പട്ടായയിലെ ഒരു അത്ഭുത ക്ഷേത്രം – നാളെ ചിലപ്പോ ഇതാകാം ഒരു ലോകാത്ഭുതം

Total
11
Shares

കഴിഞ്ഞ ദിവസം അല്‍കസാര്‍ ഷോയൊക്കെ കാണുവാന്‍ പോയ ക്ഷീണമെല്ലാം ഉറങ്ങിത്തീര്‍ത്ത് രാവിലെ 9.30 മണിയോടെ ഉറക്കമെഴുന്നേറ്റു. വൈകിയതിനാല്‍ ഹോട്ടലിലെ പ്രഭാതഭക്ഷണം ഞങ്ങള്‍ക്ക് മിസ്സായി. ഹോട്ടലുകളില്‍ രാവിലെ 10 മണിക്കുശേഷം ബ്രേക്ക് ഫാസ്റ്റ് കിട്ടില്ല… ഞങ്ങള്‍ പുറത്ത് ഒരു ചെറിയ ഹോട്ടലില്‍ കയറി. ഹാരിസ് ഇക്കയ്ക്ക് പരിചയമുള്ള ഹോട്ടല്‍ ആയതിനാല്‍ ഞങ്ങള്‍ക്ക് നല്ലൊരു സ്വീകരണമാണ് അവിടെ ലഭിച്ചത്. കപ്പോക്കായ് എന്ന വിഭവമായിരുന്നു ഞങ്ങളുടെ അന്നത്തെ പ്രഭാതഭക്ഷണം. പച്ചരിച്ചോറും ബുള്‍സ് ഐയും ചിക്കന്‍ തുളസിയിലയിട്ടതുമെല്ലാം… അതാണു കപ്പോക്കായ്… നല്ല കിടിലന്‍ ഐറ്റമാണ് സാറേ… എന്നെങ്കിലും അവിടെ പോകുന്നുണ്ടെങ്കില്‍ ഇത് കഴിക്കാന്‍ മറക്കല്ലേ…

ഭക്ഷണത്തിനുശേഷം ഞങ്ങളുടെ അന്നത്തെ യാത്രയ്ക്കായുള്ള ആരംഭം കുറിച്ചു. ഞങ്ങളുടെ കാര്‍ ഹോട്ടലിനു മുന്നില്‍ എത്തിച്ചേര്‍ന്നു. പുതിയൊരു ഡ്രൈവര്‍ ആയിരുന്നു അന്നു കാര്‍ ഓടിച്ചിരുന്നത്. ആന്തോ എന്നായിരുന്നു ഡ്രൈവര്‍ ചേട്ടന്‍റെ പേര്. 11 മണിയായിട്ടും പട്ടായ നഗരം ഉറക്കമുണര്‍ന്നു വരുന്നേയുണ്ടായിരുന്നുള്ളൂ.. കാഴ്ചകളൊക്കെ കണ്ട് ഞങ്ങള്‍ പട്ടായയിലെ ഏറ്റവും മനോഹരമായ ബുദ്ധക്ഷേത്രത്തില്‍ എത്തിച്ചേര്‍ന്നു. ഇവിടേക്കാണ് ഇന്നത്തെ ഞങ്ങളുടെ ആദ്യ യാത്ര… സാങ്ച്വറി ഓഫ് ട്രൂത്ത്‌ എന്നാണ് ഈ ക്ഷേത്രത്തിന്റെ പേര്.. ഡ്രൈവര്‍ ആന്തോ ഞങ്ങള്‍ക്കായുള്ള ടിക്കറ്റുകളുമായി എത്തിച്ചേര്‍ന്നു.

അവിടെ കയറിക്കഴിഞ്ഞാല്‍ ആദ്യം ഒരു പാര്‍ക്ക് പോലെയുള്ള ഇടമാണ്. കുതിരസവാരി, മൃഗങ്ങള്‍ക്ക് തീറ്റ നല്‍കല്‍ എന്നിങ്ങനെയുള്ള ആക്ടിവിറ്റികള്‍ അവിടെ കാണാമായിരുന്നു. അങ്ങനെ ഞങ്ങള്‍ കാഴ്ചകളൊക്കെ കണ്ട് നടന്നു. അവസാനം ഒരു ബാല്‍ക്കണി വ്യൂവില്‍ എത്തിച്ചേര്‍ന്നു. അവിടെയതാ താഴെ എന്‍റെ കണ്ണുകളെ അമ്പരപ്പിച്ചുകൊണ്ട് നില്‍ക്കുകയാണ് സാങ്ച്വറി ഓഫ് ട്രൂത്ത്‌ എന്ന ഈ ക്ഷേത്രം.

ഈ ദേവാലയം മുഴുവൻ മരത്തിൽ ആണ് പണിതിരിക്കുന്നത്.. പ്രധാനമായും ബുദ്ധിസ്റ്, ഹിന്ദു വിഷയങ്ങളിലുള്ള ശില്പകലയാണ് ഇവിടെ ഉള്ളത്. ഇതിന്റെ ഗോപുരത്തിന് 105 മി. ഉയരം ഉണ്ട്. ഞങ്ങള്‍ താഴേക്ക് ഇറങ്ങി ക്ഷേത്രത്തിലേക്ക് നടന്നു. വര്‍ഷങ്ങള്‍ക്ക് മുന്‍പ് 1983 തുടങ്ങിയ ക്ഷേത്രത്തിന്‍റെ പണികള്‍ ഇതുവരെ പൂര്‍ത്തിയായിട്ടില്ലെന്നതാണ് മറ്റൊരു അത്ഭുതം. ഇപ്പോഴും പണികള്‍ നടക്കുന്നതിനാല്‍ ക്ഷേത്രത്തിലേക്കുള്ള സന്ദര്‍ശകര്‍ തലയില്‍ ഒരു ഹെല്‍മറ്റ് ധരിച്ചുവേണം പ്രവേശിക്കുവാന്‍. അതിനുള്ള ഹെല്‍മറ്റ് അവിടുന്ന് തന്നെ സൗജന്യമായി ലഭിച്ചു. ഹെല്‍മറ്റൊക്കെ വെച്ച് ഞങ്ങള്‍ ക്ഷേത്രത്തിലേക്ക് കയറി. വര്‍ണ്ണിക്കുവാന്‍ വാക്കുകള്‍ കിട്ടുന്നില്ല. അത്രയ്ക്ക് മനോഹരമാണ് അവിടം.

ഖമർ വാസ്തുവിദ്യ ശൈലി ആണ് ഈ ക്ഷേത്രം പണിയുവാന്‍ ഉപയോഗിക്കുന്നത്. അങ്കോർ കാലഘട്ടത്തിലെ പോലെ മരത്തിൽ കൊത്തുപണി ചെയ്ത ശിൽപ്പങ്ങൾ ഇവിടെ കാണാം. നാല് ഗോപുരങ്ങൾ ആണ് ഇതിനുള്ളത്. കംബോഡിയ, ചൈന, ഇന്ത്യ, തായ്‌ലൻഡ് എന്നിവിടങ്ങളിൽ നിലനിന്നിരുന്ന ബുദ്ധിസ്റ് – ഹിന്ദു പുരാണങ്ങളിലെ കഥകൾ ക്ഷേത്രത്തിന്‍റെ ചുവരുകളിലും മേല്‍ക്കൂരകളിലും കാണിച്ചിരിക്കുന്നു.

സത്യത്തില്‍ പട്ടായ സന്ദര്‍ശിക്കുന്ന നല്ലൊരു വിഭാഗം മലയാളികളും ഇവിടേക്ക് വരുന്നില്ലെന്നതാണ് മറ്റൊരു വസ്തുത. അധികമാര്‍ക്കും ഇങ്ങനെയൊരു ഇടത്തെക്കുറിച്ച് അറിവില്ലെന്ന് തോന്നുന്നു.

ക്ഷേത്രത്തിനകത്ത് കണ്ണുകളെ അദ്ഭുതം കൊള്ളിക്കുന്ന ഒത്തിരി കാഴ്ചകള്‍ കാണാനായി. വികലാംഗരായ ആളുകള്‍ക്ക് മുകളിലേക്ക് കയറുവാനായി നിര്‍മ്മിച്ചിരിക്കുന്ന തടി കൊണ്ടുള്ള ലിഫ്റ്റ്‌ മറ്റൊരു പുതുമയായി ഇവിടെ ഞാന്‍ കണ്ടു. ക്ഷേത്രത്തിനകത്ത് കയറിയപ്പോള്‍ കണ്ട മറ്റൊരു രസമെന്തെന്നാല്‍ പണം നല്‍കിയാല്‍ അവിടെ സജ്ജീകരിച്ചിരിക്കുന്ന രാജസിംഹാസനത്തില്‍ അവിടത്തെ രാജവേഷം ധരിച്ചിരുന്ന് നമുക്ക് ഫോട്ടോയെടുക്കുന്നതാണ്. ഞാനും എടുത്തു അത്തരത്തില്‍ ഒന്ന്. അതൊക്കെ എന്നും ഒരു ഓര്‍മ്മയല്ലേ… ഇങ്ങനെ എടുക്കുന്ന ഫോട്ടോകള്‍ നിമിഷനേരത്തിനകം അവര്‍ പ്രിന്‍റ് എടുത്ത് ഫ്രെയിം ചെയ്ത് നമുക്ക് നല്‍കും.

ക്ഷേത്രത്തിന്‍റെ പണികള്‍ ഇപ്പോഴും നടന്നുകൊണ്ടിരിക്കുകയാണ്. നമ്മുടെ നാട്ടില്‍ നിന്നും വ്യത്യസ്തമായി സ്ത്രീകളായ ആശാരിമാരും അവിടെ ജോലികളില്‍ സജീവമാണ്. 2050 ഓടെ ഈ ക്ഷേത്രത്തിന്‍റെ മുഴുവന്‍ പണികളും കഴിയുമെന്നാണ് വിശ്വസിക്കപ്പെടുന്നത്. എന്തായാലും ഭാവിയില്‍ ഇത് ലോകാത്ഭുതങ്ങളില്‍ ഒന്നാകുവാന്‍ സാധ്യതയുണ്ട്. അത്രയ്ക്ക് അത്ഭുതകരവും മനോഹരവുമാണീ ക്ഷേത്രവും ശില്പകലകളും ഒക്കെ… ഇനി പട്ടായയില്‍ വരുന്ന മലയാളികളാരും തന്നെ ഇവിടെ സന്ദര്‍ശിക്കാതെ തിരികെ വരരുതേ എന്നുള്ള അഭ്യര്‍ത്ഥനയോടെ ഞങ്ങള്‍  സാങ്ച്വറി ഓഫ് ട്രൂത്ത്‌ എന്നയീ അത്ഭുത ഇതിഹാസത്തോട് വിട പറയുകയാണ്‌… ഇനി അടുത്ത എപ്പിസോഡ് വീഡിയോയുമായി ഞങ്ങള്‍ വീണ്ടും വരാം…

തായ്‌ലൻഡ് പാക്കേജിനായി ഹാരിസ് ഇക്കയെ വിളിക്കാം. ടെക് ട്രാവൽ ഈറ്റ് പ്രേക്ഷകർക്ക് സ്‌പെഷ്യൽ ഡിസ്‌കൗണ്ടും ഉണ്ടാകും: 9846571800

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post