ഉക്രയുടെ കല്യാണത്തിന് പൊക്രയിലേക്ക്… നേപ്പാളിലെ ഞങ്ങളുടെ അവസാന കറക്കം….

Total
0
Shares

കാഠ്‌മണ്ഡുവിലെ യോദ്ധ സിനിമയുടെ ലൊക്കേഷനുകളൊക്കെ സന്ദർശിച്ച ശേഷം ഞങ്ങൾ പിന്നീട് പൊഖ്‌റ എന്ന സ്ഥലത്തേക്ക് ആയിരുന്നു പോയത്. കാഠ്‌മണ്ഡുവിൽ നിന്നും ഏകദേശം 200 കിലോമീറ്ററോളം ദൂരമുണ്ട് പൊഖ്‌റയിലേക്ക്. ആറു മണിക്കൂറോളം നേരത്തെ യാത്രയ്ക്കു ശേഷമാണ് ഞങ്ങൾ കാഠ്‌മണ്ഡുവിൽ നിന്നും പൊഖ്‌റയിലേക്ക് എത്തിച്ചേർന്നത്. പൊഖ്‌റയിൽ എത്തിയ ഞങ്ങൾ അവിടെയുള്ള ‘ക്രൗൺ ഹിമാലയ’ എന്ന നല്ലൊരു ഹോട്ടലിൽ ആയിരുന്നു താമസിച്ചിരുന്നത്.

രാത്രിയിൽ വന്നു റൂമെടുത്ത് ഉറങ്ങിയ ഞങ്ങൾ രാവിലെ എഴുന്നേറ്റ് റൂമിന്റെ ജനലിലൂടെ പുറത്തേക്ക് നോക്കിയപ്പോൾ അമ്പരന്നു പോയി. യാത്രയിൽ ഇതുവരെ കണ്ട നേപ്പാളിന്റെ ദൃശ്യമായിരുന്നില്ല ഞങ്ങൾക്ക് അവിടെ കാണുവാൻ സാധിച്ചത്. അകലെ മഞ്ഞുമലകൾ… പഞ്ഞിക്കെട്ടുകൾ പോലെ മേഘക്കൂട്ടങ്ങൾ… ആഹാ അന്തസ്സ്…!! ഞങ്ങൾ ഉടനെ തന്നെ റെഡിയായി, ബ്രേക്ക് ഫാസ്റ്റോക്കെ കഴിച്ചതിനു ശേഷം പുറത്തേക്ക് കറങ്ങുവാൻ ഇറങ്ങി.

കാഠ്‌മണ്ഡുവിനേക്കാൾ ഭംഗിയുള്ള ഒരു സിറ്റിയായിരുന്നു പൊഖ്‌റ. നേപ്പാളിലെ പ്രധാനപ്പെട്ട ഒരു വിനോദസംഹാരകേന്ദ്രം കൂടിയാണിത്. അവിടെയുള്ള സാരംകോട്ട് എന്ന ഒരു മലയുടെ മുകളിലേക്ക് ആയിരുന്നു ഞങ്ങൾ ആദ്യം പോയത്. സ്ഥലമൊക്കെ കാണുവാൻ കിടിലനായിരുന്നെങ്കിലും അവിടത്തെ ആളുകളൊക്കെ ഒരു ടൈപ്പ് സ്വഭാവക്കാർ ആയിരുന്നു. അത് അവരുടെ ഡ്രൈവിംഗ് സംസ്ക്കാരത്തിൽ തന്നെ ഞങ്ങൾക്ക് വ്യക്തമായതാണ്. കയറ്റം കയറി വരുന്ന വാഹനങ്ങൾക്ക് മുൻഗണന കൊടുക്കണമെന്നാണല്ലോ ശരിക്കുള്ള ഡ്രൈവിംഗ് നിയമം. എന്നാൽ അവിടത്തുകാർക്ക് അതൊന്നും ബാധകമല്ല.

അങ്ങനെ കിടിലനൊരു ഹൈറേഞ്ച് യാത്രയ്ക്കു ശേഷം ഞങ്ങൾ സാരംകോട്ട് മലമുകളിലെ വ്യൂപോയിന്റിൽ എത്തി. മലമുകളിൽ നിന്നുള്ള കാഴ്ചകൾ വളരെ മനോഹരമായിരുന്നു. താഴെ അകലെയായി പൊഖ്‌റ എയർസ്ട്രിപ്പ് ഞങ്ങൾക്ക് ദൃശ്യമായി. പിന്നെ മറ്റൊരു സംഭവം കൂടിയുണ്ട് ആ മലമുകളിൽ… പാരാഗ്ലൈഡിംഗ്… മലമുകളിലൂടെ പറക്കുവാൻ ആഗ്രഹമുള്ളവർക്ക് അതിനും സൗകര്യമുണ്ട് അവിടെ. പക്ഷേ അതിനുള്ള റേറ്റ് അത്യാവശ്യം കത്തി തന്നെയായിരുന്നു. ഏകദേശം 6250 ഇന്ത്യൻ രൂപയായിരുന്നു അവിടെ പാരാഗ്ലൈഡിംഗിനു ഒരാൾക്ക് കൊടുക്കേണ്ട തുക.

ഈ യാത്ര ഒരപകടവും കൂടാതെ വിജയകരമായി പൂർത്തിയാക്കണം എന്നായിരുന്നു ഞങ്ങളുടെ ആഗ്രഹം. അതുകൊണ്ട് സാഹസിക ആക്ടിവിറ്റികളൊക്കെ ഞങ്ങൾ മാക്സിമം ചെയ്യാതെ നോക്കിയായിരുന്നു ഇതുവരെ എത്തിയത്. അതുകൊണ്ട് ഞങ്ങൾ പാരാഗ്ലൈഡിംഗ് സ്വപ്‌നങ്ങൾ മാറ്റിവെച്ചുകൊണ്ട് മറ്റുള്ളവർ പാരാഗ്ലൈഡിംഗ് ചെയ്യുന്നതു ആസ്വദിച്ചുകൊണ്ട് നിന്നു. ഹാരിസ് ഇക്കയ്ക്ക് പറക്കണമെന്നു നല്ല ആഗ്രഹമുണ്ടായിരുന്നുവെങ്കിലും ഭാരം താങ്ങില്ല എന്ന് അവർ പറഞ്ഞതു കാരണം പുള്ളിയും ആ മോഹം അടക്കി.

സാരംകോട്ട് വ്യൂപോയിന്റിൽ നിന്നും ഞങ്ങൾ പിന്നീട് പോയത് അവിടെയുള്ള ‘മഹേന്ദ്ര കേവ്’ എന്നു പേരുള്ള ഒരു ഗുഹ കാണുവാനായിരുന്നു. സാർക്ക് രാജ്യങ്ങളിലുള്ളവർക്ക് 80 രൂപയും മറ്റുള്ളവർക്ക് 150 രൂപയുമായിരുന്നു അവിടെ ടിക്കറ്റ് നിരക്ക്. ഞങ്ങൾ ടിക്കറ്റെടുത്തുകൊണ്ട് മഹേന്ദ്ര കേവിലേക്ക് നീങ്ങി. ഒരു മലയുടെ അടിയിലൂടെയുള്ള ഭൂർഗർഭ ഗുഹയായിരുന്നു മഹേന്ദ്ര കേവ്. ഞങ്ങൾ മുൻപ് മേഘാലയയിൽ കണ്ട ഗുഹകളേക്കാൾ വ്യത്യസ്തമായിരുന്നു ഈ ഗുഹ. ഭൂരിഭാഗം ഏരിയയിലും വെളിച്ചവും വീതിയുമൊക്കെ ഉണ്ടായിരുന്നതിനാൽ അധികം ഭയപ്പെടുത്തുന്ന തരത്തിലുള്ളതായിരുന്നില്ല മഹേന്ദ്ര കേവ്. തിരിച്ചിറങ്ങുന്ന ഏരിയയിലായിരുന്നു ഗുഹയുടെ വളരെ ഇടുങ്ങിയ ഭാഗങ്ങൾ. അവിടം കുറച്ചു ‘ഹെവി’ തന്നെയായിരുന്നു. ഹാരിസ് ഇക്കയും ഞാനുമൊക്കെ അതിലൂടെ കയറി വരുവാൻ നന്നായി ബുദ്ധിമുട്ടി.

ഇപ്പോൾ കണ്ട ഈ രണ്ടു സ്ഥലങ്ങളും കൊള്ളാമെങ്കിലും, അവിടെ ടൂറിസ്റ്റുകളെ പിഴിയുന്ന കച്ചവടക്കാർ ധാരാളം ഉണ്ടായിരുന്നത് ഞങ്ങൾക്ക് ഒരു നെഗറ്റീവ് ഫീൽ ആയിരുന്നു തന്നത്. എല്ലാ സാധനങ്ങൾക്കും MRP യേക്കാൾ ഇരട്ടി തുകയായിരുന്നു കച്ചവടക്കാർ ഈടാക്കിയിരുന്നത്. വളരെ മോശം കാര്യം തന്നെയാണത്. വളരെ കഷ്ടം തന്നെ. അങ്ങനെ സാരംകോട്ട് വ്യൂ പോയിന്റും, മഹേന്ദ്ര കേവും എക്‌സ്‌പ്ലോർ ചെയ്തു കഴിഞ്ഞു ഞങ്ങൾ തിരികെ റൂമിലേക്ക് യാത്രയായി. വളരെ മോശം അനുഭവങ്ങൾ നേരിടേണ്ടി വന്നതിനാൽ ഞങ്ങൾ നേപ്പാളിൽ അധിക ദിവസം തങ്ങുന്നതിൽ നിന്നും പിന്തിരിഞ്ഞു. അടുത്ത ദിവസം ഇന്ത്യയിലേക്ക് തിരികെ പോകുവാൻ ഞങ്ങൾ തീരുമാനിച്ചു.

Our Sponsors: 1) Dream Catcher Resort, Munnar: 9745637111. 2) SR Jungle Resort, Anaikatty: 9659850555, 8973950555. (Follow to get discounts: https://www.instagram.com/sr_jungle_resort_coimbatore/). 3) Goosebery Mens Apparel: http://goosebery.co.in(TECHTRAVELEAT എന്ന കൂപ്പൺ കോഡ് ഉപയോഗിച്ചാൽ 25% ഡിസ്‌കൗണ്ട് ലഭിക്കും). 4) Rotary Club Kochi United. 5) DBS Automotive: 97452 22566. 6) Kairali Ford: 81380 14455. Special Thanks to 1) Le Meridien, Kochi. 2) Redband Racing, Thrissur. 3) Nexus Communication, Penta Menaka, Kochi. 4) Royalsky Holidays – 9846571800.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post

തിരുവനന്തപുരത്തു നിന്നും ഒരു മണിക്കൂര്‍ കൊണ്ട് കാണാം ഈ വെള്ളച്ചാട്ടങ്ങള്‍…

മനസ്സു കുളിര്‍പ്പിക്കാന്‍ ഏതെങ്കിലും സ്ഥലങ്ങളിലേക്ക് യാത്ര പോകുവാന്‍ പ്ലാന്‍ ചെയ്യുന്നവരാണ് പലരും. അങ്ങനെയെങ്കില്‍ അധികമാരും അറിയാത്ത… തിരുവനന്തപുരത്തു നിന്നും ഒരു മണിക്കൂര്‍ മാത്രം യാത്രയുള്ള ഈ വെള്ളച്ചാട്ടങ്ങള്‍ ഒന്ന് സന്ദര്‍ശിച്ചാലോ? തൃപ്പരപ്പ് വെള്ളച്ചാട്ടം : തിരുവനന്തപുരത്തു നിന്നും 55 കിലോമീറ്റര്‍ മാത്രം…
View Post

ലണ്ടനിൽ നിന്നും ഇന്ത്യയിലെ കൽക്കട്ടയിലേക്ക് ഒരു ബസ് സർവ്വീസ്

ലോകത്തിലെ ഏറ്റവും നീളമുള്ള ബസ് റൂട്ട് ഏതായിരിക്കും? ഇപ്പോൾ സർവ്വീസ് നടത്തുന്നില്ലെങ്കിലും, ഇംഗ്ലണ്ടിലെ ലണ്ടനിൽ നിന്നും നമ്മുടെ ഇന്ത്യയിലെ കൽക്കട്ടയിലേക്ക് ഉണ്ടായിരുന്ന ബസ് സർവ്വീസ് ആണ് ലോകത്തിലെ ഏറ്റവും ദൈർഘ്യമേറിയ ബസ് റൂട്ടായി കണക്കാക്കപ്പെടുന്നത്. 1957 ലാണ് ലണ്ടൻ – കൽക്കട്ട…
View Post