നേപ്പാളിൽ നിന്നും ദുർഘടം പിടിച്ച റോഡിലൂടെ തിരികെ ഇന്ത്യയിലേക്ക്…

Total
0
Shares

നേപ്പാൾ എന്ന ആ സുന്ദരമായ രാജ്യത്തേക്ക് പോകുമ്പോൾ ഒട്ടേറെ പ്രതീക്ഷകളായിരുന്നു ഞങ്ങൾക്ക് ഉണ്ടായിരുന്നത്. നേപ്പാളിൽ നിന്നും ഞങ്ങൾക്ക് ഉണ്ടായ നല്ലതും ചീത്തയുമായ അനുഭവങ്ങളാണ് ഈ യാത്രയിലൂടെ നിങ്ങളുടെ മുന്നിലേക്ക് എത്തിക്കുന്നത്. നേപ്പാളിൽ നിന്നും സോണാലി ബോർഡർ വഴി ഇന്ത്യയിലേക്ക് ഇറങ്ങി കാശ്മീരിനെ ലക്ഷ്യമാക്കിയുള്ള ഞങ്ങളുടെ യാത്ര ഇവിടെ ആരംഭിക്കുകയാണ്.

നേപ്പാളിൽ നിന്നും നേരെ കശ്മീരിലെ ശ്രീനഗറിലേക്ക് ആയിരുന്നു ഞങ്ങളുടെ യാത്ര. ഏകദേശം 2000 കിലോമീറ്ററുകൾ താണ്ടി വേണം ഞങ്ങൾക്ക് ശ്രീനഗറിൽ എത്തുവാൻ. ഒറ്റയടിയ്ക്ക് ഏതായാലും ഡ്രൈവ് ചെയ്യുവാൻ സാധിക്കില്ല. പോകുന്ന വഴിയിൽ ആഗ്രയിലോ മറ്റോ തങ്ങാം എന്നാണു ഞങ്ങൾ പ്ലാൻ ചെയ്തിരുന്നത്. അങ്ങനെ രാവിലെ എട്ടരയോടെ ഞങ്ങൾ നേപ്പാളിൽ നിന്നും ഇന്ത്യയിലേക്ക് യാത്ര തുടങ്ങി.

ട്രെക്കിംഗിന് ഏറ്റവും അനുയോജ്യമായ സ്ഥലമായിരുന്നു നേപ്പാൾ. പൊതുവെ നേപ്പാളിനെക്കുറിച്ച് ആരും മോശം അഭിപ്രായം പറഞ്ഞു കേട്ടിട്ടുണ്ടായിരുന്നില്ല. എന്നാൽ വളരെ പ്രതീക്ഷകളോടെ അവിടേക്ക് പോയ ഞങ്ങൾക്ക് ചൂഷണത്തിന്റെ മറ്റൊരു മുഖമാണ് അവിടെ കാണുവാൻ സാധിച്ചത്. ഭൂട്ടാനിൽ കയറിയ സമയത്തു തന്നെ അത് ഞങ്ങൾക്ക് മനസ്സിലായതാണ്. ഇമിഗ്രെഷനിൽ ഉണ്ടായിരുന്ന കൈക്കൂലി ചോദിച്ചു വാങ്ങുന്ന ഉദ്യോഗസ്ഥൻ മുതൽ വഴിയരികിലെ പെട്ടിക്കടക്കാരൻ വരെ ഞങ്ങളെ നന്നായി പറ്റിച്ചു. വേറെ വഴിയില്ലാതിരുന്നതിനാൽ അറിഞ്ഞുകൊണ്ടു തന്നെ ഞങ്ങൾ ആ പറ്റിപ്പിനു ഇരയായി നിന്നുകൊടുക്കേണ്ടി വരികയും ചെയ്തു.

എന്നാൽ ഇതിനിടയിലും ഞങ്ങളെ നല്ല രീതിയിൽ സ്വാധീനിച്ച ധാരാളം ആളുകളും ഉണ്ടായിട്ടുണ്ട് അവിടെ. രാത്രിയിൽ കാഠ്മണ്ഡുവിലേക്ക് വരുന്നതിനിടെ രാത്രി വളരെ വൈകിയ സമയത്ത് ഭക്ഷണം കഴിക്കുവാനായി ഒരു ഹോട്ടൽ തപ്പി നടക്കുകയായിരുന്നു. അവസാനം അടക്കുവാൻ തുടങ്ങുകയായിരുന്നു ഒരു ചെറിയ ഹോട്ടലുകാർ ഞങ്ങൾക്കുവേണ്ടി പ്രത്യേകമായി ആഹാരം ഉണ്ടാക്കി തരികയുണ്ടാക്കി. നല്ല ഭക്ഷണവും ആയിരുന്നു അത്. വിലയോ വളരെ കുറവും.

അതുപോലെ തന്നെ സ്വയംഭൂനാഥ് ക്ഷേത്രത്തിൽ ഞങ്ങളുടെ വണ്ടിയ്ക്ക് പാർക്കിംഗ് കിട്ടാതിരുന്നപ്പോൾ ഒരു കടക്കാരൻ, അയാളുടെ കടയുടെ മുന്നിൽ സ്ഥലമുണ്ടാക്കി ഞങ്ങൾക്ക് കാർ പാർക്ക് ചെയ്യുവാൻ ഇടം തരികയുണ്ടായി. അതിനു പകരമായി ഹാരിസിക്ക 100 രൂപ അദ്ദേഹത്തിന് കൊടുത്തിരുന്നുവെങ്കിലും സ്നേഹത്തോടെ പുള്ളി അത് നിരസിക്കുകയാണ് ഉണ്ടായത്. ചൂഷണങ്ങൾക്കിടയിലും നല്ല മനുഷ്യരെ ഞങ്ങൾക്ക് നേപ്പാളിൽ കാണുവാൻ സാധിച്ചു എന്നത് എടുത്തുപറയേണ്ട കാര്യം തന്നെ. ടൂറിസ്റ്റുകളെ പച്ചയ്ക്ക് പിഴിഞ്ഞു ജീവിക്കുന്ന ഭൂരിഭാഗം ആളുകളും ആ രാജ്യത്തിൻറെ വെളിച്ചം കെടുത്തുകയാണ് ചെയ്യുന്നത്. ഇതൊക്കെ വെച്ചു നോക്കുമ്പോൾ ഭൂട്ടാൻ ഒരു സ്വർഗ്ഗം തന്നെയാണ്.

മോശം റോഡുകളിലൂടെ മണിക്കൂറുകൾ നീണ്ട യാത്രയ്ക്ക് ഒടുവിൽ ഞാൻ ഡ്രൈവിംഗ് സീറ്റ് ഹാരിസ് ഇക്കയ്ക്ക് കൈമാറി. പിന്നീട് അങ്ങോട്ട് ഹാരിസ് ഇക്കയായിരുന്നു ഡ്രൈവിംഗ് സീറ്റിൽ. ഉത്തർ പ്രദേശ് – നേപ്പാൾ ബോർഡറായ സോണോലി വഴിയായിരുന്നു ഞങ്ങൾ ഇന്ത്യയിലേക്ക് കയറിയത്. അതിർത്തിയിലേക്ക് എത്തിയപ്പോൾ റോഡുകൾ കുറച്ചു കൂടി മികച്ചതാകുവാൻ തുടങ്ങി.

അതിർത്തിയിൽ നേപ്പാൾ ചെക്ക്പോസ്റ്റിൽ ഞങ്ങളുടെ പെർമിറ്റുകളെല്ലാം ചെക്ക് ചെയ്യുന്നതിനിടയിൽ ഒരു ദിവസം എക്സ്ട്രാ വന്നതായി കണ്ടെത്തി. അതായത് അഞ്ച് ദിവസത്തേക്ക് ആയിരുന്നു പെർമിറ്റ് എടുത്തിരുന്നത്, എന്നാൽ ഞങ്ങൾ തിരികെ ബോർഡറിൽ എത്തിയപ്പോൾ ആറാം ദിവസത്തിലേക്ക് കടന്നിരുന്നു. അതിനു എക്ട്രാ 1500 രൂപ ഫീസ് കൊടുക്കേണ്ടി വരും. എന്നാൽ 800 നേപ്പാളി രൂപ കൈക്കൂലി വാങ്ങി ആ ഉദ്യോഗസ്ഥൻ പിഴ ഈടാക്കാതെ ഞങ്ങളെ അതിർത്തി കടത്തി. സത്യത്തിൽ 1500 രൂപ പിഴ കൊടുക്കാനാണ് ഞങ്ങൾ പണം നൽകിയത്. എന്നാൽ 800 രൂപ കൈക്കൂലി എടുത്തശേഷം (അതാകുമ്പോൾ ബില്ലൊന്നും വേണ്ടല്ലോ) ബാക്കി തുക ഞങ്ങൾക്ക് തിരികെ നൽകിയിട്ട് പൊയ്‌ക്കോളാനാണ് ആ ഉദ്യോഗസ്ഥൻ പറഞ്ഞത്. എന്തൊക്കെ ആചാരങ്ങൾ.. അല്ലേ?

അങ്ങനെ ഞങ്ങൾ നേപ്പാളിൽ നിന്നും ഇന്ത്യയിലേക്ക് കയറി. ഇന്ത്യൻ ചെക്ക്പോസ്റ്റിൽ ഞങ്ങളുടെ വാഹനവും ബാഗുകളുമെല്ലാം പരിശോധിച്ചതിനു ശേഷം സെക്യൂരിറ്റി ഉദ്യോഗസ്ഥർ ഞങ്ങളെ പോകുവാൻ അനുവദിച്ചു. കൈക്കൂലിയുടെ പരിപാടി നമ്മുടെ ചെക്ക്‌പോസ്റ്റിൽ കണ്ടില്ല. അങ്ങനെ അഞ്ചു ദിവസങ്ങൾക്കു ശേഷം ഞങ്ങൾ വീണ്ടും ഇന്ത്യൻ റോഡിലൂടെ യാത്ര തുടങ്ങി. രാത്രി വൈകിയാണെങ്കിലും ഡൽഹിയിലോ ആഗ്രയിലോ എത്തണം എന്നായിരുന്നു ഞങ്ങളുടെ പ്ലാൻ. അങ്ങനെ യാത്ര തുടർന്നു…

Our Sponsors: 1) Dream Catcher Resort, Munnar: 9745637111. 2) SR Jungle Resort, Anaikatty: 9659850555, 8973950555. (Follow to get discounts: https://www.instagram.com/sr_jungle_resort_coimbatore/). 3) Goosebery Mens Apparel: http://goosebery.co.in(TECHTRAVELEAT എന്ന കൂപ്പൺ കോഡ് ഉപയോഗിച്ചാൽ 25% ഡിസ്‌കൗണ്ട് ലഭിക്കും). 4) Rotary Club Kochi United. 5) DBS Automotive: 97452 22566. 6) Kairali Ford: 81380 14455. Special Thanks to 1) Le Meridien, Kochi. 2) Redband Racing, Thrissur. 3) Nexus Communication, Penta Menaka, Kochi. 4) Royalsky Holidays – 9846571800.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post