ലങ്കാവിയിലെ കാണാകാഴ്ചകൾ കണ്ടുകൊണ്ടൊരു പകൽ ബൈക്ക് ടൂർ

Total
15
Shares

ലങ്കാവിയിൽ അധികമാരും എക്‌സ്‌പ്ലോർ ചെയ്യാത്ത ഏരിയകൾ കാണുക എന്ന ലക്ഷ്യത്തോടെ ഞങ്ങൾ ബൈക്കും എടുത്തുകൊണ്ട് രാവിലെ തന്നെ യാത്ര തുടങ്ങി. എന്തോ വല്ലാത്തൊരു ഉന്മേഷമായിരുന്നു രാവിലെയുള്ള ആ യാത്രയിൽ ഞങ്ങൾക്ക്. തലേദിവസത്തെ കറക്കത്തിൽ ഞങ്ങളുടെ കൈയിലുള്ള പണം തീർന്നിരുന്നു. ഇനി ഇപ്പോൾ പോകുന്ന വഴിയിൽ ഏതെങ്കിലും എടിഎമ്മിൽ കയറിയിട്ടു വേണം പണം എടുക്കുവാൻ. അടുത്തുകണ്ട ഒരു എടിഎമ്മിൽ കയറി 500 റിങ്കറ്റ് ഞങ്ങൾ എടുത്തു. എടിഎം ഫീസ് അടക്കം 9415 രൂപ എൻ്റെ അക്കൗണ്ടിൽ നിന്നും പോയി. അങ്ങനെ കാശുമായി ഞങ്ങൾ യാത്ര തുടർന്നു.

പോകുന്ന വഴിയിൽ അവിടത്തെ ഒരു ഫയർ സ്റ്റേഷൻ ഞങ്ങൾ കാണുവാനിടയായി. ബോംബ (BOMBA) എന്നായിരുന്നു ഫയർ സ്റ്റേഷന് മുന്നിൽ ബോർഡ് എഴുതിയിരുന്നത്. അവിടെ ഫയർ സ്റ്റേഷൻ അറിയപ്പെടുന്നത് അങ്ങനെയാണെന്ന് തോന്നുന്നു. “ബോംബ് പൊട്ടിയാൽ രക്ഷിക്കാൻ വരുന്നവർ എന്നുദ്ദേശിച്ചാണോ എന്തോ.” എന്തായാലും ഫയർ ഫോഴ്‌സുകാരുടെ സേവനം എല്ലായിടത്തും സ്തുത്യർഹം തന്നെ. മനസ്സുകൊണ്ട് അവർക്കൊരു സല്യൂട്ട് അടിച്ചിട്ട് ഞങ്ങൾ അവിടെ നിന്നും യാത്രയായി.

ലങ്കാവി ടൗണിൽ നിന്നും വടക്കൻ മേഖലയിലേക്ക്‌ പോകുന്നവഴി ‘വാത് കോ വനാരം’ എന്നു പേരുള്ള ഒരു ബുദ്ധ ക്ഷേത്രം ഉണ്ടെന്നു ഞങ്ങളുടെ ഹോട്ടലിലെ ചേച്ചി പറഞ്ഞു തന്നിരുന്നു. ഗൂഗിൾ മാപ്പൊക്കെ ഇട്ടു ഞങ്ങൾ ബൈക്കിൽ പാഞ്ഞുകൊണ്ടിരുന്നു. കുറച്ചു കഴിഞ്ഞപ്പോൾ നഗരത്തിലെ തിരക്കുകളിൽ നിന്നും മാറി ഒരു ഗ്രാമാന്തരീക്ഷം ഫീൽ ചെയ്യുവാൻ തുടങ്ങി. ചുറ്റിനും പച്ചപ്പ്. കേരളത്തിലെ ഏതോ ഒരു കാട്ടിൽക്കൂടി പോകുന്നപോലെയാണ് എനിക്കും ശ്വേതയ്ക്കും തോന്നിയത്. കുറച്ചു സമയത്തെ യാത്രയ്ക്കു ശേഷം ഞങ്ങൾ ആ ബുദ്ധക്ഷേത്രത്തിൽ എത്തിച്ചേർന്നു.

വളരെ ശാന്തമായ ഒരു അന്തരീക്ഷമായിരുന്നു അവിടെ. ക്ഷേത്ര പരിസരത്ത് ധാരാളം പട്ടികൾ കൂട്ടമായി നടക്കുന്നുണ്ടായിരുന്നു. പേടിക്കേണ്ട, അവ ആരെയും ഉപദ്രവിക്കുകയൊന്നുമില്ല. ക്ഷേത്രത്തിനു പിന്നിൽ ഒരു മലയാണ്. ആ മലയിലുള്ള പാറയിൽ ഒരു ബുദ്ധരൂപം കൊത്തിവെച്ചിരിക്കുന്നതും നമുക്ക് താഴെ നിന്നും കാണാം. ക്ഷേത്രത്തിനകത്ത് വളരെ മനോഹരമായ കാഴ്ചകളാണ് ഞങ്ങൾക്ക് കാണുവാൻ സാധിച്ചത്. അകത്ത് ഒരു ബുദ്ധ സന്യാസി ഇരിക്കുന്നുണ്ടായിരുന്നു. അദ്ദേഹത്തിനു ചുറ്റും കുറച്ചാളുകൾ ഇരുന്നുകൊണ്ട് എന്തൊക്കെയോ ചർച്ച ചെയ്യുന്നുണ്ടായിരുന്നു.

ബുദ്ധക്ഷേത്രങ്ങൾ കാണുവാൻ പൊതുവെ നല്ല ഭംഗിയായിരിക്കും. അതുപോലെതന്നെയാണ് ഇവിടത്തെയും കാര്യം. അധികമാളുകൾക്ക് ഇതിനെക്കുറിച്ച് അറിയാൻ പാടില്ലാത്തതു കൊണ്ടാണോ എന്തോ തിരക്ക് വളരെ കുറവായിരുന്നു. ക്ഷേത്രത്തോട് ചേർന്നുള്ള കുളത്തിൽ ധാരാളം മീനുകളും ആമകളും ഒക്കെയുണ്ട്. കുളത്തിനു കുറച്ചപ്പുറത്തായി നല്ല ഭംഗിയുള്ള കുറച്ചു സ്തൂപങ്ങളും സ്ഥിതി ചെയ്യുന്നു. എല്ലാ സ്തൂപങ്ങളും വ്യത്യസ്തതയുള്ളവയായിരുന്നു. ഇവ എന്താണെന്ന് ഞങ്ങൾക്ക് മനസ്സിലായിരുന്നില്ല. സംശയം ചോദിക്കുവാൻ അവിടെയടുത്ത് ആരെയും കണ്ടുമില്ല. എന്തായാലും നല്ലൊരു സ്ഥലമാണ് വാത് കോ വനാരം എന്നയീ ബുദ്ധക്ഷേത്രം.

ബുദ്ധക്ഷേത്രത്തിൽ നിന്നും ഇറങ്ങിയ ഞങ്ങൾ അടുത്ത സ്ഥലത്തേക്ക് യാത്രയായി. ബുദ്ധക്ഷേത്രത്തിനു കുറച്ചെടുത്തായി ഒരു ഓർക്കിഡ് ഫാം ഞങ്ങൾ കാണുകയുണ്ടായി. ശ്വേതയ്ക്ക് പൂക്കളോട് വല്ലാത്ത ഒരു ഇഷ്ടമാണ്. പുള്ളിക്കാരിയുടെ നിര്ബന്ധത്താൽ ഞങ്ങൾ ആ ഫാമിൽ കയറി. ഫ്രീയായിരുന്നു അവിടേക്കുള്ള പ്രവേശനം. വിവിധ തരത്തിലുള്ള പൂക്കൾ അവിടെ കാണാമായിരുന്നു. ഓർക്കിഡുകളെക്കുറിച്ച് എന്നെക്കാൾ അറിവ് ശ്വേതയ്ക്ക് ഉണ്ടായിരുന്നു. ഓരോ പൂക്കളെക്കുറിച്ചും ശ്വേത എനിയ്ക്ക് വിശദമായി പറഞ്ഞു തന്നു. ആ ഫാമിലും കുറച്ച് പട്ടിക്കൂട്ടങ്ങളെ ഞങ്ങൾ കണ്ടു. പക്ഷേ അവരൊന്നും ഞങ്ങളെ മൈൻഡ് ചെയ്യുന്നേയുണ്ടായിരുന്നില്ല. അതുകൊണ്ട് രക്ഷപ്പെട്ടു.

ഈ ഫാമിനൊപ്പം ഒരു ഷോപ്പും അവിടെയുണ്ടായിരുന്നു. ഓർക്കിഡിൽ നിന്നും ഉൽപ്പാദിപ്പിച്ച പെർഫ്യൂം ഒക്കെ അവിടെ നിന്നിരുന്ന ചേച്ചി ഞങ്ങൾക്ക് പരിചയപ്പെടുത്തി തന്നു. പെർഫ്യൂം കൂടാതെ നല്ല കളർഫുൾ ഡ്രസ്സുകൾ, ഹെർബൽ ഭക്ഷണങ്ങൾ, തൊപ്പികൾ, കുടകൾ എന്നുവേണ്ട പലതും ഉണ്ടായിരുന്നു. പക്ഷെ എല്ലാത്തിനും നല്ല കത്തി വിലയായിരുന്നു. ആ വിലയ്ക്കുള്ള ക്വളിറ്റി സാധനങ്ങൾക്ക് തോന്നിയുമില്ല. അതുകൊണ്ട് ഞങ്ങൾ കാഴ്ചകൾ മാത്രം കണ്ടുകൊണ്ട് നടന്നു. ചുരുങ്ങിയ സമയത്തിനുള്ളിൽ ശ്വേത അവിടത്തെ ചേച്ചിയുമായി നല്ല കമ്പനിയായി മാറിയിരുന്നു. അവിടെ വിൽപ്പനയ്ക്ക് വെച്ചിട്ടുള്ള സാധനങ്ങളെക്കുറിച്ച് ആ ചേച്ചി ഞങ്ങൾക്ക് വിശദമായി പറഞ്ഞു തന്നു. അങ്ങനെ കുറച്ചു സമയം അവിടെ ചുറ്റിത്തിരിഞ്ഞശേഷം ചേച്ചിയോട് യാത്ര പറഞ്ഞുകൊണ്ട് ഞങ്ങൾ അവിടെ നിന്നും തിരിച്ചു. വീണ്ടും അടുത്ത വ്യത്യസ്തങ്ങളായ കാഴ്ചകൾ തപ്പി ഞങ്ങൾ യാത്രയായി. ആ കാഴ്ചകളും വിശേഷങ്ങളുമൊക്കെ ഇനി അടുത്ത എപ്പിസോഡിൽ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ഊട്ടി – നീലഗിരി ട്രെയിൻ യാത്ര; നിങ്ങൾ അറിയേണ്ട കാര്യങ്ങളെല്ലാം…

ദിൽസേ സിനിമയിലെ “ഛയ്യ ഛയ്യാ..” എന്ന പാട്ടു കണ്ടതു മുതൽ എൻ്റെ മനസ്സിൽ കയറിക്കൂടിയതാണ് ഊട്ടി ട്രെയിൻ എന്നു നമ്മൾ വിളിക്കുന്ന നീലഗിരി മൗണ്ടൻ റെയിൽവേ. എന്നാൽ ഇതുവരെയ്ക്കും എനിക്ക് ആ ട്രെയിനിൽ ഒന്ന് സഞ്ചരിക്കുവാൻ സാധിച്ചിരുന്നില്ല. കഴിഞ്ഞ ദിവസം ആനക്കട്ടിയിലെ…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post