ഏഷ്യയിലെ തന്നെ ഏറ്റവും വൃത്തിയുള്ള ഗ്രാമത്തിലെ വിശേഷങ്ങളും കാഴ്ചകളും…

Total
20
Shares

ദൗകി നദിയിലെ കാഴ്ചകളും ബംഗ്ലാദേശ് ബോർഡറിലെ കൗതുകവുമെല്ലാം ആസ്വദിച്ച ശേഷം പിറ്റേന്ന് ഞങ്ങൾ യാത്രയായത് ഏഷ്യയിലെ ഏറ്റവും വൃത്തിയുള്ള വില്ലേജ് എന്ന് അറിയപ്പെടുന്ന ‘മൗളിങ്‌ലോംഗ്’ (Mawlinglong) എന്ന സ്ഥലം കാണുവാനായിരുന്നു. പോകുന്ന വഴിയിൽ ഒരു പഴയ പാലം ഞങ്ങൾ കണ്ടു. അവിടെ വഴിയോരത്ത് ഞങ്ങൾ വണ്ടി നിർത്തിക്കൊണ്ട് പാലത്തിനു താഴെയുള്ള നദിക്കരയിലേക്ക് നടന്നു. പാറക്കെട്ടുകൾക്കിടയിലൂടെ ഒഴുകുന്ന ഒരു നദിയായിരുന്നു അത്.

ഞങ്ങൾ അവിടെ ചെന്നപ്പോൾ തദ്ദേശ വാസികളായ ചില ചെറുപ്പക്കാർ അവിടെ ചാടിക്കുളിച്ചു തിമിർക്കുന്നുണ്ടായിരുന്നു. വെള്ളമാണെങ്കിൽ നല്ല വേഗതയിലായിരുന്നു ഒഴുകിക്കൊണ്ടിരുന്നത്. ഞങ്ങൾ വീഡിയോ പകർത്തുന്നത് കണ്ടപ്പോൾ കുളിക്കുന്ന ചെറുപ്പക്കാരിൽ ഒരാൾ ഞങ്ങളെ കാണിക്കുന്നതിനായി പാറയുടെ മുകളിൽ നിന്നും താഴെ വെള്ളത്തിലേക്ക് ചാടുകയുണ്ടായി. ശരിക്കും ഞങ്ങൾക്ക് അത് പേടിപ്പെടുത്തുന്ന ഒരു കാഴ്ചയായിരുന്നു. പക്ഷെ അവർ സ്ഥിരമായി കുളിച്ചും കളിച്ചും നടക്കുന്ന സ്ഥലമായതിനാൽ അപകടങ്ങളൊന്നും കൂടാതെ ചാടുവാൻ അവർക്ക് നല്ല പരിചയമുണ്ടായിരിക്കും. കുറച്ചു സമയം അവിടെ ചെലവഴിച്ച ശേഷം ഞങ്ങൾ ‘മൗളിങ്‌ലോംഗ്’ ലക്ഷ്യമാക്കി നീങ്ങി.

അങ്ങനെ ഞങ്ങൾ ആ ഗ്രാമത്തിലേക്ക് പ്രവേശിച്ചു. അവിടെ പ്രവേശിക്കുവാനായി ഒരാൾക്ക് പത്തു രൂപ നിരക്കിൽ ടിക്കറ്റ് എടുക്കണമായിരുന്നു. ഞങ്ങൾ ടിക്കറ്റുകൾ എടുത്തു വണ്ടി അവിടെ ഒരിടത്ത് പാർക്ക് ചെയ്തശേഷം കാഴ്ചകൾ കാണുവാനായി നടന്നു യാത്രയായി. ഏകദേശം അഞ്ഞൂറോളം ആളുകൾ വസിക്കുന്ന ഒരു ഗ്രാമമാണ് മൗളിങ്‌ലോംഗ്. ഗ്രാമവാസികളൊക്കെ നല്ല വിദ്യാഭ്യാസവും വിവരവുമൊക്കെയുള്ളവരാണ്. എടുത്തു പറയേണ്ട ഒരു സവിശേഷത എന്തെന്നാൽ ഏഷ്യയിലെ ഏറ്റവും വൃത്തിയുള്ള വില്ലേജ് എന്ന പേര് ഈ ഗ്രാമത്തിനാണ് എന്നതാണ്.

ഗ്രാമത്തിലെ വീടുകളിൽ ഭൂരിഭാഗവും പഴമ നിലനിർത്തിക്കൊണ്ട് മുളയും, തടികളും, ഒരു പ്രത്യേകതരം പുല്ലും ഉപയോഗിച്ച് നിർമ്മിച്ചിട്ടുള്ളവയാണ്. ഗ്രാമത്തിൽ പലയിടങ്ങളിലും പൊതുവായ കുളങ്ങൾ കാണാമായിരുന്നു. ചിലതൊക്കെ ആളുകൾക്ക് കുളിക്കുവാനും മറ്റു ചിലത് മീൻ വളർത്തുവാനുമൊക്കെ ഉപയോഗിക്കുന്നതായിരുന്നു. ഗ്രാമത്തിൽ അങ്ങിങ്ങായി ട്രീ ഹൗസുകളൊക്കെ ഞങ്ങൾ കണ്ടു. പ്രൈവറ്റ് പ്രോപ്പർട്ടി ആയതിനാൽ അവയിൽ ചിലതിലൊക്കെ 20 രൂപ കൊടുത്താൽ സന്ദർശകർക്ക് കയറുവാൻ സാധിക്കും.

അങ്ങനെ ഞങ്ങളും പൈസ കൊടുത്ത് ഒരു ട്രീ ഹൗസിൽ കയറി. മുളകൾ കൊണ്ട് വളരെ ബലത്തിൽ കെട്ടിയുണ്ടാക്കിയിരുന്നതിനാൽ നമ്മൾ കയറുമ്പോഴൊക്കെ അത് ഒന്നനങ്ങുക പോലുമുണ്ടായിരുന്നില്ല. ട്രീ ഹൗസിനു മുകളിലെ വ്യൂ പോയിന്റിൽ നിന്നാൽ കുറച്ചകലെയായി മനോഹരമായ പാടങ്ങൾ കാണാമായിരുന്നു. വിവേക് പറഞ്ഞപ്പോഴാണ് അത് ബംഗ്ളാദേശ് ആണെന്നു ഞങ്ങൾക്ക് മനസ്സിലായത്. ഇന്ത്യ – ബംഗ്ളാദേശ് അതിർത്തിയിലാണ് ‘മൗളിങ്‌ലോംഗ്’ എന്നയീ മനോഹര ഗ്രാമം എന്ന സത്യം അപ്പോഴാണ് ഞങ്ങൾ ഓർത്തത്.

ഗ്രാമീണരെല്ലാം ഘാസി വിഭാഗത്തിൽപ്പെട്ടവർ ആയിരുന്നുവെങ്കിലും ഭൂരിഭാഗവും ക്രിസ്തുമത വിശ്വാസികളായിരുന്നു. അതുകൊണ്ടായിരിക്കണം ഗ്രാമത്തിൽ ആരാധനയ്ക്കായി മൂന്നു പള്ളികൾ ഉള്ളത്. ടൂറിസ്റ്റുകൾ ധാരാളമായി വരുന്ന സ്ഥലമായതിനാൽ ഗ്രാമവാസികളൊക്കെ കരകൗശല സാധനങ്ങളും മറ്റുമൊക്കെ വിൽക്കുവാൻ ഇരിക്കുന്നുണ്ടായിരുന്നു. വീടുകളുടെ മുന്നിലോക്കെ ചെറിയ ചെറിയ കടകളൊക്കെ അവർ ഇട്ടിരിക്കുന്നത് കാണാം. ഇവിടെ സന്ദർശകർക്ക് താമസിക്കുന്നതിനായി ഹോം സ്റ്റേകളും ലഭ്യമാണ്. നമ്മുടെ നാട്ടിലെപ്പോലത്തെ ഒരു സാധാരണ ഗ്രാമം, ടൂറിസ്റ്റുകൾ വരുന്നതിനാൽ അവർ ടൂറിസത്തെ ഒരു വരുമാനമാർഗ്ഗവും ആക്കുന്നു. പ്രധാനമായും ഗ്രാമീണരുടെ ജീവിതമാർഗ്ഗം കൃഷിയാണ് എന്നാണ് അറിയുവാൻ കഴിഞ്ഞത്.

മഞ്ഞുകാലത്തും മഴക്കാലത്തുമാണ് ഈ ഗ്രാമം സന്ദർശിക്കുവാൻ ഏറ്റവും ഉചിതമായ സമയം. അധിക പ്രതീക്ഷകളോടെയൊന്നും ഈ ഗ്രാമത്തിലേക്ക് വരേണ്ടതില്ല. എന്നാൽ കാണുവാൻ കാഴ്ചകൾ ഉണ്ടോയെന്നു ചോദിച്ചാൽ ഉണ്ട് താനും. മുന്നേ പ്ലാൻ ചെയ്തു വന്നിരുന്നെങ്കിൽ ഞങ്ങൾ അവിടെ ഒരു ദിവസം താമസിക്കുവാനുള്ള മാർഗ്ഗം നോക്കിയേനെ. അതെന്തായാലും പിന്നീടാകാം എന്നു വിചാരിച്ചു ഞങ്ങൾ നടന്നു നീങ്ങി.

അങ്ങനെ കാഴ്ചകൾ കണ്ടു നടക്കുന്നതിനിടയിൽ ഞങ്ങൾ അവിടെ ഒരു ചെറിയ ചായക്കട കണ്ടു. അവിടെക്കയറി ഞങ്ങളെല്ലാവരും ചായ കുടിച്ചു ക്ഷീണമകറ്റി. പിന്നീട് ഞങ്ങൾ പോയത് മരത്തിന്റെ വേരുകൾ കൊണ്ട് നിർമ്മിച്ചിട്ടുള്ള പ്രശസ്തമായ ‘ലിവിംഗ് റൂട്ട് ബ്രിഡ്‌ജ്‌’ എന്ന പാലം കാണുവാനായിരുന്നു. മൗളിങ്‌ലോംഗ് ഗ്രാമത്തിൽ നിന്നും ഏതാണ്ട് ഒരു കിലോമീറ്ററോളം മാറിയാണ് ഈ പാലം സ്ഥിതി ചെയ്യുന്നത്. ഇത്തരം പാലങ്ങൾ മേഘാലയയിലും നാഗാലാന്റിലും ഒക്കെ ചിലയിടങ്ങളിൽ കാണാം. അങ്ങനെ ഞങ്ങൾ താഴേക്കുള്ള ഇറക്കത്തിലൂടെ നടന്നു തുടങ്ങി.

ഏതാണ്ട് 15 മിനിറ്റോളം നടന്നു ഞങ്ങൾ പാലത്തിനടുത്തെത്തി. അവിടേക്ക് പ്രവേശിക്കുന്നതിനായി ഒരാൾക്ക് 40 രൂപ വെച്ച് കൊടുക്കേണ്ടതായുണ്ട്. അങ്ങനെ ഞങ്ങൾ പാലത്തിനടുത്തേക്ക് നടന്നു. പാലത്തിനു മുകളിലൂടെയുള്ള നടത്തം വളരെ കൗതുകകരമായിരുന്നു. പക്ഷേ പാലത്തിനു മുകളിൽ സന്ദർശകരെ നിൽക്കുവാൻ അനുവദിക്കില്ല. ഏതാണ്ട് 500 ഓളം വർഷങ്ങൾ പഴക്കമുള്ള മനുഷ്യനിർമ്മിതമായ ഒരു പാലമായിരുന്നു അത്. പാലത്തിനു താഴെക്കൂടി ഒഴുകുന്ന ചെറിയ അരുവിയിയുടെ കരയിൽ സന്ദർശകർക്ക് പോകാവുന്നതാണ്. അവിടെ നിന്നാൽ ഈ പാലത്തിന്റെ മനോഹരമായ ദൃശ്യം നമുക്ക് കാണുവാൻ സാധിക്കും.

‘ലിവിംഗ് റൂട്ട് ബ്രിഡ്‌ജ്‌’ കണ്ടതിനു ശേഷം ഞങ്ങൾ തിരികെ പോകുവാനുള്ള തയ്യാറെടുപ്പു തുടങ്ങി. അങ്ങനെ മേഘാലയയിലെ മറ്റൊരു വ്യത്യസ്തമായ സ്ഥലം കൂടി കാണുവാൻ സാധിച്ച സന്തോഷത്താൽ മതിമറന്നുകൊണ്ട് ഞങ്ങൾ കാറിൽക്കയറി അവിടെ നിന്നും യാത്രയായി.

ഞങ്ങൾ താമസിച്ചിരുന്ന RI Kanaan Guest House ലെ താമസക്കാർക്ക് ഈ ഗ്രാമങ്ങളിലൊക്കെ അവരുടെ സഹായത്തോടെ സന്ദർശിക്കുവാൻ സാധിക്കും. To contact, RI Kanaan Guest House: ,9562348253, 9774365447.

Our Sponsors: 1) Dream Catcher Resort, Munnar: 9745637111. 2) SR Jungle Resort, Anaikatty: 9659850555, 8973950555. (Follow to get discounts: https://www.instagram.com/sr_jungle_resort_coimbatore/). 3) Goosebery Mens Apparel: http://goosebery.co.in(TECHTRAVELEAT എന്ന കൂപ്പൺ കോഡ് ഉപയോഗിച്ചാൽ 25% ഡിസ്‌കൗണ്ട് ലഭിക്കും). 4) Rotary Club Kochi United. 5) DBS Automotive: 97452 22566. 6) Kairali Ford: 81380 14455. Special Thanks to 1) Le Meridien, Kochi. 2) Redband Racing, Thrissur. 3) Nexus Communication, Penta Menaka, Kochi.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post