ലങ്കാവിയിലെ ഈഗിൾ സ്ക്വയറും ബൈക്ക് യാത്രയും…

Total
0
Shares

ബൈക്കും വാടകയ്ക്ക് എടുത്ത് ഞങ്ങൾ ഒരു ചെറിയ കറക്കം തന്നെ ലങ്കാവിയിലൂടെ നടത്തി. അതിനു ശേഷം ഞങ്ങൾ പോയത് ഈഗിൾ സ്‌ക്വയർ എന്നൊരു സ്ഥലത്തേക്ക് ആയിരുന്നു. ബൈക്ക് എടുത്തു പോകുന്നതിന്റെ ആകെയൊരു ബുദ്ധിമുട്ട് എന്തെന്നാൽ എവിടെയെങ്കിലും ബൈക്ക് പാർക്ക് ചെയ്ത് പോകുകയാണെങ്കിൽ ഹെൽമറ്റും കയ്യിൽ പിടിച്ചുകൊണ്ട് നടക്കണം എന്നതായിരുന്നു. ഹെൽമറ്റ് വണ്ടിയിൽ വെച്ചിട്ട് എങ്ങാനും നഷ്ടപ്പെട്ടു പോയാൽ നമ്മൾ അഡ്വാൻസ് ആയി നൽകിയ തുക തിരികെ ലഭിക്കില്ല. എന്തിന് വെറുതെ റിസ്ക്ക് എടുക്കണം? അങ്ങനെ ഞങ്ങൾ ഈഗിൾ സ്‌ക്വയറിൻ്റെ അടുത്ത് ബൈക്ക് പാർക്ക് ചെയ്ത ശേഷം ഹെൽമറ്റും കയ്യിൽ പിടിച്ചുകൊണ്ട് നടന്നു.

ഈഗിൾ സ്ക്വയറിലേക്ക് പോകുന്ന വഴിയിൽ ഒരു കരിക്ക് കട ഞങ്ങളുടെ ശ്രദ്ധയിൽപ്പെട്ടു. കരിക്ക് ഉപയോഗിച്ചുള്ള വിവിധതരം ഐറ്റങ്ങൾ അവിടെ ലഭിക്കുമായിരുന്നു. കോക്കനട്ട് ഐസ് വാട്ടർ എന്നൊരു സാധനമായിരുന്നു ഞങ്ങൾ അവിടെ നിന്നും വാങ്ങിയത്. രണ്ട് മലേഷ്യൻ റിങ്കറ്റ് ആയിരുന്നു അതിന്റെ വില. ഫുൾ ഐസ് ഇട്ടുള്ള ഒരു ഐറ്റമായിരുന്നു. കള്ളിന്റെ മണമായിരുന്നു അതിന്. എന്തായാലും നല്ല രുചിയായിരുന്നു. കോക്കനട്ട് ഐസും നുണഞ്ഞുകൊണ്ട് ഞങ്ങൾ പാർക്കിലേക്ക് നടന്നു.

വളരെ മനോഹരമായ രണ്ടു കുളങ്ങൾ അവിടെയുണ്ടായിരുന്നു. വൈകുന്നേര സമയങ്ങളിൽ ആളുകൾക്ക് വന്നിരിക്കുവാൻ പറ്റിയ ഒരു സ്ഥലമായിരുന്നു അത്. പാർക്കിന്റെ നടുവിലായി ഒരു വലിയ പരുന്തിന്റെ പ്രതിമയുണ്ടായിരുന്നു. അതുകൊണ്ടായിരിക്കാം ഇതിന് ഈഗിൾ സ്‌ക്വയർ എന്ന പേര് വന്നത്. ഈ പ്രതിമയ്ക്ക് അപ്പുറത്ത് കടലിന്റെ ഭാഗവും ബോട്ട് ജെട്ടിയും ദ്വീപുകളും ഒക്കെയാണ്. ഞങ്ങൾ പോയത് വൈകുന്നേരം ആയതിനാൽ നല്ലൊരു അനുഭൂതി നിറഞ്ഞ രംഗമായിരുന്നു അവിടെ. എന്താണോ എന്തോ അവിടെ പ്രതീക്ഷിച്ചയത്രയും തിരക്കൊന്നും ഉണ്ടായിരുന്നില്ല.

കാഴ്ചകൾ ഒക്കെ കണ്ടതിനു ശേഷം ഞങ്ങൾ നേരത്തെ കണ്ട പരുന്ത് പ്രതിമയുടെ അടുത്തേക്ക് പോയി. അകലെ നിന്നു നോക്കിയപ്പോൾ ഈ പരുന്ത് പ്രതിമ നിർമ്മിച്ചത് മരത്തിൽ ആണെന്നായിരുന്നു ഞങ്ങൾക്ക് തോന്നിയത്. എന്നാൽ അടുത്തു ചെന്നപ്പോഴാണ് മനസ്സിലായത് അത് കോൺക്രീറ്റിൽ തീർത്തതാണെന്ന്. അവിടെ വരുന്ന എല്ലാവരും ഈ പ്രതിമയ്ക്ക് മുന്നിൽ നിന്നും ഫോട്ടോ എടുക്കുന്നത് കാണാമായിരുന്നു. ഞങ്ങളും എടുത്തു സെൽഫിയും ഫോട്ടോകളും ഒക്കെ.

കുറച്ചപ്പുറത്തായി ഒരാൾ കഴുത്തിൽ പെരുമ്പാമ്പിനെയും തൂക്കിക്കൊണ്ട് നിൽക്കുന്നുണ്ടായിരുന്നു. പണം കൊടുത്താൽ ആ പാമ്പിനെ നമുക്ക് തൊടാനും വേണമെങ്കിൽ കഴുത്തിൽ ഇടാനും ഒക്കെ സാധിക്കും. ഈ കാഴ്ച കണ്ട് ശ്വേതയ്ക്ക് പേടിയായി. എനിക്കും ഇത് അത്ര നല്ലൊരു കാര്യമായി തോന്നിയില്ല. ആ പാമ്പിനെ ഒരു ദിവസം എത്രപേർ വന്നു തൊട്ടും തലോടിയും ഒക്കെ ബുദ്ധിമുട്ടിക്കുന്നുണ്ടാകും. നമ്മുടെ നാട്ടിൽ ആണെങ്കിൽ ആ പാമ്പുകാരൻ എപ്പോഴേ അകത്തായേനെ. എന്തോ എനിക്ക് വല്ലാത്ത കഷ്ടം തോന്നി. ഞങ്ങൾ പതിയെ അവിടെ നിന്നും മാറി നടന്നു. അങ്ങനെ കുറച്ചു കൂടി കാഴ്ചകൾ കണ്ടശേഷം ഞങ്ങൾ ഈഗിൾ സ്‌ക്വയറിൽ നിന്നും പുറത്തേക്ക് കടന്നു. പുറത്തേക്ക് ഇറങ്ങുമ്പോൾ നേരത്തെ കണ്ട കരിക്കുകാരൻ തൻ്റെ അന്നത്തെ കച്ചവടമെല്ലാം മതിയാക്കി പോകുവാൻ തയ്യാറെടുക്കുകയായിരുന്നു.

ഞങ്ങൾ പാർക്കിംഗ് ഏരിയയിൽ ചെന്ന് ഞങ്ങളുടെ വാടക ബൈക്ക് എടുത്ത് കറക്കം ആരംഭിച്ചു. റോഡിൽ വലിയ തിരക്കുകൾ ഒന്നും ഇല്ലാതെയിരുന്നതിനാൽ നല്ല സ്മൂത്ത് ആയി ഞങ്ങൾക്ക് റൈഡ് ആസ്വദിക്കുവാൻ പറ്റുന്നുണ്ടായിരുന്നു. പരിചയമില്ലാത്ത വഴികൾ… അറിയാത്ത ആളുകൾ.. മറ്റൊരു ലോകം… ടൂവീലറിൽ ഞങ്ങൾ ഞങ്ങളുടേതായ ലോകം തീർത്തുകൊണ്ട് മുന്നേറി. അപ്പോഴേക്കും നേരം പതിയെ ഇരുട്ടി തുടങ്ങിയിരുന്നു. വഴിയരികിൽ കണ്ട ഒരു ചെറിയ സൂപ്പർ മാർക്കറ്റിൽ ഞങ്ങൾ കയറി. കുടിക്കാനും കഴിക്കാനും ഒക്കെ വേണ്ട സാധനങ്ങൾ ഞങ്ങൾ അവിടെ നിന്നും വാങ്ങി. പുറത്തിറങ്ങിയപ്പോൾ സൂപ്പർ മാർക്കറ്റിന്റെ ഉണ്ണിലിരുന്നുകൊണ്ട് ഒരാൾ പാട്ടുപാടി ഗിറ്റാർ വായിക്കുന്നുണ്ടായിരുന്നു. കുറച്ചുനേരം ഞങ്ങൾ പുള്ളിയുടെ പാട്ട് ആസ്വദിച്ചു. പിന്നീട് അവിടെനിന്നും ബൈക്കിൽ ഞങ്ങൾ റിസോർട്ടിലേക്ക് ചലിച്ചു.

രാത്രിയിൽ ഞങ്ങൾ താമസിച്ച റിസോർട്ട് കാണുവാൻ നല്ല ഭംഗിയായിരുന്നു. നല്ല അടിപൊളി റൊമാന്റിക് മൂഡ് ആയിരുന്നു അവിടെ. സ്വിമ്മിങ് പൂളൊക്കെ ലൈറ്റൊക്കെ ഇട്ട് അടിപൊളിയായിരിക്കുന്നു. അങ്ങനെ ഞങ്ങളുടെ ഇന്നത്തെ അടിച്ചുപൊളി പരിപാടികൾ എല്ലാംതന്നെ കഴിഞ്ഞിരിക്കുകയാണ്. ഇനി അൽപ്പനേരം പൂളിനു സമീപത്തൊക്കെ റൊമാന്റിക്കായി ഇരിക്കണം. ഒന്നു വിശ്രമിക്കണം… ബാക്കി കറക്കം ഇനി നാളെ…

35,000 രൂപ മുതലുള്ള പാക്കേജുകൾ ലഭ്യമാണ്. ലങ്കാവി വിവരങ്ങൾക്ക് Eizy Travel നെ വിളിക്കാം: 9387676600, 8589086600.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

ഊട്ടി – നീലഗിരി ട്രെയിൻ യാത്ര; നിങ്ങൾ അറിയേണ്ട കാര്യങ്ങളെല്ലാം…

ദിൽസേ സിനിമയിലെ “ഛയ്യ ഛയ്യാ..” എന്ന പാട്ടു കണ്ടതു മുതൽ എൻ്റെ മനസ്സിൽ കയറിക്കൂടിയതാണ് ഊട്ടി ട്രെയിൻ എന്നു നമ്മൾ വിളിക്കുന്ന നീലഗിരി മൗണ്ടൻ റെയിൽവേ. എന്നാൽ ഇതുവരെയ്ക്കും എനിക്ക് ആ ട്രെയിനിൽ ഒന്ന് സഞ്ചരിക്കുവാൻ സാധിച്ചിരുന്നില്ല. കഴിഞ്ഞ ദിവസം ആനക്കട്ടിയിലെ…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post