ഡൽഹിയിലെ കൊണാട്ട് പ്ളേസിലെ ഷോപ്പിംഗും പറാന്തേ വാലി ഗലിയിലെ സ്ട്രീറ്റ് ഫുഡും..

Total
0
Shares

വൈകിയോടിയ രാജധാനി എക്സ്പ്രസിലെ 52 മണിക്കൂർ യാത്രയ്ക്കു ശേഷം ഞങ്ങൾ ഡൽഹിയിൽ എത്തിച്ചേർന്നു. നിസാമുദ്ധീൻ റെയിൽവേ സ്റ്റേഷനിൽ നിന്നും പുറത്തേക്ക് ഇറങ്ങിയ ഞങ്ങളെ ടാക്സിക്കാർ പൊതിഞ്ഞു. അവർക്ക് പിടികൊടുക്കാതെ ഞങ്ങൾ ഒരു യൂബർ ടാക്സി വിളിച്ചു. ഞങ്ങൾക്ക് പോകേണ്ടത് YWCA ഹോസ്റ്റലിലാണ്. കൊണാട്ട് പ്ളേസിന് സമീപം കുറഞ്ഞ ചെലവിൽ സേഫ് ആയി താമസിക്കാൻ പറ്റിയ ഒരിടം എന്ന നിലയ്ക്കാണ് ഞങ്ങൾ അവിടം തിരഞ്ഞെടുത്തത്. 1800 രൂപയ്ക്കാണ് ഞങ്ങൾക്ക് അവിടെ റൂം കിട്ടിയത്.

അങ്ങനെ ഞങ്ങൾ YWCA ഹോസ്റ്റലിൽ എത്തിച്ചേർന്നു. 1800 രൂപയ്ക്ക് ഞങ്ങൾക്ക് ലഭിച്ച റൂം അടിപൊളിയായിരുന്നു. ഫാമിലിയായി വരുന്നവർക്ക് താമസിക്കുവാൻ പറ്റിയ ഒരിടമാണിത്. എന്തായാലും കൊള്ളാം. കുറച്ചു സമയം വിശ്രമിച്ചതിനു ശേഷം ഞങ്ങൾ ഫ്രഷായി ഡൽഹിയുടെ കാഴ്ചകൾ കാണുവാനായി പുറത്തേക്ക് ഇറങ്ങി.

ഉച്ചസമയം ആയിരുന്നിട്ടും നല്ല തണുത്ത കാലാവസ്ഥയായിരുന്നു അവിടെ. കൊണാട്ട് പ്ളേസിലേക്ക് ആയിരുന്നു ഞങ്ങളുടെ നടത്തം. ഡെൽഹിയിലെ ഒരു പ്രധാന വ്യവസായിക സ്ഥലമാണ് കോണാട്ട് പ്ലേസ്. ഔദ്യോഗികമായി ഈ സ്ഥലം രാജീവ് ചൌക്ക് എഎന്നാണു അറിയപ്പെടുന്നത്. CP (സി.പി) എന്ന ചുരുക്കപ്പേരിൽ അറിയപ്പെടുന്ന കോണാട്ട് പ്ലേസിൽ പല പ്രധാന സ്ഥാപനങ്ങളുടേയും മുഖ്യ ഓഫീസ് സ്ഥിതി ചെയ്യുന്നു.

ഞങ്ങളുടെ നടത്തത്തിനിടയിൽ മനോനില തെറ്റിയ ഒരു മനുഷ്യൻ റോഡിലിറങ്ങി നിന്നുകൊണ്ട് നൃത്തച്ചുവടുകൾ വെയ്ക്കുന്നത് കണ്ടു. ഞങ്ങൾ നോക്കിനിൽക്കെ അയാൾ ഒരു വിദേശ വനിതയുടെ നേർക്ക് നീങ്ങി. ഒരു സർദാർജി ഇടപെട്ട് അയാളെ ഓടിക്കുകയും വിദേശവനിതയെ രക്ഷപ്പെടുത്തുകയുമാണുണ്ടായത്. ഇത്രയും വലിയ ഒരു സിറ്റിയിൽ ഇതുപോലുള്ള കാഴ്ചകളൊക്കെ വേണ്ടപ്പെട്ടവർ കാണുന്നില്ലെന്ന് നടിക്കുകയാണോ എന്നു തോന്നിപ്പോയി. ഞങ്ങൾ അധികം അവിടെ നിൽക്കാതെ നടത്തം തുടർന്നു.

ജന്തർ മന്തറിലേക്ക് ആയിരുന്നു ഞങ്ങൾ ആദ്യം കയറിയത്. ദില്ലിയിൽ കൊണാട് പ്ലേസിൽ നിന്നു പാർലമെന്റ് സ്ട്രീറ്റിൽ കടന്നു ഏതാണ്ട് 200 മീ. പോയാൽ റോഡിനു ഇടതുവശത്തായി സ്ഥിതി ചെയ്യുന്ന ഒരു നിർമ്മിതിയാണ് ജന്തർ മന്തർ. ഇത് 13 നിർമ്മിതികളുടെ ഒരു സമുച്ചയമാണ്. ഇവയെ യന്ത്രങ്ങൾ എന്നു വിളിക്കുന്നു. സമ്രാട് യന്ത്രം, രാമയന്ത്രം, ജയപ്രകാശ യന്ത്രം, മിശ്ര യന്ത്രങ്ങൾ തുടങ്ങിയവയാണ് ജന്ത‍ർ മന്തറിലുള്ള യന്ത്രങ്ങൾ. മുഗൾ ചക്രവർത്തി ആയിരുന്ന മുഹമ്മദ് ഷാ കലണ്ടറുകളും ഖഗോളക്കണക്കുകളും ഉണ്ടാക്കാൻ നിർദ്ദേശിച്ചതനുസരിച്ച്, ജയ്പൂരിലെ മഹാരാജാവ് സാവോയ് ജയ് സിങ്ങ് (മഹാരാജാ ജയ്സിങ്ങ് രണ്ടാമൻ) 1724ൽ നിർമ്മിച്ചതാണിത്. ഇതിലെ മിക്ക യന്ത്രങ്ങളും മഹാരാജാ ജയ് സിങ്ങ് തന്നെ കണ്ട് പിടിച്ചതാണ്. ഖഗോള ശാസ്ത്രത്തിന്റെ അന്നത്തെ നിലവാരമനുസരിച്ച്, ഇവ മഹത്തായ കണ്ടുപിടിത്തങ്ങളായി കണക്കാക്കേണ്ടവയാണ്. ഡിജിറ്റൽ ഇടപാടുകൾ പ്രോത്സാഹിപ്പിക്കുന്നതിനായി ക്യാഷ്‌ലെസ് പേയ്മെന്റ് ആണെങ്കിൽ 20 രൂപയാണ് ജന്തർ മന്തിറിലേക്കുള്ള പ്രവേശന ഫീസ്. ക്യാഷ് കൊടുത്താണ് ടിക്കറ്റ് എടുക്കുന്നതെങ്കിൽ 25 രൂപയാണ് ഫീസ്.

ജന്തർ മന്തിറിൽ നിന്നും പുറത്തിറങ്ങിയ ഞങ്ങൾ വഴിയരികിൽ കണ്ട ഒരു ചെറിയ തട്ടുകടയിലേക്ക് ചെന്നു. ബജ്ജിയും മറ്റുമൊക്കെയായിരുന്നു അവിടെ വിറ്റിരുന്നത്. കടലമാവ് കൊണ്ടുണ്ടാക്കിയ ‘റാം ലഡു’ എന്നൊരു ഐറ്റമായിരുന്നു ഞങ്ങൾ അവിടെ നിന്നും പരീക്ഷിച്ചത്. കൊള്ളാം, വ്യത്യസ്തമായ ഒരു ഐറ്റമായിരുന്നു. അതിനു ശേഷം ഞങ്ങൾ ഭേൽപ്പൂരിയും രുചിച്ചറിഞ്ഞു.

പിന്നീട് ഞങ്ങൾ പോയത് പ്രശസ്തമായ ജൻപഥ് മാർക്കറ്റിലേക്ക് ആയിരുന്നു. അവിടെ മൊത്തം കച്ചവടക്കാരായിരുന്നു. വസ്ത്രങ്ങളും മറ്റുമൊക്കെയാണ് കൂടുതലായും അവിടെ വിറ്റിരുന്നത്. നല്ല വിലക്കുറവിലാണ് അവിടെ വസ്ത്രങ്ങൾ വിൽക്കുന്നത്. വില പേശിയാൽ ഒന്നുകൂടി ചിലപ്പോൾ വില കുറയും. ശ്വേതയ്ക്ക് നന്നായി ഹിന്ദി അറിയാവുന്നതിനാൽ വിലപേശി സാധനങ്ങളെല്ലാം വാങ്ങിക്കൂട്ടി. എറണാകുളത്തു നിന്നും 500 രൂപയൊക്കെ വാങ്ങിയ നൈറ്റ് ഡ്രസ്സ് ഒക്കെ ഇവിടെ 200 രൂപയ്ക്കാണ് ഞങ്ങൾക്ക് കിട്ടിയത്. ഡൽഹിയിൽ ഷോപ്പിംഗിനു പറ്റിയ സ്ഥലമാണ് ഇത്.

ജൻപഥ് മാർക്കറ്റിൽ നിന്നും പിന്നീട് ഞങ്ങൾ പോയത് കൊണാട്ട് പ്ളേസിലെ സ്ട്രീറ്റ് ഫുഡ് എക്‌സ്‌പ്ലോർ ചെയ്യുവാനായിരുന്നു. കൊണാട്ട് പ്ളേസിലെ മൈതാനത്തിനു അടിയിൽ (Under Ground) സ്ഥിതി ചെയ്യുന്ന സബ്‌വേ ബസാറിലേക്ക് ഞങ്ങൾ കയറി. ഭൂമിക്കടിയിൽ ഒരു ഷോപ്പിംഗ് വിസ്മയം, അതായിരുന്നു സബ്‌വേ ബസാർ. ചുമ്മാ അവിടെ കറങ്ങിയടിച്ചു നടന്നതിനു ശേഷം ഞങ്ങൾ തിരികെ മൈതാനത്തേക്ക് എത്തിച്ചേർന്നു. ഇവിടെ കിടന്നു കറങ്ങിയിട്ടു കാര്യമില്ല, ലോക്കൽ ഫുഡ് നന്നായി എക്‌സ്‌പ്ലോർ ചെയ്യണമെങ്കിൽ ‘പറാന്തേ വാലി ഗലി’യിലേക്ക് പോകണമെന്നായി ശ്വേത. എന്നാൽപ്പിന്നെ അങ്ങനെയായിക്കോട്ടെ എന്നു ഞാനും.

ഓൾഡ് ഡൽഹിയിലെ ചാന്ദ്‌നി ചൗക്കിലുള്ള ലോക പ്രശസ്തമായ സ്ട്രീറ്റ് ഫുഡ് ലഭിക്കുന്ന തെരുവാണു ‘പറാന്തേ വാലി ഗലി.’ കൊണാട്ട്പ്ളേസിൽ നിന്നും ഞങ്ങൾ ഒരു യൂബർ ടാക്സി വിളിച്ചു
പറാന്തേ വാലി ഗലിയിലേക്ക് യാത്രയായി. ഓൾഡ് ഡൽഹിയിൽ ഞങ്ങൾ കണ്ട ഒരു പ്രധാന കാഴ്ച എന്തെന്നാൽ സൈക്കിൾ റിക്ഷകൾ ആയിരുന്നു. ശരിക്കും ആ പഴയ കാലത്തേക്ക് എത്തിയപോലെ. ഓൾഡ് ഡൽഹിയിൽ നിന്നും ഒരു ഷെയർ ഓട്ടോ വിളിച്ചു ഞങ്ങൾ ‘പറാന്തേ വാലി ഗലി’യിലേക്ക് പോയി.

റോഡിലാണെങ്കിൽ തിരക്കോടുതിരക്ക്. അതിനിടയിലൂടെ ഷെയർ ഓട്ടോക്കാരൻ (പാലൊക്കെ കൊണ്ടുപോകുന്ന പോലത്തെ വണ്ടി) പറപ്പിക്കുകയായിരുന്നു. ഒരാൾക്ക് 20 രൂപ വെച്ചായിരുന്നു ഷെയർ ഓട്ടോക്കാരൻ ഞങ്ങളിൽ നിന്നും ഈടാക്കിയത്. അതിനുള്ള യാത്ര ഉണ്ട് താനും. അങ്ങനെ പോയിപ്പോയി ഞങ്ങൾ സ്ഥലത്തെത്തി. നല്ല തിരക്കായിരുന്നു ഞങ്ങൾ അവിടെ ചെന്നപ്പോൾ. മര്യാദയ്ക്ക് നിൽക്കാൻ പോലും സാധിക്കുമായിരുന്നില്ല. എല്ലാവരും ഞങ്ങളെപ്പോലെ ഫുഡ് എക്‌സ്‌പ്ലോർ ചെയ്യുവാനായി വന്നതാണ്.

ശ്വേത തിരക്കിനിടയിലൂടെ ചെന്ന് ‘ചാവൽ ചോല’ എന്നൊരു ഐറ്റം വാങ്ങിക്കൊണ്ടു വന്നു. നല്ല എരിവും പുളിയും ഉപ്പുമൊക്കെയുള്ള ഒരു രുചികരമായ വിഭവമായിരുന്നു അത്. വളരെ വ്യത്യസ്തമായ ഒട്ടനവധി ഫുഡ് ഐറ്റങ്ങൾ അവിടെ ലഭിക്കും എന്നതിനാലാണ് ഇത്രയും തിരക്ക്. ഭക്ഷണപ്രിയർക്ക് ജീവിതത്തിൽ മറക്കാനാകാത്ത അനുഭവങ്ങൾ സമ്മാനിക്കും ഈ തെരുവിലെ കൈപ്പുണ്യം നിറഞ്ഞ വ്യക്തികളും കടകളും. അപ്പോൾ ഇനി ഡൽഹിയിൽ വരുന്നവർ ഫുഡ് എക്‌സ്‌പ്ലോർ ചെയ്യാനായി നേരെ ഇവിടേക്ക് വിട്ടോളൂ.

അങ്ങനെ വയറു നിറയുന്നതു വരെ ഭക്ഷണം കഴിച്ചു സന്തോഷത്തോടെ ഞങ്ങൾ അവിടെ നിന്നും തിരികെ യാത്രയായി. നാളെ ഞങ്ങൾ ഡൽഹിയിൽ നിന്നും പോകും.അതിനു മുൻപ് കുറച്ചു കൂടി കാഴ്ചകൾ കാണുവാനുണ്ട്. ആ വിശേഷങ്ങൾ അടുത്ത എപ്പിസോഡിൽ കാണാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

കേരളത്തിൽ ടൂറിസം ഉണരുന്നു; തുറന്ന ടൂറിസം സെന്ററുകൾ ഇവയാണ്

കോവിഡ് മഹാമാരിയെ തുടര്‍ന്ന് അടച്ചിട്ടിരുന്ന വനംവകുപ്പിന് കീഴിലുള്ള ഇക്കോ ടൂറിസം സെന്ററുകള്‍ കഴിഞ്ഞ ദിവസം മുതല്‍ സഞ്ചാരികള്‍ക്കായി തുറന്നു നല്‍കി. പരിഷ്‌കരിച്ച കോവിഡ് മാനദണ്ഡങ്ങള്‍ കര്‍ശനമായി പാലിച്ചുകൊണ്ടായിരിക്കും സെന്ററുകള്‍ പ്രവര്‍ത്തിക്കുക. ഇത്തരത്തിൽ തുറന്നിരിക്കുന്ന ടൂറിസം സെന്ററുകളുടെ വിവരങ്ങൾ ജില്ല തിരിച്ച് താഴെ…
View Post