സിനിമയിലും ടെലിവിഷനിലും ഒപ്പം മോരു കടയിലും താരമായി ഒരു പെൺകുട്ടി…

Total
0
Shares

ആലപ്പുഴ ജില്ലയിലെ ഹരിപ്പാട് സുബ്രഹ്മണ്യ ക്ഷേത്രത്തിനു സമീപത്തായി ഒരു ചെറിയ കടയുണ്ട്. സർബ്ബത്ത്, സംഭാരം, ഉപ്പിലിട്ട ഐറ്റങ്ങൾ തുടങ്ങിയവ ലഭിക്കുന്ന ഒരു കട. ഈ കടയ്ക്ക് ഒരു പ്രത്യേകതയുണ്ട്, വേറൊന്നുമല്ല ഈ കടയുടെ സാരഥി ഒരു പെൺകുട്ടിയാണ്. എം.എ. പഠനം കഴിഞ്ഞു നിൽക്കുന്ന സ്നേഹയാണ് ഈ കടയുടെ പ്രധാന ആകർഷണം.

പള്ളിപ്പാട് സ്വദേശിയായ സ്നേഹയും അമ്മ വിജയമ്മയും ഹരിപ്പാട് ക്ഷേത്രത്തിനു സമീപത്ത് ഈ കട ആരംഭിച്ചിട്ട് ഇപ്പോൾ ആറു വർഷത്തോളമായി. അതിനു മുൻപ് ഹരിപ്പാട് കോടതി വളപ്പിൽ മൂന്നു വർഷത്തോളം കച്ചവടം നടത്തിയിരുന്നു. സ്നേഹ കോളേജിൽ പോകുന്ന സമയത്തെല്ലാം അമ്മയായിരുന്നു കടയുടെ മേൽനോട്ടം വഹിച്ചിരുന്നത്. ഹരിപ്പാട് നിന്നും സ്നേഹ പഠനത്തിനായി ദിവസേന എറണാകുളത്ത് പോകുമായിരുന്നു. ട്രെയിൻ മാർഗ്ഗമായിരുന്നു യാത്രകൾ. കോളേജ് കഴിഞ്ഞു നേരെ റെയിൽവേ സ്റ്റേഷനിലേക്ക് ഓടുകയും ട്രെയിൻ പിടിച്ചു ഹരിപ്പാട് എത്തി അമ്മയുമായി കടയടച്ച ശേഷം വീട്ടിലേക്ക് പോകുകയുമായിരുന്നു. ക്ലാസ്സ് ഇല്ലാത്ത സമയങ്ങളിൽ ഫുൾ ടൈം സ്നേഹ കടയിൽത്തന്നെയുണ്ടാകും.

അമ്മ വിജയമ്മയാണ് കടയിൽ വിൽക്കുന്ന വിഭവങ്ങൾ തയ്യാറാക്കുന്നത്. സ്നേഹയുടെ കടയിൽ നിന്നും ഒരു തവണ ഏതെങ്കിലും വാങ്ങിയിട്ടുള്ളവർ തീർച്ചയായും വീണ്ടും വീണ്ടും അത് വാങ്ങുവാനായി ആഗ്രഹിക്കും. പ്രത്യേകിച്ച് മോര് സോഡാ, സംഭാരം, സർബത്ത്, ഉപ്പിലിട്ട ഐറ്റങ്ങൾ തുടങ്ങിയവ. കാര്യങ്ങൾ ഇങ്ങനൊക്കെയാണെങ്കിലും സ്നേഹ പ്രശസ്തയായിരിക്കുന്നത് മറ്റു ചില കാര്യങ്ങൾ കൊണ്ടുകൂടിയുമാണ്.

പഠനത്തിനിടയിലും കച്ചവടം നോക്കുന്നതിനിടയിലും സ്നേഹ തൻ്റെ കലാപരമായ കഴിവുകൾക്ക് നിറം പകരുവാനും ശ്രദ്ധിച്ചിരുന്നു. അതിന്റെ ഫലമായി മഹാരാജാസ് കോളേജിൽ പഠിച്ചുകൊണ്ടിരുന്നപ്പോൾ സ്നേഹ ഒരു ഫിലിം ഒഡിഷനു പോകുകയും സെലക്ഷൻ ലഭിക്കുകയും ചെയ്തു. അങ്ങനെ സ്നേഹ ആദ്യമായി മമ്മൂട്ടിയുടെ കൂടെ ‘ബാല്യകാലസഖി’ എന്ന ചിത്രത്തിൽ അഭിനയിക്കുകയുണ്ടായി. അതിനുശേഷം ചില ടിവി സീരിയലുകളിലും സ്നേഹ അഭിനയിച്ചിട്ടുണ്ട്. കൂടാതെ ഫ്‌ളവേഴ്‌സ് ചാനലിലെ കോമഡി സൂപ്പർ നൈറ്റ് പ്രോഗ്രാമിൽ പങ്കെടുക്കുകയും ചെയ്തിട്ടുണ്ട്. ഇങ്ങനെയൊക്കെയാണെങ്കിലും സ്നേഹ തനി നാട്ടിൻപുറത്തുകാരി തന്നെയാണ്. ഇത്രയും കാലം തന്നെയും കുടുംബത്തെയും പോറ്റിയ കടയെ ജീവിതത്തിൽ നിന്നും മാറ്റിനിർത്തുവാൻ സ്നേഹ തയ്യാറായില്ല. സൗമ്യമായി പെരുമാറുകയും വിശേഷങ്ങൾ തിരക്കുകയുമൊക്കെ ചെയ്തുകൊണ്ട് കടയിൽ വരുന്നവരുടെ മനസ്സു കീഴടക്കാറുണ്ട് ഈ മിടുക്കി. വനിതാ ദിനത്തിലും മറ്റുമൊക്കെ സ്‌നേഹയെക്കുറിച്ചുള്ള വാർത്തകൾ വിവിധ മാധ്യമങ്ങളിൽ വന്നിരുന്നു.

പൊതുപ്രവർത്തനം ഏറെയിഷ്ടപ്പെടുന്ന സ്നേഹയ്ക്ക് കോളേജിൽ അത്യാവശ്യം വിദ്യാർത്ഥി രാഷ്ട്രീയ പ്രവർത്തനങ്ങളുമൊക്കെ ഉണ്ടായിരുന്നു. കഴിഞ്ഞ വർഷം പ്രളയം വന്നപ്പോൾ എല്ലാവർക്കും സഹായമെത്തിക്കുവാനും മറ്റുമൊക്കെ പരിശ്രമിച്ചവരിൽ സ്നേഹയും ഉണ്ടായിരുന്നു. സ്നേഹയുടെ ജീവിതത്തിൽ ഏറ്റവും വഴിത്തിരിവായ ഒരു സംഭവമായിരുന്നു പ്രളയം. കാരണം പ്രളയത്തോടൊപ്പം സ്നേഹയ്ക്ക് ലഭിച്ചത് ഒരു പ്രണയം കൂടിയായിരുന്നു. പ്രളയദുരിത ബാധിതർക്ക് സഹായമെത്തിക്കുവാൻ രാപകലില്ലാതെ ഓടിനടന്ന പെൺകുട്ടിയോട് ഒരു യുവഡോക്ടർക്ക് തോന്നിയ ആദരവ് പിന്നീട് പരിശുദ്ധ പ്രണയത്തിലേക്ക് വഴിമാറുകയായിരുന്നു. കൊല്ലം ജില്ലയിലെ ചവറ സ്വദേശിയായ ഡോ. സുജയ് യുമായുള്ള സ്നേഹയുടെ വിവാഹനിശ്ചയം കഴിഞ്ഞയിടയ്ക്ക് നടന്നേയുള്ളൂ. അടുത്ത ചിങ്ങത്തിലാണ് ഇവരുടെ വിവാഹം. വിവാഹശേഷം സ്നേഹയ്ക്ക് ഹരിപ്പാട് നിന്നും വിട്ടു നിൽക്കേണ്ടി വരുമെങ്കിലും ഇപ്പോഴുള്ള ഈ കട നടത്തിക്കൊണ്ടു പോകുവാനാണ് സ്നേഹയുടെ അമ്മയുടെ പ്ലാൻ. സമയം കിട്ടുമ്പോഴൊക്കെ സ്നേഹയ്ക്കും തൻ്റെ പഴയ തട്ടകത്തിലേക്ക് വരികയും ചെയ്യാം.

സിനിമയിലും സീരിയലിലും ഒക്കെ അഭിനയിക്കുന്ന ഈ MA പൊളിറ്റിക്സ് ബിരുദാനന്തര ബിരുദധാരിക്ക് ജീവിതത്തോടുള്ള ആറ്റിറ്റിയൂഡ് എല്ലാവർക്കും ഇഷ്ടപ്പെടുന്നതാണ്. പുതിയ തലമുറയിലെ കുട്ടികൾക്ക് സ്നേഹ ഒരു ഉത്തമ മാതൃകയാണ്. ജീവിതം മുന്നോട്ടു കൊണ്ടുപോകുവാനായി മാന്യമായ എന്തു ജോലിയും ചെയ്യാൻ തയ്യാറാകണം നമ്മൾ. ഒരിക്കൽ ജീവിത വിജയം തനിയെ നമ്മളെ തേടിയെത്തും. സ്നേഹയ്ക്ക് എല്ലാവിധ മംഗളാശംസകളും നേരുന്നു…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

കേരളത്തിൽ ടൂറിസം ഉണരുന്നു; തുറന്ന ടൂറിസം സെന്ററുകൾ ഇവയാണ്

കോവിഡ് മഹാമാരിയെ തുടര്‍ന്ന് അടച്ചിട്ടിരുന്ന വനംവകുപ്പിന് കീഴിലുള്ള ഇക്കോ ടൂറിസം സെന്ററുകള്‍ കഴിഞ്ഞ ദിവസം മുതല്‍ സഞ്ചാരികള്‍ക്കായി തുറന്നു നല്‍കി. പരിഷ്‌കരിച്ച കോവിഡ് മാനദണ്ഡങ്ങള്‍ കര്‍ശനമായി പാലിച്ചുകൊണ്ടായിരിക്കും സെന്ററുകള്‍ പ്രവര്‍ത്തിക്കുക. ഇത്തരത്തിൽ തുറന്നിരിക്കുന്ന ടൂറിസം സെന്ററുകളുടെ വിവരങ്ങൾ ജില്ല തിരിച്ച് താഴെ…
View Post