കൃഷിയും ടൂറിസവും – ഇത് സ്റ്റാനി ചേട്ടൻ്റെ സുന്ദരമായ ഒരു ലോകം…

Total
0
Shares

തനിച്ചിരിക്കാന്‍ ആരാണ് മോഹിക്കാത്തത്. കാടിനുള്ളിലെ ഏകാന്തവാസമാണെങ്കില്‍ അതിലും വലിയ ആശ്വാസം വേറെയില്ല. പ്രകൃതിയുമായി ഒത്തിണങ്ങി പക്ഷികളുടെയും മരങ്ങളുടെയും കാറ്റിന്റെയും മാത്രം ശബ്ദം ആസ്വദിച്ച് നഗരത്തിരക്കിൽ നിന്നും മാറി പരിപൂർണ്ണമായി പ്രകൃതിയെ ആസ്വദിക്കാൻ ഈ സ്ഥലത്തേക്കാൾ മികച്ചതായി മറ്റൊന്ന് തേക്കടിയിൽ ഇല്ല.

പറഞ്ഞു വരുന്നത് തേക്കടിയ്ക്ക് സമീപത്തുള്ള Angel’s Trumpet Plantation Villa യെക്കുറിച്ചാണ്. ഇതിന്റെ വിശേഷങ്ങൾ കഴിഞ്ഞ വീഡിയോയിൽ ഞാൻ നിങ്ങൾക്ക് പരിചയപ്പെടുത്തിയതാണല്ലോ. അത് കാണാത്തവർക്കായി ഇതാ – https://bit.ly/2T7q5h7.

ഈ ഫാമിന്റെ ഉടമയായ സ്റ്റാനി ചേട്ടന്റെ സൗഹാർദ്ദപരമായ പെരുമാറ്റം ഒരിക്കലും മറക്കുവാൻ കഴിയില്ല. അവിടെ താമസിച്ച രണ്ടു ദിവസങ്ങൾ കൊണ്ടുതന്നെ സ്റ്റാനി ചേട്ടനുമായി നല്ലൊരു സുഹൃത്ത്ബന്ധം സ്ഥാപിച്ചെടുക്കുകയും ചെയ്തു. വെറുമൊരു മുതലാളി മാത്രമല്ല, മികച്ച ഏലം കർഷകനുള്ള അവാർഡ് ലഭിച്ചയാളാണ് നമ്മുടെ സ്റ്റാനി ചേട്ടൻ. ഏലക്കൃഷിയും പച്ചക്കറി കൃഷിയും ഒപ്പം ടൂറിസവും കൂട്ടിച്ചെർത്ത് യുവ കർഷകർക്ക് ഒരുത്തമ ഉദാഹരണം ആണ് സ്റ്റാനി ചേട്ടൻ. കുമളി നെടുംപുറം എസ്റ്റേറ്റിലെ അദ്ദേഹത്തിന്റെ എലത്തോട്ടത്തിലെ കാഴ്ചകൾ നമുക്ക് കാണാം.

250 ഏക്കറോളം വരുന്ന ഏലക്കാടുകളുടെ ഇടയിലാണ് സ്റ്റാനി ചേട്ടന്റെ ഫാം ഹൗസ് സ്ഥിതി ചെയ്യുന്നത്. ഫാം ഹൗസ് എന്നത് വെറുമൊരു വിളിപ്പേര് മാത്രമായി ചുരുങ്ങാതെ അക്ഷരാർത്ഥത്തിൽ ആ പരിസരമാകെ ധാരാളം കൃഷികളാണ് ചെയ്യുന്നത്. അതിൽ എടുത്തു പറയേണ്ടത് ഏലം കൃഷി തന്നെയാണ്.

ഫാം ഹൗസിന്റെ ഒപ്പമുള്ള വലിയ തടാകത്തെക്കുറിച്ച് സ്റ്റാനി ചേട്ടനോട് ഞാൻ ചോദിച്ചിരുന്നു. അതിനുള്ള ഉത്തരം ഞാൻ കൗതുകത്തോടെയാണ് കേട്ടത്. സംഭവം മറ്റൊന്നുമല്ല, മഴക്കാലം തുടങ്ങുന്നതു വരെ ഏലത്തോട്ടത്തിൽ ആഴ്ചയിൽ ശരാശരി ഒരു ചെടിയ്ക്ക് 100 ലിറ്റർ വെള്ളമെങ്കിലും കൊടുക്കേണ്ടി വരും. അതിനുള്ള ഒരു മാർഗ്ഗമാണ് ഈ തടാകം. അതോടൊപ്പം തന്നെ തടാകത്തിൽ മൽസ്യകൃഷിയും സ്റ്റാനി ചേട്ടൻ ചെയ്യുന്നുണ്ട്. ഫാം ഹൗസിൽ വരുന്ന ഗസ്റ്റുകൾക്ക് ഈ തടാകത്തിൽ നിന്നും ഫ്രഷായി പിടിക്കുന്ന മീനുകളാണ് ഭക്ഷണത്തിനായി നൽകുന്നത്.

പച്ചക്കറികളിൽ 70 ശതമാനവും ഇവർ ഇവിടെത്തന്നെയാണ് കൃഷി ചെയ്തെടുക്കുന്നത്. ചുരുക്കിപ്പറഞ്ഞാൽ സവാളയും ഉരുളക്കിഴങ്ങും ഒഴിച്ച് ബാക്കിയെല്ലാം ഇവിടെത്തന്നെ കൃഷി ചെയ്യുകയാണ്. തക്കാളി, കാബേജ്, വെണ്ട, കാരറ്റ്, ബീറ്റ് റൂട്ട്, മല്ലി, ലെറ്റ്യൂസ്,… അങ്ങനെ നീളുന്നു ഇവിടെ കൃഷി ചെയ്യുന്ന പ്രധാന പച്ചക്കറികളുടെ ലിസ്റ്റ്.

ഈ കൃഷികളെല്ലാം നോക്കി നടത്തുന്നതിനായി കണ്ണൂർ സ്വദേശിയായ ജോസ് എന്ന ജോസേട്ടനെ സൂപ്പർ വൈസറായി നിയമിച്ചിട്ടുണ്ട് ഇവിടെ. ഇവിടെ വിളയുന്ന പച്ചക്കറികളിൽ ജോസേട്ടന്റെ പരിശ്രമമാണ് ഉള്ളത്. കൃഷികളുടെ വിശേഷങ്ങൾ ഇവിടെ വരുന്നവരുമായി ജോസേട്ടൻ സന്തോഷത്തോടെ പങ്കുവെക്കാറുണ്ട്. വേണമെങ്കിൽ കൃഷിയ്ക്കായുള്ള ചെറിയ ടിപ്സ് ജോസേട്ടൻ പറഞ്ഞു തരികയും ചെയ്യും.

പച്ചക്കറികളെല്ലാം മരുന്നടിക്കാതെ പൂർണ്ണമായും ഓർഗാനിക് രീതിയിൽ വിളയിച്ചെടുക്കുകയാണ് ഇവിടെ. ഈ ഫാം ഹൗസിൽ വരുന്നവർക്ക് മറ്റൊരു ഭാഗ്യം കൂടിയുണ്ട്. ഭക്ഷണത്തിനു ഇവിടെ നിന്നുള്ള ശുദ്ധമായ പച്ചക്കറികൾ കൂട്ടിയുള്ള രുചികരമായ വിഭവങ്ങൾ ആസ്വദിക്കാം. ഒപ്പം കുക്ക് സിബിച്ചേട്ടന്റെ കൈപ്പുണ്യവും കൂടിയാകുമ്പോൾ പറയുകയേ വേണ്ട.

സഹ്യപർവ്വതത്തിൽ കാണപ്പെടുന്ന എല്ലാത്തരം പക്ഷികളും ഈ പരിസരത്ത് ഉണ്ടെന്നു സ്റ്റാനി ചേട്ടൻ അഭിമാനത്തോടെ പറഞ്ഞപ്പോൾ അതെല്ലാം അത്ഭുതത്തോടെ കേൾക്കുകയായിരുന്നു ഞങ്ങൾ. ഇത് വെറുതെ പറയുന്നതല്ല എന്ന് ഇവിടെ വരുന്നവർക്ക് മനസ്സിലാകും. നമ്മുടെ സ്റ്റാനി ചേട്ടൻ ഒരു പക്ഷി സ്‌നേഹി കൂടിയാണ്. അതുകൊണ്ട് പക്ഷി നിരീക്ഷണം താല്പര്യമുള്ളവർക്ക് ഇവിടെ സ്വർഗ്ഗമായിരിക്കും.

വിശേഷങ്ങൾ പറയുന്നതിനിടയിൽ ഞങ്ങളെ ഏലത്തോട്ടം കാണിക്കുവാനായി സ്റ്റാനി ചേട്ടൻ കൊണ്ടു പോകുകയും ചെയ്തു. ഒരു കിടിലൻ കാട് തന്നെയായിരുന്നു അതെന്നു വേണം പറയാൻ. പാമ്പ് ഉണ്ടാകുമോ എന്ന് ചുമ്മാ ചോദിച്ചപ്പോൾ, “ഉണ്ടല്ലോ, അവയെ ഞങ്ങൾ വളർത്തുകയല്ലേ..” എന്ന് കൂളായി സ്റ്റാനി ചേട്ടന്റെ മറുപടി. ഇതുകേട്ട് ഞെട്ടിത്തരിച്ചു നിന്നപ്പോൾ കാരണവും അദ്ദേഹം ഞങ്ങൾക്ക് വ്യക്തമാക്കി തന്നു. കൃഷികളുടെ ശത്രുവായ എലികളെ തുരത്തുവാൻ ഇവരെ സഹായിക്കുന്നത് പാമ്പുകളാണ്. കേരളത്തിൽ കാണപ്പെടുന്ന വിഷമുള്ളതും ഇല്ലാത്തതുമായ എല്ലാത്തരം പാമ്പുകളും അവിടെയുണ്ടത്രേ. പക്ഷേ ഫാം ഹൗസിനടുത്തേക്ക് ഇവയൊന്നും വരാറില്ല. ഇതുവരെ അവയെക്കൊണ്ട് അവിടെയുള്ള ആർക്കും ശല്യമൊന്നും ഉണ്ടായിട്ടുമില്ല.

ലോകത്ത് ഏലം കൃഷി ചെയ്യുവാൻ ഏറ്റവും അനുയോജ്യമായ കാലാവസ്ഥ നമ്മുടെ കേരളത്തിൽ ഇടുക്കി ജില്ലയിൽ ആണ്. മറ്റു സ്ഥലങ്ങളിലും ഏലം കൃഷി ചെയ്യാറുണ്ടെങ്കിലും ഇടുക്കിയിലെ ഏലത്തിന്റെ ഗുണമേന്മ അവയ്ക്കൊന്നും ഉണ്ടാകില്ലത്രേ. എന്തായാലും ഇത് ഞങ്ങൾക്ക് ഒരു പുതിയ അറിവ് ആയിരുന്നു. ഏലത്തോട്ടത്തിലൂടെയുള്ള നടത്തത്തിനിടെ മറ്റുള്ള മരങ്ങളെയും ചെടികളെയുമൊക്കെ സ്റ്റാനി ചേട്ടൻ ഞങ്ങൾക്ക് പരിചയപ്പെടുത്തി തന്നു. ഒപ്പം തന്നെ കുരുമുളക് കൃഷിയെക്കുറിച്ചും അദ്ദേഹം ഞങ്ങൾക്ക് വിശദമായി പറഞ്ഞു തന്നു. കൃഷിയെക്കുറിച്ചും കൃഷിരീതികളെക്കുറിച്ചുമുള്ള ഈ അറിവുകൾ തന്നെയാണ് സ്റ്റാനി ചേട്ടനെ അവാർഡിന് അർഹനാക്കിയതെന്നു ഞങ്ങൾ ഓർത്തു.

ഏലക്കൃഷിയും പച്ചക്കറി കൃഷിയും മൽസ്യകൃഷിയും ഒപ്പം ടൂറിസവും കൂട്ടിച്ചെർത്ത് യുവ കർഷകർക്ക് ഒരുത്തമ ഉദാഹരണം ആണ് സ്റ്റാനി ചേട്ടൻ. ഈ തോട്ടത്തിന്റെ നടുവിലുള്ള ബംഗ്ളാവിൽ നിങ്ങൾക്ക് വേണമെങ്കിൽ താമസിക്കുകയും ചെയ്യാം. ആറു മുതൽ പന്ത്രണ്ട് പേർക്ക് വരെ സുഖമായി ഇവിടെ താമസിക്കാം. Food/Activities/Offroad Transportation/Stay ഉൾപ്പെടെ 2750 രൂപ മുതൽ ലഭ്യമാണ്. കൂടുതൽ വിവരങ്ങൾ അറിയാൻ: 8129380028.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post