എൻ്റെ ആദ്യത്തെ ദുബായ് യാത്ര… കൊച്ചി ടു ദുബായ്….

Total
0
Shares

ദുബായ് – മലയാളികൾക്ക് ഈ പേര് പണ്ടുമുതലേ പരിചിതമാണ്. ഒരുകാലത്ത് ഇന്ത്യയ്ക്ക് പുറത്തു പോയാൽ “എവിടെക്കാ ദുബായിലേക്കാണോ” എന്നായിരുന്നു പരിചയക്കാരുടെ ആദ്യ ചോദ്യം. ഞാനും ചെറുപ്പം മുതലേ പോകണം എന്നാഗ്രഹിച്ചിരുന്ന ഒരു രാജ്യം കൂടിയാണ് ദുബായ്. അങ്ങനെ എൻ്റെ ദുബായ് യാത്രാമോഹം പൂവണിഞ്ഞത് കഴിഞ്ഞ മാസം ആയിരുന്നു. ഞാനും സുഹൃത്ത് ഇബാദ് ഇക്കയും കൂടി ദുബായിൽ ഒരു ഡിജിറ്റൽ മാർക്കറ്റിങ് വർക്ക്‌ഷോപ്പ് നടത്തുവാൻ തീരുമാനിച്ചതോടെയായിരുന്നു ഞങ്ങളുടെ ദുബായ് യാത്രയ്ക്ക് കളമൊരുങ്ങിയത്.

അങ്ങനെ പോകേണ്ട ദിവസം വന്നെത്തി. വൈകീട്ട് 6.40 മണിയോടെയുള്ള ഇൻഡിഗോ വിമാനത്തിലായിരുന്നു ഞങ്ങളുടെ യാത്ര. പതിവുപോലെ ചെക്കിംഗ് ഒക്കെ കഴിഞ്ഞശേഷം ഞങ്ങൾ വിമാനത്തിലേക്ക് കയറി. 6.40 കഴിഞ്ഞപ്പോൾ ഞങ്ങളെയും വഹിച്ചുകൊണ്ട് ആ വിമാനം കൊച്ചി എയർപോർട്ടിലെ ടെർമിനൽ 3 യിൽ നിന്നും പറന്നുയർന്നു. അപ്പോഴേക്കും അന്തരീക്ഷമാകെ ഇരുട്ട് പരന്നിരുന്നു. മേഘങ്ങൾക്കു മുകളിലൂടെ പറക്കുന്നതിനിടയിൽ അങ്ങ് പടിഞ്ഞാറു ഭാഗത്ത് ഓറഞ്ച് നിറത്തിൽ ചക്രവാളം കാണാമായിരുന്നു. കുറച്ചു കഴിഞ്ഞപ്പോൾ ആ കാഴ്ചയും കൂടി മറഞ്ഞു. പിന്നെ മൊത്തം ഇരുട്ടായി ചുറ്റിനും. പതിയെ ഞങ്ങൾ കുറച്ചു നേരത്തേക്ക് ഉറങ്ങുവാനായി മനസ്സിനെയും ശരീരത്തെയും അനുവദിച്ചു.

രാത്രിയോടെ ഞങ്ങൾ ദുബായ് എയർപോർട്ടിൽ എത്തിച്ചേർന്നു. വിമാനത്തിൽ നിന്നും ഇറങ്ങി അവിടത്തെ എയർപോർട്ട് ബേസിൽ കയറി ടെർമിനലിൽ എത്തിച്ചേർന്നു. ടെർമിനലിൽ ഞങ്ങളെ അതിശയിപ്പിച്ചത് ഒരു മെട്രോ സ്റ്റേഷൻ ആയിരുന്നു. ഇവിടന്നു മെട്രോയിൽ കയറിവേണം ബാഗേജ് എടുക്കുന്ന സ്ഥലത്തേക്ക് പോകുവാൻ. എയർപോർട്ടിൽ നിന്നും ഞങ്ങളെ പിക്ക് ചെയ്യുവാനായി കുറച്ചു സുഹൃത്തുക്കൾ എത്തിയിരുന്നു. ഞങ്ങൾ ബാഗേജുമ എടുത്തുകൊണ്ട് പുറത്ത് ഇറങ്ങിയപ്പോൾ പൂച്ചെണ്ടുകളുമായി സുഹൃത്തുക്കൾ ഞങ്ങളെ വരവേറ്റു. കണ്ടു നിന്നവരിൽ പലർക്കും ഇത് ചിരിപടർത്തി.

ടെർമിനലിൽ നിന്നും പുറത്തേക്ക് ഇറങ്ങിയപ്പോൾ പിന്നെ ഞങ്ങളെ വരവേറ്റത് ദുബായ് ചൂട് ആയിരുന്നു. നടക്കുന്നതിനിടെ ഞാൻ വിയർത്തു കുളിക്കുന്നുണ്ടായിരുന്നു. പാർക്കിങ്ങിൽ ചെന്ന് ബാഗുകൾ കാറിൽ വെച്ച ശേഷം ഞങ്ങൾ വണ്ടിയിൽ അവിടെ നിന്നും യാത്രയായി. ആകെ എട്ടുപേർക്ക് ഇരിക്കാവുന്ന വേണ്ടിയായിരുന്നു അത്. പോകുന്ന വഴി ഞങ്ങൾ ഭക്ഷണം കഴിക്കുവാനായി ഒരു റെസ്റ്റോറന്റിൽ കയറി. ചിക്കനും മട്ടണും ബീഫും ഒക്കെ കൊണ്ടുള്ള വിഭവങ്ങളായിരുന്നു ഞങ്ങൾക്കായി അവർ ഓർഡർ ചെയ്തിരുന്നത്. എല്ലാവരും നല്ല അന്തസ്സായി ഫുഡ് കഴിച്ചു. അതിനിടെ ഇബാദ് ഇക്കയും വീഡിയോ എടുക്കുന്ന തിരക്കിലായിരുന്നു. ഭക്ഷണമെല്ലാം കഴിച്ച ശേഷം ഞങ്ങൾക്ക് താമസിക്കുവാനുള്ള ഹോട്ടലിലേക്ക് യാത്രയായി.

പോകുന്ന വഴിയെല്ലാം നല്ല കിടിലൻ കാഴ്ചകൾ ആയിരുന്നു. രാത്രിയാണെങ്കിലും അവയെല്ലാം കണ്ടുകൊണ്ട് ഞങ്ങൾ വണ്ടിയിൽ ഇരുന്നു.ഞാനും ഇബാദ് ഇക്കയും നല്ല അങ്ങനെ ഞങ്ങൾക്ക് താമസിക്കുവാനുള്ള ഹോട്ടലിൽ എത്തിച്ചേർന്നു. റൂം മുൻകൂട്ടി ഓൺലൈനായി ബുക്ക് ചെയ്തിരുന്നു. ഇത്രയും യാത്രയൊക്കെ കഴിഞ്ഞതുകൊണ്ട് ഞാനും ഇബാദ് ഇക്കയും നല്ല ക്ഷീണത്തിലായിരുന്നു. ഞങ്ങളെ ഹോട്ടലിൽ ആക്കിയശേഷം സുഹൃത്തുക്കൾ നാളെ കാണാമെന്നു പറഞ്ഞുകൊണ്ട് അവരവരുടെ താമസ സ്ഥലങ്ങളിലേക്ക് യാത്രയായി.നല്ല കിടിലൻ റൂം ആയിരുന്നു ഞങ്ങളുടേത്. ബാത്ത് റൂം ഒക്കെ നല്ല അടിപൊളിയായിരുന്നു. ചെന്നപാടെ ഞങ്ങൾ ഒന്ന് ഫ്രഷ് ആയ ശേഷം പതിയെ ബെഡിലേക്ക് ചാഞ്ഞു. ബാക്കി പരിപാടികളെല്ലാം ഇനി നാളെ രാവിലെ….

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ലണ്ടനിൽ നിന്നും ഇന്ത്യയിലെ കൽക്കട്ടയിലേക്ക് ഒരു ബസ് സർവ്വീസ്

ലോകത്തിലെ ഏറ്റവും നീളമുള്ള ബസ് റൂട്ട് ഏതായിരിക്കും? ഇപ്പോൾ സർവ്വീസ് നടത്തുന്നില്ലെങ്കിലും, ഇംഗ്ലണ്ടിലെ ലണ്ടനിൽ നിന്നും നമ്മുടെ ഇന്ത്യയിലെ കൽക്കട്ടയിലേക്ക് ഉണ്ടായിരുന്ന ബസ് സർവ്വീസ് ആണ് ലോകത്തിലെ ഏറ്റവും ദൈർഘ്യമേറിയ ബസ് റൂട്ടായി കണക്കാക്കപ്പെടുന്നത്. 1957 ലാണ് ലണ്ടൻ – കൽക്കട്ട…
View Post

കേരളത്തിനു പുറത്തേക്ക് കാറുമായി യാത്ര പോകുമ്പോൾ പണി കിട്ടാതിരിക്കാൻ..

ഇന്ന് ധാരാളം ആളുകൾ കേരളത്തിനു പുറത്തേക്ക്, അതായത് തമിഴ്‌നാടും കർണാടകയും ഒക്കെ കഴിഞ്ഞു വടക്കേ ഇന്ത്യയിലേക്ക് സ്വന്തം കാറുമായി യാത്ര പോകുന്നുണ്ട്. ഇത്തരത്തിൽ യാത്രകൾ പോകുമ്പോൾ ശ്രദ്ധിക്കേണ്ട പ്രധാന കാര്യങ്ങൾ എല്ലാവർക്കും പല ശ്രോതസ്സുകളിൽ നിന്നുമായി ഇന്ന് മനസ്സിലാക്കുവാൻ കഴിയും. എന്നാൽ…
View Post

മലപ്പുറത്തു നിന്നും വൺ ഡേ ട്രിപ്പ് പോകാൻ പറ്റിയ സ്ഥലങ്ങൾ…

സ്വാതന്ത്ര്യ സമരത്തിന്റെ വീരകഥകൾ ഉറങ്ങുന്ന നാടാണ് മലപ്പുറം. അതുകൊണ്ട് അവരുടെ പിന്മുറക്കാരിലും ആ വീര്യം ഇന്നും നമുക്ക് കാണാം. പുതു തലമുറയിൽ ആ വീര്യം സഞ്ചാരത്തിലും യാത്രകളിലുമാണ് കൂടുതലായി കാണപ്പെടുന്നത്. മുസ്ലിം ഭൂരിപക്ഷ ജില്ലയായ മലപ്പുറം അറേബ്യന്‍, കേരള രുചികള്‍ സമന്വയിപ്പിച്ചുള്ള…
View Post

7000 പേർക്ക് ഒരുമിച്ച് ഇരുന്ന് നിസ്കരിക്കാൻ സാധിക്കുന്ന ബഹ്‌റൈനിലെ ഗ്രാൻഡ് മോസ്‌ക്ക്

സൗദി – ബഹ്‌റൈൻ അതിർത്തിയിലെ കാഴ്ചകൾ കണ്ടതിനു ശേഷം പിറ്റേദിവസം ഞങ്ങൾ പോയത് ബഹ്‌റൈനിലെ പ്രസിദ്ധമായ ഗ്രാൻഡ് മോസ്‌ക്കിലേക്ക് ആയിരുന്നു. പേരുപോലെതന്നെ നല്ല ഗ്രാൻഡ് തന്നെയായിരുന്നു മനോഹരമായ ആ പള്ളി. ഏഴായിരത്തോളം പേർക്ക് ഒരുമിച്ചിരുന്നു നിസ്‌ക്കരിക്കുവാൻ സാധിക്കും എന്നതാണ് ഈ പള്ളിയുടെ…
View Post

1072 കി.മീ. ദൂരം, 35 മണിക്കൂർ, 1500 രൂപ ടിക്കറ്റ്; ഈ ബസ് യാത്രയ്ക്ക് നിങ്ങൾ തയ്യാറാണോ?

കാറിലും ടൂവീലറിലുമെല്ലാം ട്രിപ്പ് പോകുന്നതു പോലെത്തന്നെ ബസ് മാർഗ്ഗം യാത്ര ചെയ്യുവാൻ താല്പര്യമുള്ളവരും നമ്മുടെ കൂട്ടത്തിലുണ്ട്. അവർക്കായി ഇതാ ഒരു സന്തോഷ വാർത്ത.!! ഇന്ത്യയിൽത്തന്നെ ഏറ്റവും ദുർഘടമായതും മനോഹരമായതുമായ റൂട്ടിലൂടെ ഒരു ബസ് യാത്രയ്ക്ക് നിങ്ങൾ തയ്യാറാണോ? ഡൽഹിയിൽ നിന്നും ജമ്മു…
View Post

24 മണിക്കൂറിൽ കൂടുതലുള്ള ട്രെയിൻ യാത്രകൾ പോകുമ്പോൾ ശ്രദ്ധിക്കേണ്ട പ്രധാനപ്പെട്ട ചില കാര്യങ്ങൾ…

ട്രെയിനുകളിൽ യാത്ര ചെയ്യാത്തവർ കുറവായിരിക്കും. കൂടുതലും ദീർഘദൂര യാത്രകൾക്കാണ് ഭൂരിഭാഗമാളുകളും ട്രെയിനുകൾ തിരഞ്ഞെടുക്കാറുള്ളത്. ബസ്സുകളെ അപേക്ഷിച്ച് ട്രെയിൻ ചാർജ്ജ് വളരെ കുറവാണെന്നതു തന്നെയാണ് പ്രധാന കാരണം. പിന്നെ ആവശ്യമെങ്കിൽ ഒന്ന് നിവർന്നു നിൽക്കുവാനും നടക്കുവാനുമൊക്കെ സാധിക്കുമല്ലോ. പക്ഷേ ട്രെയിൻ യാത്രകൾ പോകുന്നതിനു…
View Post

ഭൂട്ടാനിൽ വെച്ച് കൈയ്യിലെ പൈസ തീർന്നു, ATM വർക്ക് ചെയ്യുന്നില്ല, What’s next?

പുനാഖയിലെ Dzong മൊണാസ്ട്രിയൊക്കെ കണ്ടതിനു ശേഷം ഞങ്ങൾ അവിടെ നിന്നും കിഴക്കൻ ഭൂട്ടാൻ ലക്ഷ്യമാക്കി നീങ്ങി. പേരറിയാത്ത ഗ്രാമങ്ങളിലൂടെ, മനോഹരമായ താഴ്വാരങ്ങളിലൂടെയൊക്കെയായിരുന്നു ഞങ്ങളുടെ യാത്ര. പോകുന്നതിനിടെ ഏതോ വലിയ വാഹനവ്യൂഹം വരുന്നതു കണ്ടിട്ട് ഞങ്ങൾ അടക്കമുള്ള മറ്റു വാഹനയാത്രികരെല്ലാം വണ്ടി ഓരം…
View Post

ശ്രീലങ്കയിലേക്ക് ഇനി കൂളായി പോകാം; ഇന്ത്യക്കാർക്ക് ‘ഫ്രീ വിസ ഓൺ അറൈവൽ..’

തായ്‌ലൻഡ് പോലുള്ള രാജ്യങ്ങളിലേക്ക് പ്രവേശിക്കുവാനായി ഇന്ത്യക്കാർക്ക് വിസ ഓൺ അറൈവൽ സൗകര്യം നിലവിലുണ്ടെങ്കിലും തൊട്ടയൽവക്കത്തുള്ള ശ്രീലങ്കയിലേക്ക് ആ സൗകര്യം ഉണ്ടായിരുന്നില്ല. എന്നാൽ ഇപ്പോഴിതാ സഞ്ചാരികൾക്ക് ഒരു സന്തോഷ വാർത്ത! ശ്രീലങ്കയിലേക്ക് ഇന്ത്യക്കാർക്ക് ഫ്രീ വിസ ഓൺ അറൈവൽ സൗകര്യം ലഭ്യമാക്കിയിരിക്കുന്നു. ഇന്ത്യയോടൊപ്പം…
View Post

യാത്രകൾക്കിടയിൽ വില്ലനായി വരുന്ന ‘ഛർദ്ദി’യെ എങ്ങനെ ഒഴിവാക്കാം?

യാത്രകൾ പോകുവാൻ ഇഷ്ടമില്ലാത്തവർ വളരെ കുറവായിരിക്കും. എങ്കിലും യാത്രകൾ പോകുവാൻ ഇഷ്ടമുണ്ടായിട്ടും അവ ഒഴിവാക്കുന്ന ഒരു കൂട്ടമാളുകളുണ്ട്. അവരുടെയെല്ലാം യാത്രയസ്വപ്നങ്ങൾക്ക് വിലങ്ങുതടിയായി നിൽക്കുന്ന ഒരു വില്ലനാണ് ‘ട്രാവൽ സിക്ക്നെസ്’ എന്നറിയപ്പെടുന്ന ‘ഛർദ്ദി’. സ്കൂളില്‍ നിന്നോ കോളേജിൽ നിന്നോ ഫാമിലിയായിട്ടോ ഒക്കെ ടൂർ…
View Post