മണാലിയില്‍ നിന്നും ഡല്‍ഹി വഴി കൊച്ചിയിലേക്ക് ഒരു മടക്കയാത്ര…

Total
0
Shares

നാലു ദിവസത്തെ മനാലി കാഴ്ചകള്‍ മനസ്സില്‍ നിറച്ചുകൊണ്ട് ഞങ്ങള്‍ മനാളിയോടു വിട പറഞ്ഞു. പ്രവീണ്‍ ഭായിയും കൂട്ടരും ഞങ്ങളെ യാത്രയാക്കുവാന്‍ ബസ് സ്റ്റാന്‍ഡില്‍ വന്നിരുന്നു. മണാലിയില്‍ നിന്നും ഡല്‍ഹിയിലേക്കുള്ള ഒരു പ്രൈവറ്റ് ബസ്സിലാണ് ഞങ്ങളുടെ മടക്കയാത്ര. പതിയെ ഞങ്ങള്‍ ഉറക്കത്തിലേക്ക് വഴുതിവീണു.

അതിരാവിലെ ഞങ്ങള്‍ ഡല്‍ഹിയില്‍ എത്തിച്ചേര്‍ന്നു. ഡല്‍ഹിയില്‍ നല്ല മഞ്ഞുള്ള സമയമായിരുന്നു. രാവിലെതന്നെ കേരള ഹൌസിലേക്ക് ആയിരുന്നു ഞങ്ങള്‍ പോയത്. അവിടെ നമ്മുടെ മുഖ്യമന്ത്രി പിണറായി വിജയന്‍റെ ഒരു ഫ്ലക്സ് ഒക്കെ വെച്ചിട്ടുണ്ടായിരുന്നു. കേരള ഹൌസില്‍ നിന്നുമായിരുന്നു ഞങ്ങളുടെ പ്രഭാത ഭക്ഷണം. നല്ല കേരള സ്റ്റൈല്‍ പുട്ടും കടലയും.. ബ്രേക്ക് ഫാസ്റ്റിനു ശേഷം ഞങ്ങള്‍ ഡല്‍ഹി ചുറ്റിക്കാണുവാന്‍ തീരുമാനിച്ചു. കൊച്ചിയിലേക്കുള്ള ഞങ്ങളുടെ ഫ്ലൈറ്റ് ഉച്ചയ്ക്കായിരുന്നതിനാല്‍ അത്രയും സമയം ഞങ്ങള്‍ക്ക് ഫ്രീയായി ലഭിച്ചിരുന്നു. എന്നാല്‍പ്പിന്നെ നമ്മുടെ രാജ്യ തലസ്ഥാനം ഒന്ന് കണ്ടുകളയാം… ഈ കറക്കം ട്രാവല്‍സിന്‍റെ പാക്കേജില്‍ ഉള്ളതല്ല കേട്ടോ. വേണമെങ്കില്‍ പാക്കേജിനൊപ്പം അവര്‍ ഇതുകൂടി അറേഞ്ച് ചെയ്തു തരും.

ഡല്‍ഹിയില്‍ ഞാന്‍ പലതവണ വന്നിട്ടുണ്ടെങ്കിലും അവയെല്ലാം ബിസിനസ് ട്രിപ്പുകള്‍ ആയിരുന്നു. അതുകൊണ്ട് ഇതുപോലെ കറങ്ങുവാന്‍ അവസരം വന്നിട്ടില്ല. ആദ്യമായി ഞങ്ങള്‍ പോയത് ഇന്ത്യാ ഗേറ്റ് കാണുവാനായിരുന്നു. ലോകത്തെ തന്നെ ഏറ്റവും വലിയ യുദ്ധ സ്മാരകങ്ങളിൽ ഒന്നായ ഇന്ത്യ ഗേറ്റ് ഡെൽഹിയുടെ ഹൃദയഭാഗത്താണ് സ്ഥിതി ചെയ്യുന്നത്. ഒന്നാം ലോകമഹായുദ്ധത്തിലും അഫ്ഗാൻ യുദ്ധത്തിലും മരിച്ച സൈനികരുടെ ഓർമ്മ നിലനിർത്തുന്നതിനു വേണ്ടി സ്ഥാപിക്കപ്പെട്ട സ്മാരകമാണ് ഇത്. സൈനികരുടെ പേരും വിവരങ്ങളും അവിടെ രേഖപ്പെടുത്തിയിട്ടുണ്ടായിരുന്നു. അവരുടെ ഓര്‍മ്മകള്‍ക്ക് മുന്നില്‍ ഒരു നിമിഷം ഇന്ത്യാഗേറ്റിന്‍റെ മുന്നില്‍ ദേശീയ പതാകയ്ക്ക് പകരം നമ്മുടെ മൂന്നു സൈനിക വിഭാഗങ്ങളുടെ പതാകകളായിരുന്നു ഉയര്‍ത്തിയിരുന്നത്.

ഇന്ത്യാഗേറ്റിലെ കാഴ്ചകള്‍ കണ്ടശേഷം പിന്നീട് ഞങ്ങള്‍ പോയത് കുത്തബ് മിനാര്‍ കാണുവാനാണ്. മുപ്പതു രൂപയാണ് ഇവിടത്തെ പ്രവേശന ഫീസ്‌. പക്ഷേ വിദേശരാജ്യക്കാര്‍ക്ക് 500 രൂപ കൊടുക്കണം കുത്തബ് മിനാര്‍ കാണുവാന്‍. ഇത് വല്ലാത്തൊരു വിവേചനമായാണ് എനിക്ക് തോന്നിയത്. തായ്ലാന്ഡ്, മലേഷ്യ പോലുള്ള രാജ്യങ്ങളില്‍ ഇത്തരത്തിലെ വിവേചനങ്ങളൊന്നും കാണുവാന്‍ കഴിഞ്ഞില്ല.

ഇഷ്ടിക കൊണ്ട് നിർമ്മിച്ച് ലോകത്തിലെ ഏറ്റവും ഉയരമേറിയ മിനാരമാണ് കുത്തബ് മിനാര്‍. ഇതിന്റെ നിര്‍മ്മാണം തുടങ്ങി വച്ചതു കുത്ബുദ്ദിന്‍ ഐബക് ആണ്. ഇന്തോ-ഇസ്ലാമിക വാസ്തുശില്പ്പകലക്ക് ഒരു ഉത്തമോദാഹരണമാണ്‌ ഈ ഗോപുരം. കുത്തബ് മിനാര്‍ അടുത്തു കണ്ടപ്പോള്‍ വളരെ അൽഭുതം തോന്നി. പ്രതീക്ഷിച്ചതിലുമെത്രയോ ഇരട്ടി ഭംഗി. പുറത്തേക്ക് തള്ളി നില്‍ക്കുന്ന ഓരോ നിലയിലേയും ബാല്‍ക്കണികള്‍ അവയുടെ പ്രത്യേകതയാല്‍ അത്യാകര്‍ഷകമായി തോന്നും. ഒരോന്നിന്‍റെയും രൂപകല്പനയിലെ വൈവിധ്യവും, കൊത്തുപണിയുടേ മനോഹാരിതയും എടുത്തു പറയേണ്ട ഒന്നാണ്.

കുത്തബ് മിനാറിലെ കാഴ്ചകള്‍ കണ്ടശേഷം ഞങ്ങള്‍ എയര്‍പോര്ട്ടിലേക്ക് യാത്രയായി. വെബ്‌ ചെക്ക് ഇന്‍ ചെയ്തതിനാല്‍ അധികം ബുദ്ധിമുട്ടേണ്ടി വന്നിരുന്നില്ല. ഞങ്ങളുടെ വിമാനത്തിന്‍റെ ബോര്‍ഡിംഗ് ആരംഭിക്കുന്നത് ഉച്ചയ്ക്ക് 2.10 നു ആയിരുന്നു. ‘വിസ്താര’ എയര്‍ലൈന്‍സിന്‍റെ വിമാനമായിരുന്നു ഞങ്ങളുടേത്. വിസ്താരയിലെ എന്‍റെ ആദ്യത്തെ യാത്രയുമായിരുന്നു അത്. സമയമായപ്പോള്‍ ഞങ്ങള്‍ ഗേറ്റിലൂടെ വിമാനത്തില്‍ കയറി. നല്ല വിമാനയാത്രയായിരുന്നു അത്. വിസ്താര സൂപ്പര്‍… അങ്ങനെ കുളു – മനാലിയുടെ തകര്‍പ്പന്‍ ഓര്‍മ്മകളുമായി ഞങ്ങള്‍ കൊച്ചിയിലേക്ക് പറന്നു…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കേരളത്തിൽ ടൂറിസം ഉണരുന്നു; തുറന്ന ടൂറിസം സെന്ററുകൾ ഇവയാണ്

കോവിഡ് മഹാമാരിയെ തുടര്‍ന്ന് അടച്ചിട്ടിരുന്ന വനംവകുപ്പിന് കീഴിലുള്ള ഇക്കോ ടൂറിസം സെന്ററുകള്‍ കഴിഞ്ഞ ദിവസം മുതല്‍ സഞ്ചാരികള്‍ക്കായി തുറന്നു നല്‍കി. പരിഷ്‌കരിച്ച കോവിഡ് മാനദണ്ഡങ്ങള്‍ കര്‍ശനമായി പാലിച്ചുകൊണ്ടായിരിക്കും സെന്ററുകള്‍ പ്രവര്‍ത്തിക്കുക. ഇത്തരത്തിൽ തുറന്നിരിക്കുന്ന ടൂറിസം സെന്ററുകളുടെ വിവരങ്ങൾ ജില്ല തിരിച്ച് താഴെ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post