വീടിനു മുൻപിൽ സൗജന്യ ഫുഡ് ATM വെച്ച് ദൈവതുല്യനായ ഒരു മനുഷ്യൻ

Total
60
Shares

ഒരു മനുഷ്യന്റെ ഏറ്റവും വലിയ വികാരം സ്നേഹമോ പ്രണയമോ ഒന്നുമല്ല, അത് വിശപ്പാണ്. ഒരു മനുഷ്യൻ ചെയ്യുന്ന ഏറ്റവും വലിയ നന്മ ഒരാൾക്ക് ഭക്ഷണം കൊടുക്കുക വഴി അയാളുടെ വിശപ്പടക്കുക എന്നതുമാണ്. കേട്ടിട്ടില്ലേ, ‘അന്നദാനം മഹാദാനം’ എന്ന്.

നമ്മുടെ സമൂഹത്തിൽ ധാരാളമാളുകൾ ഒരു നേരമെങ്കിലും വിശന്നു ജീവിക്കുന്നുണ്ട്. ചിലരൊക്കെ വിശക്കുന്നവർക്ക് ആഹാരം നൽകി നന്മയുടെ മണിമുത്തുകൾ സമൂഹത്തിൽ വിതറുന്നുമുണ്ട്. അവരിൽ ഒരാളാണ് കൊടുങ്ങല്ലൂരിനടുത്തുള്ള പുല്ലൂറ്റ് ഗ്രാമത്തിലെ ഞാവേലിപ്പറമ്പിൽ അബ്ദുൽഖാദർ എന്ന ഖാദർ ഭായി.

ഖാദർ ഭായിയുടെ വീടിനു മുന്നിലായി വഴിയരികിൽ ‘വിശക്കുന്നവർക്കൊരു വിരുന്ന്’ എന്നെഴുതിയ, ഒരു ചെറിയ കെട്ടിടമുണ്ട്. അതിൽ ചില്ല് ഗ്ളാസ്സിട്ടിരിക്കുന്ന ഷെൽഫിൽ ദിവസവും ഭക്ഷണപ്പൊതികൾ ഉണ്ടാകും. വിശക്കുന്ന ആർക്കും അതിൽ നിന്നും ഒരെണ്ണം എടുക്കാം. വീടിനു മുന്നിൽ ഒരു എടിഎം കൗണ്ടർ പോലെ പ്രവർത്തിക്കുന്ന ഈ ഫുഡ് കൗണ്ടർ അനേകമാളുകളുടെ വിശപ്പടക്കുവാനുള്ള ഏക ആശ്രയമാണിന്ന്.

പണ്ടുകാലത്ത് ഒരുപാട് വിശപ്പ് സഹിച്ചിട്ടുള്ള വ്യക്തിയാണ് ഖാദർ ഭായി. അതുകൊണ്ടു തന്നെ വിശപ്പിന്റെ വില ജീവിതത്തിൽ നിന്നും അദ്ദേഹത്തിന് നേരിട്ട് മനസ്സിലാക്കുവാൻ സാധിച്ചതാണ്. അന്നേ അദ്ദേഹം കയ്യിൽ കാശുണ്ടാകുമ്പോൾ ആളുകളുടെ വിശപ്പടക്കാനായി എന്തെങ്കിലും ചെയ്യണം എന്ന് മനസ്സിൽ വിചാരിച്ചിരുന്നു.

ജീവിതത്തിലും ബിസിനസ്സിലും വിജയം കൈവരിച്ച്, ഒടുവിൽ പ്രവാസ ജീവിതം മതിയാക്കി, ബിസിനസ്സുകൾ മക്കളെ ഏൽപ്പിച്ച് നാട്ടിൽ എത്തിയപ്പോൾ ഖാദർ ഭായ് ആദ്യം ചെയ്തത് വീടിനു മുന്നിൽ ഇത്തരത്തിലൊരു സൗജന്യ ഫുഡ് എടിഎം പണികഴിപ്പിക്കുകയായിരുന്നു. 2019 ലെ ഗാന്ധിജയന്തി ദിനത്തിലാണ് ഖാദർഭായ് ഈ ഫുഡ് എടിഎമ്മിനു തുടക്കം കുറിച്ചത്. ഗാന്ധിയനായ പിതാവിൽ നിന്നും കിട്ടിയ ആദർശങ്ങൾ അനുസരിച്ചു ജീവിക്കുന്ന ഖാദർഭായി ഇങ്ങനെ ആയില്ലെങ്കിലേ അത്ഭുതമുള്ളൂ.

ദിവസേന ഉച്ചയ്ക്ക് 12 മണിയോടെ പത്ത് ഭക്ഷണപ്പൊതികളാണ് ആദ്യം കൗണ്ടറിൽ വെക്കുന്നത്. ചോറ്, സാമ്പാർ, പരിപ്പ്, തോരൻ തുടങ്ങി നല്ല ഊണ് തന്നെയാണ് ഇവിടെ കൊടുക്കുന്നത്. മറ്റൊരു പ്രത്യേകത കൂടിയുണ്ട്, ഈ കൊടുക്കുന്ന ഭക്ഷണം ഇതിനു വേണ്ടി ഉണ്ടാകുന്നതല്ല. ഖാദർ ഭായിയുടെ വീട്ടിൽ അന്ന് എന്താണോ വെക്കുന്നത്, അതേ വിഭവങ്ങൾ തന്നെയാണ് ഭക്ഷണപ്പൊതികളായി മാറുന്നതും. ഉദാഹരണത്തിന് വീട്ടിൽ ബിരിയാണി വെക്കുകയാണെങ്കിൽ അന്നത്തെ ദിവസം ഭക്ഷണപ്പൊതിയിൽ അതേ ബിരിയാണി തന്നെയായിരിക്കും.

കൗണ്ടറിൽ വെക്കുന്ന ഭക്ഷണം തീരുന്നതനുസരിച്ച് വീണ്ടും അവ ഫിൽ ചെയ്യുകയാണ് ചെയ്യുന്നത്. കഴിക്കുന്ന ഭക്ഷണമല്ലേ, സുരക്ഷാ കാരണങ്ങൾ മുൻനിർത്തി കൗണ്ടറിൽ സിസിടിവി വെച്ചിട്ടുണ്ട്. ഉച്ചയ്ക്ക് രണ്ടുമണി വരെ എന്തായാലും കൗണ്ടറിൽ ഭക്ഷണം ഉണ്ടായിരിക്കും. ഇനി അഥവാ രണ്ടു മണിയ്ക്ക് ശേഷമാണ് ആരെങ്കിലും വിശന്നു വരുന്നതെങ്കിൽ അവർക്കുള്ള ഭക്ഷണം വീടിനകത്ത് തയ്യാറായിരിക്കും.

ഒരാൾക്ക് ഒരു പൊതി എന്ന നിലയിലാണ് ഭക്ഷണം വിതരണം ചെയ്യുന്നത്. അർഹതയുള്ളവർക്കു മാത്രം എടുക്കാം. ഒരേയൊരു ഡിമാൻഡ് – ഈ സൗകര്യം ആരും ദുരുപയോഗം ചെയ്യരുത്. കൊടുങ്ങല്ലൂരിനടുത്ത് പുല്ലൂറ്റ് എന്ന ഗ്രാമത്തിൽ ഇനി ഭക്ഷണം കിട്ടാതെ വിശന്നിരിക്കുന്ന പാവപ്പെട്ടവർ ആരും തന്നെ ഉണ്ടാവില്ല. പ്രവാസ ജീവിതം മതിയാക്കി നാട്ടിൽ എത്തിയ ഇദ്ദേഹം ഇപ്പോൾ നമുക്ക് ഏവർക്കും മാതൃകയായിരിക്കുകയാണ്.

ഖാദർ ഭായിക്ക് എറണാകുളത്ത് ഒരു ഹോട്ടലുണ്ട്. അതിൽ നിന്നും കിട്ടുന്ന ലാഭവിഹിതമാണ് ഈ അന്നദാനത്തിനായി വിനിയോഗിക്കുന്നത്. തീർച്ചയായും പറയാം, ഖാദർഭായി ചെയ്യുന്ന ഈ നന്മപ്രവൃത്തിയ്ക്ക് ഒരിക്കലും വിലയിടാനാകില്ല. കേട്ടിട്ടില്ലേ, ചിലപ്പോൾ ദൈവം മനുഷ്യരുടെ രൂപത്തിലും നമുക്കു മുന്നിലെത്തുമെന്ന്. അങ്ങനെ നേരിൽക്കണ്ട ഒരു ദൈവത്തിന്റെ പ്രതിരൂപമാണ് ഞാവേലിപ്പറമ്പിൽ അബ്ദുൽഖാദർ എന്ന ഖാദർ ഭായി. ഫോൺ: 9995101373.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post