ഭക്ഷണപ്രിയർ ത്യശ്ശൂരിൽ വന്നാൽ എങ്ങോട്ടു പോകണം? എന്തു കഴിക്കണം?

Total
1
Shares

നമ്മൾ യാത്രകൾ പോകുമ്പോൾ ചിലയിടങ്ങളിൽ നിന്നും ഭക്ഷണം കഴിക്കാറില്ലേ? ഇങ്ങനെ കഴിക്കുമ്പോൾ നിങ്ങൾ ഏതു തരാം ഭക്ഷണമായിരിക്കും തിരഞ്ഞെടുക്കുക? എൻ്റെ കാര്യം പറയുകയാണെങ്കിൽ ഞാൻ ഓരോ സ്ഥലത്തു ചെല്ലുമ്പോഴും അവിടത്തെ സ്‌പെഷ്യൽ ഫുഡ് എന്താണോ അത് കഴിക്കുവാനായിരിക്കും ശ്രമിക്കുക. കേരളത്തിലെ ഓരോ ജില്ലയിലും വ്യത്യസ്തമായ നല്ല അടിപൊളി ഭക്ഷണം കിട്ടുന്ന സ്ഥലങ്ങൾ ഉണ്ടായിരിക്കും. ഭക്ഷണ കാര്യത്തിൽ അൽപ്പം താല്പര്യമുള്ളവർക്ക് ഈ സ്ഥലങ്ങളെക്കുറിച്ചുള്ള അറിവുകൾ വളരെ ഉപകാരപ്രദമായിരിക്കും.

ഇത്തരത്തിൽ തൃശ്ശൂർ ജില്ലയിൽ വന്നാൽ ഉഗ്രൻ ഭക്ഷണം ലഭിക്കുന്ന ചില സ്ഥലങ്ങളെക്കുറിച്ചാണ് ഇനി പറയുവാൻ പോകുന്നത്. മുൻകൂറായി ഒരു കാര്യം കൂടി പറയട്ടെ. എത്ര വലിയ ഹോട്ടലായാലും ചില സമയത്ത് രുചികളിൽ ചില പാകപ്പിഴകൾ സംഭവിക്കാറുണ്ട്. അതുകൊണ്ട് ഈ പോസ്റ്റ് കണ്ടിട്ട് നിങ്ങളാരെങ്കിലും ഈ പറഞ്ഞിരിക്കുന്ന സ്ഥലങ്ങളിൽ പോയിട്ട് പ്രതീക്ഷിച്ച രുചി കിട്ടിയില്ലെങ്കിൽ അത് നിങ്ങളുടെയും ആ ഹോട്ടലിന്റെയും നിർഭാഗ്യം.

1) ഹോട്ടൽ സഫയർ – കെഎസ്ആർടിസി ബസ് സ്റ്റാൻഡിനും റെയിൽവേ സ്റ്റേഷനും തൊട്ടടുത്തായാണ് സഫയർ സ്ഥിതി ചെയ്യുന്നത്. തൃശ്ശൂർ നഗരത്തിലെ ഏറ്റവും രുചികരമായ ബിരിയാണി ഇവിടത്തെയാണ് എന്നാണു പറയപ്പെടുന്നത്. 2) ഇരിങ്ങാലക്കുട കൊളൊംബോ ഹോട്ടൽ – ബീഫ് ഫ്രൈ/ ചിക്കൻ ബിരിയാണി എന്നിവയ്ക്ക് പേരുകേട്ട സ്ഥലമാണിത്. 3) ചാവക്കാട് സെന്ററില് രഹ്മാനിയ ഹോട്ടല് – കൈപത്തരി (റൊട്ടി പത്തരി ) തക്കാളി കറി അല്ലെങ്കില് മട്ടന് ചോപ്സ് തുടങ്ങിയവയാണ് ഇവിടത്തെ സ്പെഷ്യൽ ഐറ്റംസ്. 4) പാലാഴി ഷാപ്പ്, തൃശ്ശൂര് – കണ്ടശ്ശന്കടവ് റോഡില് വിലക്കുംകാളില് നിന്നും വലത്തോട്ട് തിരിഞ്ഞാല് എത്തുന്ന പാലാഴിയിൽ കറിക്കും കള്ളിനും നല്ല പേരാണ്.

5) തൃശ്ശൂരിൽ കാഞ്ഞാണിയിൽ നിന്നും ഇടത്തേക്ക് ഏകദേശം അഞ്ച് കിലോമീറ്ററോളം മാറി പുത്തൻപീടികയ്ക്ക് അടുത്തായി മുടിച്ചൂര് റോഡിൽ വളമുക്ക് സെന്ററിൽ നിന്നും വലത്തോട്ടു തിരിഞ്ഞു ഏകദേശം 20 മീറ്റർ പോയി വലതു ഭാഗത്തുള്ള വീട്ടിലുണ്ടാക്കുന്ന അരി കൊണ്ടുള്ള ആലുവ പ്രസിദ്ധമാണ്. കൂടുതൽ വേണമെങ്കിൽ മുൻകൂട്ടി ബുക്ക് ചെയ്യണം. 6)  തൃശ്ശൂർ മുൻസിപ്പൽ സ്റ്റാൻഡിന് അടുത്തുള്ള രാധാകൃഷ്ണ ഹോട്ടലിലെ മസാലദോശ അടിപൊളിയാ. ഇവിടത്തെ ചമ്മന്തി വളരെ പേരുകേട്ടതാണ്.

7) തൃശൂർ ചെട്ടിയങ്ങാടിയിലെ ഡബിൾഎക്സ് ഹോട്ടൽ മീൻ വിഭവങ്ങൾക്ക് പ്രസിദ്ധമാണ്. പാതിരാത്രി വരെ തുറന്നിരിക്കുന്ന ഹോട്ടലാണിത്.

8) തൃശൂർ ജില്ലയിലെ മാള അഷ്ടമിച്ചിറക്ക് അടുത്ത് കുണ്ടായി എന്ന സ്ഥലത്ത് നല്ല തണുത്ത ഇഞ്ചിക്കളളും കറികളും കിട്ടുന്ന ഷാപ്പുണ്ട്. കപ്പ, മീന്കറി, ഞണ്ട് ഫ്രൈ (ഞായറാഴ്ച മാത്രം), ആടിന്റെ ലിവര്, ആടിന്റെ ബ്രെയിന്, കൊഴുവ ഫ്രൈ, താറാവ് ഫ്രൈ. ഇവിടെ മുളംകുറ്റിയിലാണ് കള്ള് വിതരണം ചെയ്യുന്നത്. 9) തൃശൂർ റൗണ്ടിൽ കറന്റ് ബുക്സിനടുത്ത്/ സി.എം.എസ്. സ്കൂളിന്റെ അടുത്തുള്ള ചന്ദ്ര ഹോട്ടൽ – നല്ല അടിപൊളി മീൻ കറി, ഊണ് ലഭിക്കും. 10) തൃശൂർ സ്വപ്നയുടെ അടുത്തുള്ള വെജിറ്റേറിയൻ ഹോട്ടലായ മണീസ് കഫേ – ഇഡലി, ഉപ്പുമാവു, ദോശ തുടങ്ങിയവ സൂപ്പറാണ്.

11) തൃശൂർ – ഷൊർണൂർ റോഡിലെ ഔഷധി പാൽക്കഞ്ഞി – നെല്ലിക്കാ ജ്യൂസ്, വേറെ പലതരം ഔഷധക്കഞ്ഞികൾ ഇവിടെ ലഭിക്കും. 12) തൃശൂർ കരുവന്നൂർ വലിയപാലത്തിന്റെ താഴത്തുള്ള “സായ്വിന്റെ കട”(“ഓലന്റെ കട”)- പൊറോട്ട, ബീഫ് കോമ്പിനേഷന് പേരുകേട്ട സ്ഥലമാണ്. 13) തൃശൂര്: കൂർക്കഞ്ചേരി എലൈറ്റ് ഹോസ്പിറ്റലിന്റെ മുൻപിലുള്ള തടിച്ച ചേട്ടന്റെ തട്ടുകടയിലെ ബജി, പരിപ്പുവട, ഉഴുന്നു വട തുടങ്ങിയ ചെറു കടികൾ വളരെ രുചികരമാണ്. 14. തൃശൂര് : തളിക്കുളം ഹൈസ്കൂളിന് പിന്നില് ”അലിയാർ” നടത്തുന്ന (അലിയ) കാറ്റെരിംഗ് സ്ഥാപനം – ഇവിടത്തെ സ്പെഷ്യൽ ചിക്കൻ ധം ബിരിയാണി, സദ്യ എന്നിവ പരീക്ഷിക്കാവുന്നതാണ്. 15) തൃശ്ശൂർ റൗണ്ട് സൗത്തിലെ പത്താൻസ് ഹോട്ടളിലെ വെജിറ്റേറിയൻ വിഭവങ്ങൾ പേരുകേട്ടതാണ്.

16) ഇരിങ്ങാലക്കുടയ്ക്ക് അടുത്തുള്ള മാപ്രാണം കള്ള് ഷാപ്പിലെ വിഭവങ്ങൾ പേരുകേട്ടതാണ്. ഫാമിലിയായി ഇവിടെ ആളുകൾ എത്താറുണ്ട്.  17) തൃശൂർ ഹൈ റോഡിലെ അക്ഷയാ ഹോട്ടൽ – പുട്ടും ബീഫും ആണ് ഇവിടത്തെ സ്പെഷ്യൽ. കൂടാതെ ഹോട്ടൽ രാത്രി 2 മണി വരെ തുറന്നിരിക്കും. 18) തൃശ്ശൂർ കെഎസ്ആർടിസി സ്റ്റാൻഡിനും റെയിൽവേ സ്റ്റേഷനും ഇടയിലുള്ള തട്ടുകടകളിൽ നല്ല കൊള്ളിയും (കപ്പ) ബോട്ടിയും പിന്നെ കാട ഫ്രൈയും ലഭിക്കും. 19) തൃശ്ശൂർ റൗണ്ടിലെ രാഗം തിയേറ്ററിനു പിന്നിലുള്ള ഭാരത് ഹോട്ടൽ അട, മസാലദോശ തുടങ്ങിയ വിഭവങ്ങൾക്ക് പേരുകേട്ടതാണ്.

20) തൃശൂർ സാഹിത്യ അക്കദമിയ്ക്കു പിന്നിലെ പിഡബ്യൂഡി ഗസ്റ്റ് ഹൌസിലെ കാന്റീനിലെ നാടന് ഊണും, വൈകീട്ട് ഏഴിനും 8 നും ഇടയിൽ മാത്രം കിട്ടുന്ന കഞ്ഞിയും പുഴുക്കും ഒരിക്കലെങ്കിലും രുചിച്ചിരിക്കേണ്ട ഒന്നാണ്. 21) ത്യശ്ശൂർ പെരിങ്ങാവിലെ ലഡുസ്വാമിയുടെ വീട് – ലഡു, പേട, മൈസൂർ പാക്ക്  മുതലുള്ള മധുരപലഹാരങ്ങൾ ഇവിടെ ലഭിക്കും. 22. ത്യശ്ശൂർ പാവറട്ടിയിൽ നിന്നു രണ്ടര കിലോമീറ്റർ ഉള്ളിലേക്കു പോയി, വെണ്മോട് ചുക്കുബസാറിൽ ഉള്ള “മാമാടെ ” കടയിലെ പൊറേട്ടയും ബീഫ് കറിയും. കേരളത്തിൽ വേറെ എവിടെയും ഉണ്ടാകില്ല ഇത്ര ടേസ്റ്റ്.

23) ഗുരുവായൂർ – കേച്ചേരി റൂട്ടിലെ ചൊവ്വല്ലൂപ്പടിയിൽ രാത്രി എട്ടുമണിക്കു ശേഷം തുറക്കുന്ന കപ്പയും ബോട്ടിയും. 24) ത്യശ്ശൂർ പാവറട്ടിയിലെ പോസ്റ്റ് ഓഫീസിനു താഴെയുള്ള ചേട്ടന്റെ കടയിലെ ജ്യൂസുകൾ വളരെ രുചിയേറിയതാണ്. 25) തൃശ്ശൂർ സ്വരാജ് റൗണ്ടിൽ നിന്നും പഴയ നടക്കാവിലേക്കുളള വഴിയിലെ സജീവേട്ടന്റെ *കാപ്പികട*യിലെ തൈര്സാദം, പഴം പൊരി, കൊഴിക്കൊട്ട തുടങ്ങിയ പലഹാരങ്ങളും രുചിച്ചിരിക്കേണ്ട ഒന്നാണ്. 26) തൃശ്ശൂർ – ഷൊർണൂർ റോഡിൽ തിരുവമ്പാടി അമ്പലത്തിന്റെ മുൻപിൽ നിന്ന് പൂങ്കുന്നം സ്റ്റേഷനിലേക്കുളള വഴിയിലെ *പത്തായം* പ്രകൃതി ഭക്ഷണശാല വേറിട്ട അനുഭവമാണ്. 27) തൃശ്ശൂർ റൗണ്ടിൽ ബിനി ടൂറിസ്റ്റ് ഹോമിനു സമീപത്തുള്ള മിഥില ഹോട്ടലിലെ മസാലദോശയും മറ്റു വെജിറ്റേറിയൻ വിഭവങ്ങളും പേരുകേട്ടതാണ്.

എന്താ ഇത്രയും സ്ഥലം പോരേ? ഇനി അടുത്ത തവണ തൃശ്ശൂരിലും പരിസരത്തും വരുമ്പോൾ ഈ പറഞ്ഞിരിക്കുന്നവയിൽ നിങ്ങൾക്കിഷ്ടപ്പെട്ട ഏതെങ്കിലും സ്ഥലത്തെ ഭക്ഷണം ഒന്നു രുചിച്ചു നോക്കുവാൻ ശ്രമിക്കുക.

13 comments
  1. ഇന്ത്യൻ കോഫീ ഹൗസ് , മസാല ദോശ @ രാധാകൃഷ്ണ ഹോട്ടൽ …

  2. 22. ത്യശ്ശൂർ പാവറട്ടിയിൽ നിന്നു രണ്ടര കിലോമീറ്റർ ഉള്ളിലേക്കു പോയി, വെണ്മോട് ചുക്കുബസാറിൽ ഉള്ള “മാമാടെ ” കടയിലെ പൊറേട്ടയും ബീഫ് കറിയും. കേരളത്തിൽ വേറെ എവിടെയും ഉണ്ടാകില്ല ഇത്ര ടേസ്റ്റ്. ഇങ്ങനെ ഒരു കട ഞങ്ങള്‍ നാട്ടുകാര്‍ കണ്ടിട്ടേ ഇല്ല. ഇങ്ങനെ ഒരു മാമയെയും

  3. ത്രിപ്രയാർ റിലാക്സ്‌ റസ്റ്ററന്റിലെ ബിരിയാണി ഒന്നു കഴിച്ചു നോക്കണം , ഈ പറഞ്ഞ ലിസ്റ്റിന്റെ മുന്നിൽ വരും..

  4. Kuruppam roadil pazhaya manappuram hottelinte sthalathe ipole ulla Alibaba Yil pal vrity foodum kittum including arabic

  5. ആമ്പല്ലൂർ ചാന്ദ് വി തിയ്യറ്ററിനടുത്തുള്ള പൂജാസിൽ നിന്ന് ബിരിയാണി ,പൊറോട്ട ബീഫ് … ഹൊ!… രചികരമായ ഭക്ഷണം കീശ കാലിയാകാതെ.

  6. ഹീറോ ഹോട്ടൽ, ( opp. സാഹിത്യ അക്കാദമി.)ജയാ പാലസ്, (കുറുപ്പം റോഡ്)മിന്റ് ഹോട്ടൽ, ( Near നവഗ്രഹക്ഷേത്രം)അലങ്കാർ റസ്റ്റോറന്റ് (പോസ്റ്റ് ഓഫീസ് റോഡ് ) കാപ്പി ക്കട പറയാമെങ്കിൽ അടുത്തുള്ളനളന്ദാ ഹോട്ടലും എടുത്തു പറയേണ്ടതാണ്!

  7. patturaikal Junction le Thattukadaayile Podi kolliyum bottiyum matram vilkunnu. super tast aanu. Kurupam road il kolkatta bar nu side il poricha kozhi….oo Super

  8. തൃശ്ശൂർ പിഷാരടീസിലെ സദ്യയും മോശല്ലാട്ടോ 👍

  9. Sujith bhai… Thrissur ksrtc kk aduth al nahdhi kuzhimandhi shop… Spr aanu… Pattyal visit cheythu ishttappettal next time include cheyyaam…

  10. Chalakudy athirappilli routil oru kadayundu vaasuetanda kada angane endo anu peru aviduthe food anu food

  11. angene thrissur poyal food adikaan stalangal aayi, ithe polathe ella sthalethem venottooo😊😊

  12. Sapphire Biriyani is overhyped , there are many newcomers – Akshaya, copper spoon ,pepper etc

  13. Athirapally routilulla Vasuvettante kadayile porky beefum onnu Vere. Afternoonil Oonu only with side dishes. Starts at 11am

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

കേരളത്തിൽ ടൂറിസം ഉണരുന്നു; തുറന്ന ടൂറിസം സെന്ററുകൾ ഇവയാണ്

കോവിഡ് മഹാമാരിയെ തുടര്‍ന്ന് അടച്ചിട്ടിരുന്ന വനംവകുപ്പിന് കീഴിലുള്ള ഇക്കോ ടൂറിസം സെന്ററുകള്‍ കഴിഞ്ഞ ദിവസം മുതല്‍ സഞ്ചാരികള്‍ക്കായി തുറന്നു നല്‍കി. പരിഷ്‌കരിച്ച കോവിഡ് മാനദണ്ഡങ്ങള്‍ കര്‍ശനമായി പാലിച്ചുകൊണ്ടായിരിക്കും സെന്ററുകള്‍ പ്രവര്‍ത്തിക്കുക. ഇത്തരത്തിൽ തുറന്നിരിക്കുന്ന ടൂറിസം സെന്ററുകളുടെ വിവരങ്ങൾ ജില്ല തിരിച്ച് താഴെ…
View Post