കൊച്ചിയിൽ നിന്നും ഡൽഹി മണാലിയിലേക്ക് ഒരു യാത്ര..!!

Total
0
Shares

ദേവ് ഭൂമിയായ ഹിമാചല്‍ പ്രദേശിലെ കുളു, മണാലി.. എന്നും എന്നെ മോഹിപ്പിച്ചുകൊണ്ടിരുന്ന ഒരു സ്ഥലം. ഒത്തിരി നാളുകളായുള്ള എന്‍റെ ആഗ്രഹം 2018 ഫെബ്രുവരി മാസത്തില്‍ അങ്ങ് സാധിച്ചു. പ്രമുഖ ട്രാവല്‍ ഗ്രൂപ്പായ ഈസി ട്രാവല്‍സ് മുഖേനയാണ് ഞാന്‍ യാത്ര പ്ലാന്‍ ചെയ്തത്. മലേഷ്യ ട്രിപ്പിന്‍റെ ക്ഷീണം തീര്‍ക്കുവാനും കുറച്ചു ജോലികള്‍ ചെയ്യുവാനും ഉള്ളതിനാല്‍ ഇത്തവണ പ്രശാന്ത് എന്‍റെ കൂടെ ഉണ്ടായിരുന്നില്ല. പകരം എന്‍റെ അനിയന്‍ അഭിജിത്ത് ഭക്തനായിരുന്നു ഈ യാത്രയില്‍ എന്‍റെ കൂട്ടാളി.

കൊച്ചിയില്‍ നിന്നും ഡല്‍ഹി വരെ വിമാനത്തില്‍… പിന്നീട് അവിടെ നിന്നും മണാലിയിലേക്ക് വോള്‍വോ ബസ്സില്‍ യാത്ര… ഇതാണ് അങ്ങോട്ടുള്ള ട്രിപ്പ്‌. അഭിയുടെ ആദ്യത്തെ വിമാനയാത്ര കൂടിയായിരുന്നു ഇത്. കാറില്‍ എറണാകുളം വന്നിട്ട് എയര്‍പോര്‍ട്ടില്‍ ഞങ്ങള്‍ വണ്ടി പാര്‍ക്ക് ചെയ്തു. ചെക്ക് ഇന്‍ നടപടി ക്രമങ്ങളെല്ലാം പൂര്‍ത്തിയാക്കി ഞങ്ങള്‍ ലോഞ്ചില്‍ ചെന്ന് കാത്തിരിപ്പ് തുടങ്ങി. ഏകദേശം രണ്ടര മണിക്കൂറോളം ഞങ്ങള്‍ എയര്‍പോര്‍ട്ടില്‍ വിമാനം പുറപ്പെടുവാനായി കാത്തിരുന്നു. ആദ്യ യാത്രയായതിനാല്‍ അഭി ആകെ ത്രില്ലടിച്ചിരിക്കുകയായിരുന്നു.

സ്പൈസ് ജെറ്റ് ആയിരുന്നു ഞങ്ങളുടെ വിമാനം. വിമാനത്തിലേക്കുള്ള യാത്രക്കാരുടെ ബോര്‍ഡിംഗ് ആരംഭിച്ചപ്പോള്‍ ഞങ്ങളും ആ ക്യൂവില്‍ നിന്നു. അങ്ങനെ ഞങ്ങള്‍ വിമാനത്തില്‍ കയറി. കൃത്യ സമയത്ത് തന്നെ ഞങ്ങളെയും വഹിച്ചുകൊണ്ട് സ്പൈസ് ജെറ്റ് വിമാനം ഡല്‍ഹി ലക്ഷ്യമാക്കി പൊങ്ങിപ്പറന്നു. അഭിയാണെങ്കില്‍ പുറത്തെ കാഴ്ചകള്‍ കണ്ട് ആകെ നല്ല സന്തോഷത്തിലായിരുന്നു.

മണിക്കൂറുകള്‍ക്കകം ഞങ്ങളുടെ വിമാനം ഡല്‍ഹി എയര്‍പോര്‍ട്ടില്‍ ലാന്‍ഡ്‌ ചെയ്തു. വൈകീട്ട് അഞ്ചരയ്ക്കാണ് അവിടെ നിന്നും മണാലിയിലേക്കുള്ള ഞങ്ങളുടെ ബസ്. എയര്‍പോര്‍ട്ടില്‍ നിന്നും ട്രാവല്‍സ് ഞങ്ങള്‍ക്കായി ഒരു കാര്‍ അറേഞ്ച് ചെയ്തു തന്നിട്ടുണ്ടായിരുന്നു. ആ ഇന്നോവ കാര്‍ കണ്ടുപിടിക്കാന്‍ ഞങ്ങള്‍ അധികം ബുദ്ധിമുട്ടേണ്ടി വന്നില്ല. കാരണം കാറിന്‍റെ പിന്നില്‍ ‘മലയാളീസ്’ എന്ന സ്റ്റിക്കര്‍ അടിച്ചിട്ടുണ്ടായിരുന്നു. പക്ഷെ കാര്‍ ഡ്രൈവര്‍ ഒരു ഹിന്ദിക്കാരന്‍ ആയിരുന്നു. അങ്ങനെ ഡല്‍ഹി നഗരക്കാഴ്ചകള്‍ കണ്ടുകൊണ്ട് ഞങ്ങള്‍ കാറില്‍ യാത്രയായി.

ധാരാളം സമയമുണ്ടായിരുന്നതിനാല്‍ ഞങ്ങള്‍ അവിടെ കണ്ട ഒരു മലയാളി ഹോട്ടലില്‍ കയറി ഭക്ഷണം കഴിച്ചു. നല്ല കിടിലന്‍ ചിക്കന്‍ ബിരിയാണി. ഡല്‍ഹിയിലെ ഒരു മെട്രോ സ്റ്റേഷനടുത്തു നിന്നുമായിരുന്നു ഞങ്ങളുടെ ബസ് സ്റ്റാര്‍ട്ട്‌ ചെയ്യുന്നത്. ബസ് പുറപ്പെടാന്‍ സമയം വേണ്ടുവോളം ഉണ്ടായിരുന്നുവെങ്കിലും അപ്രതീക്ഷിതമായി കിട്ടിയ മുട്ടന്‍ ട്രാഫിക് ബ്ലോക്ക് ഞങ്ങളുടെ പ്രതീക്ഷകള്‍ തെറ്റിച്ചു. ട്രാവല്‍സുമായി ബന്ധപ്പെട്ട് ഞങ്ങള്‍ക്കുവേണ്ടി ബസ് അഞ്ചു മിനിറ്റ് കാത്തു നിര്‍ത്തിക്കേണ്ട അവസ്ഥ വരെയെത്തി. അങ്ങനെ ഓടിപ്പിടിച്ച് ഞങ്ങള്‍ ബസ്സില്‍ കയറി. പാക്കേജ് എടുത്തുകൊണ്ട് യാത്ര പോകുന്നതിന്‍റെ ഒരു ഉപകാരം ഞങ്ങള്‍ അന്ന് മനസിലാക്കി. അവരുടെ ഹെല്‍പ്പ് ഇല്ലായിരുന്നെങ്കില്‍ ബസ് അവരുടെ പാട്ടിനു പോയേനെ.

ബസ് യാത്രയാരംഭിച്ചു. ഇനി 13 മണിക്കൂര്‍ നേരം ബസ് യാത്രയാണ് മണാലിയിലേക്ക്. പോകുന്ന വഴിയില്‍ ഒരിടത്ത് രാത്രിഭക്ഷണം കഴിക്കുവാനായി ഒരു സ്ഥലത്ത് ബസ് നിര്‍ത്തി. ഭയങ്കര തണുപ്പായിരുന്നു അവിടെ. ഞങ്ങള്‍ രണ്ടുപേരും ജാക്കറ്റ് ഒക്കെയിട്ടു നിന്നു. ഭക്ഷണത്തിനു ശേഹ്സം ബസ് വീണ്ടും യാത്ര തുടര്‍ന്നു. ഞങ്ങള്‍ പതിയെ ഉറക്കത്തിലേക്കും വഴുതിവീണു.

രാവിലെ ഏഴുമണിയോടെയാണ് പിന്നെ ഞങ്ങള്‍ എഴുന്നേറ്റത്. അപ്പോള്‍ ബസ് ഏകദേശം മണാലി എത്താറായിരുന്നു. ചുറ്റും മഞ്ഞുമലകള്‍. അങ്ങനെ മണാലി എത്തി. ഞങ്ങള്‍ ബസ്സില്‍ നിന്നും ബാഗുമെടുത്തുകൊണ്ട് ഇറങ്ങി. പേടിച്ചയത്രയും തണുപ്പ് ഉണ്ടായിരുന്നില്ല. ബസ് നിര്‍ത്തിയ സ്ഥലത്ത് ഞങ്ങളെ ഹോട്ടലിലേക്ക് പിക് ചെയ്യുവാനായി ഒരു കാറും ഡ്രൈവറും കാത്തുനില്‍ക്കുന്നുണ്ടായിരുന്നു. കാറില്‍ക്കയറി ഞങ്ങള്‍ ഹോട്ടലിലേക്ക് യാത്രയായി.

റോയല്‍ റീജന്‍സി എന്ന ഹോട്ടലിലായിരുന്നു ഞങ്ങളുടെ താമസം. റൂമില്‍ എത്തിയപ്പോള്‍ തണുപ്പിന്‍റെ അളവ് കുറച്ചുകൂടി ഉയര്‍ന്നിരുന്നു. നല്ല കിടിലന്‍ റൂം ആയിരുന്നു. മനാലിയിലെ അന്നേരത്തെ തണുപ്പ് അഞ്ച് ഡിഗ്രി ആയിരുന്നു. ഞങ്ങളുടെ റൂമിന്‍റെ ബാല്‍ക്കണിയില്‍ നിന്നുള്ള ദൃശ്യങ്ങള്‍ വളരെ മനോഹരമായിരുന്നു. ചുറ്റിനും മഞ്ഞുമലകള്‍… ഹോ… സ്വര്‍ഗ്ഗം കണ്ടതുപോലെ…

ഇനി ഞങ്ങള്‍ക്ക് ഒന്ന് റസ്റ്റ്‌ ചെയ്യണം. ഉച്ചകഴിഞ്ഞിട്ടാണ് ഞങ്ങളുടെ കറക്കം ആരംഭിക്കുന്നത്. ആ കാഴ്ചകള്‍ ഇനി അടുത്ത എപ്പിസോഡില്‍.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post