ഇന്ത്യാ – പാക് യുദ്ധം നടന്ന പ്രദേശത്തു കൂടിയുള്ള അവിസ്മരണീയമായ കാർഗിൽ യാത്ര

Total
128
Shares

ശ്രീനഗറിൽ നിന്നും സോചിലാ പാസ്സിലൂടെ ഞങ്ങൾ കാർഗിലിലേക്കുള്ള യാത്ര തുടർന്നു. മഞ്ഞുമലകൾക്കിടയിലൂടെയായിരുന്നു ഞങ്ങൾ പൊയ്‌ക്കൊണ്ടിരുന്നത്. മുൻപ് ബ്ലോക്കിൽപ്പെട്ടതിനാൽ ഞങ്ങൾക്ക് ഭക്ഷണമൊന്നും ശരിക്കു കഴിക്കുവാൻ സാധിച്ചിരുന്നില്ല. അങ്ങനെ സോചിലാ പാസ്സിൽ വഴിയരികിൽ ഒരു ചെറിയ തട്ടുകട സെറ്റപ്പ് കണ്ടതോടെ ഞങ്ങൾ അവിടെ വണ്ടി നിർത്തി.

മാഗി ന്യൂഡിൽസ് ആയിരുന്നു അവിടെ വിശപ്പടക്കുവാനായി ഉണ്ടായിരുന്നത്. ഇനിയങ്ങോട്ടു മാഗി തന്നെയായിരിക്കും ഞങ്ങളുടെ ഭക്ഷണം എന്നോർത്തുകൊണ്ട് ഞങ്ങൾ അവിടെ നിന്നും അതു വാങ്ങിക്കഴിച്ചു. നല്ല ശക്തിയേറിയ കാറ്റും തണുപ്പും ഉണ്ടായിരുന്നതിനാൽ ആ മാഗി ന്യൂഡിൽസിന് വല്ലാത്തൊരു രുചി ഞങ്ങൾക്ക് അനുഭവപ്പെട്ടു. ജീവിതത്തിൽ കഴിച്ചതിൽവെച്ച് ഏറ്റവും രുചികരമായ മാഗി ഇതാണോയെന്നു ഞങ്ങൾക്ക് തോന്നിപ്പോയി. കാരണം ഞങ്ങളുടെ അവസ്ഥയും അങ്ങനെയായിരുന്നു.

ന്യൂഡിൽസ് കഴിച്ചെഴുന്നേറ്റു കഴിഞ്ഞപ്പോൾ അന്തരീക്ഷത്തിലെ കാറ്റിന്റെ ശക്തി വല്ലാതങ്ങു കൂടി. എന്താണ് സംഭവിക്കുന്നതെന്നറിയാതെ ഞങ്ങൾ പതറി നിൽക്കുമ്പോൾ, നേരത്തെ ഞങ്ങളിരുന്നു ഭക്ഷണം കഴിച്ച ആ കടയുടെ ഭാഗങ്ങളും കസേരകളുമൊക്കെ കാറ്റിൽപ്പറന്നു തെറിച്ചുപോയി. പാവം കടക്കാരന് ഒറ്റയ്ക്ക് അതൊന്നും ശരിയാക്കുവാൻ പറ്റുന്നുണ്ടായിരുന്നില്ല. ഞങ്ങളെല്ലാം അയാളെ എല്ലാം പെറുക്കിയെടുക്കുവാനും കട നേരെയാക്കുവാനുമൊക്കെ സഹായിച്ചു. ഈ സമയം തണുപ്പ് വല്ലാതങ്ങു കൂടി. അതോടെ ഞങ്ങൾ വേഗം കാറിൽക്കയറി അവിടെ നിന്നും രക്ഷപ്പെട്ടു.

പിന്നീട് പോകുന്ന വഴിയിൽ സോചിലാ വാർ മെമ്മോറിയൽ എന്നൊരു സംഭവം കണ്ടു. അവിടെ ഞങ്ങൾ ഇറങ്ങി. 1947 ൽ നടന്ന ഇന്ത്യ – പാക്കിസ്ഥാൻ പോരാട്ടത്തിൽ ജീവൻ ത്യജിച്ച ജവാന്മാരുടെ സ്മരണയ്ക്കായാണ് ഈ വാർ മെമ്മോറിയൽ അവിടെ സ്ഥാപിച്ചിരിക്കുന്നത്. രാജ്യത്തിനു വേണ്ടി വീരമൃത്യു വരിച്ച ജവാന്മാരുടെ സ്മരണയ്ക്കു മുന്നിൽ ഞങ്ങൾ അൽപ്പസമയം അവിടെ മൗനത്തോടെ പ്രാർത്ഥിച്ചു. ശരിക്കും മനസിന് വല്ലാത്തൊരു വിഷമം തോന്നിപ്പിക്കുന്ന ഒരു സന്ദർഭമായിരുന്നു അത്.

സോചിലാ വാർ മെമ്മോറിയലിന്റെ പരിസരങ്ങളിലൊക്കെ ധാരാളം ചെമ്മരിയാടുകൾ മേഞ്ഞു നടക്കുന്നുണ്ടായിരുന്നു. വാഹനങ്ങൾ പാർക്ക് ചെയ്യുന്നതിനും ടോയ്‌ലറ്റിൽ പോകുന്നതിനുമൊക്കെയുള്ള സൗകര്യങ്ങൾ അവിടെയുണ്ട്. കൂടാതെ ‘ഗുമ്രി കഫെ’ എന്ന പേരിൽ ഒരു ചെറിയ കഫെ അവിടെയുണ്ടായിരുന്നു. ഇന്ത്യൻ സൈന്യം നടത്തുന്ന കഫെ ആയിരുന്നതിനാൽ അവിടെ എല്ലാ വിഭവങ്ങൾക്കും വളരെ വിലക്കുറവായിരുന്നു. അങ്ങനെ പട്ടാളക്കാർ വിളമ്പിത്തന്ന ഭക്ഷണവും കഴിച്ചു സന്തോഷത്തോടെ ഞങ്ങൾ വീണ്ടും കാർഗിൽ ലക്ഷ്യമാക്കി പാഞ്ഞു.

വഴിയരികിൽ നിറയെ മഞ്ഞുവീണു കിടക്കുന്നുണ്ടായിരുന്നു. എമിലിന് അതുകണ്ടപ്പോൾ വളരെ സന്തോഷവും സമാധാനവുമായി. കാശ്മീരിൽ കയറിയതു മുതൽ എമിലിന് മഞ്ഞുമല കാണണം, മഞ്ഞിൽ തൊടണം എന്നൊക്കെയുള്ള മോഹങ്ങളായിരുന്നു. ഒടുവിൽ അത് സഫലമായിരിക്കുകയാണ്. പോകുന്ന വഴിയിൽ ഒരിടത്ത് മലമുകളിൽ നിന്നുള്ള ശുദ്ധമായ ജലം വീഴുന്ന ഒരു സെറ്റപ്പ് കണ്ടു. ഞങ്ങൾ അതിനടിയിൽ കൊണ്ടുചെന്നു വണ്ടി നിർത്തി. അതോടെ വണ്ടിയുടെ മേൽ ഉണ്ടായിരുന്ന പൊടിയെല്ലാം പോയി. അവിടെ നിന്നും പിന്നെയും മുന്നോട്ടു പോയപ്പോൾ കാർഗിലിലേക്ക് 84 കിലോമീറ്റർ കൂടിയുണ്ട് എന്ന ബോർഡ് കണ്ടു. അപ്പോൾ വൈകുന്നേരം ആറുമണി കഴിഞ്ഞിരുന്നുവെങ്കിലും ഒരു മൂന്നു മണിയുടെ അന്തരീക്ഷമായിരുന്നു അവിടെ.

കാർഗിലിനു ഏകദേശം 40 കിലോമീറ്റർ മുൻപായി ദ്രാസ് എന്ന സ്ഥലത്തു ഞങ്ങൾവണ്ടി നിർത്തി. അവിടെയാണ് കാർഗിൽ വാർ മെമ്മോറിയൽ സ്ഥിതി ചെയ്യുന്നത്. 1999 ൽ നടന്ന ഇന്ത്യ – പാക് കാർഗിൽ യുദ്ധത്തിൽ വീരചരമമടഞ്ഞ ജവാന്മാരുടെ സ്മരണയ്ക്കായാണ് ഈ വാർ മെമ്മോറിയൽ. അവിടെ ചുറ്റിനും നല്ല മനോഹരമായ കാഴ്ചകൾ ആയിരുന്നിട്ടും നമ്മുടെ രാജ്യത്തിനായി ജീവത്യാഗം ചെയ്ത ജവാന്മാരുടെ ഓർമ്മകൾക്കു മുന്നിൽ അതൊന്നും വലുതായി തോന്നിയിരുന്നില്ല. യുദ്ധത്തിൽ വീരമൃതു വരിച്ച പട്ടാളക്കാരുടെ പേരുകൾ അവിടെ ഓരോരോ ഫലകത്തിലായി കൊത്തിവെച്ചിട്ടുണ്ടായിരുന്നു. ഞങ്ങൾ അവിടെ കുറച്ചു സമയം ചെലവഴിച്ചതിനു ശേഷം വീണ്ടും കാർഗിൽ ലക്ഷ്യമാക്കി യാത്ര തുടർന്നു.

പിന്നീടുള്ള യാത്രയിൽ അതുവരെ ഉണ്ടായിരുന്ന കളിയും ചിരിയുമൊന്നും ആരുടെ ഭാഗത്തു നിന്നും ഉണ്ടായിരുന്നില്ല. എല്ലാവരുടെയും മനസ്സിൽ കാർഗിൽ യുദ്ധവും, അതിൽ മരണമടഞ്ഞ നമ്മുടെ ജവാന്മാരുടെ ഓർമ്മകളും, വാർ മെമ്മോറിയലിൽ കേട്ട വിഷമം തോന്നിപ്പിക്കുന്ന പാട്ടുമൊക്കെയായിരുന്നു.

അങ്ങനെ ഒടുവിൽ രാത്രിയോടെ ഞങ്ങൾ കാർഗിലിൽ എത്തിച്ചേർന്നു. ‘സുരു വ്യൂ’ എന്നുപേരുള്ള ഒരു ഹോട്ടലിൽ ഞങ്ങളുടെ ഒരു സുഹൃത്ത് മുഖേന കുറഞ്ഞ റേറ്റിൽ റൂം റെഡിയാക്കിയിരുന്നു. ഇത്രയും ദൂരം യാത്ര ചെയ്തു ക്ഷീണിച്ചതിനാൽ പെട്ടെന്ന് ഡിന്നർ കഴിച്ചതിനു ശേഷം ഞങ്ങളെല്ലാം ലൈറ്റുകളണച്ചുകൊണ്ട് ഉറങ്ങാൻ കിടന്നു. ആ തണുത്ത രാത്രിയിലും, ഇരുളിൻ്റെ വന്യതയെ കീറി മുറിച്ചുകൊണ്ട് നേരത്തെ വാർ മെമ്മോറിയലിൽ കേട്ട ആ ഗാനം ഞങ്ങളുടെ ചെവിയിൽ അലയടിക്കുന്നതായി ഒരു തോന്നൽ…

Our Sponsors: 1) Dream Catcher Resort, Munnar: 9745637111. 2) SR Jungle Resort, Anaikatty: 9659850555, 8973950555. (Follow to get discounts: https://www.instagram.com/sr_jungle_resort_coimbatore/). 3) Goosebery Mens Apparel: http://goosebery.co.in(TECHTRAVELEAT എന്ന കൂപ്പൺ കോഡ് ഉപയോഗിച്ചാൽ 25% ഡിസ്‌കൗണ്ട് ലഭിക്കും). 4) Rotary Club Kochi United. 5) DBS Automotive: 97452 22566. 6) Kairali Ford: 81380 14455. Special Thanks to 1) Le Meridien, Kochi. 2) Redband Racing, Thrissur. 3) Nexus Communication, Penta Menaka, Kochi. 4) Royalsky Holidays – 9846571800.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post

തിരുവനന്തപുരത്തു നിന്നും ഒരു മണിക്കൂര്‍ കൊണ്ട് കാണാം ഈ വെള്ളച്ചാട്ടങ്ങള്‍…

മനസ്സു കുളിര്‍പ്പിക്കാന്‍ ഏതെങ്കിലും സ്ഥലങ്ങളിലേക്ക് യാത്ര പോകുവാന്‍ പ്ലാന്‍ ചെയ്യുന്നവരാണ് പലരും. അങ്ങനെയെങ്കില്‍ അധികമാരും അറിയാത്ത… തിരുവനന്തപുരത്തു നിന്നും ഒരു മണിക്കൂര്‍ മാത്രം യാത്രയുള്ള ഈ വെള്ളച്ചാട്ടങ്ങള്‍ ഒന്ന് സന്ദര്‍ശിച്ചാലോ? തൃപ്പരപ്പ് വെള്ളച്ചാട്ടം : തിരുവനന്തപുരത്തു നിന്നും 55 കിലോമീറ്റര്‍ മാത്രം…
View Post

ലണ്ടനിൽ നിന്നും ഇന്ത്യയിലെ കൽക്കട്ടയിലേക്ക് ഒരു ബസ് സർവ്വീസ്

ലോകത്തിലെ ഏറ്റവും നീളമുള്ള ബസ് റൂട്ട് ഏതായിരിക്കും? ഇപ്പോൾ സർവ്വീസ് നടത്തുന്നില്ലെങ്കിലും, ഇംഗ്ലണ്ടിലെ ലണ്ടനിൽ നിന്നും നമ്മുടെ ഇന്ത്യയിലെ കൽക്കട്ടയിലേക്ക് ഉണ്ടായിരുന്ന ബസ് സർവ്വീസ് ആണ് ലോകത്തിലെ ഏറ്റവും ദൈർഘ്യമേറിയ ബസ് റൂട്ടായി കണക്കാക്കപ്പെടുന്നത്. 1957 ലാണ് ലണ്ടൻ – കൽക്കട്ട…
View Post