ഇന്ത്യൻ വിപണിയിലേക്ക് ഇലക്ട്രിക് എസ്.യു.വി.യുമായി എംജി; ടീസർ വീഡിയോ പുറത്ത്

Total
0
Shares

ആദ്യത്തെ മോഡലായ ഹെക്ടറിനു ലഭിച്ച സ്വീകാര്യതയ്ക്ക് പിന്നാലെ അടുത്ത മോഡലിനെക്കൂടി ഇന്ത്യൻ വിപണിയിലെത്തിക്കുവാൻ തയ്യാറെടുക്കുകയാണ് മോറിസ് ഗാരേജ് എന്ന എംജി മോട്ടോർസ്. എംജി eZs എന്നു പേരിട്ടിരിക്കുന്ന ഈ മോഡൽ ഇലക്ട്രിക് പതിപ്പായാണ് ഇന്ത്യൻ വിപണിയിലേക്ക് എത്തുന്നത്. വാഹനം ഇന്ത്യയിൽ ലോഞ്ച് ചെയ്യുന്നതിനു മുന്നോടിയായി eZs ൻ്റെ ടീസർ വീഡിയോ പുറത്തു വിട്ടിരിക്കുകയാണ് കമ്പനി. ഈ ടീസർ സോഷ്യൽ മീഡിയയിൽ ഹിറ്റായി തുടരുകയാണ്.

നിലവിൽ വിദേശരാജ്യങ്ങളിൽ എംജി ZS എന്ന മോഡൽ നിരത്തുകളിലുണ്ട്. അതേ മോഡലിന്റെ ഇലക്ട്രിക്ക് പതിപ്പാണ് ഇന്ത്യയിൽ ഇറങ്ങാനിരിക്കുന്നതെന്നു മാത്രം. നിലവിൽ തായ്‌ലൻഡ്, യു.കെ, ചൈന എന്നിവയുൾപ്പെടെയുള്ള വിവിധ വിപണികളിൽ എം‌ജി ZS എസ്‌യുവിയുടെ ഇലക്ട്രിക് പതിപ്പ് വിൽപ്പനക്കെത്തുന്നുണ്ട്. എംജി കമ്പനിയുടെ സാങ്കേതികമായി ഏറ്റവും മുന്നിൽ നിൽക്കുന്ന ഒരു മോഡലാണ് ഇത്. ഒറ്റത്തവണ ഫുൾ ചാർജ്ജ് ചെയ്‌താൽ 260 ഓളം കിലോമീറ്ററുകൾ ഓടുവാൻ ഈ ഇലക്ട്രിക് എസ്.യു.വി.യ്ക്ക് സാധിക്കും.

ഇലക്ട്രിക് മോട്ടോറും 44.5 kWh ലിഥിയം അയേണ്‍ ബാറ്ററിയും ചേര്‍ന്ന് 143 പിഎസ് പവറും 353 എന്‍എം ടോര്‍ക്കും നല്‍കും. 7 മണിക്കൂറോളം എടുത്താവും ബാറ്ററി പൂർണ്ണമായും ചാർജ് ചെയ്യപ്പെടുക. എന്നാൽ ഫാസ്റ്റ് ചാർജിങ്ങിലൂടെയാണെങ്കിൽ 40 മിനിറ്റുകൾ കൊണ്ട് 80 ശതമാനത്തോളം ചാർജ് ചെയ്യുവാനാകും. ബാറ്ററിയ്ക്ക് 7 വർഷത്തെ വാറന്റിയും കമ്പനി നൽകുമെന്ന് പറയപ്പെടുന്നു. മണിക്കൂറില്‍ 140 കിലോമീറ്ററാണ് വാഹനത്തിന്റെ പരമാവധി വേഗത. 8.5 സെക്കന്‍ഡിനുള്ളില്‍ പൂജ്യത്തില്‍ നിന്ന് 100 കിലോമീറ്റര്‍ വേഗത്തിലെത്താനും ZS ഇലക്ട്രിക്കിന് സാധിക്കും.

2019 അവസാനത്തോടു കൂടി എംജിയ്ക്ക് ഇന്ത്യയിൽ 120 ഓളം സെയിൽസ് ആൻഡ് സർവ്വീസസ് ഔട്ട്ലറ്റുകൾ ആകുമെന്ന് കമ്പനി അധികൃതർ പറയുന്നു. കൂടാതെ രാജ്യത്തുടനീളം ചാർജ്ജിംഗ് പോയിന്റുകൾ ഒരുക്കുന്നതിനായി പ്രമുഖ ഇലക്ട്രോണിക്സ് ബ്രാൻഡായ ഡെൽറ്റ ഇലക്ട്രോണിക്സുമായി സഹകരിച്ചു പ്രവർത്തിക്കുവാനുള്ള ശ്രമത്തിലാണ് എംജി. പുറത്തു വന്നിരിക്കുന്ന വിവരങ്ങൾ പ്രകാരം ഡൽഹി, മുംബൈ, ഹൈദരാബാദ്, ബെംഗളൂരു, അഹമ്മദാബാദ് എന്നീ നഗരങ്ങളിലാവും eZS ആദ്യം എത്തുന്നത് എന്നാണു അറിയുവാൻ സാധിച്ചത്. 2019 ഡിസംബർ മാസത്തോടെ ഒഫീഷ്യൽ ലോഞ്ച് ഉണ്ടാകുമെന്നു പ്രതീക്ഷിക്കാം.

ഇന്ത്യൻ വിപണിയിൽ ഹ്യുണ്ടായിയുടെ കോന ഇലക്ട്രിക്കിന് എതിരാളിയായിട്ടാണ് eZS എത്തുന്നത്. എംജി eZS ൻ്റെ ടീസർ പുറത്തിറങ്ങിയതിനു പുറമെ ഇന്ത്യയിലെ പരീക്ഷണ ഓട്ടത്തിന്റെ ദൃശ്യങ്ങളും പുറത്തായിട്ടുണ്ട്. ഗുജറാത്തിലെ പ്ലാന്റിൽ തദ്ദേശീയമായി അസംബിൾ ചെയ്ത മോഡലുകളായിരിക്കും എംജി ഇന്ത്യയിൽ പുറത്തിറക്കുക. ജിഎസ്‌ടിയിൽ ഇലക്ട്രിക്ക് വാഹനങ്ങൾക്ക് ഇളവുകൾ ലഭിക്കുമെന്നതിനാൽ വാഹനവില 21 മുതൽ 23 വരെയാകുമെന്നാണ് കണക്കുകൂട്ടലുകൾ. ഈ കാര്യങ്ങളെക്കുറിച്ച് അധികം വിവരങ്ങളൊന്നും കമ്പനി പുറത്തു വിട്ടിട്ടില്ല. എന്തായാലും ഹെക്ടറിന്റെ വിജയത്തിനും ജനപ്രീതിയ്ക്കും ശേഷം ഇന്ത്യൻ വിപണിയിലേക്ക് രണ്ടും കൽപ്പിച്ചു തന്നെയാണ് എംജി ഇറങ്ങുന്നതെന്നു സാരം.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

Youtube ൽ നിന്നും എങ്ങനെ Copyright ഇല്ലാത്ത മ്യൂസിക് ലഭിക്കും?

ഇന്ന് യൂട്യൂബിൽ വീഡിയോ ചെയ്യുന്നവർ ധാരാളമാണ്. ഇത്തരം വീഡിയോകളിൽ ബാക്ക്ഗ്രൗണ്ട് മ്യൂസിക്കുകൾ ഇടേണ്ടിയും വരാറുണ്ട്. എന്നാൽ തോന്നിയപോലെ അവിടുന്നും ഇവിടുന്നും എടുത്ത ഓഡിയോ ക്ലിപ്പുകൾ വീഡിയോകളിൽ ഇട്ടാൽ തീർച്ചയായും കോപ്പിറൈറ്റ് ക്ലെയിം അല്ലെങ്കിൽ കോപ്പിറൈറ്റ് സ്ട്രൈക്ക് ലഭിക്കുവാനുള്ള സാദ്ധ്യതകൾ ഏറെയാണ്. മിക്കയാളുകളും…
View Post