വ്യത്യസ്തങ്ങളായ ബെംഗാളി മാർക്കറ്റുകളും കണ്ടുകൊണ്ട് ഡാർജിലിംഗിലേക്ക് ഒരു യാത്ര

Total
27
Shares

സിലിഗുരിയിൽ നിന്നും ഞങ്ങൾ അതിരാവിലെ തന്നെ ഞങ്ങൾ ഡാർജിലിംഗ് ലക്ഷ്യമാക്കി യാത്ര തുടങ്ങി. കാറിൽ സലീഷേട്ടന് ഇരിക്കുവാനായി ഞങ്ങൾ പിന്നിലെ ലഗേജുകളൊക്കെ നന്നായി ഒതുക്കി വെച്ചു. ഇനിയങ്ങോട്ടുള്ള യാത്രകൾക്കിടയിൽ ചിലപ്പോൾ ഭക്ഷണത്തിനുള്ള വകുപ്പുകൾ കുറവായിരിക്കും എന്നതിനാൽ ഞങ്ങൾ ഒരു പോർട്ടബിൾ ഗ്യാസ് സ്റ്റവ് വാങ്ങി വണ്ടിയിൽ വെച്ചു. ഇനി ഞങ്ങൾ എവിടെ പെട്ടുകിടന്നാലും ഭക്ഷണത്തിനായി യാതൊരു പഞ്ഞവും ഉണ്ടായിരിക്കില്ല. അത്യാവശ്യ ഘട്ടങ്ങളിൽ പാകം ചെയ്തു കഴിക്കുവാനായി മാഗി ന്യൂഡിൽസ് പാക്കറ്റുകൾ യഥേഷ്ടം ഞങ്ങളുടെ കൈവശമുണ്ടായിരുന്നു.

യാത്രയ്ക്കിടയിൽ കേരളത്തിലെ നിലമ്പൂർ ഭാഗത്തുകൂടി പോകുന്ന ഒരു ഫീൽ തരുന്ന ഏരിയയിൽക്കൂടി ഞങ്ങൾ കടന്നു പോവുകയുണ്ടായി. കുറച്ചങ്ങോട്ടു കഴിഞ്ഞപ്പോഴേക്കും റോഡിനിരുവശവും തേയിലത്തോട്ടങ്ങൾ കാണുവാൻ തുടങ്ങി. നമ്മുടെ നാട്ടിൽ കുന്നിൻ പ്രദേശങ്ങളിലാണ് സാധാരണയായി തേയിലക്കൃഷി കാണപ്പെടാറുള്ളത്. എന്നാൽ അവിടെ നിരപ്പായ സ്ഥലങ്ങളിൽ തേയിലത്തോട്ടങ്ങൾ ഞങ്ങൾക്ക് കാണുവാൻ സാധിച്ചു. തേയിലത്തോട്ടങ്ങൾക്കു സമീപത്തായി ഞങ്ങൾ വണ്ടി നിർത്തി കാഴ്ചകൾ ആസ്വദിക്കുകയുണ്ടായി.

പിന്നെയും ഞങ്ങൾ യാത്ര തുടരുന്നതിനിടെ വഴിയരികിൽ ഒരു ഗ്രാമീണ മാർക്കറ്റ് കാണുകയുണ്ടായി. ടൂറിസ്റ്റ് സ്പോട്ടുകൾ ഒഴിവാക്കി ഗ്രാമങ്ങളിലേക്ക് കൂടുതൽ ഇറങ്ങിയുള്ള യാത്രയായതിനാൽ ഞങ്ങൾ ആ മാർക്കറ്റിൽ ഒന്നു കയറുവാൻ തീരുമാനിച്ചു. തുടക്കത്തിൽ തന്നെ വ്യത്യസ്തങ്ങളായ പലഹാരങ്ങൾ ഉണ്ടാക്കി വിൽക്കുന്ന ഒരു കടയാണ് കണ്ടത്. ബജ്ജിയും, വടകളും, ഐസ്ക്രീമും, മറ്റു മധുര പലഹാരങ്ങളും ഒക്കെ അവിടെയുണ്ടായിരുന്നു. അതിനടുത്തായി ഒരു കോഴിക്കടയും മീൻകടയുമൊക്കെ ഉണ്ടായിരുന്നു. ഉൾവശത്തായി പച്ചക്കറികളും മറ്റും വിൽക്കുന്ന കടകളും ഞങ്ങൾ കണ്ടു. പൊതുവെ നമ്മൾ കണ്ടിട്ടുള്ള മാർക്കറ്റുകളെ അപേക്ഷിച്ച് ഇവിടെ നല്ല വൃത്തിയുണ്ടായിരുന്നു. പച്ചക്കറികളൊക്കെ കഴുകി വൃത്തിയാക്കിയായിരുന്നു അവിടെ വിൽക്കുവാൻ വെച്ചിരുന്നത്. ഒരിടത്തും മാലിന്യങ്ങളൊന്നും കണ്ടുമില്ല. എന്തായാലും മാതൃകാ മാർക്കറ്റ് തന്നെ.

മാർക്കറ്റിലെ കാഴ്ചകൾ കണ്ടതിനു ശേഷം ഞങ്ങൾ ആ ഗ്രാമത്തിലൂടെ ഒന്നു നടക്കുവാനിറങ്ങി. നമ്മൾ ബെംഗാളികളെ പലതരത്തിൽ കളിയാക്കുമെങ്കിലും അവരുടെ ജീവിത രീതികൾ കണ്ടപ്പോൾ സത്യത്തിൽ അവരോട് ബഹുമാനം തോന്നിപ്പോയി. ഗ്രാമത്തിലൂടെയുള്ള നടത്തിനിടെ ഞങ്ങൾ ചിലരെ പരിചയപ്പെടുകയുമുണ്ടായി. കാഴ്ചകളൊക്കെ കണ്ടതിനു ശേഷം ഞങ്ങൾ വീണ്ടും യാത്ര തുടർന്നു. ഞങ്ങൾ ദുതിയ വഴി നേപ്പാൾ ബോർഡറിൽക്കൂടിയായിരുന്നു ഡാർജിലിംഗിലേക്ക് പൊയ്‌ക്കൊണ്ടിരുന്നത്. ദുതിയയിലെ മാർക്കറ്റിനടുത്ത് ഞങ്ങൾ വാഹനം നിർത്തി അവിടത്തെ കാഴ്ചകളൊക്കെ കാണുവാനായി ഇറങ്ങി നടന്നു.

മുൻപ് കണ്ട മാർക്കറ്റിൽ നിന്നും വ്യത്യസ്തമായിരുന്നു ദുതിയ മാർക്കറ്റ്. ആളുകളൊക്കെ മാർക്കറ്റിൽ നിന്നും പലപല വാഹനങ്ങളിൽ സാധനങ്ങൾ കയറ്റിക്കൊണ്ടുപോകുന്ന കാഴ്ചകൾ ആയിരുന്നു ഞങ്ങളെ ആദ്യമായി അവിടെ സ്വാഗതം ചെയ്തത്. അവിടെ അന്വേഷിച്ചപ്പോഴാണ് അറിഞ്ഞത് അത് ഞായറാഴ്ച മാത്രം പ്രവർത്തിക്കുന്ന മാർക്കറ്റ് ആണെന്ന്. വെറുതെയല്ല ഇത്രയ്ക്ക് തിരക്ക് അനുഭവപ്പെട്ടത്. ശരിക്കും പറഞ്ഞാൽ നമ്മളെല്ലാം ഷോപ്പിം മാളിൽ പോകുന്നതു പോലെയാണ് അവിടത്തുകാർ ഈ മാർക്കറ്റിൽ വരുന്നത്. അവിടത്തെ ആളുകളാണെങ്കിൽ വളരെ സൗഹാർദ്ദപരമായിട്ടായിരുന്നു എല്ലാവരോടും പെരുമാറിയിരുന്നത്. ഒരു മലയുടെ താഴ്വാരത്തായിട്ടായിരുന്നു ആ മാർക്കറ്റ് സ്ഥിതി ചെയ്തിരുന്നത്.

സമയം ഉച്ചയ്ക്ക് ഒരുമണിയായി. ഞങ്ങൾ മാർക്കറ്റ് കാഴ്ചകളൊക്കെ അത്യാവശ്യം വേണ്ടരീതിയിൽത്തന്നെ നടന്നു കണ്ടതിനു ശേഷം വീണ്ടും യാത്ര തുടർന്നു. വ്യത്യസ്തമായ കാഴ്ചകളുടെ പൂരം ഇനി വരാനിരിക്കുന്നേയുള്ളൂ. ആ വിശേഷങ്ങൾ ഇനി അടുത്ത എപ്പിസോഡിൽ കാണാം.

Our Sponsors: 1) Dream Catcher Resort, Munnar: 9745637111. 2) SR Jungle Resort, Anaikatty: 89739 50555. 3) Goosebery Mens Apparel: http://goosebery.co.in (TECHTRAVELEAT എന്ന കൂപ്പൺ കോഡ് ഉപയോഗിച്ചാൽ 25% ഡിസ്‌കൗണ്ട് ലഭിക്കും). 4) Rotary Club Kochi United. 5) DBS Automotive: 97452 22566. 6) Kairali Ford: 81380 14455. Special Thanks to 1) Le Meridien, Kochi. 2) Redband Racing, Thrissur. 3) Nexus Communication, Penta Menaka, Kochi.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post