സോളാങ് വാലിയിൽ പോകാം..മഞ്ഞില്‍ കളിക്കാം…

Total
0
Shares

മനാലിയിലെ ഞങ്ങളുടെ രണ്ടാമത്തെ ദിവസം. രാവിലെതന്നെ ഞങ്ങള്‍ എഴുന്നേറ്റു റെഡിയായി. നല്ല തണുപ്പ് ഉണ്ടായിരുന്നുവെന്നത് പ്രത്യേകം പറയേണ്ടതില്ലല്ലോ. സോളാങ് വാലി എന്ന സ്ഥലത്തേക്ക് ആയിരുന്നു ഞങ്ങള്‍ക്ക് പോകേണ്ടത്. മണാലിയിലെ ഏറ്റവും പ്രധാനപ്പെട്ട ടൂറിസം ആകര്‍ഷണങ്ങളിലൊന്നാണ് ഇത്. മണാലിയില്‍നിന്നു 13 കിലോമീറ്റര്‍ ദൂരമുണ്ട് ഇവിടേക്ക്. സ്‌നോ പോയിന്റ് എന്നറിയപ്പെടുന്ന ഈ പ്രദേശം സമുദ്രനിരപ്പിൽനിന്ന് 8400 അടി ഉയരത്തിലാണ്.

സോളാങ് വാലിയിലേക്ക് പോകുന്ന വഴിയില്‍ ഷൂസ്, ജാക്കറ്റ് മുതലായ സാധനങ്ങള്‍ വില്‍ക്കുന്നതും വാടകയ്ക്ക് കൊടുക്കുന്നതുമായ ധാരാളം കടകള്‍ കാണാം. ഒരു കടയില്‍ കയറി ഞങ്ങള്‍ രണ്ടു ജോഡി ഷൂസ് വാങ്ങി.അങ്ങനെ ഞങ്ങളുടെ യാത്ര തുടര്‍ന്നു. പോകുന്ന വഴിയില്‍ ചുറ്റിനും മഞ്ഞുമലകള്‍ ആയിരുന്നു ഞങ്ങളെ വരവേറ്റത്.

ആ മഞ്ഞുമലകളുടെ അടുത്ത് എത്തിയപ്പോള്‍ത്തന്നെ അരികില്‍ ഐസ് കട്ടകള്‍ കാണാമായിരുന്നു. അനിയന്‍ അഭിജിത്ത് ഐസ് കട്ടകള്‍ എടുത്തു കളിക്കുകയായിരുന്നു. ഇത്രയും ഐസുകള്‍ അവിടെ കിടക്കുന്നുണ്ടായിരുന്നുവെങ്കിലും വലിയ തണുപ്പ ഒന്നും ഉണ്ടായിരുന്നില്ല. ഇവിടെ വരുന്നവര്‍ക്കായി ധാരാളം ആക്ടിവിറ്റികള്‍ ലഭ്യമാണ്. കുതിര സവാരി, മൌണ്ടന്‍ ബൈക്കുകള്‍ എന്നിവയും ലഭ്യമാണ്. ഒരു ദിവസം മുഴുവനും നന്നായി ആസടിക്കുവാന്‍ പറ്റിയ ഒരു സ്ഥലമാണ് ഇത്. ബൈക്ക് സവാരിക്ക് ഒരു couple നു 1500 രൂപയാണ് നിരക്ക്. കുതിരസവാരിക്ക് ആണെങ്കില്‍ 500 രൂപയും. ഹണിമൂണ്‍ ആക്ഹോഷിക്കുവാന്‍ വരുന്നവര്‍ക്ക് നന്നായി എന്ജോയ്‌ ചെയ്യുവാന്‍ പറ്റിയ ഒരിടം കൂടിയാണ് സോളാങ് വാലി.

മഞ്ഞു കാണുവാനായി വേറെവിടെയും പോകേണ്ട നേരെ ഇവിടെ വന്നാല്‍ മതി. വളരെ ശാന്തമായിരുന്നു അവിടെയൊക്കെ. മാരുതി ആള്‍ട്ടോ കാറിലായിരുന്നു ഞങ്ങളുടെ യാത്ര. നമ്മുടെ നാട്ടിലാണെങ്കില്‍ കുണ്ടും കുഴിയും നിറഞ്ഞ ഈ വഴികളിലൂടെ ജീപ്പ് മാത്രമേ ഓടിക്കുകയുള്ളൂ. മാരുതി ആള്‍ട്ടോ ഒക്കെ ഇതുവഴി സിംപിളായി കയറിപ്പോകുന്നത്‌ കണ്ടപ്പോള്‍ ശരിക്കും ഞങ്ങള്‍ക്ക് അത്ഭുതമാണ് തോന്നിയത്. ബുള്ളറ്റും ബൈക്കുകളും ഒക്കെയായി ചിലര്‍ അവിടേക്ക് കയറി വരുന്നത് കണ്ടിരുന്നു.

കണ്ടാല്‍ പേടിയാകുന്ന ഭീമന്‍ യാക്കുകളുടെ മുകളില്‍ ഇരുന്നു ഫോട്ടോയെടുക്കുകയും സവാരി നടത്തുകയും ചെയ്യുവാനുള്ള സൌകര്യങ്ങള്‍ അവിടെ മുകളില്‍ കാണാമായിരുന്നു. മുകളിലേക്ക് കയറിയപ്പോളാണ് രസം. അവിടെ ഫുള്‍ മഞ്ഞാണ്. ഐസ് കട്ടകള്‍ എന്നുവേണം പറയാന്‍. മഞ്ഞിലൂടെ തെന്നിപ്പായുന്ന സംഭവത്തിലൊക്കെ ഞാനും അനിയനും ഒരുമിച്ച് കയറി. വീഗാലാന്‍ഡിലും മറ്റ് പാര്‍ക്കുകളിലും കാണുന്ന ചില റൈഡുകളെ അനുസ്മരിപ്പിക്കും ഇതൊക്കെ. സ്കേറ്റിംഗ് ചെയ്ത് ശീലമുള്ളവര്‍ക്ക് ഇതൊന്നും വലിയ സംഭവമായി തോന്നുകയില്ല. കംപ്ലീറ്റ്‌ ഐസിലൂടെയാണ് ഞങ്ങളുടെ നടത്തം. പുതിയ ഗ്രിപ്പുള്ള ഷൂസ് വാങ്ങിയതിനാല്‍ തെന്നാതെ രക്ഷപ്പെട്ടു. ഇവിടെ വരുന്ന എല്ലാവരും നല്ല ഗ്രിപ്പ് ഉള്ള ഷൂസ് ധരിക്കേണ്ടതാണ്.

മഞ്ഞിലൂടെയുള്ള നടത്തത്തിനിടെ കോട്ടയത്ത് നിന്നും വന്ന ഒരു മലയാളിയെ പരിചയപ്പെട്ടു. എന്റെ വീഡിയോസ് ഒക്കെ കാണുന്നതാണ് എന്നും ഉഗ്രനായിട്ടുണ്ട് എന്നുമൊക്കെ ആശംസിക്കാന്‍ അദ്ദേഹം മറന്നില്ല. മഞ്ഞുകൂട്ടത്തിനു മുകളിലായി ഒരു ശിവലിംഗം ഉണ്ടെന്നു അവിടുള്ളവര്‍ വഴി ഞങ്ങള്‍ക്ക് അറിയുവാന്‍ കഴിഞ്ഞു. കുറേസമയത്തെ അടിച്ചുപൊളിക്കു ശേഷം ഞങ്ങള്‍ താഴേക്ക് ഇറങ്ങി. പോകുന്നതിനു മുന്‍പായി അവിടെ നിന്നും ഞങ്ങള്‍ നല്ല ചൂട് മാഗി ന്യൂഡില്‍സ് കഴിച്ചു. ആ തണുപ്പത്ത് ചൂടുള്ള ന്യൂഡില്‍സ് കഴിക്കുമ്പോള്‍ കിട്ടുന്ന ഒരു സുഖം വേറൊന്നു തന്നെ. അങ്ങനെ സോളാങ് വാലിയിലെ ഞങ്ങളുടെ യാത്ര ഇവിടെ അവസാനിക്കുകയാണ്. ഇനി വ്യത്യസ്തമായ മറ്റു ഹിമാചല്‍ കാഴ്ച്ചകള്‍ തേടി അടുത്ത സ്ഥലത്തേക്ക്…

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

ഊട്ടി – നീലഗിരി ട്രെയിൻ യാത്ര; നിങ്ങൾ അറിയേണ്ട കാര്യങ്ങളെല്ലാം…

ദിൽസേ സിനിമയിലെ “ഛയ്യ ഛയ്യാ..” എന്ന പാട്ടു കണ്ടതു മുതൽ എൻ്റെ മനസ്സിൽ കയറിക്കൂടിയതാണ് ഊട്ടി ട്രെയിൻ എന്നു നമ്മൾ വിളിക്കുന്ന നീലഗിരി മൗണ്ടൻ റെയിൽവേ. എന്നാൽ ഇതുവരെയ്ക്കും എനിക്ക് ആ ട്രെയിനിൽ ഒന്ന് സഞ്ചരിക്കുവാൻ സാധിച്ചിരുന്നില്ല. കഴിഞ്ഞ ദിവസം ആനക്കട്ടിയിലെ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post