MTCR ലെ താമസവും, ചെങ്കുളം ഡാമും, ഇടുക്കിയിലെ പൊന്മുടിയും – ഒരു അടിപൊളി ട്രിപ്പ്…

Total
0
Shares

DAY 1 : ലങ്കാവി യാത്രയ്ക്കു ശേഷം ഞങ്ങൾ ഒരിക്കൽക്കൂടി മൂന്നാറിലേക്ക് പോവുകയുണ്ടായി. ഇത്തവണ മൂന്നാറിൽ ഞങ്ങൾ ടീ കൺട്രി റിസോർട്ടിൽ ആയിരുന്നു ഞങ്ങൾ താമസിച്ചത്. ആനച്ചാൽ ഭാഗത്തുള്ള ഒരു നല്ല റിസോർട്ട് ആണിത്. ഫാമിലിയായിട്ടും കപ്പിൾസ് മാത്രമായിട്ടും വരുന്നവർക്ക് സുഖകരമായി താമസിക്കുവാനും ആസ്വദിക്കുവാനും പറ്റിയ ഒരു ഇടം കൂടിയാണിത്. മനോഹരമായ കോട്ടേജുകളിലാണ് ഇവിടെ താമസം. കോട്ടേജുകളുടെ ബാൽക്കണിയിൽ നിന്നുള്ള കാഴ്ചകൾ അതിമനോഹരം എന്നേ പറയാനാകൂ.

ഞങ്ങൾക്കായി റിസോർട്ടുകാർ മികച്ച സൗകര്യങ്ങളായിരുന്നു ഒരുക്കിയിരുന്നത്. ഹണിമൂൺ ആഘോഷിക്കുവാനാണ് വരുന്നെതെങ്കിൽ നിങ്ങൾക്ക് നല്ലൊരു ചോയ്‌സ് കൂടിയാണ് ഈ റിസോർട്ട്. ഞങ്ങൾ ചെന്നപാടെ കുറച്ചു നേരം വിശ്രമിച്ചതിനുശേഷം അവിടെയാകെ ഒന്നു ചുറ്റിക്കാണുവാനായി പുറത്തിറങ്ങി. അവിടത്തെ മനോഹരമായ ആ ദൃശ്യഭംഗി കണ്ടപ്പോൾ ശ്വേത പാട്ടുകൾ പാടാൻ തുടങ്ങി. അത്രയ്ക്ക് റൊമാന്റിക് ആയ ഒരു സ്പോട്ട് ആയതിനാലാണ്. പോരാത്തതിനു നല്ല തണുപ്പും.

4000 – 4500 രൂപ നിരക്കിലായിരിക്കും ഇവിടത്തെ കോട്ടേജുകളുടെ നിരക്കുകൾ തുടങ്ങുന്നത്. കോട്ടേജുകളുടെ വ്യത്യാസങ്ങൾ അനുസരിച്ച് നിരക്കിലും വ്യത്യാസങ്ങൾ കാണും. ഓൺലൈൻ ആയി ബുക്ക് ചെയ്യുകയാണെങ്കിൽ നിങ്ങൾക്ക് ഓഫറുകൾ ലഭിക്കുവാൻ സാധ്യതയുണ്ട്. ബുക്കിംഗ് സൈറ്റുകളിൽ നല്ല റേറ്റിങ് ഉള്ള ഒരു റിസോർട്ട് ആണ് മൂന്നാർ ടീ കൺട്രി.

പകൽ മുഴുവനും ഞങ്ങൾ ചുറ്റിനുമുള്ള കാഴ്ചകൾ കണ്ടുകൊണ്ട് നടന്നു. ഇരുട്ട് വീണു തുടങ്ങിയപ്പോൾ ഞങ്ങൾ അകത്തേക്ക് കയറി. ഇരുട്ടിയപ്പോൾ റിസോർട്ടിന്റെ മുഖമാകെ മാറിയിരുന്നു. ചുറ്റിനും ലൈറ്റുകളൊക്കെ ഇട്ടുകൊണ്ട് അതിമനോഹരമായിരുന്നു. കുറച്ചു കഴിഞ്ഞപ്പോൾ ചെറിയ മഴയും തുടങ്ങി. ആഹാ..!! നല്ല അടിപൊളി കാലാവസ്ഥ. റിസോർട്ടിൽ ഒരു സ്പാ ഉണ്ടായിരുന്നു. ഞങ്ങൾ അവിടേക്ക് മസാജിംഗിനായി പോയി. നല്ലൊരു റിലാക്സിംഗ് മസാജ് ആയിരുന്നു അവിടെ എനിക്ക് അനുഭവപ്പെട്ടത്. ഒപ്പം പശ്ചാത്തലത്തിൽ നല്ലൊരു സംഗീതവും. ഇവിടെ താമസിക്കുന്നവർ തീർച്ചയായും ഒരു മസ്സാജ് ട്രൈ ചെയ്തിരിക്കണം. അത് നിങ്ങൾക്ക് നല്ല പോസിറ്റിവ് എനര്ജി നൽകും എന്നുറപ്പാണ്.

മസ്സാജ് ഒക്കെ കഴിഞ്ഞു ഞങ്ങൾ വിശപ്പ് മാറ്റുവാനായി റെസ്റ്റോറന്റിലേക്ക് പോയി. ഞങ്ങൾ അന്ന് ഫുൾ വെജിറ്റേറിയൻ ഭക്ഷണം ആയിരുന്നു കഴിച്ചത്. നല്ല രുചിയുള്ള ഭക്ഷണം ആയിരുന്നു അവിടത്തെ റെസ്റ്റോറന്റിൽ. ഭക്ഷണത്തിനു ശേഷം ഞങ്ങൾ ഉറങ്ങുവാനായി റൂമിലേക്ക് മടങ്ങി. ഇനി ഞങ്ങൾക്ക് പുറം കാഴ്ചകൾ കാണുവാനായി പോകേണ്ടതാണ്. എന്തായാലും നല്ല അടിപൊളി റിസോർട്ട് തന്നെയായിരുന്നു ഞങ്ങൾ തിരഞ്ഞെടുത്ത മൂന്നാർ ടീ കൺട്രി റിസോർട്ട്. നിങ്ങൾക്കും ഇവിടെ താമസിക്കണമെന്നുണ്ടെങ്കിൽ വിശദവിവരങ്ങൾക്ക് വിളിക്കാം: 9497717353.

DAY 2 : റിസോർട്ടിലെ മനോഹരമായ കോട്ടേജിലെ അടിപൊളി താമസത്തിനു ശേഷം പിറ്റേന്ന് ഞങ്ങൾ പുറം കാഴ്ചകൾ കാണുവാൻ വേണ്ടി കാറുമായി പുറത്തിറങ്ങി. മൂന്നാറിലുള്ള ഡ്രീം ലാൻഡ് ലാൻഡ് എന്ന പാർക്കിനു മുന്നിലുള്ള മന്ന ചോക്കലേറ്റ് ഫാക്ടറിയിലേക്കാണ് ഞങ്ങൾ അന്ന് ആദ്യമായി പോയത്. മുൻപ് ഞാൻ ഇവിടെ വന്ന് ഒരു വീഡിയോ ചെയ്തിരുന്നു. അതു കണ്ടതുമുതൽ ശ്വേതയ്ക്ക് ഈ ഫാക്ടറി കാണണമെന്ന് ഒരു മോഹം. ആ മോഹം സഫലമായത് ഇപ്പോഴാണ്. വിവിധയിനം ചോക്കലേറ്റുകൾ ഉണ്ടാക്കുന്ന രീതിയും മറ്റും ഞങ്ങൾ അവിടെ കണ്ടു. ശ്വേത ആദ്യമായിട്ടായിരുന്നു ഇത്തരം കാഴ്ചകളൊക്കെ കാണുന്നത്.

കുറച്ചു ചോക്കലേറ്റുകളും വാങ്ങിച്ചുകൊണ്ട് ഞങ്ങൾ മന്ന ചോക്കലേറ്റ് ഫാക്ടറിയിൽ നിന്നും പുറത്തേക്ക് ഇറങ്ങി. പിന്നീട് ഞങ്ങൾ പോയത് ചെങ്കുളം ഡാമിലേക്ക് ആയിരുന്നു. ഡാമിലെ റിസർവ്വോയറിൽ ബോട്ടിംഗ് നടത്തണം എന്നതായിരുന്നു ഞങ്ങളുടെ ഉദ്ദേശ്യം. അവിടെ ചെന്നപാടെ ഞങ്ങൾ ചുറ്റിനുമൊക്കെ നടന്നു കാഴ്ചകൾ കണ്ടു. പിന്നീട് ബോട്ടിംഗിന്റെ നിരക്കുകൾ അന്വേഷിച്ചു. സ്പീഡ് ബോട്ടിനു നിരക്ക് കുറവായിരുന്നതിനാൽ ഞങ്ങൾ അതുതന്നെ തിരഞ്ഞെടുത്തു.

ഒരു തകർപ്പൻ ബോട്ട് റൈഡ് ആയിരുന്നു പിന്നീട് ഞങ്ങൾക്ക് ലഭിച്ചത്. ബോട്ട് ഡ്രൈവറായ ചേട്ടൻ ഞങ്ങളെ പരമാവധി രസിപ്പിക്കുവാൻ ശ്രമിക്കുന്നുണ്ടായിരുന്നു. ആനയിറങ്ങൾ ഡാമിലെ ബോട്ടിംഗിനെക്കാൾ കുറച്ചു കൂടി വ്യത്യസ്തമായിരുന്നു ഇവിടെ ഞങ്ങൾക്ക് അനുഭവപ്പെട്ടത്. ബോട്ടിംഗിനു ശേഷം വീണ്ടും ഞങ്ങൾ അവിടെയൊക്കെ കാഴ്ചകൾ കണ്ടുകൊണ്ട് നടന്നു. പ്രളയത്തിൽ നിന്നും കരകയറിയെന്നു ആരും മനസ്സിലാക്കാത്തതു കൊണ്ടാണോ എന്തോ, അവിടെ സഞ്ചാരികളുടെ തിരക്ക് ഒട്ടുംതന്നെ ഉണ്ടായിരുന്നില്ല.

ചെങ്കുളം ഡാമിലെ കാഴ്ചകൾ കണ്ടശേഷം ഞങ്ങൾ അവിടെ അടുത്തുള്ള പൊന്മുടി ഡാമിലേക്ക് ആയിരുന്നു പോയത്. പൊന്മുടി എന്നു കേട്ടപ്പോൾ തിരുവനന്തപുരത്തെ പൊന്മുടി ആണെന്ന് കരുതിയോ? എങ്കിൽ നിങ്ങൾക്ക് തെറ്റി, ഇടുക്കിയിലും ഒരു പൊന്മുടിയുണ്ട്. അധികമാരും അറിയാത്തൊരു മനോഹരമായ സ്ഥലമാണിത്. അവിടെ ഒരു തൂക്കുപാലം ഉണ്ടായിരുന്നു. ആ പാലത്തിനു താഴെ അനോഹരമായ ഒരു അരുവി കുത്തിയൊഴുകുന്ന കാഴ്ച വളരെ രസകരമായിരുന്നു. ഹിമാചലിലോ മേഘാലയയിലോ ഒക്കെ പോയാമത്തിരി ഒരു ഫീൽ ആയിരുന്നു ആ പാലത്തിൽ നിൽക്കുമ്പോൾ ഞങ്ങൾക്ക് അനുഭവപ്പെട്ടത്. അതിനുശേഷം ഞങ്ങൾ പൊന്മുടി ഡാമും സന്ദർശിച്ചു. കിടിലൻ കാഴ്ചകൾ ആയിരുന്നു അവിടെയൊക്കെ ഞങ്ങളെ കാത്തിരുന്നത്. ഡാമിനു മുകളിലൂടെ ഞങ്ങൾ കാർ ഓടിച്ചുകൊണ്ട് പോകുകയും ചെയ്തു. ഡാമിൽ നല്ല വെള്ളമുണ്ടായിരുന്നുവെങ്കിലും അവിടെയെങ്ങും മറ്റൊരു സഞ്ചാരിയെ കാണുവാൻ സാധിച്ചിരുന്നില്ല.

പൊന്മുടി ഡാമിലെ കാഴ്ചകൾ കണ്ട് അവസാനിപ്പിക്കുന്നതിനിടയിൽ നല്ലൊരു മഴ “ശീ..” എന്ന ഹുങ്കാരത്തോടെ വന്നു. അതോടെ ഞങ്ങൾ എല്ലാം മതിയാക്കി കാറിൽക്കയറി തിരികെ ടീ കൺട്രി റിസോർട്ടിലേക്ക് യാത്രയായി. സ്യൂട്ടിൽ ആയിരുന്നെങ്കിൽ അതിമനോഹരമായ വാലി വ്യൂ റൂമിൽ ആയിരുന്നു പിറ്റേ ദിവസത്തെ ഞങ്ങളുടെ താമസം. എന്തായാലും ഞങ്ങൾക്ക് ഹണിമൂൺ വില്ലയെക്കാളും ഇഷ്ടപ്പെട്ടത് ഈ കോട്ടേജ് ആയിരുന്നു. അപ്പോഴേക്കും റിസോർട്ട് പരിസരമാകെ കോടമഞ്ഞുകൊണ്ട് മൂടപ്പെട്ടിരുന്നു. അങ്ങനെ ഞങ്ങളുടെ മനോഹരമായ ഒരു ദിവസം കൂടി കടന്നുപോയി…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

തിരുവനന്തപുരത്തു നിന്നും ഒരു മണിക്കൂര്‍ കൊണ്ട് കാണാം ഈ വെള്ളച്ചാട്ടങ്ങള്‍…

മനസ്സു കുളിര്‍പ്പിക്കാന്‍ ഏതെങ്കിലും സ്ഥലങ്ങളിലേക്ക് യാത്ര പോകുവാന്‍ പ്ലാന്‍ ചെയ്യുന്നവരാണ് പലരും. അങ്ങനെയെങ്കില്‍ അധികമാരും അറിയാത്ത… തിരുവനന്തപുരത്തു നിന്നും ഒരു മണിക്കൂര്‍ മാത്രം യാത്രയുള്ള ഈ വെള്ളച്ചാട്ടങ്ങള്‍ ഒന്ന് സന്ദര്‍ശിച്ചാലോ? തൃപ്പരപ്പ് വെള്ളച്ചാട്ടം : തിരുവനന്തപുരത്തു നിന്നും 55 കിലോമീറ്റര്‍ മാത്രം…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

ലണ്ടനിൽ നിന്നും ഇന്ത്യയിലെ കൽക്കട്ടയിലേക്ക് ഒരു ബസ് സർവ്വീസ്

ലോകത്തിലെ ഏറ്റവും നീളമുള്ള ബസ് റൂട്ട് ഏതായിരിക്കും? ഇപ്പോൾ സർവ്വീസ് നടത്തുന്നില്ലെങ്കിലും, ഇംഗ്ലണ്ടിലെ ലണ്ടനിൽ നിന്നും നമ്മുടെ ഇന്ത്യയിലെ കൽക്കട്ടയിലേക്ക് ഉണ്ടായിരുന്ന ബസ് സർവ്വീസ് ആണ് ലോകത്തിലെ ഏറ്റവും ദൈർഘ്യമേറിയ ബസ് റൂട്ടായി കണക്കാക്കപ്പെടുന്നത്. 1957 ലാണ് ലണ്ടൻ – കൽക്കട്ട…
View Post