ന്യൂജെൻ എസ്.യു.വി.കളിലെ കരുത്തൻ – ടാറ്റ ഹാരിയർ വിപണിയിൽ..

Total
0
Shares

2019 കാറുകളുടെ വർഷമാണെന്നു വേണമെങ്കിൽ പറയാം. വിവിധ കമ്പനികളുടെ പുതിയതും പരിഷ്‌കരിച്ചതുമായ പലതരം മോഡലുകളാണ് ഇക്കൊല്ലം വിപണിയിൽ മത്സരത്തിനായി തയ്യാറെടുക്കുന്നത്. അതിൽ എടുത്തു പറയേണ്ട ഒന്നാണ് ടാറ്റയുടെ പുതിയ എസ്.യു.വി. മോഡലായ ഹാരിയർ.

ഇന്ന് (24-01-2019) കൊച്ചിയിൽ വെച്ചു നടന്ന ചടങ്ങിലാണ് ഹാരിയർ കേരളത്തിൽ ലോഞ്ച് ചെയ്തത്. വടക്കേ ഇന്ത്യയിൽ കഴിഞ്ഞ ദിവസം ഈ മോഡലിന്റെ ഒഫീഷ്യൽ ലോഞ്ച് നടത്തിയിരുന്നു. ഒട്ടേറെ പുതുമകളുമായാണ് ഇത്തവണ ടാറ്റ കളത്തിലിറങ്ങിയിരിക്കുന്നത്. ഹ്യുണ്ടായ് ക്രേറ്റ, ജീപ്പ് കോമ്പസ്, റിനോ കാപ്റ്റര്‍, മഹീന്ദ്ര XUV500, നിസ്സാന്റെ പുതിയ മോഡലായ കിക്ക്‌സ് എന്നിവയുമായിട്ടായിരിക്കും ഹാരിയറിന്റെ മത്സരം.

ഏറെനാളത്തെ കാത്തിരിപ്പിനൊടുവിലാണ് ടാറ്റായുടെ പുതിയ പ്രീമിയം കോംപാക്ട് എസ്.യു.വി.യായ ഹാരിയർ വിപണിയിലെത്തിയിരിക്കുന്നത്. എല്ലാവരെയും അതിശയിപ്പിച്ച മറ്റൊരു കാര്യം ഈ മോഡലിന്റെ വിലക്കുറവാണ്. നാലു വേരിയന്റുകളിൽ വിപണിയിലെത്തിയിരിക്കുന്ന ഹാരിയറിനു 12.69 ലക്ഷം രൂപ മുതല്‍ 16.25 ലക്ഷം രൂപ വരെയാണ് ഡല്‍ഹിയിലെ എക്‌സ്‌ഷോറൂം വില. വിലവിവരങ്ങൾ : XE – Rs 12.69, XM – Rs 13.75, XT – Rs 14.95, XZ – Rs 16.25. ഏവരും പ്രതീക്ഷിച്ചതിലും വിലക്കുറവിലാണ് ഈ പുത്തൻ താരത്തിന്റെ വരവ്.

300 ലധികം ക്രാഷ് ടെസ്റ്റുകൾക്ക് ശേഷമാണ് ഹാരിയർ നിരത്തിലിറങ്ങുന്നത്. ഇക്കാരണത്താൽ വാഹനത്തിന്റെ സുരക്ഷയെക്കുറിച്ച് ഉപഭോക്താക്കൾക്ക് നല്ല വിശ്വാസം നേടിയെടുക്കുവാൻ ടാറ്റയ്ക്ക് സാധിച്ചിട്ടുണ്ട്. 4598 mm നീളവും, 1894 mm വീതിയും, 1706 mm ഉയരവും, 205 mm വീല്‍ബേസുമാണ് ഹാരിയറിന് ടാറ്റ നൽകിയിട്ടുള്ളത്.

ലാൻഡ്റോവറിനെ അടിസ്ഥാനമാക്കിയുള്ള ടാറ്റയുടെ പുതിയ ഒമേഗ പ്ലാറ്റ്ഫോമിലാണ് ഹാരിയർ നിർമ്മിച്ചിരിക്കുന്നത്.
രൂപത്തിലും ഏറെക്കുറെ ആ തലയെടുപ്പും ഗാംഭീര്യവും ഹാരിയറില്‍ പ്രകടമാണ്. ഇനി എഞ്ചിന്റെ കാര്യമെടുത്താൽ,
2.0 ലിറ്റര്‍ ക്രെയോടെക് ഡീസല്‍ എന്‍ജിനാണ് ഹാരിയറിൽ ഉള്ളത്. നാലു സിലിണ്ടര്‍ ടര്‍ബ്ബോ ഡീസല്‍ എഞ്ചിനാണിത്‌. 140 bhp കരുത്തും 350 Nm ടോർക്കും ആണ് ഈ എഞ്ചിന്റെ മറ്റൊരു സവിശേഷത.

ഇപ്പോൾ ഇറങ്ങുന്ന മോഡലിൽ 6 സ്‌പീഡ്‌ മാനുവൽ ട്രാൻസ്മിഷൻ ആയിരിക്കും ഉണ്ടായിരിക്കുക. ഇക്കോ, സിറ്റി, സ്‌പോര്‍ട് എന്നിങ്ങനെ മൂന്നു ഡ്രൈവിംഗ് മോഡുകള്‍ ഹാരിയറിലുണ്ട്.
ഓഫ്-റോഡ് ഉൾപ്പെടെ എല്ലാത്തരം റോഡ് കണ്ടീഷനുകളിലും എന്‍ജിന്റെ പ്രകടനം പരീക്ഷിച്ചുറപ്പിച്ചാണ് ക്രെയോടെക് എന്‍ജിന്‍ ഹാരിയറില്‍ ഉപയോഗിക്കുന്നതെന്നാണ് ടാറ്റ അവകാശപ്പെടുന്നത്.

മറ്റു സവിശേഷതകൾ : ടെറെയ്ൻ റെസ്പോൺസ് സിസ്റ്റം, പുഷ് ബട്ടൺ സ്റ്റാർട്ട്, സ്റ്റിയറിംഗ് മൗണ്ടഡ് കണ്‍ട്രോള്‍സ്, 8.8 ഇഞ്ച് ടച്ച്‌സ്‌ക്രീന്‍ ഇന്‍ഫൊടെയ്ന്‍മെന്റ് സിസ്റ്റം, ഡ്യുവല്‍ ടോണ്‍ ഡാഷ്‌ബോര്‍ഡ്, ഓട്ടോ ക്ലൈമറ്റ് കൺട്രോൾ, പലതരത്തിൽ ക്രമീകരിക്കാവുന്ന ഡ്രൈവർ സീറ്റ്, പ്രൊജക്ടര്‍ ഹെഡ്‌ലാമ്പുകള്‍, പിൻ പാർക്കിംഗ് സെൻസർ.

പുതിയ മോഡൽ ഇപ്പോൾ ലോഞ്ച് ചെയ്‌തേയുള്ളൂവെങ്കിലും ഒന്നുകൂടി പരിഷ്‌ക്കരിച്ച പതിപ്പ് വിപണിയിലിറക്കുവാൻ ടാറ്റയ്ക്ക് പദ്ധതിയുണ്ട് എന്നു വ്യക്തമാണ്. നിലവിൽ 5 സീറ്റർ ആയിട്ടാണ് ഹാരിയർ ഇറങ്ങുന്നതെങ്കിലും പരിഷ്‌ക്കരിച്ച പതിപ്പ് 7 സീറ്റർ ആയിട്ടായിരിക്കും ഇറങ്ങുക. കൂടാതെ ഇത് ഓട്ടോമാറ്റിക് ട്രാൻസ്മിഷൻ കൂടി ഉൾപ്പെടുത്തിയുള്ളതുമായിരിക്കും.

സാങ്കേതിക വിദ്യയുടെയും കാര്യക്ഷമതയുടെയും മനോഹരമായ രൂപഭാവത്തിന്റെയും അടിസ്ഥാനത്തില്‍ ടാറ്റ ഹാരിയറിനെ ന്യൂജനറേഷൻ എസ്‌യുവികളിലെ കരുത്തന്‍ എന്ന് എന്തുകൊണ്ടും വിശേഷിപ്പിക്കാം. കേരളത്തിൽ ഒഫീഷ്യൽ ലോഞ്ചിനു മുൻപേ തന്നെ ഹാരിയറിൻ്റെ ബുക്കിംഗ് തുടങ്ങിക്കഴിഞ്ഞു. 30,000 രൂപയോളം മുൻകൂറായി അടച്ചാണ് ഉപഭോക്താക്കൾ വാഹനം ബുക്ക് ചെയ്തിരിക്കുന്നത്. എന്തായാലും ഈ മോഡൽ നിരത്തിലിറങ്ങിക്കഴിയുമ്പോൾ കസ്റ്റമർ സൈഡിൽ നിന്നുള്ള വിശദമായ റിവ്യൂകൾ നമുക്ക് അറിയുവാൻ സാധിക്കും.

3 comments
  1. One suggestion. E same blogs English il cheyumo? Elarkum vayikalo apo even if the person is not a keralite.

  2. Pine e blogging site engane tudanganam. And all that related things ne kurichu oru video cheyamo?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post