വടക്കൻ രുചിയുടെ കലവറ തേടി കാഞ്ഞങ്ങാട് ‘ഒറിക്‌സ് വില്ലേജി’ലേക്ക്…

Total
0
Shares

കുറെ നാളായി വടക്കൻ കേരളത്തിലെ രുചിപ്പെരുമകളെക്കുറിച്ച് ഒരു വീഡിയോ ചെയ്യണമെന്ന് വിചാരിക്കുന്നു. കഴിഞ്ഞ തവണ കണ്ണൂർ – കാസർഗോഡ് ഭാഗത്തു യാത്ര പോയപ്പോഴാണ് ഈ കാര്യം ഓർമ്മ വന്നത്. അങ്ങനെ വ്യത്യസ്തമായ രുചികൾ ലഭിക്കുന്ന സ്ഥലങ്ങൾ ഞങ്ങൾ അന്വേഷിക്കുവാൻ തുടങ്ങി.

അങ്ങനെയാണ് കാസർഗോഡ് ജില്ലയിലെ കാഞ്ഞങ്ങാടിന് സമീപമുള്ള ‘ഒറിക്‌സ് വില്ലേജ്’ എന്ന റെസ്റ്റോറന്റിനെക്കുറിച്ച് അറിയുന്നത്. പരിചയക്കാരായ കാസർഗോഡ് സുഹൃത്തുക്കളോട് അന്വേഷിച്ചപ്പോൾ അവരും പറഞ്ഞത് പോസിറ്റിവ് മറുപടി. പിന്നൊന്നും നോക്കിയില്ല, നേരെ അവിടേക്ക് വെച്ചുപിടിച്ചു.

രാവിലെ തന്നെ ഞങ്ങൾ ഒറിക്‌സ് വില്ലേജിൽ എത്തിച്ചേർന്നു. വീഡിയോ ചെയ്യുവാനാണെന്നു പറഞ്ഞപ്പോൾ അവർക്കും പെരുത്ത് സന്തോഷം. നടുമുറ്റവും മറ്റുമൊക്കെയായി വളരെ മനോഹരമായ ഒരു റെസ്റ്റോറന്റ് ആണ് ഒറിക്‌സ് വില്ലേജ്. അവിടെയുള്ളവരെ പരിചയപെട്ടതിനു ശേഷം ഞങ്ങൾ അടുക്കളയിലേക്കാണ് ആദ്യം പോയത്.

ഏതൊരു ഫുഡ് പ്രേമിയെയും കൊതിപ്പിക്കുന്ന കാഴ്ചയായിരുന്നു അവിടെ അരങ്ങേറിയിരുന്നത്. ചോറ് വേവിക്കുന്നു, ബിരിയാണിയുടെ ദം പൊട്ടിക്കുന്നു, കുഴിമന്തി ഉണ്ടാക്കുന്നു, നല്ല കിടിലൻ അവിയൽ തയ്യാറാക്കുന്നു എന്നിങ്ങനെ ഉച്ചയ്ക്കത്തേക്കുള്ള വിഭവങ്ങൾ റെഡിയാകുകയായിരുന്നു അവിടെ.

ചെമ്മീൻ, കൂന്തൽ, കല്ലുമ്മക്കായ, അയക്കൂറ എന്നിവ ഒന്നിച്ചു ചേർത്തുകൊണ്ടു ബിരിയാണി ഉണ്ടാക്കുകയും അത് വാഴയിലയിൽ പൊതിഞ്ഞു വിളമ്പുകയും ചെയ്യുന്ന വ്യത്യസ്തമായ ഭക്ഷണ കാഴ്ചകൾ ഞങ്ങൾക്ക് അവിടെ കാണുവാനായി. ‘ചീനവല ബിരിയാണി’ എന്നായിരുന്നു ഈ ഐറ്റത്തിന്റെ പേര്. അവിടെ നിന്നും “ശ്ശ്..ശ്ശ്” എന്നുള്ള ശബ്ദം കേട്ട് തൊട്ടടുത്തെക്ക് തിരിഞ്ഞു നോക്കിയപ്പോഴതാ നല്ല മുഴുത്ത കരിമീനുകൾ പൊരിക്കുകയാണ്. ആ ശബ്ദമാണ് ഞങ്ങൾ കേട്ടത്.

വെജിറ്റേറിയൻ, നോൺ വെജിറ്റേറിയൻ എന്നിങ്ങനെ കിച്ചണുകൾക്കും ഓരോ സെക്ഷനുകൾ അവിടെ തിരിച്ചിട്ടുണ്ട്. കേരളത്തിൽ അധികമാരും കേൾക്കാത്തതും രുചിക്കാത്തതുമായ വിഭവങ്ങൾ വരെ ഇവിടെ ലഭിക്കും. അതുകൊണ്ടുതന്നെ എല്ലായ്പ്പോഴും നല്ല തിരക്കായിരിക്കും ഒറിക്‌സ് വില്ലേജിൽ. ഊണ് സമയത്താണ് കൂടുതലും തിരക്കേറുന്നത്. ഫിഷ്‌കറി മീൽസിനു 100 രൂപയും വെജിറ്റേറിയൻ ഊണിനു 90 രൂപയുമാണ് നിരക്കുകൾ.

കിച്ചണിലെ കാഴ്ചകൾ കണ്ടതിനു ശേഷം ഞങ്ങൾ ഭക്ഷണം കഴിക്കുവാനായി റെസ്റ്റോറന്റിലേക്ക് ചെന്നു. ഇവിടത്തെ സ്പെഷ്യൽ ഐറ്റമായ ചീനവല ബിരിയാണി, ഡ്രാഗൺ ചിക്കൻ എന്നിവ ഞാനും വേജ് ന്യൂഡിൽസ്, ചില്ലി ഗോബി എന്നിവ ശ്വേതയും ഓർഡർ ചെയ്തു. എല്ലാ വിഭവങ്ങളും നല്ല ടേസ്റ്റ് ഉള്ളതായിരുന്നു എന്ന് പ്രത്യേകം പറയേണ്ടല്ലോ. ഭക്ഷണശേഷം ഞങ്ങൾ ഹോട്ടൽ പരിസരമൊക്കെ ചുമ്മാ ഒന്നു ചുറ്റി നടന്നു.

റെസ്റ്റോറന്റിനു തൊട്ടരികിലായി കുട്ടികൾക്ക് കളിക്കുവാനുള്ള ഒരു ഏരിയ ഒരുക്കിയിട്ടുണ്ട്. കുടുംബവുമായി വരുന്നവർക്ക് കുട്ടികളെ സന്തോഷിപ്പിക്കുവാൻ ഈ സൗകര്യം വളരെയേറെ ഉപകാരപ്രദമാണ്. അതിനടുത്തായി ലൈവ് ഫിഷ് കൗണ്ടർ പ്രവർത്തിക്കുന്നുണ്ട്. മാർക്കറ്റിൽ എന്നപോലെ മീനുകൾ നമുക്ക് അവിടെ കാണുവാനും തിരഞ്ഞെടുക്കുവാനും സാധിക്കും. തിരഞ്ഞെടുത്ത മീനുകൾ നമ്മുടെ മുന്നിൽ വെച്ചുതന്നെ ഫ്രൈ ആക്കി കഴിക്കുവാൻ തരുന്ന രീതിയാണ് ഇവിടെ. അതാണ് ലൈവ് ഫിഷ് എന്ന പേരു വന്നത്. മീനുകൾ തയ്യാറാക്കുന്നതിന് പ്രത്യേകം ചാർജ്ജ് കൊടുക്കേണ്ട ആവശ്യവുമില്ല.

ഞങ്ങളെ അവിടെ ആകർഷിച്ച മറ്റൊരു സംഭവം എന്തെന്നാൽ ഭക്ഷണം കഴിച്ചു കുറച്ച് ഓവറായി എന്നുള്ള തോന്നൽ ഉണ്ടായാൽ അൽപ്പം വ്യായാമം ചെയ്യുന്നതിനുള്ള സൗകര്യങ്ങളെല്ലാം അവിടെയുണ്ട്. ശരിക്കും പറഞ്ഞാൽ ഇതൊരു വെറും റെസ്റ്റോറന്റ് മാത്രമല്ല, ഒരു റിസോർട്ടിൽ വന്നതുപോലെയേ നമുക്ക് തോന്നിക്കുകയുള്ളൂ. വൈകുന്നേര സമയത്ത് ഒരു ചായയോ മറ്റോ കുടിക്കാം എന്നു കരുതി ഇവിടേക്ക് വരുന്നവർക്കായി ഇവിടെ ഒരു കോഫീ ഷോപ്പും പ്രവർത്തിക്കുന്നുണ്ട്. പലതരത്തിലുള്ള ചായകളും ജ്യൂസുകളും മറ്റു സ്നാക്സുകളും ഇവിടെ ലഭിക്കും.

രാവിലെ 11 മണി മുതൽ രാത്രി 12.30 വരെ റെസ്റ്റോറന്റ് തുറന്നു പ്രവർത്തിക്കുന്നതായിരിക്കും. ഇവിടേക്ക് വരുന്നവരുടെ കാറുകൾ പാർക്ക് ചെയ്യുന്നതിനായി ധാരാളം പാർക്കിംഗ് സ്ഥലവും ലഭ്യമാണ്. ഇനി കാഞ്ഞങ്ങാട് ഭാഗത്തു വരികയാണെങ്കിൽ നിങ്ങൾ ഒരിക്കലെങ്കിലും സന്ദർശിച്ചിരിക്കേണ്ട ഒരു റെസ്റ്റോറന്റാണ് ‘ഒറിക്‌സ് വില്ലേജ്.’ തീർച്ചയായും വിശ്വസിച്ചുകൊണ്ട് നിങ്ങൾക്ക് ഇവിടേക്ക് വരാം. ഒരു തവണ വന്നാൽ പിന്നെ വീണ്ടും ഇവിടേക്ക് വരാൻ നിങ്ങൾക്ക് തോന്നിപ്പോകും. ഞങ്ങളുടെ റേറ്റിങ് – 8/10.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

തിരുവനന്തപുരത്ത് വ്യത്യസ്ത വിഭവങ്ങൾ ലഭിക്കുന്ന മികച്ച 251 രുചിയിടങ്ങൾ

തയ്യാറാക്കിയത് – വിഷ്ണു എ എസ്, പ്രഗതി. തിരുവനന്തപുരം. അനന്തശായിയായ ഞങ്ങടെ ശ്രീ.പത്മനാഭന്റെയും ആറ്റുകാൽ അമ്മച്ചിയുടേയും വാലും തലയും നോക്കാത്ത ഒരുപിടി മനുഷ്യരുടെയും നാട്. അതിലുപരി കുറച്ചേറെ മനുഷ്യസ്നേഹികളുടെയും ശാപ്പാട്ടുരാമന്മാരുടെയും നാട്. പൊതുവേ തിരുവനന്തപുരത്തെക്കുറിച്ചുള്ള പരാതിയാണ് നല്ല ഭക്ഷണശാലകൾ കുറവെന്നത്. ചുമ്മാതാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post