കമ്പം, കുമളി ഭാഗത്ത് പോകുന്നവർക്ക് 200 രൂപയ്ക്ക് ഒരു കിടിലൻ ഫാം കാണാം…

Total
0
Shares

കെഎസ്ആര്‍ടിസി പ്രേമികളുടെ കൂട്ടായ്മയായ ആനവണ്ടി മീറ്റ്‌ കഴിഞ്ഞു കുമളിയില്‍ നിന്നും ഞാന്‍ തമിഴ്നാട്ടിലെ കമ്പം റൂട്ടിലേക്ക് കാറില്‍ തിരിച്ചു. ലോവര്‍ പെരിയാര്‍ കഴിഞ്ഞുള്ള ഒരു ഫാം ഹൗസ് കാണുകയും അവിടെ ഒരു ദിവസം താമസിക്കുകയും ചെയ്യുക എന്നതായിരുന്നു എന്‍റെ ലക്‌ഷ്യം.ഒരു മലയാളിയുടെ സ്വന്തമായ ആ ഫാം ഹൗസിന്‍റെ പേര് ഹാര്‍വെസ്റ്റ് ഫ്രഷ്‌ ഫാം എന്നാണ്. ജൈവ ക്യഷിയെ സ്നേഹിക്കുന്ന കൊച്ചി സ്വദേശി കുര്യൻ ജോസഫിന്‍റെതാണ് ഈ ഫാം. മെയിന്‍ റോഡില്‍ നിന്നും ഏകദേശം മൂന്നു കിലോമീറ്റര്‍ ഉള്ളിലേക്ക് സഞ്ചരിച്ചാല്‍ ഈ ഫാമില്‍ എത്തിച്ചേരാം. ഫാമിലേക്ക് പോകുന്ന വഴിയുടെ ഇരുവശവും കാബേജ്, ഉള്ളി തുടങ്ങിയ പലതരം കൃഷികള്‍ നമുക്ക് കാണാവുന്നതാണ്. അങ്ങകലെ മലനിരകള്‍ തലയുയര്‍ത്തി നില്‍ക്കുന്നു. ഇതിനെല്ലാം നടുവിലായാണ് നമ്മുടെ ഹാർവെസ്റ്റ് ഫ്രഷ് ഫാം…

സ്ഥിതി ചെയ്യുന്നത് തമിഴ്നാട്ടില്‍ ആണെങ്കിലും ഫാമിനുള്ളില്‍ കയറിയാല്‍ നമ്മള്‍ കേരളത്തില്‍ എത്തിയെന്ന ഒരു പ്രതീതി ലഭിക്കും. കയറിചെല്ലുന്ന വഴിയുടെ ഇരുവശങ്ങളിലും ഗള്‍ഫ് നാടുകളില്‍ കാണുന്നതരം റോയല്‍ പാം മരങ്ങള്‍ തലയുയര്‍ത്തി നില്‍ക്കുന്നു. നല്ല അവിടെ ചെന്നപാടെ തണുത്ത വെള്ളം നല്‍കി എന്നെ ഫാം മാനേജര്‍ സ്വീകരിച്ചു. 2007 ല്‍ ഈ 35 ഏക്കര്‍ സ്ഥലം വാങ്ങുമ്പോള്‍ ഇവിടെയുണ്ടായിരുന്നത് ഒരു ആര്യവേപ്പ് മരം മാത്രമായിരുന്നു. പിന്നീട് വളരെ കഷ്ടപ്പെട്ടാണ്‌ ഇത് ഇന്ന് കാണുന്ന ഹരിതഭംഗി കൈവരിക്കാനായത്. ആ ആര്യവേപ്പ് മരം ഇന്നും ഒരു സ്മാരകം പോലെ അവിടെ പരിപാലിക്കുന്നുണ്ട്.

ഫാം സന്ദർശിക്കാൻ എത്തുന്നവർക്ക് ഒന്നു വിശ്രമിക്കാനായി കയറി വരുന്ന വഴിയുടെ അരികിൽ തന്നെ മരവും ഓലയും ഉപയോഗിച്ചു നിർമിച്ച ഒരു നാടൻ ഗസീബോ ഒരുക്കിയിട്ടുണ്ട്. അതിനടുത്തായി ഇവിടെ വരുന്നവര്‍ക്ക് താമസിക്കുവാന്‍ മൂന്നു കോട്ടേജുകളും ഉണ്ട്. കോട്ടേജുകള്‍ എല്ലാം വളരെ ഭംഗിയുള്ളതും വൃത്തിയേറിയതുമാണ്. കൊട്ടേജുകള്‍ക്ക് പിന്നിലായാണ് ഫാം റെസ്റ്റോറന്‍റ്. കൊട്ടെജുകളില്‍ താമസിക്കുന്നതിനു വേറെ പാക്കേജ് എടുക്കണം.

വിപുലമായി മാതള കൃഷി ചെയ്യുന്ന ഈ ഫാമിനെ ചുറ്റുപാടുമുള്ള പ്രദേശങ്ങളിൽ അറിയപ്പെടുന്നത് മാതളതോട്ടം എന്ന പേരിലാണ്.8000 ത്തോളം മാതള നാരകത്തിന്റെ ചെടികളാണ് ഇവിടെയുള്ളത് . ഇതുകൂടാതെ തെങ്ങുകള്‍, മാവുകള്‍, കസ്ടാര്‍ഡ് ആപ്പിളുകള്‍,പ്ലാവുകള്‍, പേര, പാഷന്‍ ഫ്രൂട്ട്, പപ്പായ തുടങ്ങിയവയും പ്രധാനമായും കൃഷി ചെയ്യുന്നുണ്ട്. ഫാമിലെത്തുന്നവര്‍ക്ക് തയ്യാറാക്കുന്ന ഭക്ഷണം ഇവിടെത്തന്നെ കൃഷി ചെയ്തെടുക്കുന്ന വിളകള്‍ കൊണ്ടാണ് പാകംചെയ്യുന്നത് എന്നതും ശ്രദ്ധേയമായ കാര്യമാണ്. ഒരു തരി പോലും മരുന്ന് അടിക്കാതെ പൂര്‍ണ്ണമായും ജൈവ വലം ഉപയോഗിച്ചാണ് ഇവിടെ കൃഷി ചെയ്യുന്നത്.

ക്യഷിയോടൊപ്പം ഫാം ടൂറിസവും നടപ്പിലാക്കി കൂടുതൽ വരുമാനസാധ്യതകൾ കണ്ടെത്തിയിരിക്കുകയാണ് ഇവിടെ. കോഴികള്‍, താറാവ്, പശു തുടങ്ങിയവയും ഫാമില്‍ ഉണ്ട്. കാസർകോട് കുള്ളനും, തമിഴ്നാടിന്റെ കാങ്കയവും ഉൾപ്പെടുന്ന 15 ഓളം നാടൻ പശുക്കൾ ഇവിടെയുണ്ട്. പശുക്കളുടെ ചാണകം പോലും വളവും ഇന്ധനവുമാക്കി മാറ്റുകയാണ് ഇവിടെ. ശുദ്ധമായ വായു ശ്വസിക്കാനും, ശാന്തമായി പ്രകൃതിയിൽ ലയിച്ചിരിക്കാനും, മനസ്സിനും ശരീരത്തിനും നവോൻമേഷം കൈവരിക്കാനും പറ്റിയ അനുകൂല സാഹചര്യങ്ങളും ഇവിടെയുണ്ട് എന്നതിനാല്‍ സഞ്ചാരികള്‍ക്ക് വളരെ വ്യത്യസ്തമായ ഒരനുഭവം ആയിരിക്കും ഹാര്‍വെസ്റ്റ് ഫ്രഷ്‌ ഫാം നല്‍കുക.

വിദേശികളും സ്വദേശികളുമായി ധാരാളം സഞ്ചാരികള്‍ സന്ദര്‍ശിക്കുന്നുണ്ട് ഇവിടെ. വിവിധ പായ്ക്കേജുകളാണ് ടൂറിസ്റ്റുകൾക്ക് ഇവിടെ ഓഫർ ചെയ്യുന്നത്. കാളവണ്ടി, ട്രാക്ടര്‍, ജീപ്പ് മുതലായവയില്‍ ഫാം ചുറ്റിക്കാണുവാനും ഇവിടെ അവസരമൊരുക്കുന്നു. ഒപ്പം തന്നെ ഭാരതീയ രീതിയിലുള്ള സ്വീകരണവും. ഫാമിലെ മൺറോഡുകളിലൂടെ കാളവണ്ടിയിൽ കുലുങ്ങി കുലുങ്ങിയുള്ള യാത്ര ഗതകാലത്തിന്റെ ഗൃഹാതുര സ്മരണകൾ ടൂറിസ്റ്റുകൾക്ക് സമ്മാനിക്കുമെന്നുറപ്പ്. ഇത്രയും കേട്ടപ്പോള്‍ത്തന്നെ ഇവിടെ ഒന്ന് സന്ദര്‍ശിക്കാന്‍ കൊതിയായോ? എങ്കില്‍ നേരെ വിട്ടോളൂ കുമളി കഴിഞ്ഞുള്ള ലോവര്‍ പെരിയാറിന്‍റെ പരിസരത്തുള്ള ഈ ഫാമിലേക്ക്.

1 comment
  1. കുമളിയിലെ , address, phone എന്തെങ്കിലും തരുമോ

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post