ഉറങ്ങിയും ഫ്‌ളൈറ്റ് മാറിക്കയറിയും ഒരു കിടിലൻ ലങ്കാവി ട്രിപ്പ്..!!

Total
18
Shares

ഗോവ, മൂന്നാർ എന്നിവിടങ്ങളിലെ ഹണിമൂൺ യാത്രകൾക്കു ശേഷം ഇതാ ഞങ്ങളുടെ ഇന്റർനാഷണൽ ഹണിമൂൺ ട്രിപ്പ്. എവിടേക്കാണെന്നോ? ലങ്കാവി… പേരു കേട്ടപ്പോൾ ശ്രീലങ്കയിൽ ആണെന്ന് വല്ലവരും വിചാരിച്ചിട്ടുണ്ടെങ്കിൽ അത് തെറ്റിയെന്നേ പറയാൻ പറ്റൂ. പേരിൽ ‘ലങ്ക’യുണ്ടെങ്കിലും ലങ്കാവി മലേഷ്യയിലാണ്. മലേഷ്യയിലെ പ്രധാനപ്പെട്ട ഒരു ഹണിമൂൺ സ്പോട്ടാണ് 104 ദ്വീപുകൾ ഉൾപ്പെടുന്ന ലങ്കാവി. മലേഷ്യയുടെ വടക്ക് പടിഞ്ഞാറന്‍ തീരത്തോടടുത്തായി ആന്‍ഡമാന്‍ സമുദ്രത്തിലാണ് ഈ ദ്വീപ സമൂഹം സ്ഥിതിചെയ്യുന്നത്. മലേഷ്യയിലെ ഒരു സംസ്ഥാനമായ കേദയുടെ ഭാഗമാണ് ലങ്കാവി.

മലേഷ്യയിൽ ഞാൻ നേരത്തെ ഒരു തവണ പോയിരുന്നുവെങ്കിലും അപ്പോൾ ലങ്കാവി സന്ദർശിക്കുവാൻ സാധിച്ചിരുന്നില്ല. അങ്ങനെയാണ് ഞങ്ങളുടെ ഹണിമൂൺ ട്രിപ്പ് ലങ്കാവിയിലേക്ക് പ്ലാൻ ചെയ്യുന്നത്. പോകുന്ന ദിവസം ഞാനും ശ്വേതയും കൂടി ഞങ്ങളുടെ കാറിൽ കൊച്ചി വിമാനത്താവളത്തിൽ എത്തിച്ചേർന്നു. കാർ അവിടെ പാർക്ക് ചെയ്തതിനു ശേഷം ഞങ്ങൾ ഇന്റർനാഷണൽ ടെർമിനലിലേക്ക് കയറി.

ടെർമിനലിൽ ഞങ്ങളെ കുറച്ചു ഫോളോവേഴ്സ് വന്നു പരിചയപ്പെടുകയുണ്ടായി. തിരക്ക് കുറവായിരുന്നതിനാൽ ചെക്ക് ഇൻ, ഇമിഗ്രെഷൻ പരിശോധനകൾ എല്ലാം വേഗത്തിൽ കഴിഞ്ഞു. എല്ലാം കഴിഞ്ഞു ഞങ്ങൾ ലോഞ്ചിലേക്ക് കയറി. ലോഞ്ചിലും അധികം ആളുകൾ ഉണ്ടായിരുന്നില്ല. ഞങ്ങൾ ലോഞ്ചിൽ കയറിയപ്പോൾ വൈകുന്നേരം ആറര ആയിരുന്നു. രാത്രി എട്ടര വരെ ഞങ്ങൾക്ക് സമയമുണ്ടായിരുന്നു. വീഡിയോ എഡിറ്റിങ് ഒക്കെ പൂർത്തിയാക്കാനും ഉണ്ടായിരുന്നു. ഒരു സൂപ്പൊക്കെ കുടിച്ച് ഞാൻ പതിയെ വർക്കിലേക്ക് മുഴുകി. ശ്വേത ഫോണിൽ പാട്ടു കേൾക്കുവാനും തുടങ്ങി.

അങ്ങനെ ഞങ്ങളുടെ വിമാനത്തിന്റെ സമയമായി. എയർ ഏഷ്യയായിരുന്നു ഞങ്ങൾക്കു പോകേണ്ടിയിരുന്ന വിമാനം. എയർ ഏഷ്യയിൽ ശ്വേത ഇതുവരെ കയറിയിട്ടുണ്ടായിരുന്നില്ല. മലേഷ്യയിൽ തമിഴ് വംശജർ കൂടുതലായതിനാൽ വിമാനത്തിൽ തമിഴ് അനൗൺസ്മെന്റും ഉണ്ടായിരുന്നു. ഞാൻ മുൻപ് മലേഷ്യയിൽ പോയപ്പോൾ ഇതു കേട്ടിട്ടുണ്ടായിരുന്നെങ്കിലും ആദ്യ തവണയായിരുന്നതിനാൽ ശ്വേത ഒന്നു ഞെട്ടി. ഇതൊക്കെയെന്ത് എന്നമട്ടിൽ ഞാനും ഇരുന്നു. അങ്ങനെ വിമാനം ഞങ്ങളെയും വഹിച്ചുകൊണ്ട് പറന്നുയർന്നു. ശ്വേതയ്ക്ക് വിൻഡോ സീറ്റ് കൊടുക്കാതിരുന്നതിനാൽ പുള്ളിക്കാരി അൽപ്പം പിണങ്ങിയായിരുന്നു ഇരുന്നത്. പതിയെപ്പതിയെ ഞങ്ങൾ ഉറക്കത്തിലേക്ക് വഴുതി വീണു.

ക്വലാലംപൂരിൽ ഇറങ്ങുന്നതിനു മുൻപായുള്ള പൈലറ്റിന്റെ അറിയിപ്പ് കേട്ടാണ് പിന്നെ ഞങ്ങൾ ഉണർന്നത്. ഇന്ത്യൻ സമയം ഒരുമണിയോടെയാണ് ഞങ്ങൾ എയർപോർട്ടിൽ ഇറങ്ങിയത്. മലേഷ്യൻ സമയം രാവിലെ 7.15 നായിരുന്നു അവിടുന്ന് ലങ്കാവിയിലേക്കുള്ള ഞങ്ങളുടെ അടുത്ത ഫ്‌ളൈറ്റ്. ഇമിഗ്രെഷൻ ചെക്കിംഗുകൾ എല്ലാം കഴിഞ്ഞു ഞങ്ങൾ അവിടത്തെ ആഭ്യന്തര ടെർമിനലിലേക്ക് നീങ്ങി. ആഭ്യന്തര ടെർമിനലിൽ ഒട്ടും തിരക്കുണ്ടായിരുന്നില്ല. ഏകദേശം ഒന്നര മണിക്കൂർ സമയം ഞങ്ങൾ അവിടത്തെ വെയിറ്റിങ് ഏരിയയിൽ ഇരുന്നു ഉറങ്ങി. ശ്വേതയ്ക്ക് ആണെങ്കിൽ ഉറക്കം മതിയായിട്ടുണ്ടായിരുന്നില്ല താനും.

ഉറക്കം കഴിഞ്ഞു എഴുന്നേറ്റപ്പോൾ അവിടെയൊക്കെ കുറച്ചാളുകൾ വന്നു തുടങ്ങിയിരുന്നു. ബോർഡിംഗ് ഓപ്പൺ ആയപ്പോൾ ഞങ്ങൾ വിമാനത്തിലേക്ക് കയറി. ക്വലാലംപൂരിൽ നിന്നും ലങ്കാവിയിലേക്ക് ഒരു മണിക്കൂർ വിമാനയാത്രയുണ്ട്. ആ ഒരു മണിക്കൂർ സമയവും കൂടി ഞങ്ങൾ ഉറക്കത്തിനായി മാറ്റിവെച്ചു. അങ്ങനെ ഒരു മണിക്കൂറിനു ശേഷം ഞങ്ങൾ ലങ്കാവിയിൽ ഇറങ്ങി. ഒരു ചെറിയ മനോഹരമായ എയർപോർട്ട് – അതായിരുന്നു ലങ്കാവി. ഞങ്ങൾ വിമാനത്തിൽ നിന്നും ഇറങ്ങിയപ്പോൾ അൽപ്പം മഴ പൊടിയുന്നുണ്ടായിരുന്നു.

ടെർമിനലിലേക്ക് കയറി എല്ലാ ചെക്കിംഗിനും ശേഷം ഞങ്ങൾ ബാഗേജ് കളക്ട് ചെയ്യുവാനായി നീങ്ങി. ബാഗും എടുത്തുകൊണ്ട് ഞങ്ങൾ എയർപോർട്ടിന് പുറത്തേക്ക് ഇറങ്ങിയപ്പോൾ വലിയൊരു വാനുമായി ഞങ്ങളെയും കാത്ത് ട്രാവൽ ഏജൻസി ഏർപ്പാടു ചെയ്ത ഡ്രൈവർ നിൽക്കുന്നുണ്ടായിരുന്നു. വണ്ണമുള്ള ഞങ്ങളുടെ ഡ്രൈവർ ആളൊരു രസികനായിരുന്നു. ഞങ്ങൾ എയർപോർട്ടിൽ നിന്നും താമസിക്കുവാനുള്ള ഹോട്ടലിലേക്ക് യാത്രയായി. മലകളും പച്ചപ്പു നിറഞ പാടങ്ങളും ഒക്കെയായി കാഴ്ചകളെല്ലാം നമ്മുടെ നാട്ടിലേതു പോലെതന്നെയായിരുന്നു.

കുറച്ചു സമയത്തെ യാത്രയ്ക്കു ശേഷം ഞങ്ങൾക്ക് താമസിക്കുവാനായി ബുക്ക് ചെയ്തിരുന്ന ഓഷ്യൻസ് റെസിഡൻസ് എന്ന ഹോട്ടലിൽ എത്തിച്ചേർന്നു. അഞ്ച് ദിവസത്തേക്കാണ് ഇവിടെ ഞങ്ങളുടെ താമസം ബുക്ക് ചെയ്തിരുന്നത്. ബ്രേക്ക്ഫാസ്റ്റ് ഉൾപ്പെടെ അഞ്ചു ദിവസത്തേക്ക് 20,000 രൂപയായിരുന്നു ഹോട്ടൽ ചാർജ്ജ്. ഞങ്ങളുടെ റൂം റെഡിയാകുന്നതേ ഉണ്ടായിരുന്നുള്ളൂ. അതിനാൽ ബ്രേക്ക് ഫാസ്റ്റ് കഴിക്കുവാനായി ഞങ്ങൾ ആ സമയം വിനിയോഗിച്ചു. ഇനി അഞ്ചു ദിവസം ഞങ്ങൾ ഇവിടെ അടിച്ചുപൊളിക്കുവാൻ പോകുകയാണ്. ലങ്കാവിയിലെ കലക്കൻ കാഴ്ചകൾ ഇനി അടുത്ത എപ്പിസോഡിൽ കാണാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

ഊട്ടി – നീലഗിരി ട്രെയിൻ യാത്ര; നിങ്ങൾ അറിയേണ്ട കാര്യങ്ങളെല്ലാം…

ദിൽസേ സിനിമയിലെ “ഛയ്യ ഛയ്യാ..” എന്ന പാട്ടു കണ്ടതു മുതൽ എൻ്റെ മനസ്സിൽ കയറിക്കൂടിയതാണ് ഊട്ടി ട്രെയിൻ എന്നു നമ്മൾ വിളിക്കുന്ന നീലഗിരി മൗണ്ടൻ റെയിൽവേ. എന്നാൽ ഇതുവരെയ്ക്കും എനിക്ക് ആ ട്രെയിനിൽ ഒന്ന് സഞ്ചരിക്കുവാൻ സാധിച്ചിരുന്നില്ല. കഴിഞ്ഞ ദിവസം ആനക്കട്ടിയിലെ…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post