പാലക്കാടിൻ്റെ സ്വന്തം രാമശ്ശേരി ഇഡ്ഡലിയുടെ നാടൻ രുചികൾ തേടിയുള്ള ഞങ്ങളുടെ യാത്ര

Total
4
Shares

പാലക്കാട് ധോണിയിലെ ലീഡ് കോളേജിലെ താമസത്തിനു ശേഷം അടുത്ത ദിവസം ഞങ്ങൾ മലമ്പുഴയ്ക്ക് അടുത്തുള്ള കവ എന്ന സ്ഥലത്തേക്കും പിന്നീട് അവിടെ നിന്നും പ്രശസ്തമായ രാമശ്ശേരി ഇഡ്ഡലി കഴിക്കുവാനുമായിരുന്നു പോയത്. ഞങ്ങളോടൊപ്പം ലീഡ് കോളേജിലെ പൂർവ്വ വിദ്യാർത്ഥികളും ഇന്ന് അവിടത്തെ സ്റ്റാഫുമായി മാറിയ സിജിനും സൂര്യയും കൂടി. അവരാണ് ഞങ്ങൾക്ക് വഴികാട്ടിയായത്.

ഒട്ടേറെ സിനിമകളുടെ ലൊക്കേഷനായ കവയിൽ വെള്ളം കയറിക്കിടന്നിരുന്നതിനാൽ അവിടെ അധികമൊന്നും ഞങ്ങൾക്ക് കാണുവാൻ സാധിച്ചില്ല. അവിടെയുള്ള ഒരു ജൈവ പച്ചക്കറിത്തോട്ടത്തിൽ നിന്നും പയറും, പാവയ്ക്കയും ഒക്കെ ഞാൻ വാങ്ങിച്ചു. കൃഷിക്കാരൻ ചേട്ടൻ നമ്മുടെ ഒരു ഫോളോവർ കൂടിയായിരുന്നു എന്നത് ഇരട്ടിമധുരമായി മാറി. കവയിൽ നിന്നും പിന്നീട് ഞങ്ങൾ രാമശ്ശേരി എന്ന ഗ്രാമം ലക്ഷ്യമാക്കി നീങ്ങി.

പാലക്കാടൻ ഫുഡ് വ്‌ളോഗറായ ഫിറോസ് ചുട്ടിപ്പാറയെ ഞാൻ പാലക്കാട് വന്നപ്പോൾത്തന്നെ വിളിച്ചിരുന്നു. ഒന്നിച്ച് രാമശ്ശേരി ഇഡ്ഡലി കഴിക്കുവാൻ പോകാം എന്ന് ഫിറോസ് സമ്മതിക്കുകയും ചെയ്തു. അങ്ങനെ ഞങ്ങൾ രാമശ്ശേരിയിൽ എത്തിച്ചേർന്നു. വികസനത്തിന്റെ പൊങ്ങച്ചം അധികമൊന്നും എത്താത്ത ഒരു തനിനാടൻ പാലക്കാടൻ ഗ്രാമമാണ് രാമശ്ശേരി. പാലക്കാട് ജില്ലയിൽ എലപ്പുള്ളി പഞ്ചായത്തിലാണ് രാമശ്ശേരി സ്ഥിതി ചെയ്യുന്നത്.

വളഞ്ഞും തിരിഞ്ഞുമുള്ള ചെറിയ ഇടവഴികളിലൂടെ യാത്ര ചെയ്തു അവസാനം ഞങ്ങൾ രാമശ്ശേരിയിൽ എത്തിച്ചേർന്നു. അവിടെ ഞങ്ങളെക്കാത്ത് ഫിറോസും സുഹൃത്തുക്കളും നിൽക്കുന്നുണ്ടായിരുന്നു. അവരോടൊപ്പം കുറച്ചു സമയം കുശലാന്വേഷണം നടത്തിയതിനു ശേഷം ഞങ്ങൾ രാമശ്ശേരി ഇഡ്ഡലി കഴിക്കുവാനായി നീങ്ങി. രാമശ്ശേരിയിൽ ഒന്നിലധികം ഇഢലിക്കടകളുണ്ട്. അതിൽ ഏറ്റവും പേരുകേട്ടത് ഭാഗ്യലക്ഷ്മി അമ്മയുടെ ഇഡ്ഡലി കടയായിരുന്നു. ഞങ്ങൾ അവിടേക്ക് നടന്നു.

കടയുടെ മുന്നിൽ കുറച്ചു വയസ്സായ ആളുകൾ വിശേഷങ്ങൾ പറഞ്ഞുകൊണ്ട് ഇരിക്കുന്നുണ്ടായിരുന്നു. മൊബൈൽഫോണും ഇന്റർനെറ്റും എന്തെന്നറിയാത്ത നിഷ്കളങ്കമായ ആ ആളുകൾ, അവരുടെ സൗഹൃദങ്ങൾ, വെറ്റിലമുറുക്കിയ പല്ലുകൾ കാട്ടിയുള്ള മനോഹരമായ ചിരികൾ… എല്ലാം സിറ്റിയിൽ നിന്നും വന്ന ഞങ്ങൾക്ക് ഒരത്ഭുതമായിരുന്നു. ഞങ്ങൾ ചെന്നപാടെ ഭാഗ്യലക്ഷ്മി അമ്മയെ ആയിരുന്നു അന്വേഷിച്ചത്. കടയിലുണ്ടായിരുന്ന ചേട്ടൻ സന്തോഷപൂർവ്വം ഞങ്ങളെ അടുക്കളഭാഗത്തേക്ക് വിളിച്ചു കൊണ്ട് പോകുകയും ഭാഗ്യലക്ഷ്മി അമ്മയെ പരിചയപ്പെടുത്തി തരികയും ചെയ്തു.

രാമശ്ശേരി ഇഡ്ഡലിയുടെ ചരിത്രം ഭാഗ്യലക്ഷ്മി അമ്മയുടെ നാവിൽ നിന്നും ഞങ്ങൾ കേട്ടു മനസ്സിലാക്കി. തമിഴ്നാട്ടില്‍ നിന്നും കുടിയേറിയ മുതലിയാര്‍ സമുദായത്തില്‍പ്പെട്ടവരാണ് രാമശ്ശേരിയിൽ വന്ന് ഈ സ്പെഷ്യൽ ഇഡ്ഡലിയുണ്ടാക്കിത്തുടങ്ങിയത്. ആദ്യം പാടത്ത് പണിയെടുക്കുന്ന തൊഴിലാളികൾക്കായി തുടങ്ങിയ ഇഡ്ഡലിക്കച്ചവടം പിന്നീട് ആവശ്യാനുസരണം വീടിനു മുന്നിലായി ഒരു ചെറിയ കട തയ്യാറാക്കി അവിടേക്ക് മാറ്റുകയായിരുന്നു. മാമ്പുള്ളി മുതലിയാർ എന്നൊരാളായിരുന്നു ഇവിടെ ആദ്യമായി ഇഡ്ഡലിക്കച്ചവടം ആരംഭിച്ചത്. പിന്നീട് ചിത്തിര മുതലിയാരും, ലോകനാഥൻ മുതലിയാരും കട നടത്തിപ്പോന്നു. ലോകനാഥൻ മുതലിയാരുടെ പത്നിയാണ് ഭാഗ്യലക്ഷ്മി അമ്മ. അദ്ദേഹത്തിൻ്റെ കാലശേഷം മുതൽ ഇന്നു വരെ കട നോക്കിനടത്തുന്നത് ആ അമ്മയാണ്.

രാമശ്ശേരി ഇഡ്ഡലിയുടെ പെരുമ നാടെങ്ങും അറിഞ്ഞു തുടങ്ങിയതോടെ ദൂരദേശങ്ങളിൽ നിന്നു പോലും ഇവിടേക്ക് ആളുകൾ എത്തുവാൻ തുടങ്ങി. ഈ ഇഡ്ഡലിക്കച്ചവടത്തിൽ നിന്നുള്ള വരുമാനം കൊണ്ടു മാത്രമായിരുന്നു ഭാഗ്യലക്ഷ്മി അമ്മ തൻ്റെ കുടുംബം പോറ്റിയത്. പെണ്മക്കളെ നല്ലരീതിയിൽ വിവാഹം കഴിച്ചയയ്ക്കുവാനും അമ്മയ്ക്ക് കഴിഞ്ഞു. അതിനിടയിൽ കട ഒന്നു ചെറുതായി മോടിപിടിപ്പിക്കുകയും സരസ്വതി ടീ സ്റ്റാൾ എന്ന് കടയ്ക്ക് പേര് നൽകുകയും ചെയ്തു.

പുലർച്ചെ അഞ്ചു മണിയോടെ തുടങ്ങുന്ന ഇഡ്ഡലിയുണ്ടാക്കൽ മിക്കവാറും ഉച്ച വരെ നീളാറുണ്ട്. പുറമെ നിന്നുള്ള ഓർഡറുകളായിരിക്കും ഇവർക്ക് അധികവും ഉണ്ടാകുക. സാധാരണ ദിവസങ്ങളിൽ ഏകദേശം അഞ്ഞൂറോളം ഇഡ്ഡലികൾ ഉണ്ടാക്കുന്നുണ്ട് ഇവിടെ. ശനി, ഞായർ ദിവസങ്ങളിൽ ആണെങ്കിൽ അത് രണ്ടായിരം വരെയൊക്കെ നീളാറുണ്ട്. ഒരു ഇഡ്ഡലി വേവാൻ മൂന്നു മിനിറ്റോളം എടുക്കും. ഇങ്ങനെ മണിക്കൂറിൽ 100 ഇഡ്ഡലി ഉണ്ടാക്കുവാൻ കഴിയും. ഭാഗ്യലക്ഷ്മിയമ്മയ്ക്ക് സഹായത്തിനായി സമീപവാസികളായ രണ്ടു ചേച്ചിമാരും രണ്ടു ചേട്ടന്മാരും ഉണ്ട്. ചേട്ടന്മാർ കടയിലെ കാര്യങ്ങൾ നോക്കുമ്പോൾ അടുക്കളയിലെ കാര്യങ്ങളിൽ സഹായിക്കുന്നത് ഈ ചേച്ചിമാർ ആയിരിക്കും.

രാമശ്ശേരി ഇഡ്ഡലിയുടെ ചരിത്രം ഇപ്പോൾ മനസിലായില്ലേ? അപ്പോൾ രുചി എങ്ങനെയുണ്ടാകും? നല്ല സ്വാദുള്ള രാമശ്ശേരി ഇഡ്ഡലി അതിനൊപ്പം വിളമ്പുന്ന ചമ്മന്തിപ്പൊടിയിലും, മറ്റു ചമ്മന്തികളിലും മുക്കി നാവിലേക്ക് വെക്കുമ്പോൾ കിട്ടുന്ന ആ ഒരു രുചിപ്പെരുമയുണ്ടല്ലോ, അത് ഒരിക്കൽ അനുഭവിച്ചാൽ പിന്നെ എപ്പോൾ പാലക്കാട് വഴി പോയാലും വണ്ടി രാമശ്ശേരിയിലേക്ക് താനേ തിരിക്കും. കൂടുതലൊന്നും പറയുന്നില്ല, അത് നിങ്ങൾ ഇവിടെ വന്നു കഴിച്ചു നോക്കി, അനുഭവിച്ചറിയുക തന്നെ വേണം.

മൂന്നു ദിവസത്തോളം യാതൊരു കേടുംകൂടാതെ സൂക്ഷിക്കാം എന്നാണു പറയുന്നതെങ്കിലും ഇന്നത്തെ കാലത്തേ അരിയുടെ ഗുണമേന്മയെ മുൻനിർത്തി 24 മണിക്കൂർ ഗ്യാരന്റി മാത്രമേ ഇവർ നല്‍കാറുള്ളൂ. സാധാരണ ഇഡ്ഡലിയുടെ ആകൃതിയല്ല ഇവയ്ക്ക്. പരന്ന ചെറിയ അപ്പത്തിന്റെ ആകൃതിയാണ്. പൊന്നി അരിയും ഉഴുന്നും ചേർത്ത് പ്രത്യേക തരം മൺചട്ടികളിലാണ് ഇവ നിർമ്മിക്കുന്നത്. ഇഡ്ഡലിയുടെ നിർമ്മാണരഹസ്യം ഭാഗ്യലക്ഷ്മിയമ്മ അടക്കമുള്ള രാമശ്ശേരിയിലെ അഞ്ചോളം കുടുംബക്കാർക്ക് മാത്രം സ്വന്തം.

അങ്ങനെ രാമശ്ശേരി ഇഡ്ഡലിയുടെ സ്വാദ് അവിടെച്ചെന്ന് അറിയുക എന്ന വളരെക്കാലമായി മനസ്സിൽ കൊണ്ടുനടന്നിരുന്ന ഒരു ആഗ്രഹം ഞാൻ പൂർത്തിയാക്കി. അതിനു കടപ്പെട്ടിരിക്കുന്നത് സിജിനോടും, സൂര്യയോടും, ഫിറോസിനോടും പിന്നെ ഫിറോസിന്റെ സുഹൃത്തായ ഷിനുവിനോടുമൊക്കെയാണ്. രാമശ്ശേരി ഇഡ്ഡലിയും, അവിടത്തെ സ്പെഷ്യൽ ചമ്മന്തിപ്പൊടിയും ചമ്മന്തികളുമൊക്കെ കഴിച്ചു ഞങ്ങൾ ഭാഗ്യലക്ഷ്മി അമ്മയോട് യാത്രപറഞ്ഞുകൊണ്ട് സന്തോഷത്തോടെ, സംതൃപ്തിയോടെ അവിടെ നിന്നും ഇറങ്ങി.

പിന്നീട് ഞങ്ങൾ പോയത് ഫിറോസിന്റെ നാടായ ചുട്ടിപ്പാറയിലേക്ക് ആയിരുന്നു. രാമശ്ശേരിയേക്കാൾ പ്രകൃതിഭംഗിയുള്ള ഒരു ഗ്രാമപ്രദേശമായിരുന്നു ചുട്ടിപ്പാറ. ഫിറോസും കൂട്ടരും ഒന്നിച്ചു പാടത്തും പറമ്പിലുമൊക്കെ ഭക്ഷണം പാകം ചെയ്യുന്നതൊക്കെ നിങ്ങൾ കണ്ടിരിക്കുമല്ലോ. ആ പ്രദേശങ്ങളൊക്കെ കാണുവാനായിരുന്നു ഞങ്ങൾ ചുട്ടിപ്പാറയിലേക്ക് പോയത്. അവിടെ കുറച്ചു സമയം ചെലവഴിച്ചതിനു ശേഷം ഞങ്ങൾ പിന്നീട് അടുത്ത പാലക്കാടൻ കാഴ്ചകൾ കാണുവാനായി യാത്രയായി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post