പ്രകൃതിയെ അടുത്തറിയുവാൻ കാട്ടിനുള്ളിലെ ഒരു ബംഗ്ളാവ്..

Total
0
Shares

തനിച്ചിരിക്കാന്‍ ആരാണ് മോഹിക്കാത്തത്. കാടിനുള്ളിലെ ഏകാന്തവാസമാണെങ്കില്‍ അതിലും വലിയ ആശ്വാസം വേറെയില്ല. കാട്ടിനുള്ളിലെ രാജാവിനെ പോലെ പുറം ലോകം വിട്ട് ഒരു ദിവസം താമസിക്കാം. 250 ഏക്കർ ഏലക്കാടിനുള്ളിൽ ഒരു ബംഗ്ളാവ്. അതാണ് Angel’s Trumpet Plantation Villa. തേക്കടിക്ക് സമീപം അണക്കരയിലുള്ള സ്റ്റാനിചേട്ടന്റെ ഏലം പ്ലാന്റേഷനിലാണ് ഈ സൗകര്യം. മികച്ച ഏലം കർഷകനുള്ള അവാർഡ് ലഭിച്ചയാളാണ് നമ്മുടെ സ്റ്റാനി ചേട്ടൻ, ഏലക്കൃഷിയും പച്ചക്കറി കൃഷിയും ഒപ്പം ടൂറിസവും കൂട്ടിച്ചെർത്ത് യുവ കർഷകർക്ക് ഒരുത്തമ ഉദാഹരണം ആണ് സ്റ്റാനി ചേട്ടൻ.

ആറു മുതൽ പന്ത്രണ്ട് പേർക്ക് വരെ സുഖമായി ഇവിടെ താമസിക്കാം. Food/Activities/Offroad Transportation/Stay ഉൾപ്പെടെ 2750 രൂപ മുതൽ ലഭ്യമാണ്. ഗ്രൂപ്പായി വന്നുകൊണ്ട് ഒച്ചപ്പാടും ബഹളവും മദ്യപാനവുമൊക്കെയായി അടിച്ചുപൊളിച്ചു സമയം കളയാതെ തിരക്കുകളിൽ നിന്നും നഗരത്തിലെ ശബ്ദകോലാഹലങ്ങളിൽ നിന്നും ഒക്കെ മാറി പക്ഷികളുടെ കൊഞ്ചലുകളും പ്രകൃതിയുടെ ഈണവുമൊക്കെയായി രണ്ടു ദിവസം താമസിക്കുവാൻ താല്പര്യമുള്ളവർക്ക് എന്തുകൊണ്ടും തിരഞ്ഞെടുക്കാവുന്നതാണ് ഈ വില്ല.

ഇവിടെ വരുന്നവർക്ക് അടുത്തുള്ള വലിയ തടാകത്തിലൂടെ മുള കൊണ്ടുണ്ടാക്കിയ ചങ്ങാടത്തിൽ ഒരു കിടിലൻ യാത്ര ആസ്വദിക്കാം. ഏലക്കാടുകൾക്കിടയിലൂടെയുള്ള ഈ തടാകത്തിൽ ധാരാളം മീനുകളും ഉണ്ട്. ഈ തടാകത്തിൽ നിന്നും പിടിക്കുന്ന മീനുകളാണ് വില്ലയിൽ ഭക്ഷണത്തിനായി ഉപയോഗിക്കുന്നതും. ചങ്ങാടത്തിൽ യാത്ര ചെയ്യുന്നതിനോടൊപ്പം ചെറിയ രീതിയിലുള്ള മീൻപിടുത്തവും ഇവിടെ ആസ്വദിക്കാം. വേണമെങ്കിൽ ചങ്ങാടം ഒന്നു തുഴയുവാൻ പഠിക്കുകയും ചെയ്യാം.

ഇത്രയും പറഞ്ഞപ്പോൾ തന്നെ ഈ സ്ഥലത്തിൻ്റെ പ്രത്യേകത നിങ്ങൾക്ക് മനസ്സിലായിക്കാണുമല്ലോ. ഇവിടെ താമസിക്കുവാനായി വരുന്നവർക്ക് 100% സ്വകാര്യത ഉറപ്പു വരുത്തുന്നതിനായി ഒരു സമയം ഒരു ഗ്രൂപ്പിനെ മാത്രമേ വില്ലയിൽ തങ്ങുവാൻ അനുവദിക്കുകയുള്ളൂ. ചുരുക്കിപ്പറഞ്ഞാൽ ഒന്നോ രണ്ടോ ആളുകൾക്ക് വന്നു താമസിക്കുവാൻ പറ്റില്ല എന്നർത്ഥം. ഇനി അങ്ങനെ താമസിക്കണം എന്നുണ്ടെങ്കിൽ വില്ലയുടെ മൊത്തമായുള്ള ചാർജ്ജ് നൽകേണ്ടി വരും. അതായത് ഒരു ഗ്രൂപ്പിനു വരുന്ന ചാർജ്ജ് കൊടുക്കേണ്ടി വരും.

ഈ വില്ലയിൽ മൊത്തം മൂന്ന് മുറികളാണ് താമസിക്കുന്നവർക്കായി ഉള്ളത്. മൂന്നു മുറികളിലായി ആറുപേർക്ക് സുഖകരമായി കിടക്കുവാൻ സാധിക്കും. ഒപ്പംതന്നെ ആറു പേർക്കുള്ള എക്സ്ട്രാ ബെഡ് സൗകര്യങ്ങളും ഈ മൂന്നു റൂമുകളിലായിട്ട് ഉണ്ട്. അങ്ങനെ മൊത്തത്തിൽ 12 പേർക്ക് വരെ ഇവിടെ തങ്ങുവാൻ സാധിക്കും. റൂമുകളൊക്കെ എല്ലാവിധ സൗകര്യങ്ങളോടും കൂടിയതാണ്. ഒപ്പം നല്ല കിടിലൻ അറ്റാച്ചഡ് ബാത്ത് റൂമുകളും. കൂടാതെ ഡൈനിങ് റൂമിൽ വേണമെങ്കിൽ രണ്ടുപേർക്ക് കിടക്കുവാനുള്ള കട്ടിലും സൗകര്യങ്ങളുമുണ്ട്.

നല്ല തണുപ്പുള്ള സ്ഥലമാണെങ്കിലും നല്ല കട്ടിയുള്ള കല്ല് കൊണ്ട് നിർമ്മിച്ചിരിക്കുന്നതിനാൽ വില്ലയ്ക്ക് അകത്ത് പുറമേയുള്ളതിൽ നിന്നും തണുപ്പ് കുറവായിരിക്കും. വില്ലയിൽ കയറിയിട്ട് പിന്നീട് പുറത്തേക്ക് ഇറങ്ങിക്കഴിയുമ്പോൾ ആയിരിക്കും നിങ്ങൾക്ക് ഇത് മനസ്സിലാകുന്നത്.

സുഹൃത്തുക്കളുമൊത്ത് നടത്തിയ ബാച്ചിലർ ട്രിപ്പ് കുട്ടിക്കാനവും കുമളിയും പിന്നിട്ട് അവസാനം തേക്കടിയ്ക്ക് അടുത്തുള്ള Angel’s Trumpet Plantation Villa യിൽ എത്തി നിൽക്കുകയാണ്. ഞങ്ങൾ സ്ഥലത്തെത്തിയപ്പോൾ ഉടമയായ സ്റ്റാനി ചേട്ടൻ ഞങ്ങളെ വില്ലയുടെ മുക്കിലും മൂലയിലുമൊക്കെ കൊണ്ടുചെന്നു കാര്യങ്ങൾ വിശദീകരിച്ചു തന്നു. അടുക്കളയിലേക്ക് ചെന്നപ്പോൾ അവിടത്തെ ചേട്ടന്മാർ തടാകത്തിൽ നിന്നും പിടിച്ച മീൻ വൃത്തിയാക്കി കറിയും ഫ്രൈയും തയ്യാറാക്കുവാൻ പോകുകയായിരുന്നു. പാചകക്കാരിൽ പ്രധാനിയായ സിബിച്ചേട്ടൻ ഞങ്ങൾക്ക് കിച്ചണിലെ കാര്യങ്ങളെല്ലാം പറഞ്ഞു തന്നു.

നിമിഷ നേരങ്ങൾക്കുള്ളിൽ ഞങ്ങൾക്കായുള്ള ലഞ്ച് തയ്യാറായി. ചോറ്, മീൻ കറി, ബീറ്റ് റൂട്ട് പച്ചടി, പുളിശ്ശേരി, സാമ്പാർ, മീൻ വറുത്തത്, ബീഫ് എന്നിവയടങ്ങിയ അടിപൊളി ഫുഡ് ആയിരുന്നു ഞങ്ങളുടെ ഉച്ചഭക്ഷണം. രുചിയാണെങ്കിൽ പറയുകയേ വേണ്ട. അടിപൊളി. മധ്യ തിരുവിതാംകൂർ സ്റ്റൈലിൽ ആണ് ഇവിടെ ഭക്ഷണം തയ്യാറാക്കുന്നതെന്ന് സിബിച്ചേട്ടൻ ഞങ്ങളോട് പറഞ്ഞു. എന്തായാലും സിബിച്ചേട്ടന്റെ കൈപ്പുണ്യം അപാരം തന്നെ.

ഉച്ചഭക്ഷണത്തിനു ശേഷം ഞങ്ങൾ അൽപ്പസമയം വിശ്രമിക്കുവാനായി റൂമിലേക്ക് നീങ്ങി. യാത്രയൊക്കെ കഴിഞ്ഞതിന്റെ ചെറിയൊരു ക്ഷീണം ഞങ്ങൾക്ക് ഉണ്ടായിരുന്നു. വൈകുന്നേരത്തോടെ ഞങ്ങൾ ക്ഷീണമൊക്കെ അകറ്റി ഉഷാറായി പുറത്തേക്ക് ഇറങ്ങി. തടാകത്തിലൂടെ ഒരു ചങ്ങാട യാത്രയായിരുന്നു ഞങ്ങളുടെ ലക്‌ഷ്യം. ഞാനും സുഹൃത്ത് എമിലും കൂടിയായിരുന്നു ചങ്ങാടത്തിൽ കയറിയത്. ചങ്ങാടത്തിൻ്റെ ഡ്രൈവറായ ഭായിയെ മാറ്റി നിർത്തി എമിൽ നിയന്ത്രണം ഏറ്റെടുത്തു. സത്യം പറയാമല്ലോ എമിൽ നല്ലൊരു തുഴച്ചിൽക്കാരനും കൂടിയാണെന്ന് എനിക്കന്നു മനസ്സിലായി.

തടാകത്തിലൂടെ ഒന്ന് കറങ്ങി എല്ലാം ആസ്വദിച്ചു തിരികെയെത്തിയപ്പോഴേക്കും സന്ധ്യ മയങ്ങുവാൻ തുടങ്ങിയിരുന്നു. സൂക്ഷിച്ചു ചങ്ങാടം അടുപ്പിച്ചു ശേഷം ഞങ്ങൾ പിന്നീട് ചൂണ്ടയിടുന്ന സ്ഥലത്തേക്ക് നടന്നു. അടുക്കളയിലേക്കുള്ള മീനുകൾ വലയിട്ടാണ് പിടിക്കുന്നതെങ്കിലും അതിഥികൾക്ക് മീൻപിടിക്കുവാൻ ചൂണ്ടയാണ്‌ നൽകുന്നത്. അതിനായി പ്രത്യേകം ഏരിയയും തയ്യാറാക്കിയിട്ടുണ്ട്. അവിടെ ചൂണ്ടയും ഇരയുമെല്ലാം റെഡിയാണ്. നല്ല ക്ഷമയുള്ളവർക്ക് പറ്റിയ പണിയായതിനാൽ ഞാൻ അധികനേരം ചൂണ്ടയിടുവാൻ നിന്നില്ല. ക്ഷമ ഇച്ചിരി കുറവായതിന്റെയാ.

വില്ലയിലെയും പരിസരത്തെയും കൃഷി പരിപാലനങ്ങളെല്ലാം നോക്കി നടത്തുന്നത് ജോസേട്ടനാണ്. അവിടെ കാണുന്ന ചെടികളുടെയും പൂക്കളുടേയുമൊക്കെ സൗന്ദര്യത്തിനു പിന്നിൽ ജോസേട്ടന്റെ അധ്വാനമാണ്. ഇവിടെ വരുന്ന അതിഥികളുമായി നല്ല സൗഹാർദ്ദപരമായാണ് ജോസേട്ടൻ ഇടപെടുന്നത്.

രാത്രിയായപ്പോൾ വില്ല പരിസരത്ത് ക്യാമ്പ് ഫയറും ലൈവായുള്ള ഗ്രിൽഡ് ഫുഡും ഒക്കെ തയ്യാറായിരുന്നു. ചിക്കനും ഒക്കെയായിരുന്നു ഗ്രിൽ ചെയ്തിരുന്നത്. നല്ല മസാലയൊക്കെ പുരട്ടി ഗ്രിൽ ചെയ്ത് മൂടി വെച്ച് ഒപ്പം ബേക്കിംഗ് പ്രക്രിയ കൂടി നടക്കുന്നതിനാൽ സംഭവം എളുപ്പത്തിൽ തയ്യാറാകും. നല്ല തണുപ്പുള്ള ആ അന്തരീക്ഷത്തിൽ ക്യാമ്പ് ഫയറിലെ ചൂടും കാഞ്ഞുകൊണ്ട് എരിവും ചൂടുമുള്ള ചിക്കനും ഫിഷും ഒക്കെ രുചിക്കുമ്പോൾ കിട്ടുന്ന ആ ഒരു അനുഭൂതിയുണ്ടല്ലോ.. ഹോ.. അത് അനുഭവിച്ചു തന്നെ അറിയണം. അത് ആലോചിച്ചിട്ട് ഇപ്പോൾ നാവിൽ വെള്ളമൂറുന്നുണ്ടാകുമല്ലേ? ഹമ്പട കൊതിയന്മാരേ..

ഈ സമയത്ത് കിച്ചണിൽ ഞങ്ങൾക്കായുള്ള ഡിന്നർ തയ്യാറാക്കി കൊണ്ടിരിക്കുകയായിരുന്നു. ഇവിടെ വരുന്നവർക്ക് താല്പര്യമുള്ള വിഭവങ്ങൾ നേരത്തെ അറിയിക്കുകയാണെങ്കിൽ അവ ഉൾപ്പെടുത്തിയുള്ള ഭക്ഷണമായിരിക്കും നിങ്ങൾക്ക് ഇവിടെ ലഭ്യമാകുക. ഞങ്ങളുടെ ഡിന്നറിനു പൊറോട്ട, ചോറ്, ചിക്കൻ കറി, ബീഫ് ഫ്രൈ, തക്കാളികറി, കാബേജ് തോരൻ എന്നിവയ്ക്ക് പുറമെ സൗത്ത് ഇന്ത്യക്കാരുടെ സ്വന്തം ‘രസ’വും തയ്യാറായിരുന്നു. ടേസ്റ്റ് ഉണ്ടോയെന്ന് പ്രത്യേകം പറയേണ്ടതില്ലല്ലോ. ഉച്ചയൂണ് കഴിച്ചപ്പോൾത്തന്നെ ഇവിടത്തെ ഭക്ഷണത്തിന്റെ രുചി ഞങ്ങൾക്ക് ബോധിച്ചിരുന്നു.

ഡിന്നറിനു ശേഷം ഞങ്ങളെല്ലാം കൂടി കുറേനേരം സംസാരിച്ചിരിക്കുകയും ഉറക്കം വന്നപ്പോൾ പതിയെ ഓരോരുത്തരായി ബെഡിലേക്ക് ചായുകയും ചെയ്തു. പിറ്റേദിവസം അതിരാവിലെ ആറു മണിയ്ക്ക് ശേഷം ഒരു ചൂളംവിളി കേട്ടാണ് ഞങ്ങൾ ഉണർന്നത്. വേറാരുമല്ല മലബാർ വിസിലിംഗ് ത്രഷ് എന്ന കുയിൽ വിഭാഗത്തിൽപ്പെട്ട ഒരു പക്ഷിയുടെ ശബ്ദമായിരുന്നു അത്. ചൂളക്കാക്ക എന്നും ഈ പക്ഷിയെ വിളിക്കാറുണ്ട്. പുറത്തേക്ക് ഇറങ്ങിയപ്പോൾ ചുറ്റിനും കോടമഞ്ഞു മൂടിയ അവസ്ഥയായിരുന്നു ഞങ്ങൾക്ക് കാണുവാൻ സാധിച്ചത്. അടിപൊളി തന്നെ. സത്യമായിട്ടും ഇതൊക്കെ എഴുതി ഫലിപ്പിക്കുവാൻ എനിക്ക് സാധിക്കുന്നില്ല. അത് ഇവിടെ വന്നു നേരിട്ട് അനുഭവിച്ചറിയുക തന്നെ വേണം.

പ്രകൃതിയുമായി ഒത്തിണങ്ങി പക്ഷികളുടെയും മരങ്ങളുടെയും കാറ്റിന്റെയും മാത്രം ശബ്ദം ആസ്വദിച്ച് നഗരത്തിരക്കിൽ നിന്നും മാറി പരിപൂർണ്ണമായി പ്രകൃതിയെ ആസ്വദിക്കാൻ ഈ സ്ഥലത്തേക്കാൾ മികച്ചതായി മറ്റൊന്ന് തേക്കടിയിൽ ഇല്ല. കൂടുതൽ വിവരങ്ങൾക്ക് സ്റ്റാനി ചേട്ടനെ വിളിക്കാം: 8129380028. വെബ്‌സൈറ്റ്: http://www.angelstrumpet.in/.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post