മഞ്ഞുപെയ്യുന്നത് കാണാൻ പോകാം മണാലിയിലെ ഹംതാ പാസ്സിൽ…

Total
0
Shares

മണാലിയില്‍ വന്നിട്ട് രണ്ടു ദിവസമായിട്ടും മഞ്ഞു പെയ്യുന്നത് മാത്രം ഞങ്ങള്‍ കണ്ടില്ല. ആ കാഴ്ചകള്‍ അകാനുവാനുള്ള യാത്രയാണ് നീ അടുത്തത്. ഹംതാ പാസ് എന്ന സ്ഥലത്തേക്ക് ആണ് ഞങ്ങളുടെ യാത്ര. ടൂര്‍ കോര്‍ഡിനെറ്റര്‍ പ്രവീണ്‍ ഞങ്ങളെ അവിടേക്ക് കൊണ്ടുപോകാനായി രാവിലെ ഹോട്ടലിനു മുന്നില്‍ എത്തിച്ചേര്‍ന്നു. അത്യാവശ്യം നല്ല ഓഫ് റോഡ്‌ യാത്രയായതിനാല്‍ ഇത്തവണ ജിപ്സിയായിരുന്നു ഞങ്ങള്‍ വാഹനമായി തിരഞ്ഞെടുത്തത്. മനാലി സ്വദേശിയായ വിജയ്‌ എന്ന സുന്ദരന്‍ ഡ്രൈവറായിരുന്നു ഞങ്ങളുടെത്.

കൂടുതല്‍ ചെല്ലുന്തോറും റോഡ്‌ ദുര്‍ഘടമായി വന്നു. കുറച്ചുസമയത്തെ യാത്രയ്ക്കുശേഷം ഞങ്ങള്‍ ചുരം കയറാന്‍ തുടങ്ങി. 36 ഹെയര്‍പിന്‍ വളവുകളുള്ള ച്ചുരമായിരുന്നു അത്. മുകളിലേക്ക് ചെല്ലുന്തോറും മഞ്ഞു മൂടി വന്നുകൊണ്ടിരുന്നു. മുകളിലായി ആപ്പിള്‍ മരങ്ങളൊക്കെ കാണാന്‍ സാധിക്കുമായിരുന്നു. പോകുന്ന വഴിയെല്ലാം നല്ല കിടിലന്‍ വ്യൂ ആയിരുന്നു. ചുരത്തില്‍വെച്ചു തന്നെ മഞ്ഞുപെയ്യുവാന്‍ ആരംഭിച്ചു. ഞങ്ങളുടെ വണ്ടിയുടെ ഗ്ലാസ്സില്‍ മഞ്ഞുതുള്ളികള്‍ വീഴുന്നത് വളരെ രസകരമായ ഒരു കാഴ്ചയായിരുന്നു. വീഡിയോയില്‍ ഇതെല്ലാം നിങ്ങള്‍ക്ക് കാണുവാന്‍ സാധിക്കും.

മുകളിലേക്ക് ചെന്നപ്പോള്‍ വഴിക്ക് ഇരുവശവും മഞ്ഞുപെയ്തതിന്‍റെ അടയാളമായി മുഴുവനും മഞ്ഞുമൂടി കിടക്കുന്നത് കാണാമായിരുന്നു. മഞ്ഞുപെയ്യുന്ന കാഴ്ചകള്‍ കണ്ട അഭി ആകെ വണ്ടറടിച്ചുപോയി. നല്ല ഒന്നാന്തരം തണുപ്പ് തന്നെയായിരുന്നു ഹംതാ പാസ്സില്‍ ഞങ്ങളെ കാത്തിരുന്നത്. പാക്കേജില്‍ ഈ സ്ഥലം ഉള്‍പ്പെട്ടില്ലെങ്കിലും എക്സ്ട്രാ പണം നല്‍കി നിങ്ങള്‍ തീര്‍ച്ചയായും ഈ സ്ഥലം സന്ദര്‍ശിക്കുക തന്നെ വേണം.

സമുദ്രനിരപ്പില്‍ നിന്നും 4268 മീറ്റര്‍ ഉയരത്തിലാണ് മനാലിയിലെ പ്രശസ്തമായ ട്രക്കിംഗ് ബേസുകളിലൊന്നായ ഹംതാ പാസ് സ്ഥിതി ചെയ്യുന്നത് എന്ന് കൂടെയുണ്ടായിരുന്ന പ്രവീണ്‍ പറഞ്ഞുതന്നു. മഞ്ഞിന് മുകളിലൂടെ ജിപ്സി ഓടിച്ചുകൊണ്ടുപോകുന്ന കാഴ്ചകള്‍ വളരെ അഡ്വഞ്ചറസ്‌ ആയിരുന്നു. ഞങ്ങളുടെ ഡ്രൈവര്‍ വളരെ കൂളായ ഒരാളായിരുന്നു. എപ്പോഴും ഞങ്ങളോടൊപ്പം ആസ്വദിക്കുവാനും സഹായിക്കുവാനും ഒക്കെ ഡ്രൈവര്‍ വിജയ്‌ മുന്‍പന്തിയില്‍ ഉണ്ടായിരുന്നു. മഞ്ഞുപെയ്യുന്നത് കാണുവാന്‍ സ്വിറ്റ്സര്‍ലന്‍ഡ് പോലുള്ള രാജ്യങ്ങളിലേക്ക് പോകേണ്ട കാര്യമില്ലെന്ന് ഇവിടെ വന്നപ്പോള്‍ ഞങ്ങള്‍ക്ക് മനസ്സിലായി. വെറുതെയല്ല ഹിമാചല്‍ പ്രദേശിനെ ‘ദേവ് ഭൂമി’ എന്നു വിളിക്കുന്നത്. ദൈവം അത്രയ്ക്ക് അനുഗ്രഹിച്ചു നല്‍കിയിരിക്കുകയല്ലേ സൌന്ദര്യം.

മഞ്ഞില്‍ നടക്കുന്നതിനായി ഞങ്ങള്‍ പ്രത്യേകം ഗ്രിപ്പ് ഉള്ള ബൂട്ടുകള്‍ വാങ്ങിയിരുന്നു. അവ ഇവിടെ വാടകയ്ക്ക് ലഭിക്കുകയും ചെയ്യും. താഴെ വണ്ടി നിര്‍ത്തി ഞങ്ങള്‍ ഇറങ്ങുകയും മഞ്ഞു മലയിലൂടെ നടന്ന് മുകളിലേക്ക് കയറുകയുമാണ് പിന്നീട് ഉണ്ടായത്. മഞ്ഞിലൂടെ നടന്ന് കയറുവാന്‍ വലിയ ബുദ്ധിമുട്ട് ഒന്നും തന്നെ അനുഭവപ്പെട്ടിരുന്നില്ല. പക്ഷേ ഇറങ്ങുവാന്‍ ഒരല്‍പം പാടുപെട്ടു. ബ്രേക്ക് പോയ വണ്ടിയെപ്പോലെ ഞങ്ങള്‍ താഴേക്ക് കുതിച്ചുകൊണ്ട് ഇറങ്ങി. മുകളില്‍ ഒരു ഡാം ഉണ്ടായിരുന്നു. ആ ഡാമില്‍ നിന്നും ഒഴുകിയ വെള്ളം ഐസായി കിടക്കുന്ന കാഴ്ച ഞങ്ങള്‍ക്ക് വളരെ അത്ഭുതകരമായി തോന്നി. ആ സ്ഥലത്തെക്കുറിച്ചുള്ള പല ഐതീഹ്യങ്ങളും ചരിത്രവും ഒക്കെ ഡ്രൈവര്‍ വിജയ്‌ ഞങ്ങള്‍ക്ക് മനസിലാക്കി തന്നു.

മഞ്ചു വാര്യരും റിമാ കല്ലിങ്കലും തകര്‍ത്തഭിനയിച്ച റാണി പദ്മിനി എന്ന സിനിമയുടെ ഷൂട്ടിംഗ് ഈ പ്രദേശങ്ങളിലായിരുന്നു നടന്നത് എന്ന് ഞങ്ങള്‍ ബൂട്ട് വാങ്ങിയ കടയിലെ ചേച്ചിയും ചേട്ടനും ഒക്കെ പറഞ്ഞു. കുറേസമയം ചിലവഴിച്ചു എങ്കിലും ഞങ്ങള്‍ക്ക് അവിടം വിട്ടു തിരികെ പോരാന്‍ മനസ്സ് അനുവദിച്ചിരുന്നില്ല. പക്ഷേ എന്തുചെയ്യാം പോയല്ലേ പറ്റൂ. അങ്ങനെ മനസ്സില്ലാമനസ്സോടെ ഞങ്ങള്‍ അവിടം വിട്ടു താഴേക്ക് തിരികെയിറങ്ങി…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post