‘ഫുഡ് ആൻഡ് ട്രാവൽ’ എബിൻ ചേട്ടനോടൊപ്പം ഗരുഡാകരി ഷാപ്പിലേക്ക്

Total
3
Shares

കേരളത്തിൽ ധാരാളം ഫുഡ് വ്ലോഗർമാരുണ്ട്. അക്കൂട്ടത്തിൽ പ്രശസ്തനായൊരു വ്ലോഗർ ആണ് കോട്ടയം സ്വദേശിയായ എബിൻ ജോസ്. ‘Food N Travel by Ebbin Jose’ എന്ന ചാനലിൽ ഫുഡ് വീഡിയോകളോടൊപ്പം അദ്ദേഹം യാത്രാ വീഡിയോകളും ചെയ്യാറുണ്ട്. ‘Travel with Vloggers’ എന്ന സീരീസിൽ ഒൻപതാമത്തെ എപ്പിസോഡ് ചെയ്യുവാൻ ഞാൻ പോയത് എബിൻ ചേട്ടന്റെ അടുത്തേക്ക് ആയിരുന്നു.

കോട്ടയം ജില്ലയിലെ തെങ്ങണയിലുള്ള അദ്ദേഹത്തിൻ്റെ കുടുംബവീട്ടിലേക്ക് ആയിരുന്നു ഞാൻ പോയത്. അവിടെ ചെന്നപാടെ എബിൻ ചേട്ടൻ സന്തോഷത്തോടെ സ്വീകരിച്ചുകൊണ്ട് വീട്ടിലേക്ക് ആനയിച്ചു. വർക്കിംഗ് ഡേ ആയിരുന്നതിനാൽ എബിൻ ചേട്ടൻറെ ഭാര്യയും മക്കളുമൊക്കെ വീട്ടിൽ ഇല്ലായിരുന്നു. അതുകൊണ്ട് എബിൻ ചേട്ടന്റെ അമ്മയായിരുന്നു ചായയും മറ്റു പലഹാരങ്ങളുമൊക്കെ എനിക്ക് നൽകിയത്. അമ്മയുടെ കൈപ്പുണ്യം നിറഞ്ഞ പഴംപൊരി അടിപൊളി തന്നെയായിരുന്നു.

എബിൻ ചേട്ടനോടൊപ്പം വീട്ടിലിരുന്നു വിശേഷങ്ങളൊക്കെ പങ്കുവെച്ചതിനു ശേഷം ഞങ്ങൾ പുറത്തേക്ക് ഇറങ്ങി. ഗരുഡാകരി കള്ള് ഷാപ്പിലേക്ക് ആയിരുന്നു ഞങ്ങൾ പോയത്. ആലപ്പുഴ – ചങ്ങനാശ്ശേരി റോഡിൽ നിന്നും ചക്കുളത്തുകാവ് ക്ഷേത്രത്തിലേക്ക് പോകുന്ന വഴിയിലാണ് ഗരുഡാകരി എന്ന കള്ള് ഷാപ്പ് സ്ഥിതി ചെയ്യുന്നത്.

കള്ള് ഷാപ്പ് എന്നുകേട്ടിട്ട് ആരും നെറ്റി ചുളിക്കേണ്ട, നല്ല അസ്സൽ ഫാമിലി റെസ്റ്റോറന്റ് കൂടിയാണിത്. കുട്ടനാട്ടിലെ നാടൻ വിഭവങ്ങളെല്ലാം ലഭ്യമായ ഈ ഷാപ്പിനോട് ചേർന്ന് ഒരു ഫാമിലി റെസ്റ്റോറന്റും ഉണ്ട്. ഏതാണ്ട് ഇരുപതോളം ചെറിയ ഹട്ടുകൾ ഷാപ്പിനു ചുറ്റിലുമായി ഉണ്ട്. ഇവിടെയിരുന്നുകൊണ്ട് ഫാമിലിയായും കൂട്ടുകാരുമായുമൊക്കെ കുട്ടനാടൻ രുചികൾ ആസ്വദിക്കാം.

ഗരുഡാകരി ഷാപ്പിൽ എത്തിയയുടനെ ഞങ്ങൾ നേരെ പോയത് ഷാപ്പിലെ അടുക്കളയിലേക്ക് ആയിരുന്നു. അടുക്കളയിലേക്ക് കയറിയപ്പോൾത്തന്നെ വ്യത്യസ്തങ്ങളായ വിഭവങ്ങളുടെ മണം മൂക്കിലേക്ക് അടിച്ചുകയറി. കൊതികൊണ്ട് വായിൽ വെള്ളമൂറുന്ന അനുഭവമായിരുന്നു അത്. കുട്ടനാടൻ സ്‌പെഷ്യൽ താറാവ് കറി, മീൻ വറ്റിച്ചത്, ചെമ്മീൻ മുതലായവ അടുക്കളയിൽ തയ്യാറായി ഇരിക്കുകയായിരുന്നു.

അടുക്കളയിലെ വിശേഷങ്ങളൊക്കെ കണ്ടു മനസ്സിലാക്കിയ ശേഷം ഞങ്ങൾ ഷാപ്പിനോട് ചേർന്നുള്ള ഒരു ഹട്ടിൽ സീറ്റ് പിടിച്ചു. നേരത്തെ ഓർഡർ ചെയ്തതു പ്രകാരം ഞണ്ട് റോസ്റ്റ്, ചെമ്മീൻ റോസ്റ്റ്, താറാവ് റോസ്റ്റ്, പന്നി റോസ്റ്റ്, ബീഫ് റോസ്റ്റ്, കപ്പ മുതലായവ ഞങ്ങളുടെ ടേബിളിൽ എത്തിച്ചേർന്നു.

ഓരോ വിഭവങ്ങളും രുചിച്ചുകൊണ്ട് എബിൻ ചേട്ടൻ തൻ്റെ ചാനൽ വിശേഷങ്ങൾ പങ്കുവെക്കുവാൻ തുടങ്ങി. Jaunt Monkey എന്ന പേരിൽ ഒരു ഇംഗ്ലീഷ് ചാനൽ ആയിരുന്നു എബിൻ ചേട്ടൻ ആദ്യമായി തുടങ്ങിയത്. പിന്നീട് മലയാളത്തിൽ ഒരു ഫുഡ് ചാനൽ ചെയ്യണം എന്ന ആഗ്രഹത്തിലാണ് 2018 ൽ ‘Food N Travel by Ebbin Jose’ എന്ന പുതിയ ചാനൽ ആരംഭിക്കുന്നത്. ഇതിൽ ഇപ്പോൾ 250 ഓളം വീഡിയോകൾ അദ്ദേഹം ചെയ്തിട്ടുണ്ട്.

കേരളത്തിലും ഇന്ത്യയിലും മാത്രമല്ല, ഏകദേശം 19 ഓളം രാജ്യങ്ങളിൽ അദ്ദേഹം സഞ്ചരിച്ചിട്ടുണ്ട്.കുറേക്കാലം ആഫ്രിക്കയിൽ ജോലി ചെയ്ത അനുഭവ സമ്പത്തും അദ്ദേഹത്തിനുണ്ട്. ഇന്ന് ചെറിയ മാർക്കറ്റിങ് ബിസ്സിനസ്സ് ചെയ്യുന്നതിനോടൊപ്പം സോഷ്യൽ മീഡിയയിലൂടെയും എബിൻ ചേട്ടൻ വരുമാനം കണ്ടെത്തുന്നുണ്ട്.

ഒരു വിഭവം ഉണ്ടാക്കുന്നതു മുതൽ അത് കഴിക്കുന്നതു വരെയുള്ള സൂക്ഷ്മമായ നിരീക്ഷണവും അവതരണവുമാണ് എബിൻ ചേട്ടന്റെ പ്രത്യേകത. പറഞ്ഞു പറഞ്ഞു കാഴ്ചക്കാരെ കൊതിപ്പിക്കുന്നതാണ് അദ്ദേഹത്തിൻ്റെ രീതി. കൂടുതലായും നാടൻ ഹോട്ടലുകളിലും, കള്ള് ഷാപ്പുകളിലുമൊക്കെയായി ചെയ്യുന്ന എബിൻ ചേട്ടന്റെ ഒരു വീഡിയോ കണ്ടാൽ പിന്നെ ഷാപ്പ് വിഭവങ്ങൾ കഴിക്കാൻ ആർക്കും ഒരു കൊതി തോന്നിപ്പോകും. അതാണ് എബിൻ മാജിക്…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിൽ ടൂറിസം ഉണരുന്നു; തുറന്ന ടൂറിസം സെന്ററുകൾ ഇവയാണ്

കോവിഡ് മഹാമാരിയെ തുടര്‍ന്ന് അടച്ചിട്ടിരുന്ന വനംവകുപ്പിന് കീഴിലുള്ള ഇക്കോ ടൂറിസം സെന്ററുകള്‍ കഴിഞ്ഞ ദിവസം മുതല്‍ സഞ്ചാരികള്‍ക്കായി തുറന്നു നല്‍കി. പരിഷ്‌കരിച്ച കോവിഡ് മാനദണ്ഡങ്ങള്‍ കര്‍ശനമായി പാലിച്ചുകൊണ്ടായിരിക്കും സെന്ററുകള്‍ പ്രവര്‍ത്തിക്കുക. ഇത്തരത്തിൽ തുറന്നിരിക്കുന്ന ടൂറിസം സെന്ററുകളുടെ വിവരങ്ങൾ ജില്ല തിരിച്ച് താഴെ…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post