ഷില്ലോംഗിൽ നിന്നും ചിറാപ്പുഞ്ചിയിലേക്കുള്ള ഒരിക്കലും മറക്കാൻ കഴിയാത്ത യാത്ര

Total
0
Shares

കഴിഞ്ഞ കുറച്ചു ദിവസങ്ങളായി മേഘാലയയിലെ RI Kanaan Guest House ൽ ആയിരുന്നു ഞങ്ങളുടെ താമസം. INB ട്രിപ്പിനിടയിൽ ഇത്രയും ദിവസം ഒരേ സ്ഥലത്തു തന്നെ താമസിക്കുന്നത് ഇതാദ്യമായിട്ടായിരുന്നു. ഈ ദിവസങ്ങളിൽ റിസോർട്ട് ഉടമ വിവേക്, സുഹൃത്തുക്കളായ പങ്കജ്, ജെയിംസ് എന്നിവരെല്ലാം ഞങ്ങളെ വളരെയധികം സഹായിച്ചിരുന്നു. അങ്ങനെ അവരോടെല്ലാം നന്ദി പറഞ്ഞുകൊണ്ട് അവിടെ നിന്നും യാത്രയായി. മേഘാലയയിൽ ട്രിപ്പ് വരുന്നവർക്ക് താമസിക്കുവാൻ പറ്റിയ ഒരു മികച്ച സ്ഥലമാണ് ഷില്ലോംഗിനു കുറച്ചു മുൻപായുള്ള RI Kanaan Guest House. To contact, RI Kanaan Guest House: ,9562348253, 9774365447.

ഷില്ലോംഗിൽ നിന്നും ചിറാപ്പുഞ്ചിയിലേക്ക് ആയിരുന്നു ഞങ്ങളുടെ യാത്ര. വഴി നീളെ വാഹനങ്ങളെല്ലാം കിടിലൻ മോഡിഫിക്കേഷൻ നടത്തി നിരത്തിലൂടെ ഓടുന്ന കാഴ്ച ഞങ്ങൾക്ക് വളരെ അത്ഭുതകരമായിരുന്നു. കാരണം അത്തരത്തിൽ മോഡിഫിക്കേഷൻ നടത്തി നമ്മുടെ നാട്ടിലൂടെ വണ്ടിയോടിച്ചാൽ മോട്ടോർ വാഹനവകുപ്പ് എപ്പോൾ പൊക്കി എന്നു ചോദിച്ചാൽ മതി. അങ്ങനെ ഞങ്ങൾ ചാറ്റൽ മഴയും കോടമഞ്ഞുമൊക്കെ മറികടന്നുകൊണ്ട് യാത്ര തുടർന്നു. കുറച്ചു കഴിഞ്ഞപ്പോൾ മഴയും മഞ്ഞുമൊക്കെ മാറി നല്ല തെളിഞ്ഞ കാലാവസ്ഥയായി.

ചിറാപ്പുഞ്ചി ഭാഗത്തേക്ക് പോകുന്ന വഴിയിൽ ഞങ്ങൾ ഒരു വ്യത്യസ്തമായ പാലം കണ്ടു. ‘മോക്ക്ഡോക്ക് ഡിംപെപ്പ്’ എന്നായിരുന്നു ആ പാലത്തിന്റെ പേര് എന്ന് ഞങ്ങൾ അവിടെ ആളുകളോട് ചോദിച്ചു മനസ്സിലാക്കുകയുണ്ടായി. പണ്ട് അവിടെ ഒരു തൂക്കുപാലമായിരുന്നു ഉണ്ടായിരുന്നത്. പിന്നീട് പുതുക്കി പണിതതാണ് ഇപ്പോൾ കാണുന്ന ഈ പാലം. പഴയ തൂക്കുപാലത്തിൻ്റെ ഓർമ്മയ്ക്കായി അതിൻ്റെ തൂക്കു കേബിളുകളൊക്കെ ഇന്നും പാലത്തിന്റെ വശങ്ങളിൽ നമുക്ക് കാണാവുന്നതാണ്.

മേഘാലയയിൽ കണ്ട ഞങ്ങൾക്ക് ഇഷ്ടപ്പെടാത്ത ഒരു കാര്യം അവിടെ വിവിധ സ്ഥലങ്ങളിലായി കണ്ട പാറ ഖനനം ആയിരുന്നു. ധാരാളം മലകളും കുന്നുകളുമൊക്കെ ഇത്തരത്തിൽ തുരന്നെടുത്തിരിക്കുന്ന കാഴ്ച വഴിയരികിൽ ഞങ്ങൾ പലയിടങ്ങളിലായി കണ്ടതാണ്. എന്തു പറയാൻ? മനുഷ്യൻ പ്രകൃതിയെ ചൂഷണം ചെയ്യുന്നു. കാലങ്ങൾക്കപ്പുറം നിങ്ങൾ ഈ വീഡിയോയിലൂടെ കണ്ട മനോഹരങ്ങളായ കാഴ്ചകൾ ആയിരിക്കും മേഘാലയയിൽ ഉണ്ടാകുക എന്ന് ഉറപ്പു പറയാൻ പറ്റില്ല. അങ്ങനെ സംഭവിക്കാതിരിക്കട്ടെ.

‘മോക്ക്ഡോക്ക് ഡിംപെപ്പ്’ പാലത്തിനു അപ്പുറത്തായി ഒരു കിടിലൻ വ്യൂ പോയിന്റ് ഉണ്ടായിരുന്നു. ഞങ്ങൾ അവിടെയും വണ്ടി നിർത്തി കാഴ്ചകൾ ആസ്വദിച്ചു. അവിടുന്ന് ചിറാപ്പുഞ്ചിയിലേക്ക് ഏകദേശം 30 കിലോമീറ്ററോളം ദൂരമുണ്ടായിരുന്നു. ചിറാപ്പുഞ്ചിയിൽ ഞങ്ങൾ മൂന്നു ദിവസത്തോളം താമസിക്കുവാൻ ആയിരുന്നു പ്ലാൻ ഇട്ടിരുന്നത്. ഇത്രയും ദിവസം ഞങ്ങൾക്ക് അവിടെ തങ്ങുവാനായി ഹോംസ്റ്റേകൾ തിരഞ്ഞെടുക്കുവാനായിരുന്നു ഞങ്ങൾ തീരുമാനിച്ചിരുന്നത്.

ചിറാപ്പുഞ്ചിയിലേക്കുള്ള യാത്രയിൽ വളരെ മനോഹരങ്ങളായ കാഴ്ചകളായിരുന്നു ഞങ്ങൾക്ക് ആസ്വദിക്കുവാൻ സാധിച്ചത്. ചുരത്തിലൂടെയുള്ള യാത്രയിൽ ഒരു ഭാഗത്ത് കൊക്കയും മറുഭാഗത്ത് മലയും… ചിറാപ്പുഞ്ചി എന്നൊക്കെ കേട്ടപ്പോൾ ഞങ്ങൾ വിചാരിച്ചിരുന്നത് നല്ല മഴയുള്ള കാലാവസ്ഥയായിരിക്കും അവിടേക്ക് പോകുന്ന വഴിയിലും എന്നായിരുന്നു ഞങ്ങൾ കരുതിയിരുന്നത്. എന്നാൽ ഞങ്ങളുടെ പ്രതീക്ഷകളെയെല്ലാം തെറ്റിച്ചുകൊണ്ട് നല്ല തെളിഞ്ഞ വെയിലും മഞ്ഞുമൊക്കെ കൂടിയ കാലാവസ്ഥയായിരുന്നു.

സമുദ്ര നിരപ്പിൽനിന്ന്‌ 1,300 മീറ്റർ ഉയരത്തിലാണ്‌ ചിറാപ്പുഞ്ചി സ്ഥിതി ചെയ്യുന്നത്. ലോകത്തിൽ ഏറ്റവും കൂടുതൽ മഴ ലഭിക്കുന്ന പ്രദേശമായിരുന്നു ചിറാപുഞ്ചി, എന്നാലിന്ന് കനത്ത പ്രകൃതി നാശം മൂലം ആ സ്ഥാനം മേഘാലയയിലെ തന്നെ മൗസിൻ‌റം എന്ന പ്രദേശത്തിനാണ്. മൗസിൻ‌റം നമ്മൾ കഴിഞ്ഞ ദിവസം പോയിരുന്ന സ്ഥലമാണ്. ഞങ്ങൾ ചിറാപ്പുഞ്ചി എത്തുന്നതിനു ഏതാണ്ട് 7 കിലോമീറ്റർ മുൻപായി തന്നെ അങ്ങകലെ ചിറാപ്പുഞ്ചി ടൗണിന്റെ വിദൂര ദൃശ്യം കണ്ടു തുടങ്ങിയിരുന്നു.

അങ്ങനെ അവസാനം ഞങ്ങൾ ചിറാപുഞ്ചിയിൽ എത്തിച്ചേർന്നു. അവിടെ താമസിക്കുവാനായി ഒരു ഹോംസ്റ്റേ കണ്ടെത്തുവാൻ ഞങ്ങൾ കുറെ അലഞ്ഞു. അവസാനം ഒരു ഹോംസ്റ്റേ ഞങ്ങൾക്ക് ദിവസേന 2000 രൂപ നിരക്കിൽ ലഭിച്ചു. ഹോംസ്റ്റേയിൽ പാചകം ചെയ്യുന്നതിനുള്ള സൗകര്യങ്ങൾ ഉണ്ടായിരുന്നതിനാൽ ഞങ്ങൾ കയ്യിലുള്ള ന്യൂഡിൽസ് സ്വയം പാചകം ചെയ്തു ഡിന്നർ കഴിച്ചു. ഒരു ചെലവ് ചുരുക്കൽ പ്രക്രിയ കൂടിയായിമാറി അത്. ഡിന്നറിനു ശേഷം ഞങ്ങൾ ഉറങ്ങുവാനായി നീങ്ങി. ചിറാപുഞ്ചിയിലെ വിശേഷങ്ങളെല്ലാം ഇനി അടുത്ത എപ്പിസോഡിൽ കാണാം.

Our Sponsors: 1) Dream Catcher Resort, Munnar: 9745637111. 2) SR Jungle Resort, Anaikatty: 9659850555, 8973950555. (Follow to get discounts: https://www.instagram.com/sr_jungle_resort_coimbatore/). 3) Goosebery Mens Apparel: http://goosebery.co.in(TECHTRAVELEAT എന്ന കൂപ്പൺ കോഡ് ഉപയോഗിച്ചാൽ 25% ഡിസ്‌കൗണ്ട് ലഭിക്കും). 4) Rotary Club Kochi United. 5) DBS Automotive: 97452 22566. 6) Kairali Ford: 81380 14455. Special Thanks to 1) Le Meridien, Kochi. 2) Redband Racing, Thrissur. 3) Nexus Communication, Penta Menaka, Kochi.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post