നത്. എന്തായാലും കാക്കാ ആളൊരു അടിപൊളി മനുഷ്യൻ തന്നെ. ഇനി ലേയിലും പരിസരപ്രദേശങ്ങളിലുമുള്ള ഞങ്ങളുടെ കറക്കം നാളെ ആരംഭിക്കുകയായി. ഞങ്ങളുടെ കൂടെ കാക്കാ വരാമെന്നും ഇട്ടിട്ടുണ്ട്. To contact KAKA in Leh: 9469669943, 6005254159.

Our Sponsors: 1) Dream Catcher Resort, Munnar: 9745637111. 2) SR Jungle Resort, Anaikatty: 9659850555, 8973950555. (Follow to get discounts: https://www.instagram.com/sr_jungle_resort_coimbatore/). 3) Goosebery Mens Apparel: http://goosebery.co.in(TECHTRAVELEAT എന്ന കൂപ്പൺ കോഡ് ഉപയോഗിച്ചാൽ 25% ഡിസ്‌കൗണ്ട് ലഭിക്കും). 4) Rotary Club Kochi United. 5) DBS Automotive: 97452 22566. 6) Kairali Ford: 81380 14455. Special Thanks to 1) Le Meridien, Kochi. 2) Redband Racing, Thrissur. 3) Nexus Communication, Penta Menaka, Kochi. 4) Royalsky Holidays – 9846571800.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിൽ ടൂറിസം ഉണരുന്നു; തുറന്ന ടൂറിസം സെന്ററുകൾ ഇവയാണ്

കോവിഡ് മഹാമാരിയെ തുടര്‍ന്ന് അടച്ചിട്ടിരുന്ന വനംവകുപ്പിന് കീഴിലുള്ള ഇക്കോ ടൂറിസം സെന്ററുകള്‍ കഴിഞ്ഞ ദിവസം മുതല്‍ സഞ്ചാരികള്‍ക്കായി തുറന്നു നല്‍കി. പരിഷ്‌കരിച്ച കോവിഡ് മാനദണ്ഡങ്ങള്‍ കര്‍ശനമായി പാലിച്ചുകൊണ്ടായിരിക്കും സെന്ററുകള്‍ പ്രവര്‍ത്തിക്കുക. ഇത്തരത്തിൽ തുറന്നിരിക്കുന്ന ടൂറിസം സെന്ററുകളുടെ വിവരങ്ങൾ ജില്ല തിരിച്ച് താഴെ…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

ലോകത്തെ ഏറ്റവും വലിയ യാത്രാവിമാനം A380 യിൽ കയറി റഷ്യയിലേക്ക്

മാലിദ്വീപിൽ കുറച്ചു ദിവസങ്ങൾ അടിച്ചുപൊളിച്ച ശേഷം ഞാൻ പിന്നീട് റഷ്യയിലേക്കായിരുന്നു യാത്ര പുറപ്പെട്ടത്. മാലിദ്വീപിൽ നിന്നും നേരിട്ട് റഷ്യയിലേക്ക് വിമാനസർവീസ് ഉണ്ടായിരുന്നുവെങ്കിലും ദുബായ് വഴി പോകുവാനായിരുന്നു എൻ്റെ തീരുമാനം. അതിനു രണ്ടു കാരണങ്ങളുണ്ടായിരുന്നു. ഒന്ന് ദുബായ് വഴി പോകുമ്പോൾ ടിക്കറ്റ് ചാർജ്ജ്…
View Post