വെറും 200 രൂപ ചെലവിൽ ഒരു ദിവസം ലങ്കാവി കറങ്ങിയ കഥ..

Total
0
Shares

ലങ്കാവിയിലൂടെയുള്ള ഞങ്ങളുടെ ബൈക്ക് കറക്കം തകൃതിയായി നടന്നുകൊണ്ടിരുന്നു. കറക്കത്തിനിടെയാണ് വഴിയരികിൽ മുനീശ്വർ ക്ഷേത്രം എന്നൊരു ബോർഡ് ഞങ്ങളുടെ കണ്ണിൽപ്പെട്ടത്. അങ്ങനെ ഞങ്ങൾ അവിടേക്ക് കയറുവാൻ തീരുമാനിച്ചു. സംഭവം ചെറിയൊരു ക്ഷേത്രമാണ്. അവിടെ എന്തൊക്കെയോ പണികൾ നടക്കുന്നുണ്ടായിരുന്നു. പക്ഷേ ഞങ്ങളെ ശരിക്കും ഞെട്ടിച്ചത് ഈ ക്ഷേത്രത്തിനു സമീപമുള്ള മറ്റൊരു ബുദ്ധക്ഷേത്രമായിരുന്നു. ഒരു മലയുടെ കീഴെയായിരുന്നു ആ ക്ഷേത്രം.

മൊത്തത്തിൽ ഒരു വല്ലാത്ത ആകർഷണീയതയായിരുന്നു ആ ക്ഷേത്രത്തിന്. അവിടെയാണെങ്കിൽ സന്ദർശകരായി ആരും തന്നെ ഉണ്ടായിരുന്നുമില്ല. ഈ സ്ഥലങ്ങളൊക്കെ ലങ്കാവിയിൽ അധികമാരും അറിയാത്ത ഒരിടമായിട്ടായിരുന്നു ഞങ്ങൾക്ക് അനുഭവപ്പെട്ടത്. ക്ഷേത്രത്തിനകത്തുള്ള കാഴ്ചകളും ഞങ്ങളെ വളരെ ആകർഷിച്ചു. മൊത്തത്തിൽ അവിടെയാകെ ഒരു പോസിറ്റിവ് എനർജി. കുറച്ചു സമയം ഞങ്ങൾ അവിടെ ചെലവഴിക്കുകയുണ്ടായി. പിന്നീട് ഞങ്ങളുടെ കറക്കം തുടർന്നു.

പിന്നീട് ഞങ്ങൾ പോയത് ശ്രീ മഹാമാരിയമ്മൻ ക്ഷേത്രത്തിലേക്ക് ആയിരുന്നു. ഇതൊക്കെ ഞങ്ങൾ പ്ലാൻ ചെയ്തു പോയതല്ല. പോകുന്ന വഴിയിൽ കാണുന്നയിടത്തൊക്കെ കയറുക, അതായിരുന്നു ഞങ്ങളുടെ ആകെയുള്ള പ്ലാൻ. തമിഴ്‌നാട്ടിലെ ഒരു ക്ഷേത്രത്തിൽ എത്തിയതുപോലെയായിരുന്നു ശ്രീ മഹാമാരിയമ്മൻ ക്ഷേത്രത്തിൽ ഞങ്ങൾക്ക് അനുഭവപ്പെട്ടത്. ഒരു ഇസ്‌ലാം രാഷ്ട്രമായ മലേഷ്യയിൽ ക്ഷേത്രങ്ങളും സംസ്കാരങ്ങളും അതേപടി നിലനിർത്തുന്ന ഈ കാഴ്ചകൾ അഭിനന്ദനാർഹം തന്നെയാണ്. ഇതല്ലേ ശരിക്കും മത സൗഹാർദ്ദം? എന്തോന്ന് മതം അല്ലേ? എല്ലാം മനുഷ്യന്റെ സൃഷ്ടിയല്ലേ? എല്ലാ മതങ്ങളും നമ്മളെ പഠിപ്പിക്കുന്നത് നല്ല കാര്യങ്ങൾ മാത്രമാണ്. ഇതെല്ലാം ആലോചിച്ചുകൊണ്ട് ഞങ്ങൾ അവിടെ നിന്നും അടുത്ത സ്ഥലത്തേക്ക് യാത്രയായി.

പോകുന്ന വഴിയ്ക്ക് വ്യത്യസ്തങ്ങളായ കാഴ്ചകളായിരുന്നു ഞങ്ങളെ കാത്തിരുന്നത്. അവിടെയെല്ലാം ഞങ്ങൾ കണ്ട ഒരു സവിശേഷത എന്തെന്നാൽ ഭൂരിഭാഗം വീടുകൾക്കും മതിലുകൾ ഉണ്ടായിരുന്നില്ല എന്നതായിരുന്നു. ചുരുക്കം ചില വീടുകൾ കമ്പിവേലി കൊണ്ട് വേലികെട്ടിയിരിക്കുന്നത് കാണാമായിരുന്നു. അതെല്ലാം തമിഴ് വംശജരുടെയായിരുന്നു എന്നു ഞങ്ങൾക്ക് മനസിലായി. അങ്ങനെ ഞങ്ങൾ കാഴ്ചകൾ കണ്ടുകൊണ്ട് ഏതോ ഒരു ഗ്രാമത്തിലൂടെ യാത്ര തുടർന്നു.

സമയം ഉച്ച കഴിഞ്ഞിരുന്നു. ഞങ്ങൾക്ക് നല്ല വിശപ്പ് അനുഭവപ്പെട്ടിരുന്നു. ഗ്രാമപ്രദേശങ്ങളായിരുന്നതിനാൽ ചെറിയ ചായക്കട സെറ്റപ്പുകൾ മാത്രമാണ് അവിടങ്ങളിൽ കണ്ടിരുന്നത്. അവിടത്തെ ഭക്ഷണം ഉണ്ടാക്കുന്ന സ്മെൽ ഞങ്ങൾക്ക് പറ്റാത്തതിനാൽ അതിനു ഞങ്ങൾ മുതിർന്നുമില്ല. വിശപ്പടക്കുവാനായി ഞങ്ങൾ കപ്പ് ന്യൂഡിൽസും മംഗോ ജ്യൂസുമെല്ലാം കയ്യിൽ കരുതിയിരുന്നു. അങ്ങനെ ഞങ്ങളുടെ ഭക്ഷണച്ചെലവ് കുറയ്ക്കുവാൻ ഇതു കാരണമായി.

പോകുന്ന വഴിയിൽ അടുത്തായി ഒരു വെള്ളച്ചാട്ടം ഉണ്ടെന്നു ഞങ്ങൾ മനസ്സിലാക്കി. അങ്ങനെ ഞങ്ങൾ മെയിൻ റോഡിൽ നിന്നും വെള്ളച്ചാട്ടത്തിലേക്കുള്ള വഴിയിലേക്ക് കയറി. വഴിയിൽ ആരെയും കാണുവാൻ കഴിഞ്ഞിരുന്നില്ല അവിടെ. ‘Durian Perangin’ എന്നായിരുന്നു ആ വെള്ളച്ചാട്ടത്തിന്റെ പേര്. അങ്ങനെ ഞങ്ങൾ വെള്ളച്ചാട്ടത്തിനു സമീപത്തെത്തി. അവിടെ ടൂറിസ്റ്റുകളെ കാത്ത് കടകളും ചെറിയ ഹോട്ടലുകളും ഒക്കെയുണ്ടായിരുന്നു. ഞങ്ങൾ അവിടെയൊരു കടയിൽ കയറി കപ്പ് ന്യൂഡിൽസ് കഴിച്ചു.

വെള്ളച്ചാട്ടത്തിലേക്ക് കുറച്ചു നടക്കേണ്ടിയിരുന്നു. ഞങ്ങൾ അവിടേക്ക് നടന്നു. വെള്ളച്ചാട്ടത്തിനു മുന്നിലൂടെ ഒരു ചെറിയ തൂക്കുപാലം ഉണ്ടായിരുന്നു. താഴെ വലിയൊരു അരുവിയാണ്. വെള്ളച്ചാട്ടം വളരെ ചെറുതായിരുന്നു. ഇപ്പോൾ ഓഫ് സീസൺ ആയിരിക്കണം. സീസൺ സമയത്ത് വെള്ളച്ചാട്ടം അതിൻ്റെ രൗദ്രഭാവം കൈവരിക്കുമായിരിക്കും. താഴെ പാറക്കെട്ടുകൾ നിറഞ്ഞ അരുവിയിൽ ചിലർ കളിക്കുകയും കുളിക്കുകയും ഒക്കെയുണ്ടായിരുന്നു. ഞങ്ങളും താഴെ അരുവിയിൽ ഇറങ്ങി കുറച്ചു നേരം ആസ്വദിച്ചു. കുറച്ചു സമയം അവിടെ ചെലവഴിച്ച ശേഷം ഞങ്ങൾ അവിടെ നിന്നും യാത്രയായി.

ലങ്കാവിയുടെ വടക്കു ഭാഗത്തായി ഒരു മനോഹരമായ ബീച്ച് ഉണ്ടെന്നു ഞങ്ങൾ ഇതിനിടെ മനസ്സിലാക്കി. പിന്നീട് ഞങ്ങളുടെ യാത്ര അവിടേക്ക് ആക്കി. പോകുന്ന വഴിയ്ക്ക് ഞങ്ങൾ ഒരു ഹോട്ടലിൽ കയറി ഫുഡ് കഴിച്ചു. വിശപ്പ് അടക്കിയശേഷം ഞങ്ങൾ ബീച്ചിലേക്ക് യാത്രയായി. ബീച്ചിലേക്ക് പോകുന്ന വഴിയും മനോഹരകാഴ്ചകൾ കൊണ്ടു നിറഞ്ഞതായിരുന്നു. ‘Tanjung Rhu’ എന്നായിരുന്നു ഞങ്ങൾ പോയ ബീച്ചിന്റെ പേര്. കാടുപോലത്തെ വഴികളിലൂടെയൊക്കെ പോയിപ്പോയി ഞങ്ങൾ അവസാനം ബീച്ചിൽ എത്തി.

നോർത്ത് ഗോവയിലെപ്പോലത്തെ ഒരു സൈലൻറ് ബീച്ച് ആയിരുന്നു അത്. സഞ്ചാരികൾ അധികമൊന്നും അവിടെയുണ്ടായിരുന്നില്ല. ബീച്ചിനു മുന്നിലായി കടലിൽ പല ആകൃതിയിൽ ചില ദ്വീപുകൾ കാണപ്പെട്ടു. അധികം ആളുകൾ ഇല്ലാതിരുന്നതിനാൽ അവിടെ ഞങ്ങൾക്ക് ശരിക്കും ആസ്വദിക്കുവാൻ സാധിച്ചു. സത്യത്തിൽ ഇങ്ങനെയൊരു ബീച്ച് യാത്ര ഞങ്ങളുടെ പ്ലാനിൽ ഉണ്ടായിരുന്നതല്ല. അങ്ങനെ ബീച്ചിലെ കറക്കത്തോടെ ഞങ്ങളുടെ അന്നത്തെ യാത്ര അവസാനിപ്പിച്ചു. പിന്നെ ഞങ്ങൾ താമസിക്കുന്ന റിസോർട്ടിലേക്ക് യാത്രയായി. ഇന്നത്തെ ഞങ്ങളുടെ യാത്രയ്ക്ക് ആകെ ചെലവായത് പെട്രോളും ഭക്ഷണവും ഉൾപ്പെടെ 200 രൂപയാണ്. ലങ്കാവി ലക്കി ടെമ്പിൾ, Durian Perangin Waterfall, Tanjung Rhu Beach എന്നീ സ്ഥലങ്ങൾ ഞങ്ങൾ ബൈക്കിൽ യാത്ര ചെയ്ത് കണ്ട് ആസ്വദിച്ചു. അടിപൊളി കാഴ്ചകൾ ആയിരുന്നു ഇന്നത്തെ യാത്ര ഞങ്ങൾക്ക് സമ്മാനിച്ചത്. ആ ഓർമ്മകൾ എന്നും മനസ്സിൽ മായാതെ കിടക്കും എന്നുറപ്പ്..

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

ഊട്ടി – നീലഗിരി ട്രെയിൻ യാത്ര; നിങ്ങൾ അറിയേണ്ട കാര്യങ്ങളെല്ലാം…

ദിൽസേ സിനിമയിലെ “ഛയ്യ ഛയ്യാ..” എന്ന പാട്ടു കണ്ടതു മുതൽ എൻ്റെ മനസ്സിൽ കയറിക്കൂടിയതാണ് ഊട്ടി ട്രെയിൻ എന്നു നമ്മൾ വിളിക്കുന്ന നീലഗിരി മൗണ്ടൻ റെയിൽവേ. എന്നാൽ ഇതുവരെയ്ക്കും എനിക്ക് ആ ട്രെയിനിൽ ഒന്ന് സഞ്ചരിക്കുവാൻ സാധിച്ചിരുന്നില്ല. കഴിഞ്ഞ ദിവസം ആനക്കട്ടിയിലെ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post